عايز مساعدة قبل ما اشتري ساجا

[ashraf_aly]

بتفول العربيه و تصفر عداد الرحلات و تمشي لغايت لما تيجي تفول تاني و تحسب حطيت كام لتر و عملت بيهم كام كيلو

السلام عليكم ورحمة الله وبركاته

شكرا يا باشا علي الرد وفعلا انا سعيد جدا انا عرفت ناس هنا محترمة وخدومة جدا وربنا يكرم واقدر اتعرف عليكم شخصيا في اقرب وقت بإذن الله

ادعولي ربنا يكرمني ويرزقني واجيب الساجا قريب بإذن الله

[powerofhelll]

ان شاء الله تجبها في القريب العاجل و ربنا يديك خيرها و يكفيك شرها

[krim71]

عموماً يعني الساجا بتستهلك في المتوسط 6 ليتر لل100 كيلو بجد استهلاك للبنزين فوق الروعة

[khpopo]

حكاية علبة الدركسيون اقولها لك انا بصراحة

بعد نفاذ الدفعة الاولى من الساجا لاحظ المهندسين بالتوكيل وجود مشكلة بعلبة الدركسيون مش فى كل العربيات لا بعضها فبداو لما العربية تروح تعمل صيانة الالف العلبة اللى فيها مشكلة تتغير بعلبة جديدة تم تعديلها عشان تتلافى العيب و بالتالى طلبوا فى الدفعات الجديدة من العربيات ان علب الدركسيون تيجى من الموديل اللى تم تعديلة
ملحوظة لما المهندسين بيشوفوا العلبة انها تحتاج الى تغيير بتتغير فى الحال ده كل الموضوع

مبروووك عمر باشا على التغير ان شاء الله تكون كويسه معاك وهى فعلا شكلها كده مش مشكله عامه فى الساجا والتوكيل خلاص جاب البديل يبقى تمام ربنا يهنيك بيها
ربنا يوفق

[khpopo]

السلام عليكم ورحمة الله وبركاته

يا جماعة والله بجد انتم ناس محترمة جدا وانا اتشرفت اني عرفت ناس زييكم
بصراحة عمري ما شوفت ناس متعاونة وبتخدم كدة ومبتزهقش من الاسئلة في اي منتدي زيكم هنا وكلامكم عن م/ايمن و م/محسن و م/امر خلاني احب العربية والتوكيل كمان رغم الكلام اللي بيتقال عن التوكيل الا اني متطمن لوجود الناس دة هناك

انا الصراحة معجب جدا بالعربية واستفساري عن موضوع الطاسات دة كان لاني مبحبش الطاسات دة اصلا لانها مش عملية وزعلت لما لاقيت عداد الرحلات مفيهوش متوسط استهلاك البنزين وبالنسبة للتابلوه انا الصراحة شكله عاجبني الي حد كبير وعاجبني المساحات الكبيرة اللي موجودة فيه

بس انا عندي استفسار تاني انا عارف استفساراتي كترت بس معلش

طالما مفيش حساب متوسط استهلاك البنزين اقدر احسب العربية معدل استهلاك البنزين منين خصوصا اني شوفت مواضيع لناس معاها ساجا وكانوا كاتبين معدل الاستهلاك فياريت بس حد يقولي بيتحسب ازاي

بجد ربنا يكرمكم ويجازيكم خير وشكرا علي المساعدة

ان شاء الله تجيبها عن قريب ونبارك لك واهلا بيك فى العائله
ربنا يوفق

[ashraf_aly]

السلام عليكم ورحمة الله وبركاته

ازيكم يا كل البروتوناوية يارب تكونوا بخير

سؤال تاني معلش انا قريت موضوع عن اسعار قطع غيار الساجا كان عامله المحترم دائما م/أيمن
دة لينك الموضوع الاصلي

http://www.nilemotors.net/Nile/114618-proton-saga.html

فلاقيت ان تمن الفانوس الامامي 820ج.م فسئلت واحد صاحبي عندة جين 2 لاني شايف السعر عالي أوي عن الفانوس الخلفي (315 ج.م) فقالي انه ممكمن يكون زي فانوس الجين 2 وفيه امكانية حركة الفانوس يعني الفانوس كهربا ومممكن يتحرك ويتعدل وضعيته

ودلوقتي السؤال هل فانوس الساجا زي فانوس الجين2 بيتحرك بردة ولا لأ ولو كان لأ ليه سعره عالي اول كدة عن الفانوس الخلفي

مستني الرد منكم عارف زهقتكم من كتر الاسئلة بس اعذروني انا دة هتكون اول عربية اشتريها وانتوا مقدرين طبعا اد ايه الواحد بيكون قلقان ونفسه يسمع اي حاجة تطمنة

اسف للاطالة وشكرا علي تعاونكم وصبركم

[amr1973]

اخى العزيز كل الفوانيس الامامية اغلى من الخلفى و ده طبيعى جدا فى كل العربيات اما بخصوص فانوس الجين تو بيركب على الساجا بالطبع لا و بكل تاكيد كمان كمان انت بتسال على الفانوس فية موتور برضوا لا و ده افضل كتير من وجود الموتور لانه غالى جدا اما بخصوص ان الفوانيس غالية انا اقولك على الحل لو لاقدر الله فى كشاف فانوس اتاكسر ممكن توصل لحد شركة الاهرام و هاتعمل اخوة بالميلى و يركبوة كمان و تقريبا الموضوع بيتكلف حوالى 80 جنية
و فى معلومة بس انا لسة هاتاكد منها ان تيل الفرامل الامامى هو بتاع المتسوبيشى الانسر 98 و 99 بس هاتاكد من الكلام ده

[homos99]

عارفين بجد بجد ايه عيب الساجا بالنسبالي؟؟؟ رغم اني ناوي عليها....
التابلو بتاعها....
شكله من اوائل التسعينات كده مش شبه التابلوهات الجديدة بس يمكن علشان هي رخيصة فمتكلفوش في تصميمه و عموماً اهم حاجة الشكل الخارجي مش مشكلة التابلو قدام سهل و عملي

انا متفق معاك تماما بالنسبة للتابلوه من ناحية فتحات التكيف لغاية ناقل الحركة فعلا متواضع فى التصميم لاكن بصراحة انا لما روحت اتفرجت عليها ,,, لقيت الخامات شديدة من ناحية الاستحمال مش من الشكل مقارنة بالفرنا واللانوس والناس اللى بتقول اللوجان تقفيلها احسن بكتير انا شوفت تابلوه اللوجان افضل شكلا فقط من الساجا لاكن الخامات متقاربة يمكن لقيت كدا حاجة فى اللوجان ان المقبض الداخلى للباب اللى لونه سلفر مصنوع من البلاستيك الرخيص واعتقد ان دا مع الزمن بيقشر او بيسود والله واعلم بردو لاكن شكل التابلوه للوجان احسن من الساجا بس مش بفرق كبير وعدادات الساجا افضل فى التصميم من وجهت نظرى والرؤية الأمامية والخلفية اكثر من رائعة للساجا عن اللوجان ,,,

[ahmedfathi]

توكل على الله واشترى الساجا . العربيه ما شاء الله حلوه اوى ومناسبه جدا انا لسه شاريها الاسبوع اللى فات (اتوماتيك احمر) وماتقلقش من قطع الغيار لان دى حاجه طبيعيه على عربيه لسه نازله مصر لاول مره وان شاء الله لما تنتشر اكيد قطع غيارها هتبقى زى الفيرنا واكتر كمان ان شاء الله

[alf2boshra]

طلبوا فى الدفعات الجديدة من العربيات ان علب الدركسيون تيجى من الموديل اللى تم تعديلة
ملحوظة لما المهندسين بيشوفوا العلبة انها تحتاج الى تغيير بتتغير فى الحال ده كل الموضوع
أهي دي أجمد حاجه عملها عز العرب السنادي
كده البروتوناويه يقدروا يطلعوا لسانهم لحبايبنا اللي بيقولوا ..
إن توكيل عز ماعرفشي ماله وكاني وماني وكلام من دا
مالحووووووووووووظة لعز العرب
بيضو وشنا كده علطول الله يكرمكم
ساجاوي في السكة وإوعوا من وشي أنا باغمض وانا سايق
ألفي بشرى

[krim71]

انا متفق معاك تماما بالنسبة للتابلوه من ناحية فتحات التكيف لغاية ناقل الحركة فعلا متواضع فى التصميم لاكن بصراحة انا لما روحت اتفرجت عليها ,,, لقيت الخامات شديدة من ناحية الاستحمال مش من الشكل مقارنة بالفرنا واللانوس والناس اللى بتقول اللوجان تقفيلها احسن بكتير انا شوفت تابلوه اللوجان افضل شكلا فقط من الساجا لاكن الخامات متقاربة يمكن لقيت كدا حاجة فى اللوجان ان المقبض الداخلى للباب اللى لونه سلفر مصنوع من البلاستيك الرخيص واعتقد ان دا مع الزمن بيقشر او بيسود والله واعلم بردو لاكن شكل التابلوه للوجان احسن من الساجا بس مش بفرق كبير وعدادات الساجا افضل فى التصميم من وجهت نظرى والرؤية الأمامية والخلفية اكثر من رائعة للساجا عن اللوجان ,,,

كلام سليم مية في المية و متفق معاك علشان انا كمان روحت اول امبارح شوفت التابلو على الحقيقة هو شكله وحش اه بس خاماته روعة و الاحسن في سعرها و اعلى منها كمان

[ashraf_aly]

السلام عليكم ورحمة الله وبركاته

سؤال جديد من ساجاوي رخم شوية

هي الساجا دفع خلفي ولا سحب امامي لان الموضوع دة صراحة مهم بالنسبة لي

شكرا لتعاونكم وردودكم اللي بصراحة مبتتاخرش وكمان بتيجي بفايدة كبيرة

[khpopo]

السلام عليكم ورحمة الله وبركاته

سؤال جديد من ساجاوي رخم شوية

هي الساجا دفع خلفي ولا سحب امامي لان الموضوع دة صراحة مهم بالنسبة لي

شكرا لتعاونكم وردودكم اللي بصراحة مبتتاخرش وكمان بتيجي بفايدة كبيرة

الساجا دفع امامي
ربنا يوفق

[ashraf_aly]

السلام عليكم
انا عايز اسال سؤال محيرني جدا
دركسيون الساجا متحرك يعني فيه تعديل الوضعية ولا لأ
لاني سمعت انه كدة وبردة فيه ناس بتقول ممكن يكون مفيش
فياريت لو حد معاه العربية فعلا او متاكد من المعلومة يقولي هل فيه تعديل الوضعية ومتحرك ولا لأ

وشكرا لردودكم

السلام عليكم

[Galilioz]

السلام عليكم

انا عايز اسال سؤال محيرني جدا
دركسيون الساجا متحرك يعني فيه تعديل الوضعية ولا لأ
لاني سمعت انه كدة وبردة فيه ناس بتقول ممكن يكون مفيش
فياريت لو حد معاه العربية فعلا او متاكد من المعلومة يقولي هل فيه تعديل الوضعية ومتحرك ولا لأ

وشكرا لردودكم

السلام عليكم

اه الدريكسيون ممكن تعليه او تنزله عادى جدا
زى الكورسين اللى فى الامام ممكن يتقدموا قدام شويه ويرجعوا تانى