اقتراح وأرجو المشاركة !! (وائل عطية)

[معاذ الشرباصى]

انا عندى فكرة

الاستاذ وائل و معاه كذا عضو من كبار الرابطة زى الاستاذ طارق امين و الاستاذ وائل كاماتشو و يروحوا يوم الاحد مع بعض
الزيادة عليهم لو يشوفوا المستشار القانونى للموقع لو يقدر يروح معاهم, او يقول لهم الوضع القانونى الصح, و ازاى يقدروا يتكلموا مع الوكيل فى اطار قانونى

لو الاستاذ على حسن المستشار القانونى مقدرش يجى معاكم, خدوا معاكم محامى, يعنى لو تعرفوا محامى معرفة, و عنده دراية بالقوانين اللى بتنظم العلاقة بين الوكيل و ملاك السيارات يبقى ممتاز

و يبقى كده الكلام معاهم فى اطار ودى, و فى نفس الوقت مغلف بصيغة قانونية, ساعتها هيبقوا على يقين ان الناس دى مبتهزرش, و ان مفيش سقف للتعامل معاهم, و المسكنات بتاعتهم مبتنفعش معاكم

[وائل عطية]

ماشي يامعاذ
بس مفيش داعي لتعب الأستاذ على حسن أو لأخذ محامي في أول الأمر نخلي دي في مرحلة لاحقة
عموماً أنا كده كده رايح إن شاء الرحمن
اللي يحب يجي معايا أهلاً وسهلاً بيه
وعايز أشدد على إن الموقف دا مش علشان عربيتي بس لأ دا للكل بس أنا سبقت لأني أكثر واحد عامل عدد كيلومترات 20500كم والدور هايجي على الجميع ماعتقدش إن المفروض نسكت على حاجة ثبت إنها شكوى جماعية
وبصراحة أنا شايف في سلبية جامدة جداً مننا،
يعني فين مشاركات الناس اللي عمالين كل شوية يقولوا التيل بيصفر ..والتيل مااعرفش إيه
يا جماعة كلنا لازم نتخذ موقف وأنا شايف إنه بصراحة صعب يحصل لأننا حتى مش قادرين ناخد موقف وحتى نرد بالإيجاب أو الرفض للموضوع

[tarek2]

ياعـم مـعـاذ أنا مش من كـبـار الـرابطـة أنا مجـرد عـضـو وشـاكرين لك وللأخ /محمـد يـسـرى مشـاركتكـم
وأعـدك يا وائـل أننـا سـنكون معك ومـع أى عـضـو بالرابطـة فى حـالة عدم وفـاء الوكيـل بألتزاماتـه.. وبس خـلاص

[معاذ الشرباصى]

بس مفيش داعي لتعب الأستاذ على حسن أو لأخذ محامي في أول الأمر نخلي دي في مرحلة لاحقة

يعنى على الاقل حضرتك تحاول تعرف ,لو قدرت, الوضع القانونى لحاجة زى كده, علشان هناك يعرفوا انهم بيكلموا شخص عارف حقه و كمان عارف هياخده منهم ازاى

ياعـم مـعـاذ أنا مش من كـبـار الـرابطـة أنا مجـرد عـضـو

لا يا اتاذ طارق حضرتك عضو و لك مكانتك كمان
مهما اختلفنا او اتفقنا فحضرتك من الاعضاء اللى بتتفاعل فى الموقع, ممكن يكون لحضرتك وجهة نظرك الخاصة, لكن حضرتك بتشارك و بتقولها

عكس ناس لا يشاركوا, و يكتفوا بالفرجة

[محمدايهاب]

أنا رأي اللجوء إلى أحد الصحف أو المجلات مثل عالم السيارات أو المصري اليوم أو حتى مواقع الأنترنت

[tarek2]

اللجوء إلى أحد الصحف أو المجلات مثل عالم السيارات أو المصري اليوم أو حتى مواقع الأنترنت

مش للـدرجـة دى يا جـــــمـاعة.. تجـمـهـر وأضـراب ونشـر بالجـــــــرايـد ، هوه أحـنا ح نحـارب والاح نفتـح غـزة
الكـلام دى كبيـر أوى وكل اللى ح يتكلم يبقى يتحـمل مسـئولـيـه كـلامـه

[TAREKSHEIR]

ياجماعه خلَوا لقائكم الجاى فى التوكيل بدل متعملوه فى حته تانيه ويبقى أكبر عدد موجود بس تختاروا منكم ثلاثه مثلاً يتكلموا بلسان الناس إللى موجوده .. حوار هادئ جداً وأعتقد هتوصاوا لنتيجه .

[معاذ الشرباصى]

هو سؤال بيلح على: ليه الغالبية العظمى من الكلاك و اعضاء الرابطة لم يبدوا رأيهم فى الموضوع سواء بالموافقة او الرفض؟!

[وائل عطية]

فعلاً أنا مستغرب جداً وباتعجب
فين آراء ملاك الاسبيرانزا وفين الحماس وفين الرابطة والاجتماع التأسيسي للرابطة وووووووو.....
أنا شايف إن الكلام دا فقد مصداقيته ..
يعني أنا فتحت موضوع يخص كل واحد فينا وبحاول تبني موقف حاسم وقاطع مع التوكيل .. واستنيت الناس ترد ولو حتى يقولوا مش موافقين ..مفيش غير تقريباً غير اتنين من اخوانا الأعضاء المحترمين ، وكمان مع احترامي ليهم ردودهم كانت مبهمة وغير واضحة. وفين باقي الناس، مش عارف مع إني كنت شايف مجموعة كبيرة منهم أون لاين وقت طرح الموضوع، ومع كده محدش كلف نفسه واستقطع من وقته دقيقة واحدة عشان يقول لنا موافق ولا لأ واقتراحة إيه
بصراحة أنا مش عارف إيه المطلوب دلوقتي، هو كلام وشعارات ومقابلات على الفاضي وخلاص ولا حاجة عملية ملموسة..إيه الصح بالله عليكم؟!!!!!!!!!
:!: :!: :!: :!: :!: :!: :!: :!: :!: :!: :!: :!: :!: :!: :!: :!:

[ashraf yassein]

الي الاخ العزيز الاستاذ/وائل
عندي اقتراح قد يبدوا غريبا ولكن أعتقد انه سيحرك الامر كثيرا
ماذا لو ذهبت مجموعه تكون من إختيارك ممن يجيدون التحدث بالانجليزيه ومحاولة مقابله الملحق التجاري بالسفاره الصينيه بالقاهرة وإعطائه بعض اسباب رداءة المنتج مما سيؤثر على سمعة المنتجات الصينيه وخصوصا انه منتج جديد وإستراتيجي فهو ليس لعبة اطفال سترمى بعد فتره.
وكذلك الذهاب لأبو الفتوح نفسه بصفته المنتج للسياره وما لهو من سطوه علي الموزعين

[معاذ الشرباصى]

حضرتك يا استاذ وائل طمنا عملت ايه يوم الاحد

و ان شاء الله ملاك الاسبرانزا ساعتها يحددوا موقفهم بناء على اللى الوكيل هيعملوا مع حضرتك

ساعتها ميبقاش فى حجج, او اعذار او نديلوا فرصة مليون و الكلام ده

[lokyegypt]

انا شايف يلجماعة انتومكبرين الموضوع قوىهو ايه المشكلة ان التيل بيصفر بس الفرامل اكتر من ممتازة

[TAREKSHEIR]

على فكره ياجماعه وإحنا صغيرين كنا بنروح نشترى التيل إللى بيصفر علشان يعمل صوت وكان زيه زى إللى مبيصفرش ونفس الكفاءه بس فرق صوت

[معاذ الشرباصى]

كنا بنروح نشترى التيل إللى بيصفر علشان يعمل صوت وكان زيه زى إللى مبيصفرش ونفس الكفاءه بس فرق صوت

و الله حضرتك انا كنت ركبت عندى تيل نوع غير اللى كنت بستعمله كل مرة, و التيل ده فضل يصفر, و كفاءة الفرامل كانت اقل ده غير ان التيل لما جيت اغيره بالنوع المحترم لقيته مكسور كمان من الPad اللى راكب فيها

اكيد فى فرق

بعدين الوكيل بنفسه معترف ان الفرامل رديئة و على اثره هيغير المصدر بتاعه, يبقى الجدال فى ايه؟

يا ريت يا استاذ واثل عطية تطمنا عملت ايه النهاردة, و اذا كنت شفت العربية المحروقة اللى فى الدور التانى؟

[jimmy]

1/ نكلم المسئول عن خدمة العملاء فى الأداره الرئيسيه فى دايوو موتورز اسمه الأستاذ** محمد ابو الخير** الخط الساخن 19227

2/ لو مجبش نتيجه نحاول نقابل مهندس حسن ابو الفتوح

3/ لو مجبش نتنيجه نكلم حماية المستهلك

4/ لقدر الله مفيش نتيجه يبقى محضر فى قسم الشرطه ونبلغ الشرطه اننا هنعمل اعتصام امام توكيل السياره عشان نبقى ماشيين قانونى

ويا ريت كلنا مع بعض اللى عنده مشكله واللى معندهوش بس بسرعه يا اخوانا كل ما عداد الكيلو متر بيجرى مش لصالحنا

حددوا يوم ونعمل عمل جماعى عشان نقدر نقول ان فى رابطه بجد ويا ريت بسرعه