تجربتي مع أبو رواش

[HiddenSpider]

جدع انك مدفعتش مليم وصيانة الالف مش مجانية للاسف عشان كدة غالية و السرينة بالتركيب 151 ؟؟!! لا دي كنت ركبتها برة بقي
بس العربية بتاخد 5 ليتر زيت ؟؟ غريبة شوية انا معايا الامجراند بتاخد 4 كيلو الا ربع لية الانفي بتاخد زيت كتير كدة

هو اللي خلاني أركبها عندهم إنهم ميتلككوش ويخرجوني من ضمان الكهربا، وقبل كده كانوا قايلين إن تكلفتها 100 جنيه فقلت مش مشكلة

والزيت أنا حاسس إنهم مزودين كيلو زيادة

المرة الجاية كده هشوف إيه اللي هيحصل

[HiddenSpider]

انا من اول ماقريت افتكرت انك بتتكلم على الايمجراند و غبور وغلطت و جيت قسم الاسبيرنزا وواضح انة كلهم زى بعض وخدمة زفت واستهبال
انا راى خليك معاهم فى الصيانة لما هم موش فاهمين امال برة هايبقى اية
صدقنى اى توكيل موش غلطان لانة لا توجد رقابة عليهم لو فية رقابة فعلا وروحت تشتكى و تاخذ حقك كان اى توكيل احترم نفسة

هههههههههه

للأسف فعلاً كلهم أسوأ من بعض - ولو إني أعتقد إن أبو الفتوح أرحم شوية :)

إن شاء الله أرحلهم على صيانة ال5000 كده وأشوف هيتعدلوا ولا لأ

وأجرب أغير مركز الصيانة وأشوف

بصراحه أنا بتعامل مع مركز العباسيه .. ناس زي الفل .. مع أن كل الناس كانت بتقول أبورواش أحسن !!!!! غريبه دي بصراحه ... لكن عموما جرب تروح فرع العباسيه .. ده مكانه ورا مرور الدراسه قدام الجامعه العماليه تمام ... بهو عموما مراكز التوكيلات كلها بتبقى زحمه ولازم تتستنى ع الأقل لغاية الساعه 2 الظهر لماتستلم .. عشان كده أبعد دايما عن يوم السبت والأحد والخميس .. عشان تبقى الدنيا رايقه شويه .. مركز العباسيه من غير حجز .. تروح الساعه 7.30 الصبح بالضبط قبل مايفتحوا عشان تمسك دور ف الطابور .. هتلاقي قدامك 7 أو 8 عربيات كل الحكايه .. جرب وشوف .

إن شاء الله الصيانة الجاية أحاول أروح هناك، ولو إنه بعيد شوية عني (أنا في 6 أكتوبر)، أو أجرب أروح الكيلو 32 يمكن يكون أحسن من أبو رواش

[M I D O]

أنا بعد ما استلمت كتيب الضمان لقيتهم كاتبين إن الصيانات كل 5000 كم أو 6 شهور

حتي لو كل 5 الاف او 6 شهور دة كويس جدا للناس الي مبتتحركش كتير بس انا كنت اسمع انها 10 الاف او 6 شهور
تقريبا ابوالفتوح بيقول كلام وبيعمل كلام تاني زي باقي التوكيلات

[bassemali]

أنا بعد ما استلمت كتيب الضمان لقيتهم كاتبين إن الصيانات كل 5000 كم أو 6 شهور

لا طبعا ... 6 شهور أو 10 الاف كيلو مش 5000 .. انا معايا 516 بقالها سنتين ونص أهو وأنا ماشي على كده .

[wallace]

جرب المرة الجاية تروح مركز تاني زي الصحراوي ك 32 (بعد الكارتة بدقيقة علي اليمين)

أو مركز العمرانية (الهرم) ودول تقريباً أقرب إتنين ليك في محيط مركز ابو رواش

[HiddenSpider]

لا طبعا ... 6 شهور أو 10 الاف كيلو مش 5000 .. انا معايا 516 بقالها سنتين ونص أهو وأنا ماشي على كده .

هو ده اللي مكتوب في كتيب الضمان

عموماً هحاول أسألهم على الموضوع ده في أقرب وقت إن شاء الله :)

[HiddenSpider]

جرب المرة الجاية تروح مركز تاني زي الصحراوي ك 32 (بعد الكارتة بدقيقة علي اليمين)

أو مركز العمرانية (الهرم) ودول تقريباً أقرب إتنين ليك في محيط مركز ابو رواش

إن شاء الله أحاول أجربهم المرة الجاية :)

[mido_z1977]

السَلاَم عَلَّيكَمَّ ورَحْمَة الله وَبَركآته

انا معايا الانفي من شهر 5 والحمد لله تمام
وهي فعلا بتاخد 4.5لتر زيت بالفلتر .
والصيانه كل 5000ك او 6 شهور.
وياريت لو حد يعرف مركز (محترم) مش بتاع اشتغالات اتابع معاه الصيانه
لان عندي صوت دربكه خفيفه في العفشه من الامام.
وعلى فكره تم تغيير المساعد الشمال امامي بسبب مطب ب 528ج(المساعد 460ج والباقي مصنعيات وخامات وضريبه)
والزجاج الخلفي اتكسر بسبب واحد ابن حلال . وكان موجود مستورد بس بمراكز الخدمه لابو الفتوح .
ومصنع دكتور جريش لسه مشتغلش في الانفي .
وكان سعره
640ج ( الزجاج 475ج والباقي مصنعيات وخامات وضريبه)
الحمدلله
المهم انا نفسي في مركز صيانه معتمد من ابو الفتوح باشا (محترم) اتعامل معاه بدون وجع قلب وضغط وللاسف انا ماليش في الصوت العالي وقلة الادب.

وشكرا للجميع......

[hugan]

السَلاَم عَلَّيكَمَّ ورَحْمَة الله وَبَركآته

انا معايا الانفي من شهر 5 والحمد لله تمام
وهي فعلا بتاخد 4.5لتر زيت بالفلتر .
والصيانه كل 5000ك او 6 شهور.
وياريت لو حد يعرف مركز (محترم) مش بتاع اشتغالات اتابع معاه الصيانه
لان عندي صوت دربكه خفيفه في العفشه من الامام.
وعلى فكره تم تغيير المساعد الشمال امامي بسبب مطب ب 528ج(المساعد 460ج والباقي مصنعيات وخامات وضريبه)
والزجاج الخلفي اتكسر بسبب واحد ابن حلال . وكان موجود مستورد بس بمراكز الخدمه لابو الفتوح .
ومصنع دكتور جريش لسه مشتغلش في الانفي .
وكان سعره
640ج ( الزجاج 475ج والباقي مصنعيات وخامات وضريبه)
الحمدلله
المهم انا نفسي في مركز صيانه معتمد من ابو الفتوح باشا (محترم) اتعامل معاه بدون وجع قلب وضغط وللاسف انا ماليش في الصوت العالي وقلة الادب.

وشكرا للجميع......

المتحده كويسين في شغلهم
وقطع الغيار عندهم اصليه
لكن اسعارهم زي التوكيل او اغلي

[S O P H O S]

مش هيتغيروا يا باشا

[mdaly1975]

نصيحه أخويه روح لمركز الطريق الصحراوى أفضل ويفضل فى وسط اﻷسبوع وبلاش يوم السبت علشان بيكونوا زحمه وبيكروتوا .
أنا معايا انفى ومفيش مشاكل وعامل 9 الاف لحد دلوقتى وواظب على التوكيل وأوعى تطلع بره ﻷن العربيه
جديده ولسه محدش بيفهم فيها .
تحياتى وبالتوفيق .

[mdaly1975]

بالمناسبه أنا كان عندى مشكلة العربيه بتحدف شمال على سرعة 120 كم وظبطت الزوايا عند واحد مشهور فى الحرفيين فى أقل من 5 دقايق ب 30 جنيه ودلوقتى بقت ذى الساعه .