رابطة مالكى الويرا (2) فيد وأستفيد .

[ahmed_h_g]

أنا هنا وكل سنه وأنتوا طيبين وأسف جدا" على تقصيرى فى التواجد

[budokonta]

السلام عليكم أ/ احمد و أ/ يوسف كل سنة و حضراتكم و جميع الاعضاء بكل خير االحقيقة انا بقالى مدة مدخلتش و لا اشتركت لظروف ارجو كن حضراتكم الاهتمام بالموضوع اللى سبق و طرحته من حوالى شهرين و الخاص بعربيتى مو/ 99 /1300 انا مش عارف اعمل ايه فى موضوع البوابة ارجوكم لو تقولولى اجيبها منين و ازاى ولو فى حد مضمون انا من اسكندرية و حاجة البروتون هنا نادرة قوى قوى و العربية فى النازل من فضلكم بس عنوان حد اروح له انشاله لو فى اخر الدنيا

[yousefsemsem]

حضرتك عربيتك موديل 99 البوابه بتاعتها بتاعت الللانسر بطه البوابه ديه موجوده في القاهرة في عذبه شلبي الوكاله وبرضه الحرفين وموجوده في المنصورة وكل عام وانت بخير وباذن الله تتحل المشكله

[vecevector]

رمضان كريم و كل سنه والاعضاء الكرام بخير
انا عندي مشكله في الويره 2000 خليجي اكتشفت ان في حساس متوصل بخرطوم في صدر العربيه هو اليي بيخلي العربيه تسركل وكانها متلته لما اشيل الفيشه العربيه المتور يهدي و تكون ثابته هو اسمه حساس الطغوط
ممكن يتصلح او بيتباع فين لاني محتاجه ولو لغيت الحساس اي المشكله واي الفايده منه

[yousefsemsem]

ده حساس ماب روح هاته من اي عربيه لانسر كرستاله انجكشن او لانسر بطه انا كنت سال عليه كان ب150 من الحرفين

[budokonta]

متشكر جدا يا ا/ يوسف لو كده ان شاء الله اسافر بعد العيد

[vecevector]

هو حساس الماب في بديل غير الكرستاله
انا المتور 4g13 يعني ينفع بتاع الاكسل او الاكسنت

[yousefsemsem]

لو لقيت بوابه الاكسيل غير اللي عندك اكن هي نفس االمكنه انت تاخده معاك وتروح تجيبه من عند اي حد بيبيع لانسر هتلاقيه بس تاخده معاك

[amirz]

حساس الكرنك بروتون ويرا

حد يعرف يا جماعة اجيب منين حساس الكرنك لبروتون ويرا ٢٠٠٤ مانيوال لأن سير التكييف اتقطع وخبط فيه بوظه وهل له بديل فى اى ماركة سيارات تانية و شكرآ

[yousefsemsem]

موجود في الحرفين او البديل بتاع بطه

[amirz]

شكرا أ. يوسف وربنا يخليكو للبروتوناوية, انا لسة مكتشف المنتدى جديد بصراحة وياريتنى اكتشفته من زمان.
متعرفش سعره كام تقريبأ

[amirz]

شكرا أ. يوسف وربنا يخليكو للبروتوناوية, انا لسة مكتشف المنتدى جديد بصراحة وياريتنى اكتشفته من زمان.
متعرفش سعره كام تقريبأ

[yousefsemsem]

انا كنت النهارده في الحرفين ولفيت لفه محترمه جبت شويه حاجات منها علبه شكمان ومزاريب السقف والازار القدام واللي ورا وكارتيرات الماتور مش العجل المهم وانا بلف لقيت اللي عاوز بتاعت 2000 موجوده في محل اسمه الاعتماد تحت ملك البروتون ب500 جنيه ملك البروتون بياخدها منه وبيبعها ب900 /1000 حسب اللي واقف قدامه بيختمنا علي قفانا بيقولي فانوس بس واحد قدام ب200 دانا جبت الاتنين ب240

[yousefsemsem]

صحيح حساس الكرنك من 200الي 250

[amirz]

بصراحة ملك البروتون ده حرامى اوى انا كتير اروح أسأله على حاجات الاقيها باضعاف اضعاف تمنها حتى فى التوكيل مش عارف بيعمل كده ليه, هومفيش حد غيره يعنى