المشاركة الأصلية كتبت بواسطة karaktar
مشاهدة المشاركة
This is a sticky topic.
X
X
-
ميدو باشا واضح إننا انكتب علينا تبقى سجايرنا واحدة على رأي هنيدي ..المشاركة الأصلية كتبت بواسطة medo_2060 مشاهدة المشاركةانا معايا العربيه بقالها 7 شهور والحمد لله زى الفل ونصيحه ماتسمعش نصيحه اى حد مجربش العربيه لان فى ناس مابتعرفش تعود ساكته عايز يتكلم فى الى يعرفه والى مايعرفوش وفى ناس بتتريق على الصينى كانهم راكبين لكزس صدقنى والله لو مشيت ورا كلام الناس مش هتخلص وبرضه انا مش بدافهع باستماته عن الصينى لا له عيوبه زى اى عربيه وممكن مايناسبكش
انزل جرب العربيه وشوف الناس الى مجرباها بس واسألهم وربنا يوفقك
, ;,دس إنها جت في عربية مع واحد صاحبي وأنا سقتها كتير وسافرت بيها أكتر من مرة لان زي ما جنابك عارف أنا ما عنديش عربية . فـالعربية أنا عارفها وحافظها.... ولو تحب إن نتناقش بصورة موضوعية عن العربية دي أنا معاك يا ريس .[SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].
Comment
-
مع ان العربيه دى اتهرت مناقشات فى المنتدى وبرضه نادر لما حد بيغير فكرته سواء بالسلب او بالايجاب وانا تحت امرك لو تحب تتناقش تانى فيهاالمشاركة الأصلية كتبت بواسطة ehaballam مشاهدة المشاركةميدو باشا واضح إننا انكتب علينا تبقى سجايرنا واحدة على رأي هنيدي ..
, ;,دس إنها جت في عربية مع واحد صاحبي وأنا سقتها كتير وسافرت بيها أكتر من مرة لان زي ما جنابك عارف أنا ما عنديش عربية . فـالعربية أنا عارفها وحافظها.... ولو تحب إن نتناقش بصورة موضوعية عن العربية دي أنا معاك يا ريس .[COLOR="Blue"]سبحان الله وبحمده ... سبحان الله العظيم[/COLOR]
Comment
-
يا سيدي أنا ركبت العربية دي , رايي فيها الاتي :
1- التقفيل
من أسوأ الخامات اللي شفتها في عربية .... والتقفيل سيء جدا جرب اركب أي عربية a113 واضغط على الفواصل في التابلوه حتشوف العجب العجاب .... صاحب العربية أصلا جسمه صغير ومش جتة....بس مكان ركبته في الكونسول الأوسط مرحل بسبب ضغط رجله وبصراحة عمري ماشفت الكلام ده في عربية قبل كده .
من الحاجات اللي حصلت في العربية قبل ماتعمل 3000 كم كان على المحور وكان لسة مخلصشي خد حفرة في الأرض الجنط اتقسم نصين بالطول و الكوميديا إن التوكيل مرضاش يغيروا بحجة سوء الاستخدام .
من بره الاكصدام وده مش في العربية دي بس أغلب العربيات الجديدة كده زي الياريس أي خبطة توقعه ودي مش نقطة لان كل الجديد كده .[SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].
Comment
-
2- التابلوه والفرش الداخلي :
عمري ماشفت تابلوه كده .... كمية الألوان وال leds مش طبيعية أول تعليق ليَّ لما شفته ده عامل زي الراديو الصيني بالضبط , ألوان وأنور مش عارف دي كلها ليه , أنور الإشارات لونها غريب ومستخبية وصغيرة ماتعرفش ليه , التابلوه بشكل عام شكله مش مريح وعارف حيتقاللي دي أذواق ...وده برده تقيمي أنا ...وهوا في رأيي مختلف تماما عنا أي عربية تانية بما فيهم باقي الاسبرانزا فـده في الغالب عاملينه كده تجديد أو علشان يميزوا العربية ماتعرفش
نيجي لباقي التابلوه ... فـده تحس كده إنه بلاستيك لو ضغط عليه يطق منك , يمكن ده ميحصلش بس حيديك الإحساس ده .
أما الكونسول الأوسط فده حيديك إحساس بلاستيكي تحس النيك ماسك راديو صيني كمية بلاستيك ظريفة فيها مفاتيح وراديو لو شفته لوحده حتقول إنه صيني صيني ( أنا قصدي الحاجات الصيني اللي بتشوفها في العتبة ) لونه رمادي والوان الحروف أزرق مكتوب عليه بحروف كبيرة لو ضغطت على زاريره تروح وتيجي معاك كأنها حتتفك من مكانها , بكر التكيف بلاستيك حفيف ولانها مش عربيتي كنت خايف عليه فبعمله بالراحة ليحصلوا حاجة .
بشكل عام اديله 3 من 10 وأنا كارمه.[SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].
Comment
-
المشاركة الأصلية كتبت بواسطة mohamadika مشاهدة المشاركة7- نصائح :
العربيه بنسبة 85 % ممتازه جدااااا بس محتاجه بعض المصاريف بعض شرائها
يعنى مثلا لو نويت تشترى العربيه خللى فى بالك انك تغير المساعدين بتوعها بمساعدين تانيه ودى تكلفتها تقريبا على الاربع عجلات 1500 تقريبا .
* الفحوصات اللازمه عند الشراء
افتح الكبوت
و شوف كل السوائل الموجودة و مستواها
و ياتى مع السيارة
المثلث العاكس
و شنطة عدة
و استبن
و كوريك
و وصله usb للكاسيت
جرب التكييف والكاسيت والزجاج الكهربائى والمرايات الكهربائيه

8- التوكيل:
المعامله فى التوكيل أبو رواش والدقى كويسه ولكن فى مشاكل مش بيحلوها
زى العفشه اقصى حاجه انهم يربطوها وخلاص ملهاش حل جذرى عندهم ولو عندك مشكله فى حاجه كبيره لازم تروح وتهلل وتعمل مشكله عشان تاخد حقك لكن المشاكل البسيطه والصيانات الدوريه والكلام دا فهما كويسين فيه.

9- رايى الشخصى :
العربيه احسن عريبه فى فئة سعرها واكثرهم امكانيات واكبرهم حجما كمان ولكن يجب تغيير المساعدين حتى تكتمل العربيه وطبعا لا ننسى الاستخاره هيا الاساس فى الموضوع.

10- تجارب شخصيه
سافرت بالعربيه اكتر من مره وبوزن ثقيل جدا وكانت العربيه ما شاء الله ماشيه كويسه جدا وجبت بيها 160 على المحور وطبعا كانت ثابته ومع العلم كان الطريق مصر اسكندريه الزراعى يعنى طريق سئ للغايه بس كانت ممتاز ولا اشتكى الا من العفشه والمساعدين فقط.
أتمنى أن ااكون وفقت فى تقديم الموضوع وان يكون الموضوع مفيد للاخوه الجدد ولو كان فى تقصير فأعذرونى عليه واى سؤال استطيع ان اجوبكم عليه لن ابخل بالاجابه ان شاء الله
وبالتوفيق للجميع ولا تنسوا الاستخاره يا شباب
ورمضان كريم وكل عام وانتم بخير
احييييييييييييييييك على تقييمك
بس العربية مش الافضل على الاطلاق فى فئتها.. هى اكتر حاجه تميزها الاوبشن اللى مش موجوده فى اى عربية تانيه فى فئتها
حضرتك قلت انها اكبرهم حجما بس ده مش صحيح اوى..
انا معايا هيونداى i10 و ركبت ال 113 فى المعرض و لقيت ال i10 افضل فى الاتساع الداخلى و هى كمان عرضها الخارجى 1595 مم يعنى اعرض من ال 113 و كمان ارتفاعها 1540 مم يعنى اعلى.. و يبان جدااا تفوق ال i10 فى المساحات الداخلية بأن المسافة فى ال i10 بين الكرسيين الاماميين كبيره لكن فى ال 113 مش بعرف احط كف ايدى بين الكرسيين و بعانى علشان اوصل لفرامل اليد و ايدى بتتحشر بين الكرسيين
انا عربيتى عامله 8350 كم و مفيش اى مشاكل فى اى حاجه و لا مساعدين و لا ربطت عفشة و لا مره الحمد لله و معملتش غير صيانة واحده فقط و مفهاش تربيط عفشة.. الحاجه الوحيده فقط اللى حصلت هى خرم فى الكاوتش عند حوالى 6000 كم و روحت غيرت الكاوتش كله بنوع اخر و مقاس اكبر
المشكلة الوحيدة اللى قابلتنى و موجودة و نسيت اقول فى التوكيل هى تزييق بالكرسى الامامى اللى جنب السائق و كان فى عضة فى النقلة الخلفية و عملوها فى الصيانة و علامة هيونداى اللى على الدريكسيون اسودت شويه معرفش هل خطأ منى فى التنظيف بالملمعات ام ماذا!!!
بس فى حاجه اخيره كنت احب اعرفها انا قريت فى مره ان تسارع العربية من 0 الى 100 كم/س فى 16.4 ثانيه و ده رقم كبيير على مكنة 1300 سى سى فى عربية صغيره!!
كمان نسبة الانضغاط حضرتك كاتب 9.5-10 المفروض تبقى رقم محدد يعنى 9.5 او 9.8 او 10.. زى ال i10 مثلا 10.1.. علشان الرقم ده بيفرق فى كفاءة المكنة جامد جداااااااا يعنى 10 افضل من 9.5 و هكذا..
انا معاك ان مشاكل الكاسيت و السنتر و الانذار دول بصراحه هبل و بيحصلوا فى عربيات كتيره عادى.. مش دول اللى هيحكموا عملية الشراء
ربنا يباركلك فيها
Comment
-
المشاركة الأصلية كتبت بواسطة ehaballam مشاهدة المشاركةيا سيدي أنا ركبت العربية دي , رايي فيها الاتي :
1- التقفيل
من أسوأ الخامات اللي شفتها في عربية .... والتقفيل سيء جدا جرب اركب أي عربية a113 واضغط على الفواصل في التابلوه حتشوف العجب العجاب .... صاحب العربية أصلا جسمه صغير ومش جتة....بس مكان ركبته في الكونسول الأوسط مرحل بسبب ضغط رجله وبصراحة عمري ماشفت الكلام ده في عربية قبل كده .
من الحاجات اللي حصلت في العربية قبل ماتعمل 3000 كم كان على المحور وكان لسة مخلصشي خد حفرة في الأرض الجنط اتقسم نصين بالطول و الكوميديا إن التوكيل مرضاش يغيروا بحجة سوء الاستخدام .
من بره الاكصدام وده مش في العربية دي بس أغلب العربيات الجديدة كده زي الياريس أي خبطة توقعه ودي مش نقطة لان كل الجديد كده .دلوقتى انت بتقول ركبت العربيه دى ولاحظت كدا وانا وغيرى بنقولك احنا معانا العربيه يعنى انت مهما تكون ركبتها مش هتكون اتعاملت معاها زيناالمشاركة الأصلية كتبت بواسطة ehaballam مشاهدة المشاركة2- التابلوه والفرش الداخلي :
عمري ماشفت تابلوه كده .... كمية الألوان وال leds مش طبيعية أول تعليق ليَّ لما شفته ده عامل زي الراديو الصيني بالضبط , ألوان وأنور مش عارف دي كلها ليه , أنور الإشارات لونها غريب ومستخبية وصغيرة ماتعرفش ليه , التابلوه بشكل عام شكله مش مريح وعارف حيتقاللي دي أذواق ...وده برده تقيمي أنا ...وهوا في رأيي مختلف تماما عنا أي عربية تانية بما فيهم باقي الاسبرانزا فـده في الغالب عاملينه كده تجديد أو علشان يميزوا العربية ماتعرفش
نيجي لباقي التابلوه ... فـده تحس كده إنه بلاستيك لو ضغط عليه يطق منك , يمكن ده ميحصلش بس حيديك الإحساس ده .
أما الكونسول الأوسط فده حيديك إحساس بلاستيكي تحس النيك ماسك راديو صيني كمية بلاستيك ظريفة فيها مفاتيح وراديو لو شفته لوحده حتقول إنه صيني صيني ( أنا قصدي الحاجات الصيني اللي بتشوفها في العتبة ) لونه رمادي والوان الحروف أزرق مكتوب عليه بحروف كبيرة لو ضغطت على زاريره تروح وتيجي معاك كأنها حتتفك من مكانها , بكر التكيف بلاستيك حفيف ولانها مش عربيتي كنت خايف عليه فبعمله بالراحة ليحصلوا حاجة .
بشكل عام اديله 3 من 10 وأنا كارمه.
الخامات بتاع العربيه مش ممتازه ومش وحشه وحط فى اعتبارك ان العربيه ب 50 الف يعنى مش هيجيبوا جلد بقر زى الرولز رويس
صاحبك دا جسمه رفيع انا بقى مش رفيع ومشوفتش بامانه اى اعوجاج فى الكونصول
وقبل 3000 الجنط اتقسم نصين ؟
يا سيدى انا طريقى للكليه كل يوم من يوم ما جبت العربيه بيرصفوا نصفه يعنى نصه دبش وطوب ومطبات والحمد لله مقابلنيش الفيلم الهندى الى حضرتك شوفته دا
وبالنسبه للتابلوه انت رديت على نفسم وقلت انها اذواق وبالنسبه للخامات هعيد وازيد دى مش مرسيدس دى عربيه على اد سعرها واللوجان الى حضرتك بتحبها الى متعرفوش ان التابلوه بتاعها مصبوب قطعه واحده عشان برضه تقليل تكاليف ودى اسوء طريقه فى العالم تمل بيها تابلوه عربيه وتابلوه الاسبرانزا على الاقل مش كدا
فى النهايه واضح من كلامك ان بتكره العربيات الصينى وبتتريق على حاجات ملهاش علاقه بالنقد زى الالوان والزراير المستخبيه ونقاشنا دا مش هيفيدنا فى حاجه لانك مع احترامى من حزب كارهى الصينى بدون اسباب منطقيه(ودا الى واضح من كلامك مش انا الى قلته)
عموما الاسبرانزا مش عاجباك ببساطه متشتريهاش وربنا يباركلك فى اى عربيه تانيه هتجيبها
تحياتى[COLOR="Blue"]سبحان الله وبحمده ... سبحان الله العظيم[/COLOR]
Comment
-
مبدئيًا : أنا لسة ببدء التقيم بس أنا باكتب واحدة واحدة لاني يا في شغلي و يا في البيت وفي الإتنين أنا باكتب لما أبقى فاضي . ولأني بحاول أكتب حاجة محترمة فـمقسمها اجزاء واحنا لسة بنبدأ و الباقي لسة جاي .المشاركة الأصلية كتبت بواسطة medo_2060 مشاهدة المشاركةدلوقتى انت بتقول ركبت العربيه دى ولاحظت كدا وانا وغيرى بنقولك احنا معانا العربيه يعنى انت مهما تكون ركبتها مش هتكون اتعاملت معاها زينا
الخامات بتاع العربيه مش ممتازه ومش وحشه وحط فى اعتبارك ان العربيه ب 50 الف يعنى مش هيجيبوا جلد بقر زى الرولز رويس
صاحبك دا جسمه رفيع انا بقى مش رفيع ومشوفتش بامانه اى اعوجاج فى الكونصول
وقبل 3000 الجنط اتقسم نصين ؟
يا سيدى انا طريقى للكليه كل يوم من يوم ما جبت العربيه بيرصفوا نصفه يعنى نصه دبش وطوب ومطبات والحمد لله مقابلنيش الفيلم الهندى الى حضرتك شوفته دا
وبالنسبه للتابلوه انت رديت على نفسم وقلت انها اذواق وبالنسبه للخامات هعيد وازيد دى مش مرسيدس دى عربيه على اد سعرها واللوجان الى حضرتك بتحبها الى متعرفوش ان التابلوه بتاعها مصبوب قطعه واحده عشان برضه تقليل تكاليف ودى اسوء طريقه فى العالم تمل بيها تابلوه عربيه وتابلوه الاسبرانزا على الاقل مش كدا
فى النهايه واضح من كلامك ان بتكره العربيات الصينى وبتتريق على حاجات ملهاش علاقه بالنقد زى الالوان والزراير المستخبيه ونقاشنا دا مش هيفيدنا فى حاجه لانك مع احترامى من حزب كارهى الصينى بدون اسباب منطقيه(ودا الى واضح من كلامك مش انا الى قلته)
عموما الاسبرانزا مش عاجباك ببساطه متشتريهاش وربنا يباركلك فى اى عربيه تانيه هتجيبها
تحياتى
أما موضوع ايه اللي حصل للتابلوه والجنط فـأنا مش محتاج احلف لاني مش في موقف كدب وفي الآخر العربية والجنط موجودين لو عايز تشوفهم .
أما موضوع الخامات فـده لان العربية متساويش فوق ال 35 ألف جنيه يا باشا فعلشان كده الخامات وحشة أما في العربيات اللي في رينج 50 ل 65 ألف الخامات أحسن من كده بكتير بس حضرتك اللي مش واخد بالك ....
" التابلوه بتاعها مصبوب قطعه واحده عشان برضه تقليل تكاليف ودى اسوء طريقه فى العالم تمل بيها تابلوه عربيه وتابلوه الاسبرانزا على الاقل مش كدا "
معرفش مين قالك إن دي أسوأ طريقة المعلومة دي غريبة فعلا أما اللوجان فـال ناس دي من الاول قايلين إن إن الهدف إنهم يعملوا عربية بأقل من 4000 استرليني فبتاخد على قد فلوسك أما ال A113 هي سعرها قال من اللي إنت بتدفعه بكتير ... شوف إنت الفرق فين ؟؟؟
حزب كارهى الصينى بدون اسباب منطقيه مش عارف ايه الطريقة المنطقية اللي جنابك شايفها أكتر من إني امسك عربية شفتها أتكلم عنها حتة حتة والله ده اللي أنا اتعلمته في كلية هندسة ( التفكير المنظم ) لو عندك طريقة منطقية أكتر فلنستفيد بعلمك , بس سؤال إنت
شفت أي برنامج أو قريت أي حاجة محترمة عن تقيم العربية ...ده الناس اللي ناس ماشي على نهجهم ...ممكن يكون في طريقة تانية أحسن والله أعلم... وادينا بنتعلم
وفي النهاية واضح إنك طالب يعني مش دفع تمن العربية لما ربنا يكرمك وتتخرج وتدفع تمن العربية من قوتك قوت بيتك ...وتحوش كام سنة علشان تشتري العربية حتعرف ليه أنا من حزب أعداء النجاح ( ده لو اعتبرنا العربية ده نجاح )
وللمرة الألف الكلام ده مش بكلم اللي عنده العربية ولا اللي عاجباه وراسه قفشة عليها ...ربنا يوفقكم...... أنا كل كلامي للناس اللي بتيجي المنتدى ده معاها قرشين طلع عنها فيه وعايزة تشتري عربية وعايزة نصيحة لوجه الله .....
[SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].
Comment
-
ملحوظة : شايف الآية اللي في الامضاء بتاعي ...اقراها حتعرف أنا ليه أنا برد عليك وحارد على أي حد في الموضوع ده بالذات[SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].
Comment
-
اللوجان والa113 سعرهم متقارب والاسبرانزا اقل ليه بعدتهم عن بعض وفعلا التابلوه بتاع اللوجان مصبوب قطعه واحده ولو عايز رابط ااكدلك الكلام دا انا تحت امركالمشاركة الأصلية كتبت بواسطة ehaballam مشاهدة المشاركةمبدئيًا : أنا لسة ببدء التقيم بس أنا باكتب واحدة واحدة لاني يا في شغلي و يا في البيت وفي الإتنين أنا باكتب لما أبقى فاضي . ولأني بحاول أكتب حاجة محترمة فـمقسمها اجزاء واحنا لسة بنبدأ و الباقي لسة جاي .
أما موضوع ايه اللي حصل للتابلوه والجنط فـأنا مش محتاج احلف لاني مش في موقف كدب وفي الآخر العربية والجنط موجودين لو عايز تشوفهم .
أما موضوع الخامات فـده لان العربية متساويش فوق ال 35 ألف جنيه يا باشا فعلشان كده الخامات وحشة أما في العربيات اللي في رينج 50 ل 65 ألف الخامات أحسن من كده بكتير بس حضرتك اللي مش واخد بالك ....
" التابلوه بتاعها مصبوب قطعه واحده عشان برضه تقليل تكاليف ودى اسوء طريقه فى العالم تمل بيها تابلوه عربيه وتابلوه الاسبرانزا على الاقل مش كدا "
معرفش مين قالك إن دي أسوأ طريقة المعلومة دي غريبة فعلا أما اللوجان فـال ناس دي من الاول قايلين إن إن الهدف إنهم يعملوا عربية بأقل من 4000 استرليني فبتاخد على قد فلوسك أما ال A113 هي سعرها قال من اللي إنت بتدفعه بكتير ... شوف إنت الفرق فين ؟؟؟
حزب كارهى الصينى بدون اسباب منطقيه مش عارف ايه الطريقة المنطقية اللي جنابك شايفها أكتر من إني امسك عربية شفتها أتكلم عنها حتة حتة والله ده اللي أنا اتعلمته في كلية هندسة ( التفكير المنظم ) لو عندك طريقة منطقية أكتر فلنستفيد بعلمك , بس سؤال إنت
شفت أي برنامج أو قريت أي حاجة محترمة عن تقيم العربية ...ده الناس اللي ناس ماشي على نهجهم ...ممكن يكون في طريقة تانية أحسن والله أعلم... وادينا بنتعلم
وفي النهاية واضح إنك طالب يعني مش دفع تمن العربية لما ربنا يكرمك وتتخرج وتدفع تمن العربية من قوتك قوت بيتك ...وتحوش كام سنة علشان تشتري العربية حتعرف ليه أنا من حزب أعداء النجاح ( ده لو اعتبرنا العربية ده نجاح )
وللمرة الألف الكلام ده مش بكلم اللي عنده العربية ولا اللي عاجباه وراسه قفشة عليها ...ربنا يوفقكم...... أنا كل كلامي للناس اللي بتيجي المنتدى ده معاها قرشين طلع عنها فيه وعايزة تشتري عربية وعايزة نصيحة لوجه الله .....
وبالنسبه للجنط انا مبكدبكش لا مح الله بس انا وغيرى هنا معانا العربيه من فتره وبنقول محصلش الكلام دا يبقى نسمع كل الكلام ما نسمعش الكلام الى على مزاجنا وفيه ذم ونسيب الكلام الكويس
الطريق المنطقيه اننا نقول الى لينا والى علينا واى انتقاد على اساس اذواق شخصيه مايدخلش فى الانتقاد وبيبقى كلام مكتوب وخلاص
مثال من كلامك: يعنى ايه الزراير بتورح وتيجى من مكانها اقسم بالله انا عمرى ما شوفت الكلام دا وبيركب معايا اطفال دايما مبيبطلوش لعب فى العربيه
بكر التكييف خفيف وخايف يتكسر: هيتكسر ازاى يا استاذنا لو اتكسر عندى اقسم بالله انا اول واحد هقول مش عشان عربيبتى هخلى الناس تلبس فى عيوبها يعنى
بتتريق على اللون الازرق والرمادى وكثره الوان العربيه يعنى مثلا لو ركبي سوبركار زى الفيرارى زلا النيسان جى تى ار مليانين زرااير والوان هتقول دا راديو صينى
وموضوع انى طالب ومش دافع تمن العربيه عشان كدا مش حاسس بيها دى احلى نكته سمعتها فى حياتى والله
يعنى انا مثلا سرقت الفلوس من والدى؟ اجبرته يجيبها؟ انت تعرف والدى جاب الفلوس دى ازاى؟ ياباشا الفلوس دى جايا بطلوع الروح ويمكن ما تجيش تانى وصحيح مش انا الى جبتها بس هو لو مش مقتنع بالموضوع مش هيدفع ولا جنيه
انت وبعض الاعضاء فى المنتدى مفكرين ان اصحاب الاسربرانزا كاوا ماشيين فى الشارع لقو خمسين الف جنيه قالوا اهو احنا لاقينهم يلا ما يخسرش نجيب بيهم عربيه صينى
يابيه الفلوس دى كل الناس تعتب فيها ولفينا كتير قبل ما نجيب العربيه وعملنا كل حاجه قبل ما نجيبها انا وغيرى
وبالنسبه للعربيه انا مش راسى قافشه عليها وانا اول واحد هيجى هنا والايام بينا واقول يا جماعه العربيه حصر فيها كذا النهارده لو عيب ظهر
وفى النهايه عايز حضرتك مادام بتقول بتحب تساعد الناس هنا تكتبلنا قائمه بالعربيات الى ممكن نشتريها بدلa113 وانا هردلك على كل عربيه واحده واحده[COLOR="Blue"]سبحان الله وبحمده ... سبحان الله العظيم[/COLOR]
Comment
-
هدوا نفسكم يا جماعة كل عربية ليها مميزات وعيوب وكل عربية على قد تمنها
الاختلاف في وجهات النظر لا يفسد في الود قضية
وحاجة كمان ممكن مشكلة في العربية تكون حصلت مع واحد ومحصلتش مع 10 العيب يكون عيب لو نفس المشكلة اتكررت مع على الاقل 30 او 40% من عينة عشوائية من ملاك العربية
معلش بقى انا راجل بتاع بحث علمي وبفكر بطريقة البحث العلمي مش منطق ولا هندسة انا شايف كدة[CENTER][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy]بسم الله الرحمن الرحيم[/COLOR] [COLOR=darkred](ادخلوا مصر إن شاء الله آمنين)[/COLOR] [COLOR=navy]صدق الله العظيم[/COLOR][/SIZE][/FONT][/COLOR][/SIZE][/FONT][/COLOR][/SIZE][/FONT][/CENTER]
[CENTER][aldl]http://img689.imageshack.us/img689/4961/18354359.jpg[/aldl][/CENTER]
Comment
-
اتفق مع كلامك دا بس الناس بتتعامل مع الصينى بحساسيه كبيره يعنى لو طلع شخص واحد قال مشكله يعمموها على الصينى فى حين الكورولا العيب بتاع الفتيس الmmt كان انتشر اوى ومحدش علق عشان تويوتا! دا غير مشاكل كتير اوى فى ماركات مشهورهالمشاركة الأصلية كتبت بواسطة ash257 مشاهدة المشاركةهدوا نفسكم يا جماعة كل عربية ليها مميزات وعيوب وكل عربية على قد تمنها
الاختلاف في وجهات النظر لا يفسد في الود قضية
وحاجة كمان ممكن مشكلة في العربية تكون حصلت مع واحد ومحصلتش مع 10 العيب يكون عيب لو نفس المشكلة اتكررت مع على الاقل 30 او 40% من عينة عشوائية من ملاك العربية
معلش بقى انا راجل بتاع بحث علمي وبفكر بطريقة البحث العلمي مش منطق ولا هندسة انا شايف كدة
وموضوع الامان الى الناس بتعلق عليه كتير اوى عندهم حق الامان مهم جدا بس الاهم ستر ربنا واحنا سايقين يعنى مينفعش عشان راكب عربيه واصفات امان كامله تقول مش هيحصلى حاجه لو عملت حادثه وبرضه دا مش مبرر اننا نركب عربيه من غير امان بس لو انت بتسوق بهدوء ومش بتتهور ولا بتشد يبقى انت كدا فى السليم ومش محتاج حاجه وفى النهايه المكتوب لنا هنشوفه وياما بنشوف حوادث صعبه جدا بس الى مكتوبله عمر بيعيش وعلى العكس واحد من العائله الماله فى البحرين عمل حادثه ب slr ومتعرفش العربيه اتقلبت ليه واتوفى فى الحال ودى slr!!
وال اول bmw 3 series 1997ما نزلت اخدت نجمه ونصف فى اختبار التصادم واتسوقت هاتلى بقى واحد من الى مهتمين بالامان واعرض عليه العربيه هتلاقيه قالك دا بى ام! وطبعا انا مش مجنون عشان اقول ان اسبرانزا احسن من بى ام بس القصد ان التعصب هنا لماركه وصناعه وليس لمبدأ
يعنى حادثه زى دى فى عربيه فيها كل مواصفات الامان لكن جرى وشد وتهور زى الى بيحصل فى دول الخليج يبقى انت مسؤل عن نفسك ومواصفات الامان مش هتنفعك لو مكتوبلك تموت

ربنا يحمينا شر الطريق جميعا
وشكرا لمداخلتك[COLOR="Blue"]سبحان الله وبحمده ... سبحان الله العظيم[/COLOR]
Comment
-
المشاركة الأصلية كتبت بواسطة ash257 مشاهدة المشاركةهدوا نفسكم يا جماعة كل عربية ليها مميزات وعيوب وكل عربية على قد تمنها
الاختلاف في وجهات النظر لا يفسد في الود قضية
وحاجة كمان ممكن مشكلة في العربية تكون حصلت مع واحد ومحصلتش مع 10 العيب يكون عيب لو نفس المشكلة اتكررت مع على الاقل 30 او 40% من عينة عشوائية من ملاك العربية
معلش بقى انا راجل بتاع بحث علمي وبفكر بطريقة البحث العلمي مش منطق ولا هندسة انا شايف كدةاتفق معاك وكلامك سليم
لى ملاحظه يرجى ان نأخذها فى الاعتبار:
1-كل موديل من اى عربيه ليه مشاكل معروفه ومشتركه فى الموديل دا.
2-ولكن فى حالات شاذه فى كل موديل بتظهر فيها عيوب اخرى سواء فى التصنيع او فى التقفيل ودى بتكون حظوظ ومش دا اللى يخلينا نحكم على كل الموديل.
3- أكتر حد يقدر يحكم على العربيه صاحبها لكن اللى جرب وساق حبه كده مش هيقدر يعرف كل حاجه ومش هيشوف كل حاجه سواء مميزات او عيوب حكمه هيكون فيه نقص عن حكم صاحب العربيه.
4- إحنا مش بندافع عن الصينى ولا بنحاربه ولكن بحكم منتجات الصين الرخيصه اللى بتوصلنا فعندنا فكره عن الصينى سيئه وللاسف عممناها يعنى ساوينا الراديو الصينى او الكاسيت بالعربيه الصينى فدى حاجه ودى حاجه فى رأيى الشخصى.
5- لو كانت منتجات الصين كلها وحشه فدى مشكلة المستوردين بتوعنا هما اللى بيسترخصوا وبيطلبوا ارخص الاسعاروبالتالى بتجلنا اقل المنتجات والخامات ولكن لو اشتريت اى حاجه صينى من بره امريكا مثلا هتلاقى اختلاف كبير جدا ومش هتصدق انه صينى.
6- غرض الموضوع دا مشاركة مالكى السياره والرد على استفسارات إخواننا اللى بيفكروا يشتروها بدون التحيز للعربيه وأيضا بدون الافتراء عليها.
شكرا لجميع المشاركين والسلام عليكم ورحمة الله وبركاته
Comment

Comment