Tweet
السلام عليكم ورحمة الله وبركاته
بقالي فترة عاوز أعمل الموضوع ده بس الصراحة كنت مشغول جداً ومقدرتش أعمله قبل كده
ومعلش استحملوني شوية لو طولت في الموضوع
الحكاية ابتدت بإني اتصلت عشان أحجز معاد صيانة ال1000، وحجزت على يوم السبت 5/4/2014.
رحت هناك قبل معادي الصراحة عشان كنت عاوز أروح قسم السمكرة قبل الصيانة وهناك قالي لازم أدفع رسوم مقايسة 500 جنيه تخصم بعد كده من الفاتورة النهائية،
ولما سألته طيب تقريباً التكلفة هتكون كام، قالي يعني لو التكلفة 2500 هتتخصم ال500 وتدفع 2000 ، لو 3000 هتدفع 2500.
قلت لو على كده بسيطة ورحت دفعت رسوم المقايسة ورجعت لقيته مجهز المقايسة وبيقولي هتكلف 7000 - 8000 جنيه!!!!!
فطبعاً أجلت موضوع السمكرة ده شويتين كده!
وبعد كده رحت عشان أعمل صيانة ال1000، واستلموا مني العربية على الساعة 9:30 كده وقلتلهم على المشاكل اللي عندي غير الصيانة: إن العربية بتحدف يمين وإن الإنذار مش شغال، وطلعت أستنى في الاستراحة.
خلصوا الصيانة على الساعة 1 ونزلت أستلم العربية، المهندس قالي إنهم غيروا زيت وفلتر (مكنش عارف نوع الزيت اللي حطوه إيه، قالي هو زيت 10000، ,ومقدرتش أستشف هو كان إيه درجته من الفاتورة)، وبالنسبة لموضوع الحدفة فالعربية محتاجة ظبط زوايا بس الجهاز كان عطلان ساعتها!، والإنذار بيقول إنه ناقص تركب السرينة عشان الإنفي هي مش بتنزل بسرينة إنذار وإن الفيشة بتاعت السرينة موجودة وواقفة بس على تركيب السرينة، وأنا طلبت أأجل تركيب السرينة للزيارة اللي بعد كده مع ظبط الزوايا عشان كنت زهقت من الانتظار.
وحجزت معاد تاني وأنا عندهم على يوم السبت 12/4/2014 عشان ظبط الزوايا والإنذار.
ورحتلهم يوميها على الساعة 9:45، واستلموا العربية على الساعة 10 كده.
وفضلت مستني لحد الظهر كده ومكانوش خلصوا، رحت سألت المهندس قالي لسه شوية كده عشان الزحمة وممكن تخلص بعد البريك على الساعة 1 كده.
المهم رجعتله تاني على 1 لقيته بيقولي إن المشكلة إن الفيشة اللي بتركب فيها السرينة مش موجودة والسرينة نفسها موجودة!!!، ولسه هيدوروا على الفيشة دي ويركبوها
وبالنسبة لظبط الزوايا فقالي إنهم لقوا إن المشكلة محتاجة إنهم يغيروا العجل اليمين مكان الشمال وبس!!
أكدت له إنهم هم اللي قالوالي إن كل حاجة موجودة وفاضل بس السرينة قالي لأ ده الفيشة مش موجودة!!
وفضل كل شوية كده أنزل أسأله على التأخير ده كله ليه كان بيقولي لسه على الجهاز، ولسه بيغيروا العجل .... إلخ من الحجج والكلام ده.
ولقيتهم بيندهوا عشان أستلم العربية الساعة 4 العصر!!!!!
وقالولي إنهم غيروا العجل اليمين مكان الشمال وكده الزوايا اتظبطت، وإنه ركبوا السرينة عشان مكانتش موجوده فعلاً!! ( السرينة كانت ب 37.5 قبل الضريبة، والمصنعية 100 قبل الضريبة!!!).
أخدن العربية وأنا متعكنن من الوقت ده كله، وشيكت على الإنذار لقيه شغال تمام والحمد لله.
قمت واخد العربية ومروح، والجو كان حر قوي يوميها فقلت أشغل التكييف لقيه شغال كأنه مروحة بس من غير أي تبريد!!
قلت يمكن عشان في الأول والجو حر وكده وأستنى شوية.
بس تأكدلي إنه فعلاً مش بيبرد خااااااااااااالص - مع إني مشغه وأنا رايحلهم الصبح وكان زي الفل -، وكمان لقيت العربية بقت بتحدف شمال!!!.
أول مارجعت البيت قمت متصل بيهم ومقدم شكوى في المركز عشان المهزلة اللي حصلت دي.
ولقيتهم اتصلوا تاني يوم وحددولي معاد يوم الإثنين أروح يظبطولي المشاكل دي.
رحت فعلاً هناك من 9 الصبح ولقيت المهندس في الإستقبال بيقولي إحنا هنكشف على التكييف ولو حاجة تبع الضمان هنعملها لو مش كده هتدفع كشف 50 جنيه!!!!
قلتله أنا مش هدفع حاجة ودي مشكلتكم إنتوا، لأنه كان شغال قبلها من غير مشاكل.
المهم لقيتهم مخلصين على الساعة 12 كده والمره دي لقيتهم حاطينلي ريبورت من جهاز ظبط الزوايا في العربية، ولقيتهم ظبطوا الprimary angles بس ال secondary angles لقيتها مش مظبوطة.
وبصراحة أنا كان محروق دمي منهم قوي قمت واخد بعضي وماشي قلت أظبط زوايا في أي حتة بره على حسابي وأخلص من الوش بتاعهم ده أفضل.
وأنا حالياً بفكر جدياً إني أطلع بره التوكيل وأعمل الصيانات مع نفسي وخلاص لإني حسيت إنهم مش فاهمين أي حاجة في العربية!!
معلش لو كنت طولت عليكم في الموضوع بس حبيت أنقلكم التجربة كاملة معاهم.
بقالي فترة عاوز أعمل الموضوع ده بس الصراحة كنت مشغول جداً ومقدرتش أعمله قبل كده
ومعلش استحملوني شوية لو طولت في الموضوع
الحكاية ابتدت بإني اتصلت عشان أحجز معاد صيانة ال1000، وحجزت على يوم السبت 5/4/2014.
رحت هناك قبل معادي الصراحة عشان كنت عاوز أروح قسم السمكرة قبل الصيانة وهناك قالي لازم أدفع رسوم مقايسة 500 جنيه تخصم بعد كده من الفاتورة النهائية،
ولما سألته طيب تقريباً التكلفة هتكون كام، قالي يعني لو التكلفة 2500 هتتخصم ال500 وتدفع 2000 ، لو 3000 هتدفع 2500.
قلت لو على كده بسيطة ورحت دفعت رسوم المقايسة ورجعت لقيته مجهز المقايسة وبيقولي هتكلف 7000 - 8000 جنيه!!!!!
فطبعاً أجلت موضوع السمكرة ده شويتين كده!
وبعد كده رحت عشان أعمل صيانة ال1000، واستلموا مني العربية على الساعة 9:30 كده وقلتلهم على المشاكل اللي عندي غير الصيانة: إن العربية بتحدف يمين وإن الإنذار مش شغال، وطلعت أستنى في الاستراحة.
خلصوا الصيانة على الساعة 1 ونزلت أستلم العربية، المهندس قالي إنهم غيروا زيت وفلتر (مكنش عارف نوع الزيت اللي حطوه إيه، قالي هو زيت 10000، ,ومقدرتش أستشف هو كان إيه درجته من الفاتورة)، وبالنسبة لموضوع الحدفة فالعربية محتاجة ظبط زوايا بس الجهاز كان عطلان ساعتها!، والإنذار بيقول إنه ناقص تركب السرينة عشان الإنفي هي مش بتنزل بسرينة إنذار وإن الفيشة بتاعت السرينة موجودة وواقفة بس على تركيب السرينة، وأنا طلبت أأجل تركيب السرينة للزيارة اللي بعد كده مع ظبط الزوايا عشان كنت زهقت من الانتظار.
وحجزت معاد تاني وأنا عندهم على يوم السبت 12/4/2014 عشان ظبط الزوايا والإنذار.
ورحتلهم يوميها على الساعة 9:45، واستلموا العربية على الساعة 10 كده.
وفضلت مستني لحد الظهر كده ومكانوش خلصوا، رحت سألت المهندس قالي لسه شوية كده عشان الزحمة وممكن تخلص بعد البريك على الساعة 1 كده.
المهم رجعتله تاني على 1 لقيته بيقولي إن المشكلة إن الفيشة اللي بتركب فيها السرينة مش موجودة والسرينة نفسها موجودة!!!، ولسه هيدوروا على الفيشة دي ويركبوها
وبالنسبة لظبط الزوايا فقالي إنهم لقوا إن المشكلة محتاجة إنهم يغيروا العجل اليمين مكان الشمال وبس!!
أكدت له إنهم هم اللي قالوالي إن كل حاجة موجودة وفاضل بس السرينة قالي لأ ده الفيشة مش موجودة!!
وفضل كل شوية كده أنزل أسأله على التأخير ده كله ليه كان بيقولي لسه على الجهاز، ولسه بيغيروا العجل .... إلخ من الحجج والكلام ده.
ولقيتهم بيندهوا عشان أستلم العربية الساعة 4 العصر!!!!!
وقالولي إنهم غيروا العجل اليمين مكان الشمال وكده الزوايا اتظبطت، وإنه ركبوا السرينة عشان مكانتش موجوده فعلاً!! ( السرينة كانت ب 37.5 قبل الضريبة، والمصنعية 100 قبل الضريبة!!!).
أخدن العربية وأنا متعكنن من الوقت ده كله، وشيكت على الإنذار لقيه شغال تمام والحمد لله.
قمت واخد العربية ومروح، والجو كان حر قوي يوميها فقلت أشغل التكييف لقيه شغال كأنه مروحة بس من غير أي تبريد!!
قلت يمكن عشان في الأول والجو حر وكده وأستنى شوية.
بس تأكدلي إنه فعلاً مش بيبرد خااااااااااااالص - مع إني مشغه وأنا رايحلهم الصبح وكان زي الفل -، وكمان لقيت العربية بقت بتحدف شمال!!!.
أول مارجعت البيت قمت متصل بيهم ومقدم شكوى في المركز عشان المهزلة اللي حصلت دي.
ولقيتهم اتصلوا تاني يوم وحددولي معاد يوم الإثنين أروح يظبطولي المشاكل دي.
رحت فعلاً هناك من 9 الصبح ولقيت المهندس في الإستقبال بيقولي إحنا هنكشف على التكييف ولو حاجة تبع الضمان هنعملها لو مش كده هتدفع كشف 50 جنيه!!!!
قلتله أنا مش هدفع حاجة ودي مشكلتكم إنتوا، لأنه كان شغال قبلها من غير مشاكل.
المهم لقيتهم مخلصين على الساعة 12 كده والمره دي لقيتهم حاطينلي ريبورت من جهاز ظبط الزوايا في العربية، ولقيتهم ظبطوا الprimary angles بس ال secondary angles لقيتها مش مظبوطة.
وبصراحة أنا كان محروق دمي منهم قوي قمت واخد بعضي وماشي قلت أظبط زوايا في أي حتة بره على حسابي وأخلص من الوش بتاعهم ده أفضل.
وأنا حالياً بفكر جدياً إني أطلع بره التوكيل وأعمل الصيانات مع نفسي وخلاص لإني حسيت إنهم مش فاهمين أي حاجة في العربية!!
معلش لو كنت طولت عليكم في الموضوع بس حبيت أنقلكم التجربة كاملة معاهم.
Comment