للاسف العربيه بتخسع بغباء في المطالع

[Melad Sedky]

أستاذ هوجان من خلال استخدامي لعربيتي الـ516.. اللي لاحظته ان العربية لو فاضية وانا سايقها لوحدي ومش محملة وفي طريق عدل بتسحب معقول ولو في مطلع بتخسع شوية .. لكن لو محملة في العدل بتبقي تقيلة شوية وفي المطالع بتبقي (بطة بلدي) .. يعني تقيلة وتبقي علي مهلك عليها
ودا مجربتوش في عربيتي بس لكن مع 2 اصدقائي معاهم اخت عربيتي
ودي مشكلة الاسبرانزا عموما ان الموتور دائما مش مناسب لوزن العربية وبيكون وزنها تقيل على عزم الموتور
ومن خلال اللي حضرتك وصفته اعتقد دا طبيعي وميقلقش
حضرتك لو عندك الديسك والاسطوانة كويسين ممكن تنضف البوابة والفلاتر وتبص ع البوجيهات وممكن كمان بلف السيكون.. يعني الصيانة العادية
غير كده لا مؤاخذة الصنايعية هيشتغلوك كتير وهتكره العربية ومحدش هيحلها.. الا لو واحد امين وقاللك هي فعلا محتاجة حاجة وللا لأ
ودا عشان انا متابع مواضيع خضرتك من ساعة ما قولت ان الدواسة كانت بتفصل على الخامس لحد اما قولت ان في واحد صلحهالك وكانت مريحاك وانت رايح مشوارك للسخنة
عموما انا ممكن اقول لحضرتك على مكان الميكانيكي بتاعي وانا عارف انه مش بتاع اشتغالات ومصنعياته في المعقول مش مغلواني وافتكر مكانه مش هيكون بعيد قوي عنك
وشغله معظمه في العربيات الصيني ان مكانش بيشتغل فيها بس

[amr011111]

واحد زميلى بيقول ان المشكله ديه حصلت مع حد معرفه له والسبب ان البنزين مش كان واصل من التانك للموتور والله اعلم

[abdulhafeez]

انا معايا التيجو 2000 اوتو .......... ومشيت الدائري الاقليمي في اماكن في الطريق العربية مش بتعدي 120 الا لما اشغل ستيب ترونك وانزل على التالت تجيب لحد 150 ............ والمفروض ان اخر الثالث 160 ...........

بينما لو الطريق بقى مستوي او منزل شوية تجيب 185 بدون مجهود

شكل العربية مش بيديها انسيابية كويسة
دا غير ان الغيار الخامس في التيجو المانوال والرابع في الاوتو اصلا صلا عزمهم قليل علشان يوفر بنزين

بينما في 516 الغيار الخامس قوي وبيسحب بسرعة بس هتلاقي الامبير بتاع اللفات على لفات عالية بينما في التيجو وال ام 11 هتجيب 160 والماتور بيكون مرتاح

بس مش هتجيبها الا لو قرصت على الرابع ............ هو الفتيس تصميمه كدا

[hugan]

أستاذ هوجان من خلال استخدامي لعربيتي الـ516.. اللي لاحظته ان العربية لو فاضية وانا سايقها لوحدي ومش محملة وفي طريق عدل بتسحب معقول ولو في مطلع بتخسع شوية .. لكن لو محملة في العدل بتبقي تقيلة شوية وفي المطالع بتبقي (بطة بلدي) .. يعني تقيلة وتبقي علي مهلك عليها
ودا مجربتوش في عربيتي بس لكن مع 2 اصدقائي معاهم اخت عربيتي
ودي مشكلة الاسبرانزا عموما ان الموتور دائما مش مناسب لوزن العربية وبيكون وزنها تقيل على عزم الموتور
ومن خلال اللي حضرتك وصفته اعتقد دا طبيعي وميقلقش
حضرتك لو عندك الديسك والاسطوانة كويسين ممكن تنضف البوابة والفلاتر وتبص ع البوجيهات وممكن كمان بلف السيكون.. يعني الصيانة العادية
غير كده لا مؤاخذة الصنايعية هيشتغلوك كتير وهتكره العربية ومحدش هيحلها.. الا لو واحد امين وقاللك هي فعلا محتاجة حاجة وللا لأ
ودا عشان انا متابع مواضيع خضرتك من ساعة ما قولت ان الدواسة كانت بتفصل على الخامس لحد اما قولت ان في واحد صلحهالك وكانت مريحاك وانت رايح مشوارك للسخنة
عموما انا ممكن اقول لحضرتك على مكان الميكانيكي بتاعي وانا عارف انه مش بتاع اشتغالات ومصنعياته في المعقول مش مغلواني وافتكر مكانه مش هيكون بعيد قوي عنك
وشغله معظمه في العربيات الصيني ان مكانش بيشتغل فيها بس

مين ياباشا الميكانيكي بتاعك

[Melad Sedky]

مين ياباشا الميكانيكي بتاعك

بعته في رسالة لحضرتك

[hugan]

بعته في رسالة لحضرتك

تمام
شكرا استاذ ميلاد