حجر فى وسط الطريق

[ahmed2801]

قدر الله وما شاء فعل.
الحمدلله على كل حال اول امبارح وانا مروح باليل فى النزهه الجديدة بيوسعه الشارع هناك والعربيات اللورى بتشيل الردش ومخلفات الطريق وفجأه ومن العربية اللى ماشيه امامى تقع حجر كبير فى وسط الطريق وراح داخل تحت عربيتى وطلع من الخلف وحسيت بزلزال ف العربية ووقفت على جنب بسرعة وبطلت العربية وبصيت تحت العربية لقيت الزيت بيخر على الارض من الكارتير.
طبعا ما مشيتش بيها وجبت عربي شالت العربية ووديتها الجراج بتاعى والصباح رباح.
تانى يوم عملنا حصر بالخساير طبعا كارتيرة الزيت انتهت لان الخبطة جت جنب الطبة والمنطقة كلها اتبهدلت ولا يمكن اصلاحه لوجود كفر صاج داخلى و الشاكمان اتعوج واتكسر من عند الوصلة المرنه.
كلمت صقر وسألت على كارتير الزيت طلع ب 300 جنية!!!! ومن غير طبة وجوان الكارتير ب 45 جنيه!!!.
اسف طولت عليكم بس انا متغاظ وزعلان وقولت افضفض معاكم, والعربية النقل مشيت عادى ولا على باله اى حاجة احنا اللى شيلنا الحجر من وسط الطريق وحطيناه على جنب, المهم جارى الاصلاح والله الموفق.

[eslam atia]

متزعلش نفسك وقدر الله وماشاء فعل
والحمد لله انها جت علي قد كده
في داهية والحمد لله ان ربنا نجاك

[ahmed2801]

متزعلش نفسك وقدر الله وماشاء فعل
والحمد لله انها جت علي قد كده
في داهية والحمد لله ان ربنا نجاك

ايون... الحمدلله وشكرا لردك.

[mohabelnegm]

الحمد لله بسيطة و المهم انك بخير. أنا واحد من الناس مغير بربريز عربيتى 3 مرات بسبب طريق السويس و الزلط اللى بيطير من العربيات النقل.
الغريب أن قانون المرور الجديد ولا بند فيه يخص الحمولات اللى بتطير من العربيات النقل و بتسبب خساير و حوادث. سبحان الله..اللى بيحطوا القوانين كأنهم لا بيشوفوا و لا بيسمعوا عن الكوارث و الجرايم اللى محتاجة فعلا تعديل قوانين.

[hossam_elwani]

بلد واهمال يخلى الواحد يطلع من هدومه


كان الله فى العون وستر طريقنا

[makarther]

الحمدلله
قدر و لطف
أنا ماشى فى الأوتوستراد واحد بنص نقل حدف خشب عليا
العربية إتقلبت 3 مرات و طارت فى الجو
مدير أمن القاهرة وقتها كان معدى الناحية التانية بلغ قسم الخليفة
لقيت كمية ضباط و عساكر غير طبيعية بيسألوا عن صاحب العربية
الحمدلله
المهم بعيد عنك
لا شئ يعوض البشر
رب يستر طريقك و طريق الناس كلها

[mnashat77]

ولا تزعل نفسك جت سليمه اكيد فدتك من مادثه اكبر لاقدر الله
الحمد لله انك كويس والكارتيره مقدور عليها

[douha_wise]

لا حول و لا قوة الا بالله الف سلامة عليك يا استاذ احمد و رغم ان الموضوع صعب و يضايق بس كل شئ يهون طالما انت و الأسرة بخير و يا رب يحفظكم و يحميكم دائما من كل شر و سوء
بالنسبة للكارتيرة ياريت تنزل الحرفيين و خذ معك القديمة و غالبا تلاقيها عند بتوع الفورد هناك و برضه اشتری جوان الكارتيره جديد من بتوع الفورد تلاقيه المانی اصلی بحوالی 90 جنيه و خامته افضل بكتيييييير من الصينی و يعمر معاك ان شاء الله
و ربنا يعوضك

[عماد تامر]

انا حصل معايا الموقف ده وكتبته في المنتدى وانت الوحيد اللي رد عليا وانا حا اقولك نفس اللي قلتهولي ولان كلامك هو اللي خفف عني
اولا: ما اصابك ما كان ليخطئك وما اخطأك ما كان ليصيبك قدر الله وما شاء فعل .
ثانيا: الف حمدلله على سلامتك واللى معاك اى حاجة فى الحديد تتصلح ما تزعلش.
وده لينك الموضوع

http://www.nilemotors.net/Nile/441057-a.html

[hugan]

قدر ولطف
الحمد لله انك كنت داخل القاهره
مش علي طريق سريع

[ahmed2801]

لا حول و لا قوة الا بالله الف سلامة عليك يا استاذ احمد و رغم ان الموضوع صعب و يضايق بس كل شئ يهون طالما انت و الأسرة بخير و يا رب يحفظكم و يحميكم دائما من كل شر و سوء

بالنسبة للكارتيرة ياريت تنزل الحرفيين و خذ معك القديمة و غالبا تلاقيها عند بتوع الفورد هناك و برضه اشتری جوان الكارتيره جديد من بتوع الفورد تلاقيه المانی اصلی بحوالی 90 جنيه و خامته افضل بكتيييييير من الصينی و يعمر معاك ان شاء الله

و ربنا يعوضك

الحمد لله.
والله يا استاذ ممدوح انا استسهلت واشترتهم من صقر النهاردة وانبوبة برماتكس وجارى التركيب دى عبارة عن علبة صفيح لا يشترط فيها المتانة وهو شكله مش بطال. والله الموفق.

[ahmed2801]

انا حصل معايا الموقف ده وكتبته في المنتدى وانت الوحيد اللي رد عليا وانا حا اقولك نفس اللي قلتهولي ولان كلامك هو اللي خفف عني
اولا: ما اصابك ما كان ليخطئك وما اخطأك ما كان ليصيبك قدر الله وما شاء فعل .
ثانيا: الف حمدلله على سلامتك واللى معاك اى حاجة فى الحديد تتصلح ما تزعلش.
وده لينك الموضوع
http://www.nilemotors.net/nile/441057-a.html

والله يا استاذ عماد انا مؤمن بالكلام ده فعلا بس الواحد بيزعل من الاهمال اللى بيضر الغير,وشكرا لحضرتك.

[ahmed2801]

قدر ولطف
الحمد لله انك كنت داخل القاهره
مش علي طريق سريع

الحمدلله,شكرا لحضرتك.

[hesham fawzy h]

حمدا لله على سلامتك با احمد بية

كويس انها جت على اد كدة

[hmpaca]

الحمدلله
قدر و لطف
حمد لله على السلامة