رابطة مالكى الويرا (2) فيد وأستفيد .

[msafa]

ورشة في العباسية ؟؟؟؟ طب هي متخصصه في البروتون وعندهم جهاز ليها ولا ؟
ارجو كتابة رقم تليفونهم ؟ واكون شاكر لحضرتك :y_hi_3[1]:

بعتلك الموضوع على الخاص

الصراحة الشكر كله لايمن هو اللي عرفني على الورشة

[sameh_loza]

بعتلك الموضوع على الخاص

الصراحة الشكر كله لايمن هو اللي عرفني على الورشة

تمام والف شكر

[byounes]

حضرتك تقصد لمبة الأعطال ؟؟ أكشف عليها بالكمبيوتر هتعرف العطل فين عند ورشة عسكر بالحرفيين . الكشف بحوالى 50 أو 75 جنيه
رقم مهندس أحمد اللى ماسك أعطال الكمبيوتر هناك 0121385680 أو ممكن تكشف فى التوكيل .
هيجبلك العطل .

شكرا جزيلا
ممكن اعرف مكانها فين في الحرفيين ؟؟ هوا احسن ولا ورشة العباسية ؟؟

[byounes]

بعتلك الموضوع على الخاص

الصراحة الشكر كله لايمن هو اللي عرفني على الورشة

يا ريت بردو اعرف مكانها ؟؟؟

[sameh_loza]

احب اضيف كمان تجربتي مع عمل طقم شمبر للعربية وكان السبب ان العربية بتأكل زيت وكان في تسقيف عالي جدا وفي شوية مستلزمات واسعارها وهي :
- طقم شمبر لانسر البطة ب 120 جم ياباني اصلي
- جوان وش السلندرب 20 جم تايوني
- اويل سي كوتش صباب ب 35 جم
- فلتر زيت 20 جم
- ومصنعية للميكانيكي ب 250 جم شاملة تضبيط التكيهات بعد ما تمشي العربية 1000 كم وكمان تغيير طقم بوجيهات وحاجة مهمه جدا ياريت مننساش عمل الرودية مكان الصبابات الموضوع اخد معايا شغل من الساعة 11 صباحا حتي الساعة 11 مساءا في نفس اليوم .
احب اقول ان اي ميكانيكي شاطر في تصليح العربيات الياباني يقدر يصلح العربية بروتون ويرا ماعدا حاجة واحدة وهي لابد من وجود جهاز كشف الاعطال وان الجهاز يوجد فيه سوفت وير للعربيات البروتون
حاجة كمان ضرورية وهي ان ممكن تعمل في العربية وتبدل فيها اي حاجة ما عدا الاجزاء الخاصة بالكهرباء والحساسات لايمكن اي حاجة تركب مكانها او بدلها.
وسمحوني لو اسلوبي مش كويس في شرح تجربتي في عمل طقم الشمبر

[ahmed_h_g]

الف شكر أستاذ سامح عالمعلومات الجميله ديه
ويارب الكل يستفيد .

[ahmed_h_g]

معلومه صغيره
موتور الويرا راكب على بعض السيارات مثل اللانسر 92 (البطه) وهيونداى أكسل 1300 بالكامل
الفرق الوحيد ان الويرا أنجكشن والهيونداى واللانسر البطه كربراتير
يعنى مش هتدوخ على فلتر بنزين ولا فتيس ولا كوبلن ولاقواعد موتور ولا مساعدين ولا .....
العفشه ميتسوبيشى والموتور هيونداى .

[sameh_loza]

كوتشة الافزان بتاعة علبة الديكسيون كانت عندي مش موجوده ده طبعا يؤدي الي ان العربية تعوم مني علي السرعات العالية وطبعا لقتها هي بتاعة علبة ديكسيون الهيونداي اكسنت وكانت ب 15 جم وركبتها والموضوع زي الفل
وربنا يجعله عامر

[ahmed azab]

انا اشتريت مساعدين الخلفية ب380 جنيه kyb من المدينة والحمد لله تمام بقالهم معايا 10 شهور
وكان عندي ترشيح زيت علي جنب الماتور وده غيرتله طقم اويلسيلات كامة وكرنك ومنعوا الترشيح
حاليا عندي مشكلة استهلاك البنزين وظهرت فجأة في حين العربية مفيهاش اي دخنة وسحبها الحمد لله تمام ومفيش اي لخبطة في دورة الحقن والماتور مظبوط وغيرت فلتر الهوا قولت يمكن القديم مسدود
مش عارف ايه السبب ؟؟؟

[ahmed_h_g]

صوت الخبطه المكتومه اللى بتظهر بعد مده كبيييره من الأستخدام الشاق فى العفشه الأماميه هوه من البارات الداخليه + التيش
التايوانى ب325 جنيه للطقم كامل وب425 اليابانى للطقم كامل .
متحاولش تفتح علبة الدريكسيون نهائيا" علشان مفيش أى مشكله بتحصل منها .

[ahmed_h_g]

انا اشتريت مساعدين الخلفية ب380 جنيه kyb من المدينة والحمد لله تمام بقالهم معايا 10 شهور
وكان عندي ترشيح زيت علي جنب الماتور وده غيرتله طقم اويلسيلات كامة وكرنك ومنعوا الترشيح
حاليا عندي مشكلة استهلاك البنزين وظهرت فجأة في حين العربية مفيهاش اي دخنة وسحبها الحمد لله تمام ومفيش اي لخبطة في دورة الحقن والماتور مظبوط وغيرت فلتر الهوا قولت يمكن القديم مسدود
مش عارف ايه السبب ؟؟؟:u_thin1[1]::u_thin1[1]:

العربيه عامله كام كيلو و بتستهلك معاك كام على الطرق السريعه ؟؟؟

[sameh_loza]

انا اشتريت مساعدين الخلفية ب380 جنيه kyb من المدينة والحمد لله تمام بقالهم معايا 10 شهور
وكان عندي ترشيح زيت علي جنب الماتور وده غيرتله طقم اويلسيلات كامة وكرنك ومنعوا الترشيح
حاليا عندي مشكلة استهلاك البنزين وظهرت فجأة في حين العربية مفيهاش اي دخنة وسحبها الحمد لله تمام ومفيش اي لخبطة في دورة الحقن والماتور مظبوط وغيرت فلتر الهوا قولت يمكن القديم مسدود
مش عارف ايه السبب ؟؟؟

وانا كمان انا هاتجنن خلاص مش ممكن

[msafa]

انا كان عندي مشكلة البنزين و غيرت السينسور بتاع الهوا، انا مش عارف اسم الجزء ايه بس هو جزء فضي ورا الموتور في نص الحوض، المهم فضلت المشكلة موجودة و في الاخر طلعت الفيشة هي اللي مكسور، اشتريت شريط لحام بجنيه و لفتها حولين الفيشة و بقت تمام، هو احس من الاول بس لسة الاستهلاك عامل 250 كيلو للصفيحة طرق سريعة

[ahmed_h_g]

انا كان عندي مشكلة البنزين و غيرت السينسور بتاع الهوا، انا مش عارف اسم الجزء ايه بس هو جزء فضي ورا الموتور في نص الحوض، المهم فضلت المشكلة موجودة و في الاخر طلعت الفيشة هي اللي مكسور، اشتريت شريط لحام بجنيه و لفتها حولين الفيشة و بقت تمام، هو احس من الاول بس لسة الاستهلاك عامل 250 كيلو للصفيحة طرق سريعة

حساس الأكسجين .

[sameh_loza]

حساس الأكسجين .

آه ه ه ه ه حساس الاكسجين
وانا اقول ايه ده مش عارف ؟