الرجاء الافاده بخصوص الاسبرانزا a113!!!!

[x_gomgom]

طيب ايه اخبارها معاك في البنزين؟؟
انا سامع ان فيه عيب في العزل قريت عنه في منتدي اخر ان في صهد بيجي من تحت الدركسيون؟؟
يا ريت لو حد يكتب تقرير شامل و يبقي كسب ثواب...
عاجز عن الشكر

[mezoo_asyoty]

خلا صه تجربتى فى الاسبرانزا a113 العربيه بالنسبه لسعرها رائع جدا بلمقارنه مع الاوبشنس اللى فيها ولكن اسمع تجربتى من ساعه ما جبتها

انا اشتريتها فى يناير 2009 زيرو مو 2009 استهلاك البزين معقول بتاخد لتر لكل 10-12 ك , السى دى كاسيت رائع فى الاوبشن بتاعته بس بعد شهرين باظ بس اعتقد انى كنت السبب لانى حطيت سى دى لمستها ميه وحطيتها بعد ما نشفت . المهم رحت التوكيل وقلتله على الكاسيت اللى باظ فمكنش عارف اذا كان الكاسيت فى الضمان ولا لا المهم اتصل بالشركه فمصر قالولو غيره فغيروه على الفور بعد كام يوم بعد ما بعت جابه من مصر اصل انا فى اسيوط , المهم من ساعتها حرمت استعمل اى سى دى وحشه والكاسيت زى الفل دلوقتى ,المهم
من اسبوعين بشغل التكيف لقيته الزرار مش شغال شغاله المروحه بس ,رحت التوكيل كشف عليه قالى التكييف تمام بس الزرار بايظ وقالى نغيره ما دام فى الضمان بس اصبر اسبوع علشان نجيبه من مصر واليومين دول كانو يومين جرد علشان السنه الماليه المهم هيركبوه. بس بصراحه اعترف انى انا السبب برضو فى بوظان الزرار انا والمدام لانا كنا بننسى نقفل الزراربتاع التكييف قبل ما ننزل من العربيه كما هو مفترض
بعد ست شهور لاقيت الكاوتش الامامى يمين فيها بالونه كبيره رحت لبتاع الكاوتشات قاللى لازم تغيره فى اقرب وقت المهم ركبت الاستبن لغايه ما تفرج, بعدها بشهرين لاقيت بالونتين فى الكاوتش الخلفى يمين وبرضو عايزه تتغير فاضطرييت اغير كده كاوتشيتين بالمره سالت التوكيل قالى الواحده ب 375 لفيت عند بتوع الكاوتش الاقى نفس المقاس ملقيتش بعت اجيبهم من مصر ملقتش نفس النوع بنفس المقاس الا فى التوكيل فجبت نوع تانى الواحده ب 250 بس الناس مستغربه ازاى الكاوتشيتين باظو والعبيه معايا مبقالهاش 7 شهور بس بس الصراحه حسبى الله ونعم الوكيل من النقر وحفر البلاعات عندنا فى الشوارع تقصف اجدعها عربه مش الاسبرازا وبس على الرغم من ان المحافظ عندنا رصف اغلب الشوارع لكن تتبقى حفر مخفيه وخفر فرق الاسفلت من غطيان البلاعات فممكن يكون ده سبب تقطيع تيل الكوتش بتاعت العربيه بالاضافه ان المدام بتاعتى لسه بادئه فى السواقه مكملتش سنه ومش بتعرف تتفادى الحفر والنقر فكتر خير العربيه
وكمان انا والمدام اطباء وشغلنا ليل ونهار وبنستعمل العربيه احنا الاتنين وفست شهور عاملين 6000 كيلو مع العلم ان اسوط بلد صغيلره بالمقارنه بالقاهره يعنى اجدعها مشوار ربع ساعه بالكتيير

دى كانت خلاصه تجربتى لل a113 اللى الخ الراى فيها كالاتى

-السعر مناسب جدا بالنسبه للفل اوبشنس اللى فيها
-استهلاك معقول للبنزين
-فى المجمل كموتور وسحب فوق الرائع ولكن التكييف بيخفف السحب شويه
-الكماليات اللى فيها عايزها حرص والتزام فى التعليمات(راحع مشكله التكييف)
- من حيث الشكل فجميله جدا ,انا كل قرايبى وزاميلى بيحسدونا على جمالها
-الصاج متين جدا اقوى حتى من اللادا لانى مره عربيه لادا حكت فالعربيه من الجنب محصلش غير خربشه بسيطه فى البوهيه
-العبيه من جوه واسعه جدا من قدام ومن ورا مش زى ما يوحو منظرها من الخرج مع العلم انى طويل لكن محستش انها ديقه لا فى العرض ولا الطول ولا الارتفاع
-اما الشنطه فصغيره لكن مناسبه لاسره 3 افراد لان ممكن تتنى الكراسى الخلفيه وتحط اللى انت عايزه
-فيها عيب بالنسبه لى خطير بس مع الوقت اتعودت عليه الا وهو انك مش بتشوف الحدود الاماميه للعربيه فلما سوقتها فى الاول مكنتش عارف اركن ومش عارف اقدر المسافه بينى وبين العربيه اللى قدامى او لو هفوت بين عربيتين بس مع الوقت والخبره اتعودت واعدى من خرم ابره
-خمه التوكيل ومراكز الصيانه اديهم ممتاز (بالنسبه لتوكيل اسيوط) لان اى مشكله بيحلوها على طول من غير جدال واسلوبهم جيد فى التعامل

راى ده مش معناه انها احسن عربيه لكن مفيش عربيه بالسعر ده ولا قريب حتى منه وليها نفس مميزاتها ,وكل عربيه ليها عيوب ومميزات
ودى كانت تجربتى للعربيه فى 7 شهور ولو فى جديد هبقى اقول

[x_gomgom]

انا مش عارف اشكرك ازاي يا باشا بجد علي التقرير الوافي دا عن العربيه و ربنا يديك خيرها و يكفيك شرها....
شكراً جزيلاً ليك.....
انا ان شاء الله كلها اسبوعين و هشتري بس بخلص الورق المطلوب عشان هجيبها قسط
و يا ريت باقي الملاك يشاركونا التجربه و ايه انطباعهم عنها ....

[ashouhdy]

شوف انا مش معايا العربية
بس قريت عنها كتير ماتورها نضيف لانة مستورد مش صينى و العربية حتتباع فى امريكا تحت اسم دودج فدة يدل ع انها كويسة
العيوب ذى ما الكل قال و سمعت جودة خامات
بس خد منى اجدعها عربية لو اهملت فيها حتبوظ لكن لو استخدامك جميل و بتصلح اول ب اول متقلقش
الاختيارات الاخرى و الافضل
kia picanto
hyundai i10
hyundai atos
chevorlet spark i don't even like it