ما هب مميزات و عيوب اسبيرانزا a113 ؟؟

[bebo382]

اولا انا حاسس ان قسم a113 نايم اوي
ثانيا شكرا لجميع ارائكم
ثالثا انا بفكر بجدية خصوصا انها واسعة و سمعت ان استهلاك البنزين معقول (بس عايز اتأكد )
رابعا عايز اعرف اخبار قطع الغيار ايه ؟

[katoba]

كل سنة وانتم طيبين ياشباب ورمضان كريم وكل العربيات حلوة سواء افيو او اسبيرانزا وكل حاجة ليها عيوبها الخاصة وطبعا التقيل المصرى زى مانتوا فاهمين لازم يطلع فية العجب وفى النهاية عاوز اذكر موقف بسيط ذكرته من قبل كدة
وهوا ان واحد قالى مرة اشترى افيو ومتشتريش اسبيرانزا لان الافيو برغم كل عيوبها مش هيتقال انك راكب صينى ............... بصراحة منطق غريب جدا والغريب انى مسمعتش كلامه وجبت الصينى يمكن اكون رميت فلوسى عالارض ؟؟ .. ياباشا باختصار شديد كل الى جابوا الصينى دى كانت امامهم اختيارات كتيرة غير صينية واختاروا الصينى لانهم شافوا انه الافضل او على الاقل من وجهة نظرهم .

[hemaa_82]

بس علي فكرة هوه معاه حق بس من وجهة نظره

انا اختي رفضت تشتري زيي m11 و راحت جابت فيرنا فول اوبشن ...الي هية :الاوبشن يعني: لمبة ستوب في الازاز+ دراع في جنب كرسي السواق+ زجاج كهربا+ cd+ طاسات عجل تقريبا ...و فتح الشنطة من جوه
في حين ان مفيش شبورة ... مفيش abs ...مفيش جنوط اسبور..مفيش ريموت شنطة..مفيش نور اوتوماتيك ولا مساحات اوتوماتيك .... مفيش قعدة مريحة زي الي في M11..????
بس علشان دكتورة في الجامعة و شايفة ان عيب تركب حاجة صيني :)

ربنا يهدي

[drmagieed]

بس علي فكرة هوه معاه حق بس من وجهة نظره

انا اختي رفضت تشتري زيي m11 و راحت جابت فيرنا فول اوبشن ...الي هية :الاوبشن يعني: لمبة ستوب في الازاز+ دراع في جنب كرسي السواق+ زجاج كهربا+ cd+ طاسات عجل تقريبا ...و فتح الشنطة من جوه
في حين ان مفيش شبورة ... مفيش abs ...مفيش جنوط اسبور..مفيش ريموت شنطة..مفيش نور اوتوماتيك ولا مساحات اوتوماتيك .... مفيش قعدة مريحة زي الي في m11..????
بس علشان دكتورة في الجامعة و شايفة ان عيب تركب حاجة صيني :)

ربنا يهدي

لاء يا باشا والله أساتذة كتير في الجامعة معاهم إسبرانزا ... إمكانيات وكماليات عالية بسعر معقول... المشكلة يا جماعة إن كنت في كندا فترة من 2000-2006 والمنتجات الصيني مغرقة الأسواق بس الجودة أية والله عندي لعب أطفال وملابس وأجهزة كهربائية ولاب توب صيني بقالهم معايا 12 سنة والجودة عالية ... الإسبرانزا أول ما بدأت وكانت بتيجي تفقيل صيني كانت ممتازة عن المصري زيها زي الأفيو والفيرنا وغيرها ... المشكلة في الوكيل المصري بيقلل من إمكانيات العربية وجودة التصنيع علشان يحقق أعلي ربح من المستهلك المصري إللي مالوش حد يجيب له حقة ... وفعلا أن راجعت مشاركتي وأنا فعلا أسف لأني كتبت أصلها صيني من اللألف للياء ودي مغالطة كبيرة لما فكرت فيها لقيت حكم غير سليم ومش موضوعي ... وكل سنة وإنتم طيبين ورمضان كريم

[abu asmaa]

الاسبرانزا يا جماعة ولا ال بي واي دي انهم احلي وليه ال بي واي دي مش منتشرة زي الاسبرانزا--حد يجاوبني

[Land_Cruiser]

انا شايف ان سعرها مناسب جداً لامكانياتها و مفيش حد تقريبا بينافسها بالسعر ده عربيه ١٣٠٠ سى سى و فيها abs و ايرباجز واستهلاك ها للبنزين معقول و تقريبا كل مشاكلها جايه من التقفيل المصرى مع الاسف و الألم و ان. كانت الحكايه دى برضه بتختلف من عربيه للتانيه . يعنى العيوب اللى موجوده فى عربيه ممكن ما تلاقيهاش فى عربيه تانيه نفس الموديل و مثيلاتها من الماركات التانيه اللى بمواصفات قريبه تلاقيها اغلى نصف التمن . هى بس مش عربيه اسره لانها هاتشباك لكنها مش ضيقه من جوه على فكره و تكييفها كويس و تؤدى الغرض المطلوب منها و طول ما بتعملها الصيانه فى مواعيدها و بتستخدم قطع غيار اصليه بتفضل بحالتها و هى تناسب استخدام شاب فى الجامعة او سيده و لو لأسره تبقى سياره تانيه فى البيت يعنى سياره الزوجه مثلا و اعتقد حكايه بلد الصنع دى بقت قديمه قوى ( نفس الكلام ده اتقال برضه على اليابانى و الكورى اول ما طلعوا) و الصين تقريبا بتصنع كل حاجه حوالينا دلوقتى و العبره بمدى ملائمه الحاجه اللى بنشتريها لمتطلباتنا و ميزانياتنا مش العلامه اللى ملزوقه على العربيه

[hugan]

انا شايف ان سعرها مناسب جداً لامكانياتها و مفيش حد تقريبا بينافسها بالسعر ده عربيه ١٣٠٠ سى سى و فيها abs و ايرباجز واستهلاك ها للبنزين معقول و تقريبا كل مشاكلها جايه من التقفيل المصرى مع الاسف و الألم و ان. كانت الحكايه دى برضه بتختلف من عربيه للتانيه . يعنى العيوب اللى موجوده فى عربيه ممكن ما تلاقيهاش فى عربيه تانيه نفس الموديل و مثيلاتها من الماركات التانيه اللى بمواصفات قريبه تلاقيها اغلى نصف التمن . هى بس مش عربيه اسره لانها هاتشباك لكنها مش ضيقه من جوه على فكره و تكييفها كويس و تؤدى الغرض المطلوب منها و طول ما بتعملها الصيانه فى مواعيدها و بتستخدم قطع غيار اصليه بتفضل بحالتها و هى تناسب استخدام شاب فى الجامعة او سيده و لو لأسره تبقى سياره تانيه فى البيت يعنى سياره الزوجه مثلا و اعتقد حكايه بلد الصنع دى بقت قديمه قوى ( نفس الكلام ده اتقال برضه على اليابانى و الكورى اول ما طلعوا) و الصين تقريبا بتصنع كل حاجه حوالينا دلوقتى و العبره بمدى ملائمه الحاجه اللى بنشتريها لمتطلباتنا و ميزانياتنا مش العلامه اللى ملزوقه على العربيه

[bassemali]

3 صفحات لغاية دلوقت وماحدش رد ع الراجل ... بص أنا مااعرفش حاجه عن ال 113 أنا معايا 516 وبصراحه عربيه ممتااااااااااازه رغم بعض عيوب التجميع المصري اللي في بعض الحيان بترفع الضغط ... لكن كل العربيات كده أخويا معاه بروتون ساجا ... وبعد ماجابها بشهرين غير 3 مساعدين وبعدين رجع غيرهم تاني وبعدين غيرهم تالث ... وبعدين غير تيل وطنابير ضمان ورجع غيرهم تااااااااااني ... وجوز اخت مراتي معاه نيسان صني وبعد ماجابها غير ضفيره كهربه ... يعني كله وله عيوبه .

[bebo382]

3 صفحات لغاية دلوقت وماحدش رد ع الراجل ... بص أنا مااعرفش حاجه عن ال 113 أنا معايا 516 وبصراحه عربيه ممتااااااااااازه رغم بعض عيوب التجميع المصري اللي في بعض الحيان بترفع الضغط ... لكن كل العربيات كده أخويا معاه بروتون ساجا ... وبعد ماجابها بشهرين غير 3 مساعدين وبعدين رجع غيرهم تاني وبعدين غيرهم تالث ... وبعدين غير تيل وطنابير ضمان ورجع غيرهم تااااااااااني ... وجوز اخت مراتي معاه نيسان صني وبعد ماجابها غير ضفيره كهربه ... يعني كله وله عيوبه .

اكيد مفيش عربية كلها مميزات و اكيد مفيش عربية كلها عيوب ...بس السؤال .. هل a113 عيوبها تعتبر عيوب رئيسية او هامة ولا لأ !!

[bassemali]

اكيد مفيش عربية كلها مميزات و اكيد مفيش عربية كلها عيوب ...بس السؤال .. هل a113 عيوبها تعتبر عيوب رئيسية او هامة ولا لأ !!

بص مش هاقدر أفيدك في ديه لكن من خلال تجربتي لل516 أقدر أقولك عيوبها مش قويه وسهل تنتهي منها

[diaaredsea]

علي فكرة املك a113 من سنتين ونصف وعاملة 40 الف كيلو وقبل ما اشتريها سئلت كتير مما اشتروها قبلي وبعد ما ركبتها وتجاربي معها اقدر اقيم هذة العربية بكل موضوعية كما يلي :
1 - اولا شكلها الخارجي من احلي السيارات انسيابية مع اتساع ملحوظ في الصالون الداخلي عن غيرها من نوعية الهاتشباك .
2 - 1300 سي سي بماتور قوي 67 حصان مما اعطاها قوة بالنسبة لهاتشباك .
3 - العربية جراية علي الطريق ثبات قوي علي السرعات العالية يكفي اني سافرت بها علي 160 كيلو وانا مشغل التكييف ومحمل كمان .
4 - العربية يوجد بها كثير من الكماليات التي لا توجد في كل سيارة ثمنها اضعافها وغير انها فتيس يدوي لكانت لا بنقصها شيء .
5 - تقريبا العيب الملحوظ فيها هو المساعدين ناشفين شوية ولكن عن تغيرهم بنوع ياباني كويس او صيني بتكون روعة وانا غيرتهم فعلا .
6 - العربية عائلية الي معاه طفلين حتكون مناسبة جدا لكن شنطتها ضيقة شوية علي حساب الصالون طبعا
لكن بيتم التغلب علي ذلك بالبوكس الي بيتركب علي سقف العربية وقت الاحتياج .
7 - استهلاك البنزين داخلي من 190 الي 250 الصفيحة - سفر من 300 الي 340 وعن تجارب كتيره .
8 - علي فكرة مقاس الجنوط 14 .
9 - انا بعد 40 الف كيلو مشاء الله لم اغير شيء فيها غير مساعدين خلفي فقط .
10 - قطع الغير فعلا في البداية كانت مرتفعة جدا لكن الان رخيصة ومناسبة وارخص من 128 في حاجات كتير مثلا طقم المساعدين الخلفي kyb ياباني جبتهم بـ 240 جنية .
اخير العربية جميلة اواي ممتعة سعرها ممتاز مع ملاحظة ان سعرها زاد اخر سنة 9 الاف جنيه مرة واحدة لاكنها تستهل فعلا عن تجربة وربنا يكفينا شرها .

[khaled_Saga]

لاء يا باشا والله أساتذة كتير في الجامعة معاهم إسبرانزا ... إمكانيات وكماليات عالية بسعر معقول... المشكلة يا جماعة إن كنت في كندا فترة من 2000-2006 والمنتجات الصيني مغرقة الأسواق بس الجودة أية والله عندي لعب أطفال وملابس وأجهزة كهربائية ولاب توب صيني بقالهم معايا 12 سنة والجودة عالية ... الإسبرانزا أول ما بدأت وكانت بتيجي تفقيل صيني كانت ممتازة عن المصري زيها زي الأفيو والفيرنا وغيرها ... المشكلة في الوكيل المصري بيقلل من إمكانيات العربية وجودة التصنيع علشان يحقق أعلي ربح من المستهلك المصري إللي مالوش حد يجيب له حقة ... وفعلا أن راجعت مشاركتي وأنا فعلا أسف لأني كتبت أصلها صيني من اللألف للياء ودي مغالطة كبيرة لما فكرت فيها لقيت حكم غير سليم ومش موضوعي ... وكل سنة وإنتم طيبين ورمضان كريم

كلام جميل وسليم .. تحياتى

[M_SALLAM]

انا مركبتش العربية دى و لكن الصينى كله عامل زى البطيخة يا تطلع حمرا و اريحك العمر كله يا تطلع قرعة و تقرفك من اول يوم يعنى انا ليا واحد صاحبى معاه a516
موديل 2007 و بيقولى العربية جميلة جدا و انا ركبتها و فعلا العربية كانت محترمة من حيث عفشة و موتور و فتيس لكن الفرامل تعبانة و واحد صاحبى تانى جاب العربية و كانت موديل 2010 و لما ركبتها حسيت ان العفشة مخلعة من بعضها و كان السحب ضعيف جدا و غربلة على الطريق بعد 100 و كدة يعنى ..

فعلشان كدة ابعد عن العربية و اعتقد ان العربية بقت بـــــ 58 الف دلوقتى فــــ المبلغ دة يجبلك لانوس 2011 محترمة جدا ..

[abdulhafeez]

انا معايا a516 من سنتين واشترينا a113 مستعملة من شهر كده ...... طبعا ما ينفعش تقارن اللي اتنين ببعض علشان دي عربية صغيرة والتانية عربية عائلية .... لكن بشكل عام عربية حلوة .. انا شايف مشاكلها في العفشة زي اي عربية اسبيرانزا العربية بتدبدب علشان المساعدين مش كفائة مع انها مساعدين جديدة وده عيب صناعة بشكل عام عند شيري .... انا سقت العربية على 140 واكتر وبصراحة مع انها صغيرة لكن ثابتة زي الكبيرة تقريبا ( بس دي كاوتشها اعرض شوية 185 60 14 بينما المقاس الاصلي بيكون 175 60 14 ) ...
اكتر حاجة خنقاني فيها حاجتين صوت الماتور عالي لحد سرعة 120 وبعد كده صوته بيتغير وبيكون اهدأ تماما ( حاجة غريبة بصراحة المفروض ان صوت الماتور يبقى اعلى)
تاني حاجة دواسة الدبرياج مكانها رخم شوية ومش مريحة زي العربية الكبيرة

اللي عجبني فيها تكيفها حلو بصراحة ... القاعدة مريحة والعربية واسعة رغم حجمها الصغير .. حتى اللي قاعد ورا مش مزنوق ... اتزانها كويس مقارنة بحجمها ... الفرامل ممتازة ..آخر حاجة ممكن تركنها في اي حتة بكل سهولة .... كمان سعرها مستعمل كويس (( اللي اشتريناها كانت موديل 2008 ماشية 76 الف كانت ب 31 الف بس من صاحب اخويا

[abdulhafeez]

لكن نصيحتي ليك
اولا: لو انت كنت بتركب عربيات كبيرة يعني زي a516 ومثيلاتها العربية دي مش هتعجبك ... لكن لو انت اول مرة تركب عربيات او كنت بتركب عربيات صغيرة العربية دي هتكون بالنسبة ليك تحفة ورائعة ...

ثانيا : لو استخدامك عنيف .. يعني مش بتعتبر المطبات دي عوائق وعادي يعني لو كلتلك مطب على سرعة عالية ..مش بيهمك الكسور في الارض والكلام ده زي حالاتي وبتحب تمشي بسرعات عالية اكتر من 140 وتاخد ملفات جامد ( يعني من الآخر غشيم سواقة ) العربيات الصغيرة كلها مش هتنفعك حتى لو كانت كيا او تويوتا لان كل عربية ليها طريقة استخدامها

ثالثا : لو هتشتريها زيرو انصحك انك تجيب بتمنها a516 كسر زيرو هتكون بنفس الثمن تقريبا او m11 ( انا ماجربتش m11 بس عجباني )

من الآخر انت هتستخدم العربية في ايه ؟؟؟
آسف للاطالة