الحقوووووووووووووووووووون ى الفتيس اتحرق !!!!!

[dreammate]

سلامو عليكم
اللى عنده صبر ولو بنسبة بسيطة يكمل الموضوع عشان انا تعبت بجد
انا عندى مشكلة رهييييييييبة وزهقت بمعنى الكلمة
عربيتى شيرى a11
المشكلة بدأت انى رحت اكشف على زيت الفتيس لاقيته ناقص
زودته عادى مفيهاش حاجة
جيت بعد اسبوع لاقيته نقص تانى
رحت زودته
لما نقص لتالت مرة رحت للعفشجى قلتله الكبالن بتجيب زيت قاللى غير راس الكوبلن الداخلية مع ان مفيش صوت طقطقة لا فى العدل ولا فى الملفات المهم رحت اغيرها الراجل قاللى يا بيه الراس عندك سليمة مدام مفيش طقطقة اكيد اللى بيسرب الزيت حاجة تانية سيبك من الصنايعى ده وشوف غيره
رحت لوحد تانى قاللك ال oil seal بتاع الكوبلن باظ وهات واحد جديد
قلت ماشى يا عم نغيره ورحت جبت نفس المقاس جديد وركبته وزودت زيت بردو نقص تاااااااااانى
رجعتله قاللى نجيب المقاس الاصغر عشان يقفل كوييس ققلت ماشى جبته وبردو لسه الزيت بينقص
اعمل ايييييييييه
حد يدلنى اعمل ايه الفتيس يكاد يكون باظ صوت العربية مستحيل حد يستحمله انا اكيد هحتاج اغير الفتيس بس لازم احل مشكلة تسريب الزيت دى الاول هوا الفتيس كدا كدا باين عليه باظ
اروح لمين ولا اعمل ايه
ولما اجيب فتيس جديد اجيبه جديد ولا استيراد
وهل اصلحه ولا اغيره احسن وهو سعره كاااااام
انا زهقت من ام الصنايعية عايز اولع فيهم واحد واحد
معلش انى متنرفز بس هعمل ايه ملقيتش غيير المنتدى هنا الجأ له
ساعدونى انا مش عارف افكر

[ahmed2801]

روح للاسطى محمد ف الزاوية الحمرا

[douha_wise]

أظن انك المفروض تغشل حوض السيارة جيدا و تذهب لميكانيكى كويس و ليكن الأسطى محمد بالزاوية أو على ما اسمع الأسطى عادى بصقر قريش و كلاهما سمعت من اعضاء المنتدى انهما متخصصان فى الشيرى و كانوا شغالين فى التوكيل لكن ظبط مع احدهم ميعاد قبل أن تذهب ثم اغسل حوض السيارة قبل ذهابك مباشرة ليظهر بوضوح مكان التسريب و ربنا يعينك و ييسرلك اكتشاف و اصلاح العيب

[novo]

سلام عليكم
اللى عنده صبر ولو بنسبة بسيطة يكمل الموضوع عشان انا تعبت بجد
انا عندى مشكلة رهييييييييبة وزهقت بمعنى الكلمة
عربيتى شيرى a11
المشكلة بدأت انى رحت اكشف على زيت الفتيس لاقيته ناقص
زودته عادى مفيهاش حاجة
جيت بعد اسبوع لاقيته نقص تانى
رحت زودته
لما نقص لتالت مرة رحت للعفشجى قلتله الكبالن بتجيب زيت قاللى غير راس الكوبلن الداخلية مع ان مفيش صوت طقطقة لا فى العدل ولا فى الملفات المهم رحت اغيرها الراجل قاللى يا بيه الراس عندك سليمة مدام مفيش طقطقة اكيد اللى بيسرب الزيت حاجة تانية سيبك من الصنايعى ده وشوف غيره
رحت لوحد تانى قاللك ال oil seal بتاع الكوبلن باظ وهات واحد جديد
قلت ماشى يا عم نغيره ورحت جبت نفس المقاس جديد وركبته وزودت زيت بردو نقص تاااااااااانى
رجعتله قاللى نجيب المقاس الاصغر عشان يقفل كوييس ققلت ماشى جبته وبردو لسه الزيت بينقص
اعمل ايييييييييه
حد يدلنى اعمل ايه الفتيس يكاد يكون باظ صوت العربية مستحيل حد يستحمله انا اكيد هحتاج اغير الفتيس بس لازم احل مشكلة تسريب الزيت دى الاول هوا الفتيس كدا كدا باين عليه باظ
اروح لمين ولا اعمل ايه
ولما اجيب فتيس جديد اجيبه جديد ولا استيراد
وهل اصلحه ولا اغيره احسن وهو سعره كاااااام
انا زهقت من ام الصنايعية عايز اولع فيهم واحد واحد
معلش انى متنرفز بس هعمل ايه ملقيتش غيير المنتدى هنا الجأ له
ساعدونى انا مش عارف افكر

فتيس الجولف2 أو 3 هيركب عندك

بعتلك على الخاص رقم الأسطى محمد

[SAMEH_FOUAD]

معلش انت طالما زيت الفتيس بينقص عندك بيبقى من حاجة اولسيهات ودية بتبقى موجود داخل الفتيس , وبتتغير بس لازم تحل الفتيس

[douha_wise]

معلش انت طالما زيت الفتيس بينقص عندك بيبقى من حاجة اولسيهات ودية بتبقى موجود داخل الفتيس , وبتتغير بس لازم تحل الفتيس

سامح باشا بنفسة مشرفنا فى الشيرى ده ايه النور ده كله و الله واحشنى و اسف على تقصيرى معك

[dreammate]

الف شكر على الردووووووووووود والله انتو بتحسسونى ان فيه أمل
بالنسبة للاسطى محمد
انا معايا رقمه يا نوفو وهكلمه ان شاء الله
الف شكر للرجالة على الردودبس انا غيرت الاولسيهات وانا كاتب ده فى الموضوع غيرته مرة واتنين وتلاتة والله
بس انا اغسل حوض العربية ده فين فى البنزينة ولا ايه واقول للراجل ايه؟؟

[dreammate]

هوا بكام الفتيس بتاع شيرى اصلا او الجولف ده والاقيه فييييين؟

[SAMEH_FOUAD]

الف شكر للرجالة على الردودبس انا غيرت الاولسيهات وانا كاتب ده فى الموضوع غيرته مرة واتنين وتلاتة والله
بس انا اغسل حوض العربية ده فين فى البنزينة ولا ايه واقول للراجل ايه؟؟

ياباشا فية فرق مابين اولسيهات الكبالن الداخلية واولسيهات الفتيس

اولسيهات الفتيس بتبقى داخل الفتيس

[dreammate]

تمام فهمت انا كدا
بس انا اتصلت بالتوكيل وقالولى الفتيس ب 8000 جنيه
كان هيغمى عليا
انا مطلوب منى اعمل ايه دلوقتى؟؟ ميين هيقدر يغيرلى اولسيهات الفتيس دى يا سمسم بيه؟؟
وهل لو اتصلح هيرجع زى الاول ولا لازم اغيره خالص
وبعدين انا لفت نظرى حاجة وانا بسال فى التوكيل قاللى انت عايز الفتيس كامل ولا ايه؟؟
هوا ايه اجزاء الفتيس اصلا واعرف منين اى جزء اللى باظ بالظبط
يا ريت حد يرد عليا

[SAMEH_FOUAD]

دلوقتى احنا اهم حاجة نوقف الاول تسريب الزيت , وطالما انت مخدش اى خبطات فى الفتيس يبقى العيب بيبقى من اولسيهات الفتيس ولازم الفتيس ينزل عشان تتغير ولا زم تتجاب الاصلى

ثانيا : انت دلوقتى حاسس بأية من ناحية الفتيس هل فية اصوات غريبة , الفتيس عندك مش بينقل , او بيفوت نقلات او بيثبت على نقلة ( كل دة مش هتقدر تحددة غير لما يكون مقاس الفتيس عندك مظبوط )

ثالثا : اجزاء الفتيس عندك بيبقى ( فارغة الفتيس ودة الجسم الخارجى للفتيس - اولسيهات - كلتشات - قربة- كنترول - فلتر ) ودول الشائع تغيرهم لكن فيو اجزاء تانية يفضل انك ماتغيرهاش وتجيب فتيس استيراد

عشان تستريح وتوفر على نفسك مصاريف هتعمل كدة بالترتيب

1- هتشوف كويس مكان التسريب وتصلحة وتجيب زيت شيل او موبيل atf 320 او 220

2- هتشوف الدنيا ماشية ازاى بعد ظبط الزيت لو اتظبطت يبقى تمام وامشى عادى ماتظبطش لا قدر الله يبقى هيتفك وتشوف اية اللى باظ جواة وانصحك تجيب الفتيس استيراد احسن بكتير فى السعر

اللى هيقدر يغيرلك الاولسيهات واحد متخصص بالفتيسات الاتوماتيك ويفضل انة يعرف يشتغل فى الشيرى

[dreammate]

والله انت برنس بس خلينى معاك واحدة واحدة
بديهى ومنطقى اننا نفكر فى موضوع التسريب ده الاول
هنفترض انه مفيش تسريب وعلى ما اعتقد انا بعمل محاولات دلوقتى كل ما امشى بيها مشوار احط تحتها كرتونة وابص مش بلاقى حاجة غير نقط بسيطة جدا غير الاول تماما
بالنسبة لخبطة الفتيس اللى سعادتك بتتكلم عنها انا كنت عملت حادثة بس كانت الصدمة الاكبر ناحية اليمين بعيد عن الفتيس معتقدش انه اتخبط بس هنفترض انو كدا فعلا؟؟ اتاكد ازاى انه اتخبط فى الحادثة دى؟؟
ثانيا : انا مشكلتى مع الفتيس حاليا ان صوت العربية كانها طمبيل ماشى بالظبط بمجرد ما ادى غيار وادوس بنزين يعلى الصوت بمجرد ما ادوس دبرياج الصوت يختفى تماما ودجه مع كل الغيارات حتى كمان انا مش بقيت بجيب خامس عشان لما اجيب خامس بيحصل صوت غريب ابن كلب زى ما يكون حديد بياكل فى حديد كدا
تانى مشكلة ان مؤشر السرعة ثابت عند صفر وده المكانيكى قاللى ممكن يكون ترس السرعة باظ هل كلامه مظبوط ولا بيألف معرفش لكن مفيش مشاكل من اللى انت قلتها التانية دى
ثالثا:مستحيل يا باشا هقدر اعرف ولا صنايعى فى الزقازيق ولا الشرقية كلها هيعرف اى جزء فى دول بايظ ده نصابين كلهم ولا حد فاهم حاجة تفتكر اروح لمين يحددلى الجزء البايظ ده؟؟
بالنسبة لزيت شل ده ايه لزمته هعمل بيه ايه بالظبط؟؟
وبعدين اجيب منين الفتيس استيراد من الحرفيين ولا بورسعيد ولا ايه؟؟ عاوز واحد مضمون لو تعرفه

لعلمك انا كنت هجيب هوندا سيفيك قبل ما اجيب الشيرى بس ابويا مرديش ههههههه
يلا حصل خير
شكرا لاهتمام معالييك

[SAMEH_FOUAD]

طيب شوف بقى انسى الاجزاء اللى انا قولتهالك فى الفتيس دية لان انا كنت فاكر ان الفتيس اللى انت بتتكلم علية دة اوتو ( معلش انت موضحتش ) وانا افتكرت انة اتو من كلمة الفتيس اتحرق لان دية بتتقال على الفتيس الاوتو مش المانيوال

عموما احنا كل اللى هنغيرة حاجتين المكونات وهتبقى الدنيا اسهل بكتير على فكرة

1- بالنسبة للمكونات ( بلية - حدافة - فولام - اسطوانة وديسك - والتروس - بلية اخرى - ماستر دبرياج سفلى- اولسيهات )

2- الزيت المستخدم هيكون زيت ذات درجة لزوجة 80-90 ودة الخاص بالسيارات ذات الفتيس الحديث

الحل بقى :

1- هنعالج الشرخ لو فية وعشان تعرف اكيد هتلاقية معرق على الفارغة بتاعة الفتيس ودية بتتباع لوحدها

2- طالما عندك الصوت بس هو اللى عالى يبقى علاجك فى البلية هتتغير وشكرا على كدة وان شاء الله خير وهتستريح

وعشان تبقى عارف الصح هتنزل تشترى طقم اصلاح دبرياج بدون الاسطوانة والديسك لو كويسين عندك وهتغير البليتين وان شاء الله الصوت يروح

[dreammate]

معلش هوا الغبى الميكانيكى اللى مبيفهمش حاجة اللى قاللى كدا الفتيس اتحرق يا بيه
تمام كدا لو لقيت الشرخ هعالجه ماشى

بس الصوت العالى ده يبقى البلية وكل الباقى ده سليم؟؟؟ انا ساعات لو مشيت اكتر من نص ساعة اشم ريحة احتكاك كدا زى ما يكون الفتيس سخن او حاجة
وبقولك الخامس لو جبته بسمع صوت حديد فى حديد كدا بخاف وبجيب رابع بس
هل معنى كدا ان مجرد ما البلية تتغير الصوت والخامس والريحة دى هتتظبط؟؟
وسؤال اخير انا صدعتك انا عارف
طقم اصلاح دبرياج والبليتين دول اجيبهم منين ومين يركبهم
معلش اصلى لا اثق فى الميكانيكية اللى عارفهم بعد المشكلة دى وانا حالف مروحش لحد فيهم
كلهم على ما تفرج والله يا معلم

[SAMEH_FOUAD]

بالنسبة للبلية الصوت العالى هيروح بعد تغير البليتين

* اما بقى اللى بيحصل من صوت النقلة الخامسة , كدة ممكن يكون حاجة حصلت فى شجرة الفتيس , وغالبا ممكن تلاقى ترس باظ والترس لما بيبوظ بيتاكل منة جزء بسيط جدا بيعمل صوت اثناء التعشيق

عموما لو لقيت المشكلة فى اى ترس فى الفتيس نصيحة منى هات الشجرة كلها كاملة عشان لما بتجيب الترس اللى بايظ بس مش بيخلى العربية تنقل بعد كدة كويس فى الغيار اللى اتغير

ريحة الشياط دية بتدل على وجود احتكاك فى اجزاء الفتيس ويكون نتيجة نقص الزيت

عموما المفروض تعرف من اخوانك فى القسم هنا مين اشطر واحد عندكوا بيشتغل فى العربية عشان يبقى حافظها لان مش اى حد بيقبل يشتغل فى الصينى

وانا متابع معاك