رابطة مالكى الويرا (2) فيد وأستفيد .

[yousefsemsem]

باشا انت الدنيا كده عندك مش مظبوطه كلم استاذ احمد واعرف منه المكانيكي اللي هو بيتعامل معاه علشان اازم كل حاجه ترجع زي الاول وطبعا العربيه هتتحسن

[m_suez_m]

يا جماعة هو طقم رشاشات ويرا2004 يعمل كام وعند مين وهل فى بديل رشاشات عربية تانية تركب عليها بدون تعديل وهل تفرق 1500 من1300 فى الرشاشات ولو كانت شغالة بس ضعيفة مثلا تدى ايرور على الجهاز ولا مش شرط كمان حساس الكرنك
شكرا

[yousefsemsem]

طقم الرشاشات يعمله 200 استعمال وهات بتاع ال1300 علشا يبقي مظبوط عليه وتمام وممكن تروح تنضفهم بالجهاز الالترا سونيك بيرجعو جداد ب100 جنيه والدنيا تتظبت بس انت بتشتكي الرشاشات في ايه
لو فيها عيب هتلاقي اكل بنزين او نتشه في تشبيعه العربيه بالبنزين وبتتنضف عادي لانها بتلم كربون جواها لكن مش بتتضعف ولا بتقوي والكلام ده

[m_suez_m]

استاذ يوسف انا معنديش نتشة مع تشبيع البنزين ولا حاجة انا عندى رجرجة مع تسقيفة فى العربية اول ماسيب دبرياج وسحب العربية بحس انو ضعيف يعنى مثلا على الغيار الثانى اول ماجيب 40 تلاقى صوت الموتور على قوى وبعد اى مطب على الثانى العربية تترج وتسقف ومتسحبش على طول قولت يمكن رشاشات معانى منظفهم كذا مرة اصلى غيرت حاجات كتير قوى والعيب مش بيروح
تفتكر ممكن يكون حساس كرنك او حساس كامة او حساس درجة حرارة الهواء ولا ممكن تكون القنطرة الطولية عندى فيها خبطة خفيفة بس مغير قواعد الموتور كلها وطقم دبرياج وواير وبوابة والكبالن كلها وسلك وبوجيهات ومفيش فايدة
ارجو الافادة .......شكرا

[yousefsemsem]

جربت تغير قاعده فتيس انا شاكك فيها وقولي جبت البوابه بكام ومنبن لان عاوز واحده ضروري لواحد صحبي وحبييبي العربيه مش بتمشي

[m_suez_m]

انا غيرت قاعدة الفتيس اللى تحت على القنطرة لاكن مغيرتش اللى فى الجنب لان الميكانيكى قالى عليها سليمة لو انت شاكك فيها اغيرها ولا اية رايك
البوابة جبتها من ملك البروتون فى الحرفين من حوالى 4 شهور كانت عاملة 1250 واللى من غير دايرة المية 1150 بس انا حاسس انها غالية قوى هو قالى ان بتاعة 2004 غالية كدة ..مش عارف

[yousefsemsem]

القاعده اللي كانت في الجنب عندي انا غيرتها بعد خناقه مع المكانيكي ويضرب فيا واضرب فيه ونجري ورا بعض وحوارات طبعا هزار مش جد بس هو مقتنع انها سليمه وانا مقتنع انها للي عامله القلق اللي عندي وكانت مقرفه وبالفعل تم الفك وطلعت سليمه بس ناشفه مش مريحه وقد يزعق معايا انها سليمه قوقلتله طيب ركب التانيه طاالما انها اتفكت كده كده وبعد ماركبت لقيت الدنيا ظبطت عندي والفتيس ريح ومعدش في رجه
فعلا بوابه ال2004 غاليه وحاجه تقرف انا غيرت النظام كله بسببها الله المستعان هخليه يروح يجبها

[m_suez_m]

شكرا يا استاذ يوسف على الرد انا كدة هاروح ان شاء الله اغير القاعدة دى مش هاخسر حاجة بس هل ممكن يركب قاعدة عربية تانية مكانها يعنى لو ملقتهاش اجيب بتاعة عربية اية وعايز اعرف حساس الكامة اللى فوق الموبينة لو بايظ يعمل اية

[yousefsemsem]

حساس الكامه مايدورش العربيه لو بايظ او يخنق العربيه ماتمشيش والقاعده بتاعه بطه وهيونداي اكسيل ولانسر عيون صفيه سهل انك تلاقيها

[m_suez_m]

متشكر يااستاذ يوسف على معلوماتك القيمة انا فعلا استفدت منك
بس معلش هاتقل عليك شوية بالنسبة لمروحة التبريد المفروض تشتغل على كام سرعة واحدة ولا ليها سرعتين والمفروض مروحة التكيف تشتغل معاها ولا لا اصل عندى العربية بحس انا بتسخن قوى معان مؤشر الحرارة على النصف او اقل حاجة بسيطة وبحس ان المروحة بتشتغل فترة قصيرة جدا وتفصل وبعد شوية تشتغل تانى وتفصل على نفس السرعة والعربية لما تسخن والمؤشر يجى فى النصف تبدا تسقف بغباء
وكمان العربية لما ابطلها المروحة تفصل مش المفروض ان المروحة تفضل شغالة شوية لحد ما الموتور يبرد ولا اية
شكرا واسف على الاطاله

[yousefsemsem]

كده التبريد عندك تمام والمراوح شغاله كويس

[m_suez_m]

طيب يا استاذ يوسف هى الويرا 2004 فيها حساس بلوك ولو مفيهاش اية البديل بتاعو فى العربية اصل عندى العربية بتسقف جامد لما اكبس لها بنزين والبنزين 92 مغير بوجيهات وسلك كذا مرة وظابط الكاتينة والتاكيهات على الساخن مش عارف اعمل اية فى التسقيفة دى وللعلم هى بتزيد مع التكييف

[i_Am_Legend]

انا عايز ويرا اوتوماتيك موديل 2006..انا عايز اعرف العربية دى ايه اخبارها ومشاكلها؟؟ وسعرها حدود كام..وهل فيها air bag & abs؟؟
انا هابيع عربيتى الالفا وعايز عربية اوتوماتيك..واول مرة اركب حاجة غير الاوروبي ..وخايف اتصدم في ثبات الويرا وسحبها...لان الالفا سوبر كار ...سواء قعدتها او فراملها ووثباتها ..ايه راى الرجالة ؟؟

[ahmed_h_g]

أستاذ يوسف المفتاح اللى قولتلك عليه طلع أساسا" للتكييف
أدخل هنا

https://www.lelong.com.my/proton-wira-air-cond-emergency-light-switch-tsqpsb-120149925-2013-11-Sale-P.htm

[ahmed_h_g]

Yulico Auto Johor Malaysia - ORIGINAL PROTON WIRA Air Cond Switch [Spare Parts and Tools]