اقتراح وأرجو المشاركة !! (وائل عطية)

[وائل عطية]

هذا الاقتراح خاص بأصحاب الاسبيرانزا فقط
واضح إن التوكيل بيأجل في موضوع تغيير التيل لغاية لما الناس تضطر تغيره على حسابها ..أنا أعرف صديق من خارج المنتدى غيره فعلاً على حسابه
حضراتكم موافقين على كده؟
-أكيد لأ طبعاً
- طيب إيه الحل؟
- نضغط عليهم شوية
- إزاي؟
- أقترح إن كل واحد فينا يكثف اتصالاته بالصحراوي وبجسر السويس وبخدمة عملاء أبو الفتوح ويتكلم في اليوم الواحد أكثر من مرة لسؤالهم عن هذا التغيير ونقل الاستياء (حتى ولو بالمبالغة) بالإضافة لعمل نفس الشيئ عند الذهاب إلى التوكيل لأي سبب وأيضاً من وقته يسمح ويستطيع الذهاب إلى أي من المركزين لهذا الغرض فليفعل ذلك مشكوراً

أرجو المشاركة وعرض الاقتراحات ياجماعة ..
المفروض نبدأ نعمل حاجة ملموسة حتى ولو إننا هانبدأ بوجع دماغهم بالتليفونات (وطبعاً بأكد على طلب التحدث للمسئول وليس لموظفة التليفون أو حتى لموظفي الاستقبال ذوي الكلام المعسول).

[معاذ الشرباصى]

انا مش من الملاك

بس شايف ان احسن وسيلة للضغط هى المركز المصرى لحماة المستهلك

الخط الساخن هو: 19588

ممكن دى تبقى بداية الضغط على التوكيل, و علشان يعرف ان فى تاس مش هتسيب حقها اطلاقا

و اظن لما يوصل 50 شكوى للمركز على الاقل من رواد الموقع هيبقى فى نتيجة ايجابية

[tarek2]

أسـتاذ / وائـل

أنا معـاك فى كـل مـا ذكـرتـه ، بس مش ده الحـل اللى ممكن يجـيـب نـتـيـجـة ولو تـفـتـكـر أننا أتـفـقـنـا أننا يـجـب أن نـرشـح
من يمثلـنـا ويتـكـلم بأسـم الرابـطـة وكنت قد أقـتـرحت أن خـيـر من يمـثـلنـا فى توكـيـل الصـحـراوى - وائـل مصطـفى - كوماتشـوو ، وفى رأى الشـخـصى أن الأتـصـالات المـبـاشـــرة ممكن تجـيـب نتـيـجـة أســــــــرع وأحـســــــــن ... و شـكـرا

[وائل عطية]

ألف شكر ياأستاذ معاذ على اقتراحك وعلى رقم التليفون
ويكون الاتصال بالمركز المصرى لحماة المستهلك أحد الاتجاهات اللي نسلكها
منتظر ردود الاسبرانزاوية وكل واحد يقول عمل كام مكالمة
أوضح إن كل واحد مطلوب منه دلوقتي يعمل كل يوم كمية مكالمات تليفونية لهذه الجهات:
- المركز المصرى لحماة المستهلك
- توكيل جسر السويس
- توكيل الصحراوي
- خدمة عملاء أبو الفتوح
ياريت يكون في استجابة أكثر يا جماعة الموضوع مهم جداً

[وائل عطية]

أستاذ طارق
أنا ماقلتش إن دا هو الحل
أنا قلت دا أحد الوسائل للضغط يعني لما يلاقوا إن كل يوم جايلهم حوالي 200 : 300 مكالمة تحتوي على شكاوى يبقى دا بمثابة لفت نظر شديد لهم
والاتصال المباشر طبعاً لابد منه وأنا قلت في بداية الموضوع إن وقته يسمح يروح ويتكلم وكلنا نتكلم .. دا هايكون ضغط شديد عليهم كبداية لسلسلة من الإجراءات اللي نتخذها معاهم بناء على الاقتراحات وعلى سبيل المثال اقتراح أخونا معاذ الشرباصي بالاتصال بالمركز المصرى لحماة المستهلك
.. ولا رأي سيادتك إيه يا أستاذ طارق؟

[معاذ الشرباصى]

أننا أتـفـقـنـا أننا يـجـب أن نـرشـح من يمثلـنـا ويتـكـلم بأسـم الرابـطـة

شخص واحد ممكن ميبقاش كفاية فى وجهة نظرهم

يعنى العقلية المصرية يقولك انا ايه ضمنى انك تعرف كل دول؟
او بتتكلم عنهم بصفتك ايه؟
معاك توكيلات؟ خاصة ان الرابطة ملهاش صفة قانونية
هل الرابطة دى مشهرة او معترف بها من الجهات الحكومية

و غيره من المعوقات اللى مش هيلاقى اكتر منها علشان يتملص من الموضوع

و بعدين فى الاتحاد قوة يا استاذ طارق, يعنى كم هائل من المكالمات مع التهديد فى عدد قليل منها بالجوء للصحافة و القضاء و وزارة الصناعة اكيد هتجيب نتيجة ان شاء الله

[tarek2]

راى الشـخصى يا أسـتاذ / وائـل أن الشــكوى لجـهـاز حمـاية المسـتـهلك تـكـون بعد أسـتنفاذ الوسـائـل الأخـرى مع الوكـيـل وأحـداها بل أهـمـها الأتـصـال الشـخصـى .

[وائل عطية]

يا أستاذ طارق أفهم من كلام حضرتك إنك مش موافق إن الناس تتصل بالتوكيل كعنصر ضاغط؟؟

[memo_hefnawy]

الإتصال بالتوكيل و ذهاب 3 أفراد سويا لمقابلة مسؤول و أخذ منه موعد

لو قوبل هذا الكلام بميوعه و مماطله فى ساعتها الإتصال بحماية المستهلك

فو مش جاب نتيجة خلال 3 أيام

يتجمع مالا يقل عن 15 عربية سويا و يذهبوا للتوكيل مطالبين بتغيره فى الحال قوبل بالرفض = إيقاف العربيات ال 15 أمام مدخل الورشة فى التوكيل و قفل هذه العربيات و تعشيقها و مش متحركين إلا لما ناخد حقنا

ده الإسلوب الأفضل للتعامل مع التوكيلات المصرية

دى العقلية المصرية تخاف ماتختيشيش - حقك مش تمشى إلا ما تاخده

و لو تم ده مره تأكد إن هايتعمل حساب للرابطة و أعضائها ألف مره و عن تجربه

[وائل عطية]

أنا متفق معاك يامحمود
ودا اللي حاولت أقوله وقلت إن موضوع الاتصالات دي تُعتبر بمثابة مرحلة أولى أو جس نبض يليها اتخاذ اجراءات بناء على الاتفاق فيما بينا

[tarek2]

والاتصال المباشر طبعاً لابد منه وأنا قلت في بداية الموضوع إن وقته يسمح يروح ويتكلم وكلنا نتكلم .. دا هايكون ضغط شديد عليهم كبداية لسلسلة من الإجراءات اللي نتخذها معاهم بناء على الاقتراحات

يا وائـل بك
انا أقـول التعـامل مع الوكـيـل أولا ثم جهـاز حمـايـة المسـتهلك ثانـيــا و الـذى سـيسـألك أول سـؤال هل أتصـلت بالوكــيـل ؟
ولكـن الأتـصـال بالوكـيـل يـكـون بالطـريـقـة التى أقـتـرحـهـا حـفـنـاوى وهى طـريـقة دبلومـاسـية و فى حـالة عدم المبـالاة نلـجـأ للـخـطـوة الثـانـيـة - بالبلدى الأمـور ما تتـاخـدشـى أفـش .

[معاذ الشرباصى]

سـيسـألك أول سـؤال هل أتصـلت بالوكــيـل ؟

اظن الاستاذ وائل اتصل فعلا بهم, و قالهم عليه و هو رايح يوم الاحد صيانة ال 20 الف, و الموظفة قالت له التيل ده مبيتغيرش فى الضمان

هو ممكن لو مجموعة من الاعضاء يقابلوا الاستاذ وائل يوم الاحد و نشوف ايه اللى هيحصل

و ان شاء الله خير

[وائل عطية]

بالبلدى الأمـور ما تتـاخـدشـى أفـش

أنا مش شايف أي أفش في الطريقة اللي اقترحتها، ومفيش أي تعارض بينها وبين طريقة محمود بالعكس دي واحد ودا هو اللي أنا قولته
بس سبقت بإننا نتصل بالوكيل الأول ومن خلال التليفون الأول وبعدين ناخد الإجراءات التانية
فين الأفش هنا يا أستاذ طارق؟

[وائل عطية]

اظن الاستاذ وائل اتصل فعلا بهم, و قالهم عليه و هو رايح يوم الاحد صيانة ال 20 الف, و الموظفة قالت له التيل ده مبيتغيرش فى الضمان

بالفعل دا حصل، يعني كده مفيش قفش ولا حاجة بالعكس دي محاولة لتصحيح وضع خاطئ

[mohamed yousry]

بس شايف ان احسن وسيلة للضغط هى المركز المصرى لحماة المستهلك

الخط الساخن هو: 19588

فكرة ممتازة ومؤثرة بأذن الله ... التجار المصريين ميجوش غير بكدة صدقونى لازم اسلوب عنيف معاهم..............