إعـــــــلان

Collapse

.

,
See more
See less

الجواب الشافى لكل من يريد شراء a113 وخايف يدخل هنا * * * * *

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • #91
    المشاركة الأصلية كتبت بواسطة mohamadika85 مشاهدة المشاركة
    اتفق معاك وكلامك سليم
    لى ملاحظه يرجى ان نأخذها فى الاعتبار:


    1-كل موديل من اى عربيه ليه مشاكل معروفه ومشتركه فى الموديل دا.

    2-ولكن فى حالات شاذه فى كل موديل بتظهر فيها عيوب اخرى سواء فى التصنيع او فى التقفيل ودى بتكون حظوظ ومش دا اللى يخلينا نحكم على كل الموديل.

    3- أكتر حد يقدر يحكم على العربيه صاحبها لكن اللى جرب وساق حبه كده مش هيقدر يعرف كل حاجه ومش هيشوف كل حاجه سواء مميزات او عيوب حكمه هيكون فيه نقص عن حكم صاحب العربيه.

    4- إحنا مش بندافع عن الصينى ولا بنحاربه ولكن بحكم منتجات الصين الرخيصه اللى بتوصلنا فعندنا فكره عن الصينى سيئه وللاسف عممناها يعنى ساوينا الراديو الصينى او الكاسيت بالعربيه الصينى فدى حاجه ودى حاجه فى رأيى الشخصى.

    5- لو كانت منتجات الصين كلها وحشه فدى مشكلة المستوردين بتوعنا هما اللى بيسترخصوا وبيطلبوا ارخص الاسعاروبالتالى بتجلنا اقل المنتجات والخامات ولكن لو اشتريت اى حاجه صينى من بره امريكا مثلا هتلاقى اختلاف كبير جدا ومش هتصدق انه صينى.

    6- غرض الموضوع دا مشاركة مالكى السياره والرد على استفسارات إخواننا اللى بيفكروا يشتروها بدون التحيز للعربيه وأيضا بدون الافتراء عليها.

    شكرا لجميع المشاركين والسلام عليكم ورحمة الله وبركاته

    أول حاجة موضوع أحسن حد يقدر يقيم العربية هو صاحبها فـده كلام رده إن في ناس شغلتها اختبار العربيات وتقيمها وده مش بيجي في يوم وليلة ده نتيجة دراسة وفهم وتجربة كذا عربية وبالتالي يقدر يدي رأي في العربية وعلشان كده أنا لاني مهتم بالنقطة دي فـآخر سنتين من عمري قضيتهم في القراية في الموضوع ده ... لدرجة إني بقيت ممكن اقارن بالبورشور الحاجات الميكانيكية ... وعامةً لو إنت مش قاري كويس في العربيات فـأي أرْبع عجلة حيبقوا كويسين لان ده اللي إنت عايزه ...وهنا ييجي دور الناس اللي عندها المعلومة إنها تبين مميزات وعيوب العربية للناس اللي مش بتعرف ....ودي امانة العلم...ده بالإضافة إن كل واحد بيحب حاجته فـده بيأثر على قراره خاصة لو معلوماته مش قوية في العربيات ...فـأي عربية تبقى جميلة مش بيدوس بنزين بتجري ويدوس فرامل تقف ...تبقى فلا شمعة منورة.... بس الموضوع اعمق من كده

    تاني حاجة موضوع سمعة العربيات الصيني ده مش في مصر بس ده في كل الدنيا اللي بتعمل اختبارات للعربيات قبل ماتدخلها السوق المحلي بتاعها..... وعندك في قصة البريليانس جالينا مثال واضح .

    أما نقطة " - لو كانت منتجات الصين كلها وحشه فدى مشكلة المستوردين بتوعنا هما اللى بيسترخصوا وبيطلبوا ارخص الاسعاروبالتالى بتجلنا اقل المنتجات والخامات ولكن لو اشتريت اى حاجه صينى من بره امريكا مثلا هتلاقى اختلاف كبير جدا ومش هتصدق انه صينى. "
    فـده واقع للأسف وهنا السؤال إنت شايف إن حال المستوردين في العربيات حيختلف ....يعني تضمن المواصفات اللي الناس دول طالبينها .... أنا عنا نفسي أشك
    وسؤال هي مش ال a516 أول مانزلت وكانت استيراد كانت ب 63 ألف بقى لما تبقى تجميع محلي تبقى ب 67 ألف يا ترى الفرق ده راح في جيب مين .... أيوه كل التوكلت بتسرقنا بس سرقة عن سرقة تفرق .... اتسرق وآخد عربية اوروبي ولا اتسرق برده وآخد عربية صيني...ويا ترى مين اللي سرا أكتر وقيمة انت خته ايه؟

    أما النقطة دي
    - غرض الموضوع دا مشاركة مالكى السياره والرد على استفسارات إخواننا اللى بيفكروا يشتروها بدون التحيز للعربيه وأيضا بدون الافتراء عليها.

    فـردي عليها هو التوقيع بتاعي ....

    " وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفقي إلا بالله .... عليه توكلت واليه أنيب ".
    [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

    Comment


    • #92
      المشاركة الأصلية كتبت بواسطة medo_2060 مشاهدة المشاركة
      اتفق مع كلامك دا بس الناس بتتعامل مع الصينى بحساسيه كبيره يعنى لو طلع شخص واحد قال مشكله يعمموها على الصينى فى حين الكورولا العيب بتاع الفتيس الmmt كان انتشر اوى ومحدش علق عشان تويوتا! دا غير مشاكل كتير اوى فى ماركات مشهوره
      وموضوع الامان الى الناس بتعلق عليه كتير اوى عندهم حق الامان مهم جدا بس الاهم ستر ربنا واحنا سايقين يعنى مينفعش عشان راكب عربيه واصفات امان كامله تقول مش هيحصلى حاجه لو عملت حادثه وبرضه دا مش مبرر اننا نركب عربيه من غير امان بس لو انت بتسوق بهدوء ومش بتتهور ولا بتشد يبقى انت كدا فى السليم ومش محتاج حاجه وفى النهايه المكتوب لنا هنشوفه وياما بنشوف حوادث صعبه جدا بس الى مكتوبله عمر بيعيش وعلى العكس واحد من العائله الماله فى البحرين عمل حادثه ب slr ومتعرفش العربيه اتقلبت ليه واتوفى فى الحال ودى slr!!
      وال اول bmw 3 series 1997ما نزلت اخدت نجمه ونصف فى اختبار التصادم واتسوقت هاتلى بقى واحد من الى مهتمين بالامان واعرض عليه العربيه هتلاقيه قالك دا بى ام! وطبعا انا مش مجنون عشان اقول ان اسبرانزا احسن من بى ام بس القصد ان التعصب هنا لماركه وصناعه وليس لمبدأ
      يعنى حادثه زى دى فى عربيه فيها كل مواصفات الامان لكن جرى وشد وتهور زى الى بيحصل فى دول الخليج يبقى انت مسؤل عن نفسك ومواصفات الامان مش هتنفعك لو مكتوبلك تموت

      ربنا يحمينا شر الطريق جميعا
      وشكرا لمداخلتك
      أولا كل العربيات معارضة إن يبقى فيها عيوب بس الشركة المحترمة لو الموضوع كبير بتسحب العربية من السوء أو بتعمل التعديل في الصيانة الدورية مجانا ,,,

      أما موضوع الأمآن فـده فكر إنك تعمل اللي عليك .. ولو قرأت أي حاجة عن ال ABS أو ال euroncap حيقولك إن ده مش بديل عن القيادة الامنة بس ده نوع من الأمان لو حصلت حاجة خارجة عن ارادتك .... وده اللي عندنا في الدين اسمه الأخذ بالاسباب ومش معنى إنك لو مكتوب إنك حتموت يبقى حتموت يبقى إنك تحمل في حق نفسك بحجة قل لن يصيبنا إلى ماكَتب الله لنا ...يبقى فهمت الدين غلط ....الدين بيقولك و لا تلقوا بأيدكم إلى التهلكة ....وال حديث بيقول اعقلها وتوكل...
      وبرده معلومة علشان تعرف إن الموضوع علم وقراءة مش حقد على الصين وأهلها إن ال euroncap كان OPTIONAL قبل 2003 يعني برده علشان اريحك ال C180 1999 واخدة 2 نجمة
      أما بعد 2003 بقت mandatory طبقا لكود العربيات اللي اقره البرلمان الاوروبي
      ,وياريت تقرأ الجزء ده

      In terms of safety, what is the system of certification of new cars in the EU?

      All vehicles sold within the EU must meet the requirements of European Whole Vehicle Type Approval. Type approval is the process where a car is shown to meet all of the requirements of European legislation regarding safety, emissions, noise etc. The frontal and side impact crash tests used by Euro NCAP are based on those used in European legislation. However, much higher performance requirements are used by Euro NCAP. The frontal impact speed used by Euro NCAP is 64 km/h compared 56 km/h for legislation.


      وده اللينك لو عايزه :
      [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

      Comment


      • #93
        استاذ ايهاب اشكرك على نصيحتك وجزاك الله خيرا على اهتمامك بس احب اوجه نظر حضرتك لنقاط مهمه انا واجهتها من 2007 منذ ان بدات اقول نصايح فى نفس اتجاه حضرتك الا وهى
        1 اصحاب السيارات الصينى دون غيرهم بيعتبروا ان العربيه الصينى من المقدسات التى لايجب الجديث عنها اوعليها بسوء اطلاقا........
        2 ولازم يكون معاك فلوس مخصصه للتجارب عشلن تشترى واحده ب 55 الى 65
        وتركبها ةتجربها كتييييييييييييييييييير وبعدين يكون لك بعد ذللك الحق فى الكلام
        3 اصحاب العربيات الصينى دون غيرهم بيعتبروا سيارات الصين مختلفه جدا وتماما وخالص عن اى سيارات اخرى لذا يجب انك تجربها هى شخصيا عشان تقدر تحكم مع اغفال اى خبرات سابقه يعنى انا مثلا والله العظيم اتعلمت سواقه على
        هيونداى استيلار ثم سقت لفترات طويله
        بونتيك بونيفيل
        شيفروليه امبالا
        مرسيدس 500 اس اى ال
        هوندا اكورد
        الفا روميو كل ده كان فى السعوديه قبل سنة 90
        ثم فى مصر ركبت 128 ثم 125 بولندى ثم لاادا 2107 ثم اللى معايا دلوقت لاادا سمارا
        ولكن لسه انا غشيم وجاهل ولازم اشترى صينى عشان اعرف احكم ولازم اشتر من كل موديل صينى واحده عشان هما كتيير فكل واحده كائن مستقل
        يعنى انا ركبت عربيات كتير وانا مهندس عندى 40 سنه بس مستحيل مع ذلك اقد احكم على عربيه صينى ولا حول ولا قوة الا بالله
        4 انت لما بتنصح حد لوجه الله تعالى فقط اذن انت تعمل لحساب او لمصلحة ؟؟؟...من لااعلم
        اقسم بعزة وجلال الله انى عن نفسى كنت بنصح عشان بيصعب عليا الفلوس اللى الناس بتدفعها فى مجهول والفلوس صعب تتوجد فى مصر اللى معاه فلوس يجرب بيها يبقى يرشدنا للصح بعد التجارب
        عندى سؤال للجميع ليه العربيات الصينى فى وقت قليل بقت كتتتير قوى عند التجار معلش ردوا على السؤال وخلينا واحده واحده مع بعض نوصل لنتيجه باذن الله
        [SIGPIC][/SIGPIC]
        [FONT=Comic Sans MS][SIZE=1][B][I][SIZE=3][COLOR=black]م ياسر عياد[/COLOR][/SIZE][/I][/B]
        [/SIZE][/FONT]

        Comment


        • #94
          يا جماعه ملاك العربيات الصينى مش بيعتبروها من المقدسات ولا حاجه بس اغلب الناس بتتناقش باسلوب مستفز ونقاش بعيد عن المنطق وبيشتم فى العربيات الصينى لمجرد انها صينى فدا الى بيخلى اسلوب النقاش وحش لكن فى ناس بتتناقش بموضوعيه ودا المطلوب
          وبعدين معلش يا جماعه مع احترامى الكامل ليكم ليه عايزين تلعبوا دور المنقذ الى نازل من السماء عشان ينقذ الناس من الوحش المفترس الى بيهددهم وهو الصينى يعنى انتوا فاكرين الناس بالهبل دا عشان يشتروا العربيه وفاكرين انها زباله فاكرين الناس جابوا الفلو س دى ازاى ولو واحد اتسرع وجابها ماشى لكن العربيه منتشره جدا هل كل الناس دى ما بتفهمش؟ وانا معاكوا ان اسبرانزا مش عربيه ممتازه بس
          1- العربيه على قد سعرها عشان كدا مينفعش نتكلم فى سوء تقفيل ولا الكلام الفاضى دا لانك مش شارى باسات
          2- العربيه اثبتت نفسها فى السوق والا ماكنتش انتشرت كدا ودخلت مشروع التاكسى كمان ومجدش يقولى عشان الاوبشنز لا واكبر دليل الشيرى qq كانت نازله من زمان واوبشن اكتر من a113 وارخص فى السعر ومش موجوده فى الشارع خالص
          3- العربيه فى فئه سعريه عربياتها كلها عيوب ودا حاجه معروفه ليه بقى تاعبين نفسكم ىبتنصحوا الناس ميجبوش اسبرانزا طب كملوا جميلكم وقولوهم يجيبوا ايه؟؟ لانوس فيرنا لوجان كلنا عارفين العربيات دى كويس اوى وركبناها ومش محتاج اتكلم عنهم وانا نفسي عندى لانوس والله فراملها اوحش من الاسبرانزا والتقفيل واحد
          خلااااااااااااااصه الموضوع يا جماعه
          احنا بنعيد ونزيد فى الى بنقوله كل شويه وفى كل منتدى شويه وكل واحد مقتنع بفكرته والحقيقه مفيش حاجه هتتغير حاليا الى هيغير الوضع زى ما بيحصل دايما السوق لما العربيه تنتشر وتثبت نفسها تلاقى كل الناس تسكت والمنتقدين اول ناس بتشترى العربيه
          وعايز احكيلكم موقف قولته قبل كدا انا ووالدى كنا بنجيب عربيه زيرو 99 لانوس كنا بنسمع نفس الكلام الى بتقولوه دلوقتى والنصائح الى من القلب والفلوس الى انتوا خايفين عليها زينا بس مسمعناش كلام حد وجبناها والعربيه زى الفل ومبيعاتها معروفه وكل الى كانوا بيشتموا اشتروها بعدها بخمس ست سنين يعنى كل النا الى بتنتقد اسبرانزا دى اقابلكم ان ربنا ادانا طوله العمر راكبينها بعد فتره
          وعلى فكره موضوع الصينى هيفضل كدا لفتره بين مؤيد وناهى وناصح لحد ما الوقت يثبت اان لعربيه تستاهل تشتريها فى الفئه دى وان كان مش اداء ممتاز بس احنا مستنين منها تدينا على قد سعرها
          انا قولت الى عندى والى شايف انى بعتبر العربيه الصينى مقدسه هو حر والى شايفنى بتكم غلط هو حر بس انا مش هشارك فى الموضوع دا تانى لانه بقى بدون فايده وبنشوشر على الناس وخلاص والاخوه الى عايزين ينصحوا ربنا معاكم ويجازيكم خيرا بما تفعلوا
          السلام عليكم
          [COLOR="Blue"]سبحان الله وبحمده ... سبحان الله العظيم[/COLOR]

          Comment


          • #95
            المشاركة الأصلية كتبت بواسطة yasserayad مشاهدة المشاركة
            استاذ ايهاب اشكرك على نصيحتك وجزاك الله خيرا على اهتمامك بس احب اوجه نظر حضرتك لنقاط مهمه انا واجهتها من 2007 منذ ان بدات اقول نصايح فى نفس اتجاه حضرتك الا وهى
            1 اصحاب السيارات الصينى دون غيرهم بيعتبروا ان العربيه الصينى من المقدسات التى لايجب الجديث عنها اوعليها بسوء اطلاقا........
            2 ولازم يكون معاك فلوس مخصصه للتجارب عشلن تشترى واحده ب 55 الى 65
            وتركبها ةتجربها كتييييييييييييييييييير وبعدين يكون لك بعد ذللك الحق فى الكلام
            3 اصحاب العربيات الصينى دون غيرهم بيعتبروا سيارات الصين مختلفه جدا وتماما وخالص عن اى سيارات اخرى لذا يجب انك تجربها هى شخصيا عشان تقدر تحكم مع اغفال اى خبرات سابقه يعنى انا مثلا والله العظيم اتعلمت سواقه على
            هيونداى استيلار ثم سقت لفترات طويله
            بونتيك بونيفيل
            شيفروليه امبالا
            مرسيدس 500 اس اى ال
            هوندا اكورد
            الفا روميو كل ده كان فى السعوديه قبل سنة 90
            ثم فى مصر ركبت 128 ثم 125 بولندى ثم لاادا 2107 ثم اللى معايا دلوقت لاادا سمارا
            ولكن لسه انا غشيم وجاهل ولازم اشترى صينى عشان اعرف احكم ولازم اشتر من كل موديل صينى واحده عشان هما كتيير فكل واحده كائن مستقل
            يعنى انا ركبت عربيات كتير وانا مهندس عندى 40 سنه بس مستحيل مع ذلك اقد احكم على عربيه صينى ولا حول ولا قوة الا بالله
            4 انت لما بتنصح حد لوجه الله تعالى فقط اذن انت تعمل لحساب او لمصلحة ؟؟؟...من لااعلم
            اقسم بعزة وجلال الله انى عن نفسى كنت بنصح عشان بيصعب عليا الفلوس اللى الناس بتدفعها فى مجهول والفلوس صعب تتوجد فى مصر اللى معاه فلوس يجرب بيها يبقى يرشدنا للصح بعد التجارب
            عندى سؤال للجميع ليه العربيات الصينى فى وقت قليل بقت كتتتير قوى عند التجار معلش ردوا على السؤال وخلينا واحده واحده مع بعض نوصل لنتيجه باذن الله
            والله يا باشمهندس أنا كل ماأكلم حد يقولي إنت بتشتم في الصيني وخلاص طب نجيب العربية حتة حتة نشوف العيوب وال مزايا يتقال كلام عجيب أصل كل العربيات كده .... شوف اللوجان شوف اللانوس و تكلمه راسه وألف سيف إنهم زي بعد ...طب يا ابن الناس إزّي ماهو أنا ركبت دي وركبت دي ,,, وركبت اللي أحسن من الإتنين وعلى فكرة أنا برده مهندس يعني لما اقارن بقارن بناء على معايير معينة ...
            كان ليَّ واحد صاحبي من عاشقي الاسبرانزا....وماكانش لسة مجبهاش وروحنا معرض اوتوماك ولفينا على العربيات الصيني واحدة واحدة ....أنا قلتله اعمل تجربة بسيطة دوس دبرياج وجرب ال 5 نقلات... العربيات لسة زيرو وتسمع من Gearbox صوت غريب بالاضافة إلى إن كلهم فيهم عضه غريبة في النقلات ... قال لي عادي كل العربيات كده رحت واخده ل شركة برده ايراني على عربية اسمها سمند وأهِه مش ماركة ولا نيلة ...دي بيجو 405 بشكل جديد من إنتاج إيران خدرو.... والله الفرق شاسع ...وعلشان اثبتله رحت واخده على السكتور بتاع العربيات المحترمه.....فرق شاسع تدي النقلة بصباع واحد ....

            أما ليه العربيات دي رغم إنها زبالة انتشرت أقولك
            سعرها رخيص رغم إن أصل سعرها ارخص من كده بكتير على اقل 10, 15 ألف
            كل واحد شايف نفسه ابو العريف وفاكر إن العربية لو وحشة مش حتمشي .. يا سيدي التوك توك بيمشي وبيفرمل....واحد عبقري بيقولك دي بتفرمل أحسن من اللانوس ماهو يا بني آدم في فرق 10 سنين بين الإتنين فـده ادى إلى وجود اختراع اسمه ال ABS, ولو اللانوس دي تصميم اليومين دول كان حيبقى فيها ABS
            الفكرة إن الواحد زي مابأقول مش بينصح اللي جابها وطاير بيها ... يلبس وربنا يوفقه

            كل ده علشان الناس اللي بتفتي وتقولك الصيني ده أحسن اختراع بعد الكهربة ماياثروش على واحد جاي المنتدى عايز نصيحة ل وجه الله.... وده واجبنا
            ,... والله المستعان على ماتصفون
            [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

            Comment


            • #96
              حارد عليك نقطة نقطة:
              1- وبعدين معلش يا جماعه مع احترامى الكامل ليكم ليه عايزين تلعبوا دور المنقذ الى نازل من السماء عشان ينقذ الناس من الوحش المفترس الى بيهددهم وهو الصينى يعنى انتوا فاكرين الناس بالهبل دا عشان يشتروا العربيه وفاكرين انها زباله فاكرين الناس جابوا الفلو س دى ازاى ولو واحد اتسرع وجابها ماشى لكن العربيه منتشره جدا هل كل الناس دى ما بتفهمش؟ وانا معاكوا ان اسبرانزا مش عربيه ممتازه بس

              أيوه الناس في العموم مش بتفهم في العربيات ولازم الناس اللي عندم علم وخبرة تنصحهم... وال موضوع مش بطولة فارغة ولا مظاهر ... حقولك تاني دي امنية العلم وحارد عليك بالآية اللي بتقول "لم تعظون قوما الله مهلكهم أو معذبهم عذابا شديدا.. قالوا معذرة إلى ربنا ولعلهم يهتدون"

              2-العربيه على قد سعرها عشان كدا مينفعش نتكلم فى سوء تقفيل ولا الكلام الفاضى دا لانك مش شارى باسات

              الكلام ده ثقافة غلط لانك مش بتشحت منهم ...وعلى فكرة إنت شاري عربية ودافع فيها أكتر 10 الف جنيه ..مش شاري عربية يادوبك التاجر الغلبان جايب هامش سعر , ده هو ملابسك الاونطة ومفاهيم جنبك إنه بيضحي علشانك يا غلبان
              يا راجل تقفيل السوزوكي التو برقبتها....إنت مش بتشوف عربيات...بقى تقفيل اللانوس زي العربية دي.... يا إما حضرتك نظرك ضعيف ...يا بتقول كده جدال وخلاص

              3- العربيه اثبتت نفسها فى السوق والا ماكنتش انتشرت كدا ودخلت مشروع التاكسى كمان ومجدش يقولى عشان الاوبشنز لا واكبر دليل الشيرى qq كانت نازله من زمان واوبشن اكتر من a113 وارخص فى السعر ومش موجوده فى الشارع خالص
              سواقين التاكسي دول بقى أول ناس حيعيطوا من المقلب اللي شربوه ...أما ال qq فـدي كانت عربية زبالة .....وال A113 مش فارقة كتير ماتحسسنيش إن el-A113 حاجة عدلة أصلا

              4-العربيه فى فئه سعريه عربياتها كلها عيوب ودا حاجه معروفه ليه بقى تاعبين نفسكم ىبتنصحوا الناس ميجبوش اسبرانزا طب كملوا جميلكم وقولوهم يجيبوا ايه؟؟ لانوس فيرنا لوجان كلنا عارفين العربيات دى كويس اوى وركبناها ومش محتاج اتكلم عنهم وانا نفسي عندى لانوس والله فراملها اوحش من الاسبرانزا والتقفيل واحد

              كلام عاط تماما ... وعلى فكرة أنا ضد الكوري ......وممكن ترجع ل مشاركتي لو عايز
              بس الكوري ارحم من العربيات دي على القال يعرفه يعني ايه euroncap وقال عربية فيهم واخدة 2 من 5 مش 0
              وحتسألني ايه البديل
              1- سوزوكي التو
              2- لانوس
              3 لوجان
              4- بيكانتوا
              5- سبارك
              6- i10
              كفاية ولا عايز كمان.
              وماتقولش التقفيل بتاعهم زي الاسبرانزا...دول حاجة تانية خالص قدام الاسبرانزا 10 سنين علشان توصله.

              5- هيغير الوضع زى ما بيحصل دايما السوق لما العربيه تنتشر وتثبت نفسها تلاقى كل الناس تسكت والمنتقدين اول ناس بتشترى العربيه

              ابقى قابلني ..... لان الكوري رغم سوءه أحسن بمراحل على الاقل خامات أحسن.


              وحتى لوده حصل لإن في ناس كتير مش فاهمة ومش عايزة تفهم ودول اللي مودين الباقي في داهية.


              6-
              والى شايفنى بتكم غلط هو حر بس انا مش هشارك فى الموضوع دا تانى لانه بقى بدون فايده وبنشوشر على الناس وخلاص والاخوه الى عايزين ينصحوا ربنا معاكم ويجازيكم خيرا بما تفعلوا.

              شكرا على الإتنين.
              وال سلام ختام
              [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

              Comment


              • #97
                انا ليا كلمتين او رجائين صغيرين
                1 بلاش موضوع على قد فلوسها لانها مقوله غلط الصح بتاعها ان الكامرى فى السعوديه بتتباع ب 100 الف جنيه فى مصر ب 580 الف يبقى اسمها على قد مابيعرفوا يسرقونا امتى نقول على قدفلوسها ؟؟؟ لما العربيه اللى مثلا ب 67 الف تتباع ب 45 الف او 40 مثلا
                2 تنتشر تبيع , تثبت نفسها , كل مصر ركباها , كل ده لا يدل على جودة العربيه
                3 مسالة هبل ومش هبل مايتردش عليها لان المصريين عمرهم ماكانوا هبل بس مسروقين ومضطرين ومفيش غير كده , وفر للمصريين عربيات زى اللى بيركبها السعوديين بنفس الاسعار وان لاقيت مصرى راكب عربيه صينى يبقالك الكلام......الجين تو فى السعوديه مثلا ب 50 الف تقريبا و الكورولا ب 75 الف حنيه والكامىرى ب 100 الف جنيه
                4 مساله احنا المنقذين ( الله يكرمك بدون تريقه) انت لو لقيت حد تقدر تنصحه نصيحه حاتعمل ايه
                حاتسكت ولا ايه راى جنابك اقول (وانا مالى ) لوده رايك .............لاتعليق
                اللهم صلى وسلم وبارك على سيدنا محمد وعلى اله وصحبه وسلم ,,الذى ارشدنا الى ان الدين النصيحه.................
                [SIGPIC][/SIGPIC]
                [FONT=Comic Sans MS][SIZE=1][B][I][SIZE=3][COLOR=black]م ياسر عياد[/COLOR][/SIZE][/I][/B]
                [/SIZE][/FONT]

                Comment


                • #98
                  والله يا جماعه الكلام كتير و الواحد مش عارف يقول ايه بس عاوز النصيحه بجد من المؤيد والمعارض بشده
                  انا عن نفسى متقبل ال a113 بشكلها والاوبشن بتاعها جداا وعجبانى ولانى مش جبرة بدخل على نايل موتورز عشان استفيد
                  لما اكون عاوز عربيه عشان خاطر اصون كرامه المدام من المواصلات وقرفها واكون لسه فى مقتبل العمر والمستقبل لسه قدامنا كبير ان شاء الله
                  يبقى انا بدور على عربيه يكون شكلها حلو وفيها اوبشن ( بما اننا شباب برضه ولينا حق نجيب حاجه شكلها حلو ) والمكونات الميكانيكيه تكون على الاقل مقبوله وتكون مش كبيرة فى السى سى عشان برضه تكاليف البنزين
                  يبقى انا شايف ودى وجهه نظرى ان مفيش مانع اجيب ال a113 كبدايه الطريق وشويه شويه نطلع للكورى واليابانى مهيه دى الدحياه برضه يعنى لما ابدا بالكورى و اليابانى وانا لسه يا دوب ببدا حياه زوجيه امال كام سنه بقه هعمل ايه اجيب BMW دا كلام على اساس الشباب المطحونين فى مصرنا الحبيبه
                  وموضوع العربيات البدائل الى قال عليها الاخ الزميل وهى كالاتى
                  1- سوزوكي التو
                  2- لانوس
                  3 لوجان
                  4- بيكانتوا
                  5- سبارك
                  6- i10

                  فاانا شايف ان العربيه الوحيدة التى اضعها انا فى المقارنه نسبه للسعر هى الالتو اما الباقى سعرهم اعلى من a113 وانا امكانياتى متجبش
                  نرجو من الاعضاء واصحاب الخبرات التعليق

                  Comment


                  • #99
                    أنا برشحلك ال picanto أو ال spark أو el-i10
                    ومش حيفرقوا كتير في السعر
                    أما el-A113 فاحشا وكلا
                    [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                    Comment


                    • i10----->58,900
                      picanto----->54,900
                      spark----->52,000
                      في كذا سعر ده سعر الموديل الاساسي الموجود في contactcars وال A113 في نفس المكان ب 52,900
                      الاسعار في أماكن تانية ممكن تبقى ارخص بس ده يديك فكرة عن الاسعار قصاد بعض
                      السوزوكي فيها 2 موديل الألتو, السلاريو في نفس السعراللي إنت بتتكلم فيه بس الالتو ارخص كتيير
                      [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                      Comment


                      • كلمة حق..

                        واحد صاحبي لسة جايب سبرانزا a113 و النهاردة فرجني عليها...

                        بصراحة ..
                        انا اتصدمت!!

                        انا اتصدمت لأني بجد لقيت فينيش العربية حلو جداً و مكنتش متوقع كدا!!
                        الباب بتاع العربية تقيل (اتقل من عندي في الفيرنا) و التقفيل فيه كويس جدا و شيك .. العدادات واضحة لكت شكلها مش قيم اوي لكن تستطيع تخفيف اضائة العدادات و دي ميزة مريحة مش موجودة في الفئة دي...

                        عجبني السي دي بتاعها و الفينيش بتاع الكبوت ...
                        حاجاة كمان...ارتفاع السقف و المساحة الداخلية حتى لو مرجع الكرسي الأمامي عالأخر.. اللي ورا هيقعد مستريح

                        في الكابوت لقيت حاجات مكتوب عليها Bosch ..made in Germany
                        بصراحة مش عارف دي اية؟؟ هو بيقوللي كمبيوتر العربية.. بس مش متأكد

                        قلتله بيقولوا العفشة ناشفة .. قاللي انه ملى الكاوتش نيتروجين و بقت زي الفل.

                        بصراحة انا مكنتش متوقع كدا من الـa113 مع اني كنت ركبت ال516 و معجبتنيش اوي زييها

                        الظاهر كدا ان الواحد ممكن يغير رأيه في الصيني زي ما غير رأيه في الكوري :))

                        دا كان انطباع مبدأي عن السيارة..بدون ما اسوقها .. و ربنا يبارك لكم في عربياتكم :))

                        Comment


                        • المشاركة الأصلية كتبت بواسطة successcre8or مشاهدة المشاركة
                          كلمة حق..

                          واحد صاحبي لسة جايب سبرانزا a113 و النهاردة فرجني عليها...

                          بصراحة ..
                          انا اتصدمت!!

                          انا اتصدمت لأني بجد لقيت فينيش العربية حلو جداً و مكنتش متوقع كدا!!
                          الباب بتاع العربية تقيل (اتقل من عندي في الفيرنا) و التقفيل فيه كويس جدا و شيك .. العدادات واضحة لكت شكلها مش قيم اوي لكن تستطيع تخفيف اضائة العدادات و دي ميزة مريحة مش موجودة في الفئة دي...

                          عجبني السي دي بتاعها و الفينيش بتاع الكبوت ...
                          حاجاة كمان...ارتفاع السقف و المساحة الداخلية حتى لو مرجع الكرسي الأمامي عالأخر.. اللي ورا هيقعد مستريح

                          في الكابوت لقيت حاجات مكتوب عليها bosch ..made in germany
                          بصراحة مش عارف دي اية؟؟ هو بيقوللي كمبيوتر العربية.. بس مش متأكد

                          قلتله بيقولوا العفشة ناشفة .. قاللي انه ملى الكاوتش نيتروجين و بقت زي الفل.

                          بصراحة انا مكنتش متوقع كدا من الـa113 مع اني كنت ركبت ال516 و معجبتنيش اوي زييها

                          الظاهر كدا ان الواحد ممكن يغير رأيه في الصيني زي ما غير رأيه في الكوري :))

                          دا كان انطباع مبدأي عن السيارة..بدون ما اسوقها .. و ربنا يبارك لكم في عربياتكم :))

                          هو إنت راكب ايه بالضبط !!!!!! ..... وعلى العموم اقرا الموضوع ده من أوله ل اخره
                          ولو لسة ده رأيك .... يلا ربنا يوفقك
                          [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                          Comment


                          • المشاركة الأصلية كتبت بواسطة ehaballam مشاهدة المشاركة
                            هو إنت راكب ايه بالضبط !!!!!! ..... وعلى العموم اقرا الموضوع ده من أوله ل اخره
                            ولو لسة ده رأيك .... يلا ربنا يوفقك
                            هو حضرتك ehaballam راكب ايه ؟؟؟؟

                            Comment


                            • أنا حاليا ما عنديش عربية ......
                              بس اشمعنى .... أنا لما سألته هو عنده عربية ايه كنت عايز اشوف هو تعامل مع عربيات ايه ؟
                              لو ده السؤال
                              رينو 5 و رينو 9 .... و toyota cresseda
                              دايوجوليت
                              [SIZE=4]" وماأريد ان أخالفكم إلى ما انهاكم عنه ... إن اريد إلا الإصلاح ما إستطعت... وما توفيقي إلا بالله .... عليه توكلت واليه أنيب "[/SIZE].

                              Comment


                              • يا جماعه مش لازم نكون ضد العربيه عشان نبقى ناس كويسه او بتفهم وايضا مش لازم نكون متحيزين ليها عشان برضه نكون بنفهم
                                احنا سواء مالكى للعربيه او ناس جربناها بنختبر العربيه انا مقتنع اننا عشان نحكم عالعربيه بدون شك انه تمر 5 سنين على شغلها ولو اثبتت فى الخمس سنين كفاءه فدا دليل واضح على انها عربيه محترمه ولو تم العكس فدا يدل انها غير ذلك
                                وزى ما تعودتم منى من بداية الموضوع لا اذكر شئ غير واقعى بس الحلو لازم اقوله زى ما الوحش لازم اقوله
                                ولا تنسوا العربيات الكورى اول ما نزلت كان الاختلاف عامل عليها ازاى وبعد سنين بقت من اكتر العربيات شهره وثقه
                                فالعربيات الصينى ايضا دى فترة اختلاف عليها وكلما مر الوقت هيقل الخلاف عليها لو كانت حلوه هتتعرف ولو كانت وحشه برضه هتتعرف
                                نتكلم بموضوعيه وعدم تحيز ولازم نحترم راى بعضنا البعض حتى يثمر الموضوع.

                                Comment

                                Working...
                                X