Gen-2 2010 و زيارة للتوكيل..

[Raul_7]

الف مبروك مقدما على العربية وان شاء الله فترة وتعدى وتكمل حقها
ربنا معك 10 شهور مش كتير اوى انا فضلت 23 شهر ونص بالتحديد
وكمان بعت عربيتى القديمة يعنى كنت بهدلة
بس مع اول ركوبة فى العربية نسيت الشهور دى كلها
فى بس كام نقطة محتاجة توضيح العداد فى الجين اخرة 240 مش 200
مقاس الكوتش 195/65 مش 195/60
واخيرا ان شاء الله كدا احتمال كبير هتاخد موديل 2011 والف مبروك مقدما مرة تانية

يااه 23 شهر بحالهم, بس الحمد لله إنك جبتها في الآخر, إن شاء الله أنا مستني اليوم اللي اجيبها واركبها برده :)

بنسبة للعداد, كان 200 كيلو بس واللهِ انهارده وانا بشوفها حتى أنا استغربت جدا وقلت إزاي و ال Lanos عدادها 220 كيلو, وال كاوتش برده كان Good Year 195/60/R15. أنا بفكر اعدي عالتوكيل تاني وانا رايح الشغل في مرة عشان أتأكد من الكلام ده يمكن تكون عيني خدعتني بس أنا متأكد.

يا باشا مفيش حاجة بعيدة على ربنا انت ممكن فى خلال شهرين او تلاتة يكون معك تمن العربية او 80 % منة والله مش بهزار بس لو على الحسابات يبقا انا دلوقتى المفروض انى لسة حتى محجزتش والمفروض انى هحجز اول 3 تخيل بقا انى استلمت فى اخر 10 يعنى فرق 5 شهور عن المعاد وبصراحة مكنتش مصدق
تفائل خير وجربة بجد مش هتخسر انا يوم ما كنت بحجز وبعد ما جمعت تمن العربية بطلوع الروح قولتهم ان شاء الله هستلم بكرة ايمن حتى كان بيقول انت مالك متافل اوى كدا لية وفعلا حصل وكنت الحمدلله اول حد يستلم جين مانويل
يعنى تفائل كدا وان شاء الله نشوف توبيك قريب عن الاستلام

واللهِ إنت خلتني كلي أمل إني اجيبها بدري عن المعاد ده, ربنا يكرم كده إن شاء الله ويتقبل دعائك ودعائي واجيبها بدري إن شاء الرحمن.

جميل التقرير ده
شكرا ليك عليه
وان شاء الله تحجز وتستلم على خير
واللون الازرق حلو (معايا على فكره )
بس مادام انت هتستنى الفتره دي كلها يبقى احتمال تجيب 2011 بما انك ممكن تستنى شهر او اكتر على الميعاد المحدد
ربنا يدلك على الل فيه الخير

ألف شكر يا باشا ده من ذوقك والله... وانا فعلا عارف إنك معاك اللون الأزرق من بعد المواضيع اللي قريتها في القسم هنا, ربنا يباركلك فيها إن شاء الله. :)

بنسبة لإستلام 2010 أو 2011, ربنا يكتب اللي فيه الخير إن شاء الله.

وألف شكر على ردودكم جميعا.

[ahmad alshaaer]

انا هعلق على كلامك

اولا عدادها كان ومازال 240 وكل الاعضاء هتقوللك كده

ولكن السرعه القصوى عن تجربه 185 كم للاوتوماتيك
190 للمانيوال

الثبات تحفه والحمدلله

الكاوتش الجود يير جامد جدا وانضف من السيلفر ستون بمراااااااحل

الصاج جامد والحمد لله فعلا

العربيه زي الفل من كله والله

وعموما كل تأخيره وفيها خيره يمكن ان شاء الله 2011 يكون نزل حاجه جديده لان 2009 و 2010 مافيش جديد بالعكس شالوا حاجات من القديم 2007 و 2008

تحياتي وربنا يقدملك اللي فيه الخير

[Raul_7]

انا هعلق على كلامك

اولا عدادها كان ومازال 240 وكل الاعضاء هتقوللك كده

ولكن السرعه القصوى عن تجربه 185 كم للاوتوماتيك
190 للمانيوال

الثبات تحفه والحمدلله

الكاوتش الجود يير جامد جدا وانضف من السيلفر ستون بمراااااااحل

الصاج جامد والحمد لله فعلا

العربيه زي الفل من كله والله

وعموما كل تأخيره وفيها خيره يمكن ان شاء الله 2011 يكون نزل حاجه جديده لان 2009 و 2010 مافيش جديد بالعكس شالوا حاجات من القديم 2007 و 2008

تحياتي وربنا يقدملك اللي فيه الخير

تسلم يا باشا على المعلومات المفيدة.

بس أنا فعلا هاخد كاميرا وروح اصور العداد لأني متأكد إنه كان 200 بس, ويا رب أكون غلطان, لأني عايزه يبقى 240 برده.

و تصبح علي خير. :)

[aapaap855]

ربنا يكرمك يا باشا وتجيبها
انا من احسن الحاجات الي عجباني في العربية ان عدادها فردي مش زوجي
يعني 10 - 30 - 50
تحس انها مختلفة عن الجميع
ربنا يكرمك وتجيب الموديل الي فيه الخير ليك
انا جبت 2008 في شهر 11 وكان فيه 2009 ساعتها
بس عملت استخارة وربنا كرمني بيها

[ahmedsiyam]

بالتوفيق ان شاء الله

[أبومعاذ]

الكاوتش 195/60 يا اسلام

[M.almaghraby]

الكاوتش 195/60 يا اسلام

+11

[Raul_7]

ربنا يكرمك يا باشا وتجيبها
انا من احسن الحاجات الي عجباني في العربية ان عدادها فردي مش زوجي
يعني 10 - 30 - 50
تحس انها مختلفة عن الجميع
ربنا يكرمك وتجيب الموديل الي فيه الخير ليك
انا جبت 2008 في شهر 11 وكان فيه 2009 ساعتها
بس عملت استخارة وربنا كرمني بيها

فعلا أنا خدت بالي من موضوع الفردي ده فموديل 2008, بس عموما أنا اللي شفته من يومين كان عدد عادي جدا كأنه عداد سرعة accent, يا رب أكون غلطان.

بنسبة للموديل, ربنا يقدم اللي فيه الخير إن شاء الله... وشكرا على ردك.

بالتوفيق ان شاء الله

أشكرك يا فندم.

الكاوتش 195/60 يا اسلام

+11

شكرا عالتأكيد, أنا قلت هيبقى عداد وكمان كاوتش يبقى أنا أكيد اللي عيني فيها حاجة غلط, ههههههههههه

[momopersona]

لا بس العداد الفردى اخره 230 وبعديه فى شرطه كمان (240)
على فكره ممكن تكون دى ال 1300 فى جين 2 1300 سىسى بتنزل فى انجلترا تكون نزلت واحده غلطه !!!!!!!
ماعتقدش لا صعبه اوى
اكيد 240 وانت عينك خانتك عادى بتحصل يعنى
يائما اتفرجت على عربيتين ورا بعض واحده منهم 200 فالمعلومات دخلت فى بعض عندك كانت بتحصلى ايام ماكونت بافكر اشترى ايه

[ahmad alshaaer]

لا عداد 2009 و 2010 عداد عادي
انت صح في دي

[Raul_7]

لا بس العداد الفردى اخره 230 وبعديه فى شرطه كمان (240)
على فكره ممكن تكون دى ال 1300 فى جين 2 1300 سىسى بتنزل فى انجلترا تكون نزلت واحده غلطه !!!!!!!
ماعتقدش لا صعبه اوى
اكيد 240 وانت عينك خانتك عادى بتحصل يعنى
يائما اتفرجت على عربيتين ورا بعض واحده منهم 200 فالمعلومات دخلت فى بعض عندك كانت بتحصلى ايام ماكونت بافكر اشترى ايه

واللهِ مركبت غير ال Gen-2 بس هناك, وأنا لازم أتأكد من الموضوع ده إن شاء الله.

لا عداد 2009 و 2010 عداد عادي
انت صح في دي

عداد عادي يعني اخره 200 بس ولا قصدك زوجي مش فردي زي القديمة ؟

[hanyetsh]

ربنا يكرمك وتكون الفلوس بسرعة الجين ملهاش حل بصراحة

[eslam_wega]

واللهِ مركبت غير ال gen-2 بس هناك, وأنا لازم أتأكد من الموضوع ده إن شاء الله.



عداد عادي يعني اخره 200 بس ولا قصدك زوجي مش فردي زي القديمة ؟

بالظبط يعنى زوجى مش فردى

[eslam_wega]

الكاوتش 195/60 يا اسلام

اسف هو فعلا 60

[saidbakr]

وصف جميل جداً يا أستاذ راؤل عن زيارتك، و لكن كنت عاوز أسأل بخصوص كلام حضرتك عن الصاج، هل لما جيت تقفل الكابوت، سبته ينزل هبد و لا نزلته بالراحة و ضغطت عليه ببطن إيدك ن قدام علشان يقفل؟