ياجماعة اجيب اسبرانزا a113 ولا شيفوليه سبارك

[tito2020]

متشكر جداا ليك يا سمسم

بس المشكله فى القديم انوا عاوز فلوس كاش عشان كدة انا عاوز اجيب قسط يعنى زيروو

طب هيا الاتوس المستعمله تعمل فى حدود كام؟؟؟

[semsem85]

انا جبت اللي معايا 2000 ب 33.5
بس من28 ممكن تجيب 98

[mero2008]

يا استاذ tito الهونداي I10 مش بـ 61500 بقت بـ 56500 ج يعني فرق بينها وبين الاسبيرانزا 3500ج تقدر تدبرهم لو مش موجودين وبعدين مين قاللك ان الالتو بـ 800 سي سي بـ 53000ج دي (فل اوبشن) بـ 49500ج ومين بردو قاللك ان الاسبارك بـ 52000ج سعرها بـ 58000ج لكن سعر الاسبيرانزا مظبوط
دا انت حتى بتقول في كل سعر تقريييباً .

[activehero2006]

نصيحة لوجه الله تعالى
بثمن السبارك ممكن تشترى سوزوكى التو كاملة وممكن اوتوماتيك كمان ومش محتاج حد يكلمك عن اليابانى بدون تفاصيل من خامات وتقفيل وتكييف واعتمادية

استخير ربنا وباذن الله يوفقك لله فيه الخير لك

على فكرة سوزوكي التو مش ياباني دي هندي

[want_better]

السلام عليكم
انا طبعا ماقرأتش كل الردود
لكن رأي
البرايد الجديدة ناس كتير بتشكر فياه وسعرها حلو 46500

[tito2020]

شكرا للرد يا ميرو

بس متزعلش منى اوى كدة انا بصراحه اسعارى دى مش من السوق دى من الويب سايد بتاع كونتكت كار وانا كنت بصراحه بكتب اعار الفول اوبشن مانيوال فا يمكن دا الى فرق معانا

طب ممكن بقى تقولى هو ايه الفرق بين
ال i10 1.1 F/O M/T -----> 61500
ال i10 1.1 A/C P/S R/C M/T -----> 56500


شكرااا

[mmmmgogommmm]

امبارح قابلت باالصدفة شاب راكب اسبرينزا113 وسالتة قالى بقالها معاة سنة ونص وجميلة من حيث السحب والتسارع وجاب بيها 160 وكانت جميلة بس ثباتها بعد 120 مش وحش بس مش مقلق وعلى فكرة انا سمعت مشكلة الثبات دى فى الفيرنا على ال120 وعشان كدة بيركبولها كاوتش عريض ومستورد وكل الصغير سواء كورى اوو اى حاجة صغيرة لان القصة وزن بيقل مع السرعة فلما يكون الوزن اساسا قليل فطبيعى تحس باالخفية بس فى معيار مهم جدا فى اختيار العربية وهى قطع غيارها بكام الاسبرينزا بدون منافس هى الارخص يليها البيكانتو وبعدين المقصود بقطع الغيار الكبالم والاسكترا والمقصات والمساعدين لان دول المعرضين للتلف كتير بسبب سؤ حالة الطرق ثم الفوانبيس والبودى وبعدين الناس خايفة من الاسبرينزا لية العربية بقالها حوالى سنتين وماشية ومنتشرة وثابتة كفاءة واسالوا اللى راكبينها هما ادرى ناس بيها اما موضوع العفشة الناشفة دة مش عيب دى اسمها عفشة رياضية بتدى ثبات على الارض للعربية وممكن يتغيروا فى المستقبل بمساعدين مونرو وقصة التقفيل مش ممكن اشترى 52000 عربية واسعة موتورها كبير 1300 بها جميع الكماليات ليها ضمان قوى ومعرف قطع غيارها مقارنة بالهيونداى والالتو تعتبر ببلاش وبعد كل دة اتكلم انهم نسيو مسمار برشام فى الفرش بتاع الباب او خامة الفرش مش اد كدة او زراير الزجاج رقيقة وياريت لو كانوا تخنوها شوية والله كل دة مش مهم اذا قورن برخص قطع الغيار والوسع والقوة والوكيل /////ملحوظة انا معنديش اسبرينزا بس هى وجهة نظر وبعد دراسة لكل العربيات اللى فى السوق وفى الاخر اسالو كبلم العربية الكامل الداخلى والخارجى بتاع كل عربية من افئة دى بكام فى التوكيل والرفرف والاسكترا اعتقد هى دى المعايير اللى يجب الاحتكام ليها عند الشراء مع لاجذ فى الاعتبار بتجربة الللى ساقوها لفترات طويلة بشرط انهم يكونوا عارفين يعنى اية سحب وتسارع وثبات والله الموفق

[mero2008]

الرد لتيتو
الفرق يا باشا كالآتي
اولاً اللي بي 61500ج F/O يعني فل اوبشن جميع الكماليات وM/T يعني مانيول ومفيش منها اوتوماتيك ومع ذلك الرمز بتاعها A/T
ثانياًُ اللي بي 56500ج دي نص اوبشن A/C يعني تكييفP/Sيعني باور ستيرنج R/C يعني راديو كاسيت M/T يعني مانيول
وانصحك تجيب النص اوبشن لان كل الفرق بين الاثنين الزجاج الكهربائي والسنتر لوك وتقريباً فوانيس الشبوره ومش لازم قوي زجاج كهربائي وفوانيس الشبوره مش حتستخدم خالص دا اذا كانت موجوده دا انا نفسي ما بستخدمهاش والسنتر لوك ضروري شويه ممكن تعملو عند واحد اسمه أدريان في شارع الهرم او في المهندسين في شارع سوريا
وأي خدمه

[mero2008]

على فكره السنتر لوك بيتعمل بالموت وبالانذار كمان تكلفتو مش حتزيد عن 500ج

[ahmad_alim]

انا معايا سبيرانزا 113 من حوالي سنة و 4 شهور و بصاحة احسن كتيييييييييييير من الباقي
مشكلتها الوحيدة ان المساعدين خفيفة علشان كده تحس ان العفشة بتدب

[أبومعاذ]

انا معايا سبيرانزا 113 من حوالي سنة و 4 شهور و بصاحة احسن كتيييييييييييير من الباقي
مشكلتها الوحيدة ان المساعدين خفيفة علشان كده تحس ان العفشة بتدب

ياريت تقولنا تقييم كامل عن العربية بعد مرور سنة عليها معاك