رابطة مالكى الويرا (2) فيد وأستفيد .

[memo_p910]

يعني ايه منظف الرشاشات ما نرشش بيه جوه المانيفولد ؟ امال نرش فين ؟ انا جبته وفكيت فلت الهوا ورشيت جوه والعربيه دايره ...

[yousefsemsem]

ده غلط جدا علي فكرة ترش جوه لان الوساخه كلها بتخل جوه انا بوقف العربيه مايله وبنضف بحيث ان الوساخه كلها تنزل من البوابه وده مش منظف رشاشات ده منظف كربراتير بينضف البوابه بتاع الرشاشات بيتحط في التنك

[msafa]

انا عندي المساعدين اللي ورا بقالهم 4 سنين (كتر خيرهم) و اللي قدام متغيروش :)
قريت موضوع المساعدين السبورت اللي ب 1500 دول و عجباني الفكرة جدا

استاذ يوسف انت كنت حاطط صورهم فكنت عاوز اعرف اجيبهم منين استيراد من الحرفيين
يعني انزل اخد جولة ولا في حد معين ايأله

ودول بتوع الويرا ولا اقوله الانسر البطة
و ان شاء الله هربكهم عند وحيد العفشجي في عين شمس

[MOSTAFA.EID]

انا غيرت مساعدين خلفي للويرا عند محمد علام في ارض اللواء بس اكتشفت ان السوست مش بتاعت العربيه متغيره علشان تعلي العربيه شويه علشان كده مش حاسس بقرف بعد ما غيرت المساعدين ... اقدر اشتري السوست منين وجديد ولا استراد

[yousefsemsem]

المساعدين الاسبور موجودين في الحرفين وخد لفه وبتوع بطه

[yousefsemsem]

مصطفي باشا تقدر تقولنا اسعارهم ايه وجدسد وﻻ استيراد وحاسس بالعربيه عليت ولا واطيه وهو مؤكب بتوعها وﻻ بتوع الجين

[MOSTAFA.EID]

غيرتهم يا جو عند واحد اسمه عمرو السعداوي في ارض اللواء جديد بتوع جين تو وطبعا حسيت بفرق كبير بس بصراحه نفس ارتفاع العربيه مش حاسس بفرق في الارتفاع

[ahmed_h_g]

السلام عليكم ورحمة الله وبركاته
أنا معاكوا 5 أيام أجازه ان شاء الله من النهرده :)
اللي عنده مشكله ومش لاقي حل ياريت يكتبها بالتفصيل وان شاء الله هنحلها مع بعض

[msafa]

حمد الله على السلامة يا ابو حميد :)
لسة عندك سلوك البوجيهات؟

[msafa]

انا العربية كانت بتجيب check engine كل شوية و لما ابطل العربية 5 دقايق و ادورها تطفي و كنت فاكر البنزين و غيرت كذا بنزينة و انا لسى مغير البوابة كده كده

المهم انا من شهر كده في بوجيه طار (طار بمعنى انه ملقتوش مكانه) لقيت القالووظ بس، شلته و ركبت واحد تاني

من كام يوم كده قولت ابص على البوجيه لقيت ان الكاوتش اللي في آخر سلك من ناحية البوجيه متاكل مش عارف ازااي مع اني من اسبوعين او تلاتة كان سليم

جبت سلوك كوري بتاعة الاكسيل و كانو 4 عاديين وواحد كده اخره في قمع مش عارف بتاع ايه
غيرت الكبل اللي بايظ و الموضوع ظبط الحمد لله

[ahmed_h_g]

حمد الله على السلامة يا ابو حميد :)
لسة عندك سلوك البوجيهات؟

الله يسلمك يا أستاذ محمد
لا معنديش للأسف

[amirz]

السلام عليكم ورحمة الله وبركاته
أنا معاكوا 5 أيام أجازه ان شاء الله من النهرده :)
اللي عنده مشكله ومش لاقي حل ياريت يكتبها بالتفصيل وان شاء الله هنحلها مع بعض

حمد الله على السلامة ياباشا.
انا كنت عاوز اغير نظام الفرامل الخلفية بدل طنابير حلل الى طنابير اقراص شبه الامامى، ايه رأيك الموضوع يستاهل وايه الخطوات وقطع الغيار منين.
شكرا

[ahmed_h_g]

حمد الله على السلامة ياباشا.
انا كنت عاوز اغير نظام الفرامل الخلفية بدل طنابير حلل الى طنابير اقراص شبه الامامى، ايه رأيك الموضوع يستاهل وايه الخطوات وقطع الغيار منين.
شكرا

الله يسلمك
فعلا" التعديل مفيد جدا" لو الفرامل مش بتسعفك مع الأحمال والسرعات
هتشتري 2 دنجل خلفي لانسر 98 خليجي سكاكين
و 2 خرطوم باكم زي اللي راكبين للكلبرات الأمامي بالظبط
وتركب وتغير تيل وتسحب الهواء من الدايره وأنجوي :)

[yousefsemsem]

الفرامل السكاكين ديه مفيده جدا والله يارجاله الويرا
بتسعفني جدا ومع سرعات عاليه وتحميل ممتازه

[amirz]

الله يسلمك
فعلا" التعديل مفيد جدا" لو الفرامل مش بتسعفك مع الأحمال والسرعات
هتشتري 2 دنجل خلفي لانسر 98 خليجي سكاكين
و 2 خرطوم باكم زي اللي راكبين للكلبرات الأمامي بالظبط
وتركب وتغير تيل وتسحب الهواء من الدايره وأنجوي :)

هل حضرتك تعرف حد بيبيع الحاجات دي عشان يبقى فاهم الليلة وميبعليش حاجة غلط وياريت التكلفة هتكون كام