ياجماعة اجيب اسبرانزا a113 ولا شيفوليه سبارك

[semsem85]

ياريت حد يفيدني ونصحني بالاسبرانز والاسبارك عشان تعبت ارجوكم

[semsem85]

واضح ان مفيش حد بينصح حد بس انا بقي هروح للمضمون واجيب شيفورليه اسبارك وكل عام وانتم بخير

[Eng.Mohamed Amen]

أحسنت الأختيار والشراء

إبعد عن الإسبيرانزا وغنيلها

[semsem85]

سبارك تكسب حد عنده كلاااااام

[fahd_628]

فعلا سبارك احسن من الصينى

[hfekry]

فعلا سبارك احسن من الصينى

+11111111111111

[semsem85]

كنت متوقع الرد شكراااااااا

[ahmedviking]

انا بفكر زيك اجيب اسبرانزا 113
بس بصراحه عمري مافكرت اجيب سبارك دي
مش عاوز اعمل زي ناس هنا واهاجم عربيات وخلاص
بس بصراحه عربيه بناتي اوي وتصميمها مش حلو وشكلها مش عاطفي خالص
وكمان سمعت ان سحبها وحش والتكييف بياثر جامد عالموتور

بصراحه انا اللي توصلت له لغاية دلوقتي ان مافيش عربيه فالفئه دي زي ال113 نهائي
اجمد تصميم واحلي شكل وحتي الكماليات كلها ممتازه
كل الفكره ان الناس ( وانا منهم وانت كمان) مقلقين من الصيني !!!!

ربنا يوفق الجميع

[semsem85]

بصراحة سألت اكتر من واحد معاه اسبارك شكر فيها وان سحبها كويس جدا وناعم وبخصوص التكيف اكيد اي تكيف بيأثر علي الماتور المهم ازاي تستعمله موضوع بناتي مفيش بناتي ورجالي ما الشاهين واللاددا في بنات وستات بتسوقها المهم تجيب العربية اللي مرتحلها نفسيا وفي راي المتواضع اجيب حاجه مضمونه ليها اسم وتوكيل معروف وماركه ولا حاجة لسه تحت التجربة مش معروف عمرها الافتراضي وانا معاك الاسبرانز عربية تحفه وكمليتها تبهر اي حد بس انت قولت ايه
انا مثلا عاوز عربية فئة متعديش 1000cc عشان كتر استعمالي والبنزين الغالي كل واحد حسب استهالكه واستعماله وشكرا وبالتوفيق

[Dr. Elsaadani]

نصيحة لوجه الله تعالى
بثمن السبارك ممكن تشترى سوزوكى التو كاملة وممكن اوتوماتيك كمان ومش محتاج حد يكلمك عن اليابانى بدون تفاصيل من خامات وتقفيل وتكييف واعتمادية

استخير ربنا وباذن الله يوفقك لله فيه الخير لك

[semsem85]

بصراحة ركبت الالتو مع واحد زميلي لقتها ديقة اووووي عن الاسبارك وبعدين كاويتش الباب بدأ يقع

[MeshmeshSalma]

ana kont me7tara kida weshtaret el A113 1300 CC shaklaha to7fa, we fe3lan el spark de aslan Daweoo Matiz a very poor car. 1000 CC, nafs el shakl

[CryptonX]

الاسبارك هي الدايو ماتيز بشكل جديد .. سيارة موتورها ضايع - سعرها عالي جدا عليها - كماليتها صفر ... و تكيفها اي كلام و ده عن تجربة .

يمكن الشيء الي يشفعلها ان تقفيلها نضيف .

الالتو اضيق سيارة في فئتها " كنزة " و لا تمس لليابان بصلة سوى الموتور .. و هي تصنيع هندي بالكامل .

الاسبرانزا A113 افضل سيارة في هذه الفئة السعرية عن تجربة باسشتناء العفشة .. العفشة متعبة جدا و لكن بخلاف ذلك كل شيء في السيارة جميل جدا و افضل الف مرة من الاسبارك و الالتو .

[evram]

اسبرانزا احسن

[semsem85]

شكرا علي الردود بس الصراحة انا جبت هيونداي اتوس الموديل القديم 2000 بصراحة الحمد لله زي الفل مريحاني خالص