مفاجئة عن اسبرانزا envy

[bassemali]

تمام صراحة انا سامع ان العفشة والموتور حاجتهم مش موجودة لكن انا اطمنت علي كل حال نشوف العربية الجديدة ونقرر

كل حاجة العفشه موجوده وحاجة الانسر كمان بتركب عليها بدون أي مشاكل والموتور حاجته كلها موجوده وفي مواتير كامله موجوده ف الوكاله أو التوفيقيه .. وأعتقد سعر جوز المساعدين الأمامي 600 جنيه والخلفي زيهم بس مش متأكد لأني ماغيرتش المساعدين .. بس الإسبرامزا فعلا حاجتها كلها موجوده ومتوفره ورخيصه جداااااااااا
ساعات التوكيل بيستهبل ويقولك أصل كذا مافيش ومش موجود ويشحططك أسبوعين ولا حاجه عشان مايغيرش ع الضمان ويخليك تشتريها من بره ويشتري دماغه بس مش أكتر .

[osa92003]

اولا انا مش بفتي ثانيا انا قريت مشاركة قديمة في المنتدي هنا اول ما نزلت المجراند ان معادل انضغاطها 10.3 وكان ناس بتسال هتشتغل 92 عادي ولو اشتغلت 92 هل ال 3 من عشرة دول هياثرو علي عمر المحرك الافتراضي وعشان كدة انا عملت الموضوع

اول مره اشوف واحد زى حضرتك بيعمل موضوع من مافيش ؟؟؟ حاجاه غريبه دا والعنوان مفاجأه وحسيت انك خبير صينى واكتشفت اللى ماحدش شافه والغريب انك مصر على الموضوع بالرغم ان الموضوع مالوش اى معنى العربيه بتمشى ببنزين 92 او 93 وماحدش جاب سيره 95 دى خالص ولا فى كتالوج العربيه حتى معدل الانضغاط بتاع حضرتك هوهو بتاع الاسبرنزا 516 اللى ماشيه ب 92 زى الفل ؟؟؟؟؟ ياريت ترحمنا بقى وكفايه كده

[M I D O]

اول مره اشوف واحد زى حضرتك بيعمل موضوع من مافيش ؟؟؟ حاجاه غريبه دا والعنوان مفاجأه وحسيت انك خبير صينى واكتشفت اللى ماحدش شافه والغريب انك مصر على الموضوع بالرغم ان الموضوع مالوش اى معنى العربيه بتمشى ببنزين 92 او 93 وماحدش جاب سيره 95 دى خالص ولا فى كتالوج العربيه حتى معدل الانضغاط بتاع حضرتك هوهو بتاع الاسبرنزا 516 اللى ماشيه ب 92 زى الفل ؟؟؟؟؟ ياريت ترحمنا بقى وكفايه كده

اية ياعم مالك فتحت فيا كدة صلي علي النبي في قلبك كدة و استهدي بالله انا عملت الموضوع دة للنقاش عشان معروف ان اي معدل انضغاط اعلي من 10 يبقي بنزين 95 وكمان في قسم الامجراند اول ما نزلت كان انضغاطها 10.3 وكان كل الاعضاء هناك خايفين من ال .3 دول وحتي مشرف الصيني نفسة هوة الي قال كدة ياتري ال .3 دول هياثرو علي العمر الافتراضي للمحرك ولا لا ولما راجل زي دة اكيد فاهم هوة يقول كدة يبقي شاكك ان الزيادة دي ممكن تاثر علي العمر الافتراضي للمحرك يبقي بنسبة كبيرة هوة صح وانا لما شفت ال .5 زيادة دول قلت دة ال .3 بتوع الامجراند كانو قالقين الناس ما بالك بال .5 الزيادة وعملت الموضوع هنا عشان ان شاء الله هجيب العربية قريب واشوف ان كانت هتشتغل 92 ولا اصرف نظر عنها وبعدين براحة شوية يا باشا في الكلام احنا مش داخلين خناقة انت محسسني ان بيني وبينك طار

[hugan]

اول مره اشوف واحد زى حضرتك بيعمل موضوع من مافيش ؟؟؟ حاجاه غريبه دا والعنوان مفاجأه وحسيت انك خبير صينى واكتشفت اللى ماحدش شافه والغريب انك مصر على الموضوع بالرغم ان الموضوع مالوش اى معنى العربيه بتمشى ببنزين 92 او 93 وماحدش جاب سيره 95 دى خالص ولا فى كتالوج العربيه حتى معدل الانضغاط بتاع حضرتك هوهو بتاع الاسبرنزا 516 اللى ماشيه ب 92 زى الفل ؟؟؟؟؟ ياريت ترحمنا بقى وكفايه كده

روق يا اوسا
ميدو
عايز يقارن ومن حقه بين اسبرانزا وجيلي
لانه ناوي يشتري
ومش عايز يتدبس في عربيه ماتكونش زي ماهو عايز
مافيهاش حاجه لما يتاكد من ان اسبرانزا الجديده شغاله بنزين 92

[hugan]

طيب المساعدين والكبالن بكام
والف شكر علي المعلومات

المساعدين مونرو
600 امامي
550 خلفي
الكبالن راس الكوبلن 250
كوبلن كامل وده بيكون نادر التغيير
حالات الحوادث لا قدر الله 700
انا بعت عربيتي 115000 كيلو استهلاك
ماعملتش حاجه في الكبالن غير كاوتشه واحد غيرتها لكوبلن ب20 جنيه

[M I D O]

روق يا اوسا
ميدو
عايز يقارن ومن حقه بين اسبرانزا وجيلي
لانه ناوي يشتري
ومش عايز يتدبس في عربيه ماتكونش زي ماهو عايز
مافيهاش حاجه لما يتاكد من ان اسبرانزا الجديده شغاله بنزين 92

انا مش عارف هوة طلع فيا كدة لية بس عادي يعني حصل خير

[lee_prof]

المساعدين مونرو
600 امامي
550 خلفي
الكبالن راس الكوبلن 250
كوبلن كامل وده بيكون نادر التغيير
حالات الحوادث لا قدر الله 700
انا بعت عربيتي 115000 كيلو استهلاك
ماعملتش حاجه في الكبالن غير كاوتشه واحد غيرتها لكوبلن ب20 جنيه

ممتاز طبعا طيب انا عاوز اعرف ليه العربية في اعادة البيع سعرها بيقل عندك فكرة ؟

[bassem.naguib]

اية ياعم مالك فتحت فيا كدة صلي علي النبي في قلبك كدة و استهدي بالله انا عملت الموضوع دة للنقاش عشان معروف ان اي معدل انضغاط اعلي من 10 يبقي بنزين 95 وكمان في قسم الامجراند اول ما نزلت كان انضغاطها 10.3 وكان كل الاعضاء هناك خايفين من ال .3 دول وحتي مشرف الصيني نفسة هوة الي قال كدة ياتري ال .3 دول هياثرو علي العمر الافتراضي للمحرك ولا لا ولما راجل زي دة اكيد فاهم هوة يقول كدة يبقي شاكك ان الزيادة دي ممكن تاثر علي العمر الافتراضي للمحرك يبقي بنسبة كبيرة هوة صح وانا لما شفت ال .5 زيادة دول قلت دة ال .3 بتوع الامجراند كانو قالقين الناس ما بالك بال .5 الزيادة وعملت الموضوع هنا عشان ان شاء الله هجيب العربية قريب واشوف ان كانت هتشتغل 92 ولا اصرف نظر عنها وبعدين براحة شوية يا باشا في الكلام احنا مش داخلين خناقة انت محسسني ان بيني وبينك طار

بص يا باشا .. موضوع البنزين 95 أو 92 أو رقم الأوكتان بصفة عامة في مصر مخالفاً للمعايير العالمية الأستاندرد اللي هي المفروض ( 87 - 91 – 93 – 95 – 98 - 100) .. وده اللي بيراعيه أي صانع سيارات في العالم وبيصمم المحرك بتاعه وفقاً لهذه المعايير .. ومن وجهة نظري الأنسب مع محرك الأنفي أو الاسبرانزا عموماً هو وقود 93 .

طب 93 مش موجود في مصر يبقى نحط يا 92 أو 95 .. طب أيه اللي حيحصل لو حطينا 92 ؟! العربية حتمشي عادي بدون مشاكل ولكن مش حتأخد أفضل أداء للمحرك (ولكن مش بصورة ملحوظة) .. ولو حطينا بنزين 95 حتاخد أداء المحرك كله بس بكلفة أكبر .

والتجربة في النهاية خير برهان .. والزملاء هنا في قسم اسبرانزا لما حطوا بنزين 95 في عربيات أم 11 و 516 أو حتى لما خلطوا بنزين 92 مع 95 .. كان السحب أفضل بكتير وأختفت ظاهرة التسقيف عند الكبس على دواسة البنزين (كيك داون) .. وكان الأداء بصفة عامة ممتاز أكتر من بنزين 92 فقط .

إذن المشكلة تكمن في عدم توافر نوعية البنزين 93 المناسبة تماماً لمحرك السيارة في مصر .. لكن 92 لم يكون مضر بالصورة الكبيرة .. وإن كان فيه ضرر فحيكون على المدى البعيد جداً .. وليس المدى القريب .. وفي الآخر أحنا راكبين عربيات داخل مصر وليس في حلبات سباق لإخراج أقصى قدرة للمحرك وأفضل أداء له .

وللمزيد من الأطمئنان الصورة دي بتوضح معدل الانضغاط ورنج أوكاتن البنزين المناسب (لا يقل عن أوكتان كذا .. ولا يزيد عن أوكتان كذا) .. لأنه لو الأوكتان قل حيحصل ضرر فعلي ومؤكد .. ولو زاد مش حيبقى ليه لازمة .

الخلاصة : حتمشي ببنزين 92 من غير مشاكل ومن غير ضرر .. ولكن الأداء حيكون أفضل في السحب والعزم لو اتحط ليها 95 ..

والفيديو ده حيكون فيه مزيد من الشرح لحساب معدل الانضغاط .. وده علشان نجيبه بالظبط في الأنفي لازم يتوافر لدينا الحجم الأقصى والحجم الأدنى للسلندر ..أو تسلم بما هو مكتوب في البروشور

[youtube]http://www.youtube.com/watch?v=3spDZ3kuwVQ[/youtube]

[M I D O]

بص يا باشا .. موضوع البنزين 95 أو 92 أو رقم الأوكتان بصفة عامة في مصر مخالفاً للمعايير العالمية الأستاندرد اللي هي المفروض ( 87 - 91 – 93 – 95 – 98 - 100) .. وده اللي بيراعيه أي صانع سيارات في العالم وبيصمم المحرك بتاعه وفقاً لهذه المعايير .. ومن وجهة نظري الأنسب مع محرك الأنفي أو الاسبرانزا عموماً هو وقود 93 .

طب 93 مش موجود في مصر يبقى نحط يا 92 أو 95 .. طب أيه اللي حيحصل لو حطينا 92 ؟! العربية حتمشي عادي بدون مشاكل ولكن مش حتأخد أفضل أداء للمحرك (ولكن مش بصورة ملحوظة) .. ولو حطينا بنزين 95 حتاخد أداء المحرك كله بس بكلفة أكبر .

والتجربة في النهاية خير برهان .. والزملاء هنا في قسم اسبرانزا لما حطوا بنزين 95 في عربيات أم 11 و 516 أو حتى لما خلطوا بنزين 92 مع 95 .. كان السحب أفضل بكتير وأختفت ظاهرة التسقيف عند الكبس على دواسة البنزين (كيك داون) .. وكان الأداء بصفة عامة ممتاز أكتر من بنزين 92 فقط .

إذن المشكلة تكمن في عدم توافر نوعية البنزين 93 المناسبة تماماً لمحرك السيارة في مصر .. لكن 92 لم يكون مضر بالصورة الكبيرة .. وإن كان فيه ضرر فحيكون على المدى البعيد جداً .. وليس المدى القريب .. وفي الآخر أحنا راكبين عربيات داخل مصر وليس في حلبات سباق لإخراج أقصى قدرة للمحرك وأفضل أداء له .

وللمزيد من الأطمئنان الصورة دي بتوضح معدل الانضغاط ورنج أوكاتن البنزين المناسب (لا يقل عن أوكتان كذا .. ولا يزيد عن أوكتان كذا) .. لأنه لو الأوكتان قل حيحصل ضرر فعلي ومؤكد .. ولو زاد مش حيبقى ليه لازمة .

الخلاصة : حتمشي ببنزين 92 من غير مشاكل ومن غير ضرر .. ولكن الأداء حيكون أفضل في السحب والعزم لو اتحط ليها 95 ..

والفيديو ده حيكون فيه مزيد من الشرح لحساب معدل الانضغاط .. وده علشان نجيبه بالظبط في الأنفي لازم يتوافر لدينا الحجم الأقصى والحجم الأدنى للسلندر ..أو تسلم بما هو مكتوب في البروشور

[youtube]http://www.youtube.com/watch?v=3spdz3kuwvq[/youtube]

مشكور حضرتك علي المرور وانا عملت الموضوع دة لما شفت رد لحضرتك كنت كاتب فية علي الامجراند هل زيادة انضغاط المحرك عن 10 هياثر علي المحرك في المستقبل ولا لا من فترة ودة سبب اني عملت الموضوع وكدة حضرتك طمنتني وطمنت ناس كتير وجزاك الله كل خير

[lee_prof]

مشكور حضرتك علي المرور وانا عملت الموضوع دة لما شفت رد لحضرتك كنت كاتب فية علي الامجراند هل زيادة انضغاط المحرك عن 10 هياثر علي المحرك في المستقبل ولا لا من فترة ودة سبب اني عملت الموضوع وكدة حضرتك طمنتني وطمنت ناس كتير وجزاك الله كل خير

يا باشا انا كان معايا لانسر وكنت بمشيها ببنزين 80 واللانوس بحطلها 80 وبتمشي زي الكلبة ولا اي اندهاش
ليك عليا لو اشتريت انفي امشيها ببنزين 80

اما بالنسبة لمحرك الأنفي ده نمساوي يعني مش الماني علشان نزعل عليه بس هما يقفلوه كويس وبعدها نتفاهم في الأنضغاط والمواصفات

[hugan]

ممتاز طبعا طيب انا عاوز اعرف ليه العربية في اعادة البيع سعرها بيقل عندك فكرة ؟

معاك ان اعاده البيع مش زي الكوري
لكن تقدر تنسبها للاوروبي
نفس النسبه تقريبا مع فارق السعر وفارق الخساره الكبيره بالنسبه للاوروبي
نضرب مثل مع الكوري ملك السوق المصري
وليكن النوبيرا
نوبيرا موديل 2008 كانت بتتباع زيرو 77000
اسبرانزا 516 موديل 2008 كنت بتتباع 67000
وليكن العربيتيتن نفس حاله الاستهلاك
100000كيلو متر
النوبيرا تعمل من 50 الي 55 متوسط
الاسبرانزا تعمل من40الي 43 الف جنيه
اظن سعر البيع ما يعتبرش واقع

[M I D O]

يا باشا انا كان معايا لانسر وكنت بمشيها ببنزين 80 واللانوس بحطلها 80 وبتمشي زي الكلبة ولا اي اندهاش
ليك عليا لو اشتريت انفي امشيها ببنزين 80 :f_eyeb1[1]:

اما بالنسبة لمحرك الأنفي ده نمساوي يعني مش الماني علشان نزعل عليه بس هما يقفلوه كويس وبعدها نتفاهم في الأنضغاط والمواصفات

يا كبير مهو الكرستالة و اللانوس القديم بياخد 80 بيس يعني وانا عندي صاحبي معاة كرستالة والله لو ينفع يحطلها بنزين 30 هيحطهولها وماشية وبتجري ومبتقولش لا لاكن العربيات الجديدة ليها نسبة انضغاط عشان تحافظ علي العمر الافتراضي للمحرك جيب الالتزام بيها انما القديم شوية دة نسبة انضغاطة قليلة وشغال 80 عادي

[M I D O]

معاك ان اعاده البيع مش زي الكوري
لكن تقدر تنسبها للاوروبي
نفس النسبه تقريبا مع فارق السعر وفارق الخساره الكبيره بالنسبه للاوروبي
نضرب مثل مع الكوري ملك السوق المصري
وليكن النوبيرا
نوبيرا موديل 2008 كانت بتتباع زيرو 77000
اسبرانزا 516 موديل 2008 كنت بتتباع 67000
وليكن العربيتيتن نفس حاله الاستهلاك
100000كيلو متر
النوبيرا تعمل من 50 الي 55 متوسط
الاسبرانزا تعمل من40الي 43 الف جنيه
اظن سعر البيع ما يعتبرش واقع

الاسبرانزا الوحيدة في العربيات الصيني الي ماسكة نفسها شوية في اعادة البيع لانها موجودة من 2007 وناس كتير بتشكر فيها و المستهلك بقي عندة اطمئنان شوية من الصيني

[SAMEH_FOUAD]

معلش ياجماعة , بس عشان الخلاف دة يتحل

طبعا كلام فورميولاتر هو الصح

لان من اول نسبة انضغاط 10:4 المفروض تحط بنزين 95

قبل بنزين 10:3 هتمشى العربية بنزين 92 عادى جدااا

وبردة فى الحالة الاولى هتمشى عادى جدااا بس مع فقدان قوة من المحرك , وزى ماوضح فورميولاتر الراجل جاب كل حاجة الصراحة

والدليل على كدة

انا عربيتى SiR نسبة الانضغاط بتاعها 10:4 ومكتوب عندى خد بالك بقى ( ينصح بأستخدام ron 95-98 ) ودة من كتالوج عربيتى وكمان مكتوب على التانك ron 95

ماتور نفس العربية بس ال1600 العادى بردة مكتوب على التانك بتاعها 95 وفى الكتالوج بنزين 95 كحد اقصى او بنزين 91 كحد ادنى , مع ان نسبة انضغاط المحرك 9:8

فية بقى حاجة كمان انا لما كنت بمون 95 طبعا قبل مالبنزين يغلى , ولما مونت 92 بعد مالبنزين غلى لقيت فرق فى السحب كبير , بس هنعمل اية نصيبنا كدة

يبقى نستنتج من كدة ان ال envy هتمشى ب92 بس مع ال95 ادائها هيتحسن جامد

[M I D O]

معلش ياجماعة , بس عشان الخلاف دة يتحل

طبعا كلام فورميولاتر هو الصح

لان من اول نسبة انضغاط 10:4 المفروض تحط بنزين 95

قبل بنزين 10:3 هتمشى العربية بنزين 92 عادى جدااا

وبردة فى الحالة الاولى هتمشى عادى جدااا بس مع فقدان قوة من المحرك , وزى ماوضح فورميولاتر الراجل جاب كل حاجة الصراحة

والدليل على كدة

انا عربيتى SiR نسبة الانضغاط بتاعها 10:4 ومكتوب عندى خد بالك بقى ( ينصح بأستخدام ron 95-98 ) ودة من كتالوج عربيتى وكمان مكتوب على التانك ron 95

ماتور نفس العربية بس ال1600 العادى بردة مكتوب على التانك بتاعها 95 وفى الكتالوج بنزين 95 كحد اقصى او بنزين 91 كحد ادنى , مع ان نسبة انضغاط المحرك 9:8

فية بقى حاجة كمان انا لما كنت بمون 95 طبعا قبل مالبنزين يغلى , ولما مونت 92 بعد مالبنزين غلى لقيت فرق فى السحب كبير , بس هنعمل اية نصيبنا كدة

يبقى نستنتج من كدة ان ال envy هتمشى ب92 بس مع ال95 ادائها هيتحسن جامد

بالظبط كدة يعني العربية هتشتغل 92 عادي بس قوة المحرك هتقل من التسارع و السحب و العزم بس السؤال بقي هوة الي صنع العربية دي مش عارف ان العربية دي تعتبر في الفئة المتوسطة عندنا يعني الفئة المتوسطة من الشعب هية الي هتجيبها يعني مينفعش خالص بنزين 95 هية هتشتغل عادي 92 بس افرض واحد عاوز ياخد قوة المحرك كاملة يعمل اية