افيدونى ياا شباب عن الانفى الجديد

[hugan]

بس شكل الانفي والاوبشن بتاعها افضل من ام 11 بصراحة

الشيء المهم والاهم في رايئ
تعديل وضعيه الموتور واتجاه الشكمان اصبح للخارج عكس الوضع القديم
تعديل الكاتينه بكاتينه جنزير يعني بند صيانه كبير ومهم ومكلف وخطر علي الموتور
تم الغاءه
تعديل نظام دواسه البنزين وبوابه الانجيكشن
الي النظام العادي واير
بدلا من الكهربائي
يعني اعطال اقل سحب افضل

[bassemali]

تقفيل ابو الفتوح مش وحش ابدا ... ابو الفتوح عنده ضمير .

[meemo]

طيب لما التقفيل يبقي مصري مش المفروض سعر العربية ينزل ولا ايه؟؟؟؟؟؟؟؟

[dedi]

طيب لما التقفيل يبقي مصري مش المفروض سعر العربية ينزل ولا ايه؟؟؟؟؟؟؟؟

المفروض سعرها ينزل
ياسلام لو فيم الزجاج و ركب لها ايمبوليزر وغير شكل الفوانيس الخلفية هاتكسر الدنيا

[meemo]

لما كلموا ابوالفتوح قالوا في التوكيل ان فيها ايمويليزر

[HiddenSpider]

وجهة نظري الشخصية لو ينفع تجيب التقفيل الصيني هيكون أحسن كتير جداً - وغالباً هتكون موجودة في المعارض حتى لو مبقتش موجوده في التوكيل -

بس لو رسيت على التقفبل المصري الواحد ميقلقش من أبو الفتوح في تقفيله برضو


وبالنسبة لموضوع الإيموبيلايزر، اللي أعرفه إن الإنفي الصيني مفهاش إيموبلايزر

فهل هو هينزل التقفيل المصري بإيموبيلايزر؟؟؟

ولو كده هينفع نركبه في التوكيل على العربيات التقفيل الصيني ولا لأ؟؟

[mhkorayem]

تقفيل ابو الفتوح مش وحش ابدا ... ابو الفتوح عنده ضمير .

ابو الفتوح عنده ضميير !!!!!!!!

[tarekmansour]

معروف أن تقفيل أبو الفتوح ممتاز جدا وهو هاينزل العربية فيها كل اﻻمكانيات اللى فى تقفيل الصين ومزود عليها الفرش الجلد والريموت كنترول و انذار ضد السرقة وباركنج سنسور وسعرها ها يبقى 76900 وهاتكون موجودة منتصف أبريل 2014

[هانى ظرف منصور]

فعلا تقفيل ابو الفتوح جيد جدا من ايام الدايو على الاقل احسن من غبور وعربياته المصديه واكيد هو عارف ان دى فرصته انه يرفع المبيعات على حساب غبور ومشاكل الامجراند

[hugan]

هي فرصته لاعاده العربيه للصداره
وفعلا الانفي ليها فتره ابتديت اشوفها في الشارع
بس مش زي الايمجراند

[elkomyalto]

انا اليوم كنت مع صاحبى عنده انيفى 2013 تقفيل صينى وكان عند السروجى بركب فرش وارضيه جلد
بصراحه التقفيل ميفرقش كتير عن المصرى ل يمكن الان المصرى افضل

[ALshahba]

من خبراتي مع ابو الفتوح وخبراتي فى الاسبيرانزا
- التقفيل المصري افضل من الصيني
- الانفي افضل من اليمجراند لانها موفره فى البنزين والكاتينه الجنزير اقوي وتقريبا منعدمة الصيانه (كل 100الف كم تغيير)
- لا تتوقع فى ابو الفتوح وتوكيله انه حيريحك كما تريد ....... ضميره مش اوي

بالتوفيق

[dedi]

من خبراتي مع ابو الفتوح وخبراتي فى الاسبيرانزا
- التقفيل المصري افضل من الصيني
- الانفي افضل من اليمجراند لانها موفره فى البنزين والكاتينه الجنزير اقوي وتقريبا منعدمة الصيانه (كل 100الف كم تغيير)
- لا تتوقع فى ابو الفتوح وتوكيله انه حيريحك كما تريد ....... ضميره مش اوي

بالتوفيق

على الاقل هو محترم عن غبور الذى نزل عربية مصدية لا تساوى شئ

[ALshahba]

على الاقل هو محترم عن غبور الذى نزل عربية مصدية لا تساوى شئ

اتفق معاك

[bassemali]

على الاقل هو محترم عن غبور الذى نزل عربية مصدية لا تساوى شئ

انا أيضا أتفق معاك ...