تقرير عن تنظيف الريداتير ودوة المياه ل 516

[elkomyalto]

بعد اذنك اية فايةدة انى بعد ما انضف احط مية حنفية كدة كدة هتصدى طب ما تحط مية مقطرة انضف

كلام حضرتك مضبوط
ولكن انا ان شاء الله نويت انظف الريداتير كل 6 شهور فمش هتفرق كتير
ثانيا الكلام ده لو انا هزود ميه كل شويه .. ولكن عربياتنا تقريبا على كل فترات بعيده بتتزود ميه

[elkomyalto]

شكرااا مغلومات قيمة جدااااا

نورتنا استاذ محمود

والحمد لله نحن هنا لكى نفيد بعض

اهلا بيك

[HiddenSpider]

ما شاء الله تقرير ممتاز :)

[elkomyalto]

ما شاء الله تقرير ممتاز :)

نورت الموضوع بمرورك الجميل

تقبل تحياتى

[akmm]

تقرير مفيد ................. ولكن زى ما قال الاخوه كان يفضل تزويد الرادياتير مياه مقطره .

[ALshahba]

طبعا تقرير جميل ومتميز دائما بالصور كعادتك المميزه
الحمد لله علي التنظيف الجيد وان شاء الله يكون افضل فى سخونة الصيف

كان عندي بعض التعليقات اسمحلي اسردهم
1- اعترض علي وضع مية نار وتقليبها ...... خطر جدا علي المواسير الداخليه لانها بتقلل من سماكتها وتحدث بها تأكل سطحي
2- اعترض علي وضعه مياه حنفيه مع المياه المركزه (حذرتك من الحكايه دي قبل كده)
3- ماتم فى التنظيف هو تنظيف نصفي فقط !!!!! يعني فى نصف المهمه لم تكمل وهي ما بداخل بلوك الموتور

دورة التبريد هي جزءان :
الجزء الاول ,وهو الجزء الخارجي المعروف المرئي لنا وهو الريداتير وقربة المياه وما تحويان من مياه "خضراء"
الجزء الثاني, وهو الجزء الداخلي داخل بلوك الموتور والترموستات وماتحويان من مياه "خضراء"

فالفكره الريسيه هى: ان يكون الماء يمر بجوار بلوك الموتور للتبريد وعندما يسخن بدرجه معينه يتم فتح الترموستات فتندفع المياه الساخنه من البلوك الي المواسير الرفيعه "الريداتير" لكي تبرد فتمر علي الحساس فيقوم المتحكم الالكتروني بتشغيل مراوح التبريد عند 102 درجه لكي تبرد المياه الماره فى المواسير لكي تدخل مرة اخري الي بلوك الموتور وهي بارده فيحدث التبريد
واذا وجد الحساس ان الحراره عاليه جدا اعلي من 120 درجه تقريبا فيقوم باعطاء الامر للمتحك بتشغيل المراوح علي السرعة الثانيه الاعلي لكي يتم التبريد سريعا

والسيارات الحديثه يوجد بها نظام تبريد مغلق الدائرة مثل 516 وجميع الاسبيرانزات ..... ومن اساسيات هذا النظام ان يظل يعمل بلا تزويد ماء او زيادة حراره لسنوات طويله

رجاءا:
1- شراء "فلش" تنظيف الريداتير من اي بنزينه وتزويد الريداتير بها وتشغيل السياره الي ان يتم عمل المراوح وتسيبها دايره حوالي 10-15 دقيقه ثم يتم التفريغ
2- بعد الغسيل بالمنظف "فلش" (مرة او عدة مرات) برجاء اعد ملء الريداتير بمياه خضراء نقيه مركزه بتركيز لا يقل عن 33% كاملة بدون اضافة مياه "حنفيه او مقطره " عندما يبرد الموتور تماما ...... وخد لفه سريعه بالعربيه وارجع تاني حتلاقي القربه نقصت شوية اعد تزويدها بمياه " خضراء مركزه" حتي العلامه المعروفه

بالتوفيق ان شاء الله
فى امان الله

[elkomyalto]

تقرير مفيد ................. ولكن زى ما قال الاخوه كان يفضل تزويد الرادياتير مياه مقطره .

سعدت بمرورك

ونصيحه مفيده

لك تحياتى

[elkomyalto]

طبعا تقرير جميل ومتميز دائما بالصور كعادتك المميزه
الحمد لله علي التنظيف الجيد وان شاء الله يكون افضل فى سخونة الصيف

كان عندي بعض التعليقات اسمحلي اسردهم
1- اعترض علي وضع مية نار وتقليبها ...... خطر جدا علي المواسير الداخليه لانها بتقلل من سماكتها وتحدث بها تأكل سطحي
2- اعترض علي وضعه مياه حنفيه مع المياه المركزه (حذرتك من الحكايه دي قبل كده)
3- ماتم فى التنظيف هو تنظيف نصفي فقط !!!!! يعني فى نصف المهمه لم تكمل وهي ما بداخل بلوك الموتور

دورة التبريد هي جزءان :
الجزء الاول ,وهو الجزء الخارجي المعروف المرئي لنا وهو الريداتير وقربة المياه وما تحويان من مياه "خضراء"
الجزء الثاني, وهو الجزء الداخلي داخل بلوك الموتور والترموستات وماتحويان من مياه "خضراء"

فالفكره الريسيه هى: ان يكون الماء يمر بجوار بلوك الموتور للتبريد وعندما يسخن بدرجه معينه يتم فتح الترموستات فتندفع المياه الساخنه من البلوك الي المواسير الرفيعه "الريداتير" لكي تبرد فتمر علي الحساس فيقوم المتحكم الالكتروني بتشغيل مراوح التبريد عند 102 درجه لكي تبرد المياه الماره فى المواسير لكي تدخل مرة اخري الي بلوك الموتور وهي بارده فيحدث التبريد
واذا وجد الحساس ان الحراره عاليه جدا اعلي من 120 درجه تقريبا فيقوم باعطاء الامر للمتحك بتشغيل المراوح علي السرعة الثانيه الاعلي لكي يتم التبريد سريعا

والسيارات الحديثه يوجد بها نظام تبريد مغلق الدائرة مثل 516 وجميع الاسبيرانزات ..... ومن اساسيات هذا النظام ان يظل يعمل بلا تزويد ماء او زيادة حراره لسنوات طويله

رجاءا:
1- شراء "فلش" تنظيف الريداتير من اي بنزينه وتزويد الريداتير بها وتشغيل السياره الي ان يتم عمل المراوح وتسيبها دايره حوالي 10-15 دقيقه ثم يتم التفريغ
2- بعد الغسيل بالمنظف "فلش" (مرة او عدة مرات) برجاء اعد ملء الريداتير بمياه خضراء نقيه مركزه بتركيز لا يقل عن 33% كاملة بدون اضافة مياه "حنفيه او مقطره " عندما يبرد الموتور تماما ...... وخد لفه سريعه بالعربيه وارجع تاني حتلاقي القربه نقصت شوية اعد تزويدها بمياه " خضراء مركزه" حتي العلامه المعروفه

بالتوفيق ان شاء الله
فى امان الله

كلام حضرتك جميل ومفيد جدا

ويمكن انا وضحت انى اعترضت معاه على موضوع ميه النار بس هو قالى انها خفيفه جدا ومش هنخليها فى الريداتير مده طويله وفعلا لم يأخذ موضوع ميه النار هذا الا خمس دقائق بالتقليب والتفريغ والشطف

وكان لى سؤال لحضرتك ما هى افضل طريقه لتنظيف البلوك لوحده ؟؟؟
منتظر الاجابه

وجزاكم الله خيرا

[ALshahba]

كلام حضرتك جميل ومفيد جدا

ويمكن انا وضحت انى اعترضت معاه على موضوع ميه النار بس هو قالى انها خفيفه جدا ومش هنخليها فى الريداتير مده طويله وفعلا لم يأخذ موضوع ميه النار هذا الا خمس دقائق بالتقليب والتفريغ والشطف

وكان لى سؤال لحضرتك ما هى افضل طريقه لتنظيف البلوك لوحده ؟؟؟
منتظر الاجابه

وجزاكم الله خيرا

السلام عليكم ورحمة الله
اهلا اهلا بحضرتك
فعلا حضرتك وضحت اعتراضك وده شئ ايجابي كويس ........... والنتيجه انه عمل اللي في دماغه ... معلش ملحوقه
علي قد ماتقدر تخلي الصنايعي يعمل اللي انت شايفه صح لانه بيكون وارث الطريقه مش واخدها بنظام علمي....بس برضو ياريت يكون اللي انت شايفه برضو مبني علي نظريات او استنتاجات او مفاهيم علميه

اسمحلي قبل ما اجاوبك اقول حاجه مهمه جدااااااااا فى الاسبيرانزات كلها

<<<<<< مياه الريداتير المفضله من المصنع لابد ان تكون بتركيز 50%>>>>>

ولكن للاسف المياه المركزه الاصليه (شل-موبل-غيرها) تركيز مادة "ايثيلين جليكول" لايتعدي 33%
اكيد فى انواع تركيزها 50% بس حتلاقيها خارج مصر

بالرجوع لسؤال حضرتك المهم,
تنظيف البلوك من اهم الخطوات فى تنظيف دورة التبريد لانه مستخبي ولا يظهر عليه اي علامات...وينظف كالاتي:
- يتم فك كوع توصيل الريداتير بالبلوك وبيكون بجانب الموتور وبتكون الكوعه حديد وجواها الترموستات الميكانيكي (شكل سوسته )
- وقف تشغيل المحرك وتركه يبرد تماااااما
- يتم فك الخرطوم السفلي الكبير الواصل للريداتير وايضا العلوي (بتاع الكوعه)
- وضع خرطوم مياه مياه جاري نظيف فى مكان الخرطوم السفلي الكبير وفتح المياه.....ستجد مياه تنزل من الكوع العلوي ولها الوان الطيف ...... لا تغلق المياه حتي تتأكد ان المياه الخارجه لونها نظيف
الان تم غسي البلوك منفردا ............ ولكن احذر انه مازال هناك مياه حنفيه داخل البلوك
تخرجها ازاي
- بالنفخ المستمر فى الخرطوم الكبير او الخرطوم الرفيع الواصل للإربه ......... حتي تجد المياه تنبثق امامك وتخرج عن اخرها ............. وتتأكد من خروجها لما تلاقي نفسك اتقطع واتهديت

وابدأ بالربط لاجزاء الريداتير والخراطيم (هات معاك شوية كوليهات معدنيه احتياطي) ثم اسكب المياه الخضراء (او الحمراء) الاصليه (النوع المصري تركيزه 40% فى زجاجات 1 لتر) وبعد لفه بالعربيه تكشف علي مياه الريداتير من القربه حتلاقيها نقصت شويه ......... يفضل الاضافه والسياره بارده تماما من غير تشغيل المحرك

- ملحوظة اخيره ,,,,,, يتم تغيير مياه الريداتير كل حوالي 40-50 الف كم للنظافه اذا لزم الامر بدون فك الريداتير

اعتذر للاطاله

بالتوفيق
فى امان الله

[elkomyalto]

السلام عليكم ورحمة الله
اهلا اهلا بحضرتك
فعلا حضرتك وضحت اعتراضك وده شئ ايجابي كويس ........... والنتيجه انه عمل اللي في دماغه ... معلش ملحوقه
علي قد ماتقدر تخلي الصنايعي يعمل اللي انت شايفه صح لانه بيكون وارث الطريقه مش واخدها بنظام علمي....بس برضو ياريت يكون اللي انت شايفه برضو مبني علي نظريات او استنتاجات او مفاهيم علميه

كلامك مضبوط ولكن هو شرحلى انها خفيفه مش هتاكل المواسير كما وضحت

اسمحلي قبل ما اجاوبك اقول حاجه مهمه جدااااااااا فى الاسبيرانزات كلها

<<<<<< مياه الريداتير المفضله من المصنع لابد ان تكون بتركيز 50%>>>>>

معلومه مهمه وجديده



ولكن للاسف المياه المركزه الاصليه (شل-موبل-غيرها) تركيز مادة "ايثيلين جليكول" لايتعدي 33%
اكيد فى انواع تركيزها 50% بس حتلاقيها خارج مصر

بالرجوع لسؤال حضرتك المهم,

تنظيف البلوك من اهم الخطوات فى تنظيف دورة التبريد لانه مستخبي ولا يظهر عليه اي علامات...وينظف كالاتي:

- يتم فك كوع توصيل الريداتير بالبلوك وبيكون بجانب الموتور وبتكون الكوعه حديد وجواها الترموستات الميكانيكي (شكل سوسته )

بيكون الموتور شغال ولا متوقف قل فك هذا الكوع ؟؟


- وقف تشغيل المحرك وتركه يبرد تماااااما
- يتم فك الخرطوم السفلي الكبير الواصل للريداتير وايضا العلوي (بتاع الكوعه)

عشان نفك الخرطوم السفلى ده شغلانه لازم تترفع العربيه ونشيل الكرتيره ال تحت صح الكلام ..


- وضع خرطوم مياه مياه جاري نظيف فى مكان الخرطوم السفلي الكبير وفتح المياه.....ستجد مياه تنزل من الكوع العلوي ولها الوان الطيف ...... لا تغلق المياه حتي تتأكد ان المياه الخارجه لونها نظيف
الان تم غسي البلوك منفردا ............ ولكن احذر انه مازال هناك مياه حنفيه داخل البلوك
تخرجها ازاي

سؤال ممكن نضيف اى منظف خلال هذه العمليه قبل الشطف ؟؟


- بالنفخ المستمر فى الخرطوم الكبير او الخرطوم الرفيع الواصل للإربه ......... حتي تجد المياه تنبثق امامك وتخرج عن اخرها ............. وتتأكد من خروجها لما تلاقي نفسك اتقطع واتهديت

وابدأ بالربط لاجزاء الريداتير والخراطيم (هات معاك شوية كوليهات معدنيه احتياطي) ثم اسكب المياه الخضراء (او الحمراء) الاصليه (النوع المصري تركيزه 40% فى زجاجات 1 لتر) وبعد لفه بالعربيه تكشف علي مياه الريداتير من القربه حتلاقيها نقصت شويه ......... يفضل الاضافه والسياره بارده تماما من غير تشغيل المحرك

اعتقد انه لازم اخراج الهواء من الدوره صح ؟؟

- ملحوظة اخيره ,,,,,, يتم تغيير مياه الريداتير كل حوالي 40-50 الف كم للنظافه اذا لزم الامر بدون فك الريداتير

انا شايف ان هذه مده طويله للتغيير والله اعلم

اعتذر للاطاله
اطالة ايه بس يا دكتور براحتك

بالتوفيق
[COLOR="rgb(0, 100, 0)"]ربنا يكرمك يار [/COLOR]
فى امان الله

[ALshahba]

السلام عليكم ورحمة الله

<<<كلامك مضبوط ولكن هو شرحلى انها خفيفه مش هتاكل المواسير كما وضحت>>>
- عفوا ,هو يقول ما يشاء , كما وضحت لحضرتك ان كلام الصنايعيه بيكون غير علمي , يعني ممكن تصيب وممكن تخيب, وان شاء الله مايحصلش حاجه بس بلش تكرر مية النار دي افضل

<<<[color="rgb(46, 139, 87)"]بيكون الموتور شغال ولا متوقف قل فك هذا الكوع ؟؟[/color]>>>
- طبعا يكون متوقف وبارد تماما .......... ولايتم اي عمل فى السياره وهي ساخنه وبالاخص دورة التبريد

<<<[color="rgb(46, 139, 87)"]عشان نفك الخرطوم السفلى ده شغلانه لازم تترفع العربيه ونشيل الكرتيره ال تحت صح الكلام ..[/color]>>>
- لا لا الموضوع ابسط من كده , يوجد افيز علي كل خرطوم عند فكه وارجاعه للخلف اصبح الخرطوم حر الحركه وسهل الفك من فوق عند فتح الكبوت فقط

<<<[color="rgb(46, 139, 87)"]سؤال ممكن نضيف اى منظف خلال هذه العمليه قبل الشطف[/color] ؟؟>>>
- لو اردت اضافة اي منظف فمن الممكن ان تضع المنظف "فلش" من اي نوع تختاره للدورة كاملة بما فيها الريداتير ,
ولكن اياك ان تضع مية النار فى الموتور للتنظيف او النفط ........... يؤدي للنقر داخل بلوك الموتور وتسلخ الجوانات والنفط يؤدي الي الاشتعال مع التدوير والسخونه....حفظك الله

<<<[color="rgb(46, 139, 87)"]اعتقد انه لازم اخراج الهواء من الدوره صح ؟[/color]؟>>>
- اصبت ...فعلا لابد من اخراج الهواء........... بعد التنظيف واضافة المياه الخضراء وربط الخراطيم جيدا , يتم تدوير الموتور وانت فاتح قربة المياه وتتركها مفتوحه وانت عمال تزود شوية بشوية البنزين , حتلاقي فقاقيع عماله بتطلع من المياه داخل القربه , وتظل فى الدواره حتي تجد ان المياه القادمة الي القربه مستمره وتدخل الي الموتور عن طريق الخرطوم الثاني بدون فقاقيع وتكون فى الغالب علي شكل اعصار صغير

<<<[color="rgb(46, 139, 87)"]انا شايف ان هذه مده طويله للتغيير والله اعلم[/color] >>>
- لاتقلق من اطالة المدة فى مياه التبريد للغيير......... حساب المده والتغيير فى المواعيد يفضل ان يكون للزيوت لانها تتأثر بالحراره وتفقد اللزوجه......اما المياه فتفقد الماده الؤثره (ايتيلين جليكول) ايضا خواصها ولكن بعد فتره طويله جدا وحتي لو فقدتها فلن تجد تأثير خطير سوي زيادة السخونه علي المؤشر بمقدار بسيط , فى هذه الحاله ممكن تغيرها ........... للمعلومه, انا كان عندي عربيه كيا زمان فضلت فيها المياه الخضراء 7 سنوات و 130الف كم بلا تغيير والحمد لله لم تزد الحراره او اواجه اي مشاكل فى الحراره , وايضا السيارات الفارهه تقريبا لا يغيرونها الا بعد عدة سنوات علي سبيل الرفاهيه بعد السنه 5 مثلا .....ولكن لو اردت التغيير فى نفس المده المحدده 40-5- الف كم كما فى الكاتالوج فده شئ وقائي جيد لا غبار عليه

اتمنى اكون وضحت وجة نظري الي حضرتك

بالتوفيق ان شاء الله
فى امان الله

[dr.hazem]

التقرير جامد
معترض على مية النار وعالنفط وعلى مية الحفيه
وأخيراً باكد على ان تركيز الميه في بلد زي مصر ملوش اي فائده مرجوة !!!
التركيز ده خاص بمانع التجمد ومش بيفرق في الحر ببصله بل ان التركيز لو زاد هيرفع درجة غليان الميه جامد للدرجه اللي تفقدها وظيفتها التبريدية...
تركيز 50/50 ده بيستخدم في الدول اللي بتوصل الحراره فيها تحت الصفر
انما مصر 5-10 % كافي جدآ

وفي ملاحظة كمان
هو ليه بس اعتمد عالكبماويات في عملية التنظيف؟؟
ليه مستخدمش التسييخ وانه ينظف كل عين لوحدها ويطلع الزباله المحشورة جوة؟؟؟
بالنسبالي لو هحط حاجه غير الفلاش بحط خل او ملح ليمون والاتنين احماض ضعيفه هترسب الصدا كله في الميه وتطلعه من مكانه واخف بكتير من مية النار ومش هتعمل تآكل في المواسير

تحياتي

Sent from my mobile using Forum Runner

[ALshahba]

التقرير جامد
معترض على مية النار وعالنفط وعلى مية الحفيه
وأخيراً باكد على ان تركيز الميه في بلد زي مصر ملوش اي فائده مرجوة !!!
التركيز ده خاص بمانع التجمد ومش بيفرق في الحر ببصله بل ان التركيز لو زاد هيرفع درجة غليان الميه جامد للدرجه اللي تفقدها وظيفتها التبريدية...
تركيز 50/50 ده بيستخدم في الدول اللي بتوصل الحراره فيها تحت الصفر
انما مصر 5-10 % كافي جدآ

وفي ملاحظة كمان
هو ليه بس اعتمد عالكبماويات في عملية التنظيف؟؟
ليه مستخدمش التسييخ وانه ينظف كل عين لوحدها ويطلع الزباله المحشورة جوة؟؟؟
بالنسبالي لو هحط حاجه غير الفلاش بحط خل او ملح ليمون والاتنين احماض ضعيفه هترسب الصدا كله في الميه وتطلعه من مكانه واخف بكتير من مية النار ومش هتعمل تآكل في المواسير

تحياتي

sent from my mobile using forum runner

اهلا بحضرتك واشكرك علي التعليق المفيد

اسمحلي اختلف معاك شويه ......... التركيز فى المياه الخضراء من مادة " ايثلين جليكول" هام وله عملان
1- يقلل من درجة التجميد
2- يرفع من درجة الغليان ..... وهذا مايهمنا فى مصر

فقد تصل درجة الغليان الي مابعد 100 درجه فتصل الي 190 درجة ,فيحافظ علي الضغط داخل الريداتير والموتور علي السواءولا يفقد الماء خواصه بل يحافظ عليه وايضا يجعل دائما الموتور فى درجة حراره ملائمه للتشغيل فيحفظه من التأكل ويحفظ الزيت من الاحتراق السريع وفقد لزوجته فى اقل وقت

- اما عن عملية التسييخ ....فللأسف لاتجدي نفعا ملموسا فى الاسبيرانزات , الريداتيرات بتاعتنا دي من النوع انه لو باز او صدي مثلا يفضل التغيير

فى امان الله

[dr.hazem]

اهلا بحضرتك واشكرك علي التعليق المفيد

اسمحلي اختلف معاك شويه ......... التركيز فى المياه الخضراء من مادة " ايثلين جليكول" هام وله عملان
1- يقلل من درجة التجميد
2- يرفع من درجة الغليان ..... وهذا مايهمنا فى مصر

فقد تصل درجة الغليان الي مابعد 100 درجه فتصل الي 190 درجة ,فيحافظ علي الضغط داخل الريداتير والموتور علي السواءولا يفقد الماء خواصه بل يحافظ عليه وايضا يجعل دائما الموتور فى درجة حراره ملائمه للتشغيل فيحفظه من التأكل ويحفظ الزيت من الاحتراق السريع وفقد لزوجته فى اقل وقت

- اما عن عملية التسييخ ....فللأسف لاتجدي نفعا ملموسا فى الاسبيرانزات , الريداتيرات بتاعتنا دي من النوع انه لو باز او صدي مثلا يفضل التغيير

فى امان الله

ياغالي
لو درجة الحرارة جوة الماتور مثلا 400 مئويه
ودرجة غليان الميه عليت جامد ولنفرض زي ما تفضلت حضرتك 190
الفرق اللي بين الحرارتين هو المحرك للتبادل الحراري وكل ما قل الفرق كان التبادل الحراري اقل مش اكتر!!!
يعني التركيز العالي غير مفيد وللعلم فقط

كون الميه تحت ضغط من دورة التبريد ده لوحده بيرفع درجة الغليان..
يعني التركيز مش بالقيمه المهمه اللهم في البروده القاسيه جدا زي ما وضحت سابقا ودي بنتكلم عن البروده الكفيله بتجميد الميه في دورة التبريد كلها !!
اهم شئ الضغط ومن ثم التركيز وباكد ان التركيز العالي جدا مش مناسب لجو مصر...
تحياتي

Sent from my mobile using Forum Runner

[S O P H O S]

ما شاء الله
تقرير وافي