ما هب مميزات و عيوب اسبيرانزا a113 ؟؟

[may_moon911]

انا الحاجة الوحيده اللي سمعت عنها فيها ان الفتيس حركته ناشفه شويه بس دا كلام من واحد ما بيعرفش يسوق الا من شهرين و اتعلم علي 128 و معاه عربيه تانيه اوبل اوتوماتيك يعني مالوش ف الفتايس :D

عامة اي عربيه يا تطلع حلوه يا تطلع وحشه .. انا لسه جايب الm11 و الناس قعدت تقول وحشه و المساعدين مش عارف مالهم و العدادات بتنور لوحدها و اي كلام ف ودان علام و مش هقول لسيادتك ما شاء الله العربيه تحفه و مافيهاش حاجة من اللي قالو عليها غير مشكله التسقيف .... يعيب الa113 حاجة واحده ان الجديد سعرو ارتفع جامد .. بقت ب 58 الف و اعتقد دا سعر مبالغ فيه جدا جدا ... في الليفان تقليد الميني توكيل ابو السعود دا ولا اسمو ايه بتاع نيسان و ب57 الف و اكبر و شكلها احلي و لك حريه الاختيار ولازم تجرب عربيه فيهم الاول حتي لو اجرتها من معرض يوم ولا حاجة و ف الاخر استخير ربنا للي فيه الخير و محدش يقولك صيني .. انتا شوف العربيه هتناسبك ولا لا الاول و بعدين شوف قطع الغيار و الانتشار و بعدين قرر بقي و اعتقد العربيه تكسب الا ف السعر المبالغ فقط

[abdulhafeez]

مع احترامي لكلام حضرتك .... بس انا شايف فتيس a113 انعم من فتيس a516 ده عن تجربة
وبعدين موضوع النعومة ده هتتعود عليه بسرعة ومش هتحس بفرق زي الناس الي بتسوق ميكروباص الترمكو مش بيتاثر خالص بتقل الفتيس ولا كانه فارق معاه

[may_moon911]

مع احترامي لكلام حضرتك .... بس انا شايف فتيس a113 انعم من فتيس a516 ده عن تجربة
وبعدين موضوع النعومة ده هتتعود عليه بسرعة ومش هتحس بفرق زي الناس الي بتسوق ميكروباص الترمكو مش بيتاثر خالص بتقل الفتيس ولا كانه فارق معاه

والله بحب الاخد و الرد ف الكلام لان دا بيفيد الجميع بس انا ما اقصدش خالص ان الفتيس وحش انا اصلا قولت اني ما سوقتهاش و اللي ساقها قالي كدا بالرغم من انه مش بيعرف يسوق .. انا معايا الm11 دي اللي اتكلم عليها و فتيسها ناعم و جميل جدا و معايا القديمه كيا برايد فتيس يطلع عين الواحد لا التاني بييجي ولا مرشدير ولا اي حاجة تقريبا هههههههه بس هو شغال عادي بس بيحب اللي يتخانق معاه

و مع ذلك متعود عليه و بعرف ازاي اجيب فيه الغيار و اعمل كل اللي انا عايزو يعني المساله تعود مش اكتر و انا قولت انصح باللي سمعتو لعل و عسي يفيد الاستاذ صاحب الموضوع و لك مني جزيل الشكر و خالص التحيه