افيدونى ياا شباب عن الانفى الجديد

[eslamaboelkeir]

السلام عليكم انا كنت اتصلت بتوكيل ابو الفتوح قالولى انها بقت تقفيل مصرى كنت عاوز اعرف ده معناها ايه انها عشان انا مقبل على الشراء بس متخوف من انها تقفيل مصرى وكنت عاوز اعرف اخبار السياره ايه مع ملاك الانفى 2014 وكماليات الانفى 2014 تقفيل مصرى وهل هى سياره كويسه ولا ايه رائيكم وكنت عاوز اعرف قطع الغيار اخبارها ايه عشان انتوا عارفين بلدنا متكسره والسواقه فى بلدنا بالدراع

[eslamaboelkeir]

وايه الافضل m 11 ولا الانفى

[eslamaboelkeir]

ايه يا رجاله انا وقعت فى صحرا

[M I D O]

تقفيل مصري !!
كدة الانفي فقدت الميزة الي فيها انها كانت مستوردة وانا بفضل لحضرتك الام 11

[eslamaboelkeir]

طيب معلش يا ميدو الام 11 عربيه كويسه وايه اخبار قطع الخيار واستهلاك البنزين معلش انا تقلت عليك
وشكرا

[HiddenSpider]

أنا أرجع لحضرتك إنك تجيب الإنفي المستوردة

وهتلاقيها لسة موجودة في المعارض

وهي معايا بقالها أسبوعين حالياً


ولو هتجيب التقفيل المصري أعتقد إنها هتكون كويسة إن شاء الله لأن أبو الفتوح تقفيله مش وحش ومشاكل التقفيل بتاعته مش كتير على أسمع

وربنا يوفقك للاختيار السليم إن شاء الله :)

[HiddenSpider]

تقفيل مصري !!
كدة الانفي فقدت الميزة الي فيها انها كانت مستوردة وانا بفضل لحضرتك الام 11

هو أكيد إن التقفيل الصيني هيكون قطعاً أفضل من المصري

بس أبو الفتوح برضو مش وحش في تقفيله

[ELKHOLY22]

متابع

[mhkorayem]

هو بس انا ليه استفسار
هو ليه حضرتك فضلت الاسبيرانزا عن الجيلي الامجراند 7

[eslamaboelkeir]

شكرا اوي يارجاله بس انا فضلت الاسبيرانزا عن الجيلي عشان موضوع الصدا ده قفلني منها

[eslamaboelkeir]

الف شكر ياباشا

[meemo]

انا برضه كنت عايز اجيب الايمي جراند وبعد المشاكل بتعهتها قلت الانفي وخصوصا بعد كلام الاعضاء عنها وعلشان انا مش موجود في مصر خليت الاهل يتصلوا با ابو الفتوح وديه المعلومات اللي حصلوا عليه
في موديلين واحد تمنه 80 الف والتاني تمنه 84 الف الفرق في الطارة المالتي فكشن والايرباج للراكب والسنسور الخلفي
الالوان اللي موجودة اسود وفضي ورمادي ولون تاني مش فاكره
تحجز ب10000 جنيه
حتي 15 ابريل اللي موجود التقفيل الصيني بعد هذا التاريخ هتنزلي التقفيل المصري
وديه شكلها هتبقي نهاية الانفي في مصر وربنا يستر علشان ان مش هينفع اشتري الا في شهر 7 وخايف البس المصري زي الاخوة بتوع الايمي

[د.عماد صلاح]

التقفيل المصري مقلق جدا الصراحه ...فحضرتك تجيب الانفي المستورده او الام 11

[hugan]

حتي لو فرضا وجدت عيوب في التقفيل المصر
مش هاتوصل لبارومه تاكل العربيه

[meemo]

بس شكل الانفي والاوبشن بتاعها افضل من ام 11 بصراحة