رابطة مالكى الويرا (2) فيد وأستفيد .

[memo_p910]

النهارده نزلت اشتريت قطع غيار للويرا بتاعتي من عند أشرف منصور اللي في شارع محطة الجيزه كالتالي
اكصدام خلفي 250 جنيها
2 فانوس خلفي ب 250 جنيها 125 جنيه للواحد ماليزي
طقم سيور 75 جنيها
بلية كاتينه 75 جنيها
سير كاتينه 80 جنيه
وكنت اشتريت طقم تيل فرامل امامي من حوالي شهرين بس طبع سيء بصراحه بحس بصوت خشونه جامده في الفرامل على عكس التيل اللي كان راكب قبله كان ناعم وممتاز جدا ومش عارف أجيبه تاني منين لاني مش فاكر نوعه ياريت تشاركونا بخبراتكم في موضوع تيل الفرامل

حاجه كمان اكتشفت ان الاكصدام الخلفي الجديد يفتقر لقواعد التثبيت الجانبيه بالرفرف كما الاكصدام الخلفي ومش عارف لسه هاثبته ازاي لانه ضعيف كما هو معلوم

دمتم

[amirz]

مهو انا يا استاذ يوسف غيرت اسطوانة وديسك مرتين ومفيش فايدة تفتكر طيب ممكن يكون الفلام هو اللى عامل كدة ولا واير البنزين مش عرف انا احترت فعلا يعنى انت شايف ان طنبورة الكرنك اسيبها ملحومة زى ماهى مغيرهاش علشان الجلد اللى فى النصف متاكل

ممكن يكون اللى كان لاحم الطنبورة عملها غلط وفيها رفة انا لسه مغيرها من فترة وتقريبا زى بتاعة الاكسيل وكانت ب 170 جنيه حاول تراقبها وتشوفها بترف ولا لأ او غيرها وجرب وامرك لله

[mohamad shahee]

النهارده نزلت اشتريت قطع غيار للويرا بتاعتي من عند أشرف منصور اللي في شارع محطة الجيزه كالتالي
اكصدام خلفي 250 جنيها
2 فانوس خلفي ب 250 جنيها 125 جنيه للواحد ماليزي
طقم سيور 75 جنيها
بلية كاتينه 75 جنيها
سير كاتينه 80 جنيه
وكنت اشتريت طقم تيل فرامل امامي من حوالي شهرين بس طبع سيء بصراحه بحس بصوت خشونه جامده في الفرامل على عكس التيل اللي كان راكب قبله كان ناعم وممتاز جدا ومش عارف أجيبه تاني منين لاني مش فاكر نوعه ياريت تشاركونا بخبراتكم في موضوع تيل الفرامل

حاجه كمان اكتشفت ان الاكصدام الخلفي الجديد يفتقر لقواعد التثبيت الجانبيه بالرفرف كما الاكصدام الخلفي ومش عارف لسه هاثبته ازاي لانه ضعيف كما هو معلوم

دمتم

بالنسبة لتيل الفرامل الستاذ يوسف قالى فية نوع اسمة جولد ممتاز وهو بستخدمة بس انا سالت علية فى شارع دمشق ومكانش موجود لو لقيتة قولى فين عشان انا عاوزاشترية

السيور اللى انت جبتها نوعها اية

[memo_p910]

ثبت الاكصدام بنفسي خلاص وقواعد التثبيت الجانبيه طلعت موجوده وركبت مظبوط
مش عارف نوع السيور ايه لكن سير الكاتينه نوعه ميتسوبوشي

[m_suez_m]

ممكن يكون اللى كان لاحم الطنبورة عملها غلط وفيها رفة انا لسه مغيرها من فترة وتقريبا زى بتاعة الاكسيل وكانت ب 170 جنيه حاول تراقبها وتشوفها بترف ولا لأ او غيرها وجرب وامرك لله

فعلا انا بحس ان عند الطنبورة رفة بسيطة وهى فعلا فىها شبه كبير من طنبورة الاكسيل
طيب حضرتك لما غيرتها حسيت بفرق فى العربية ولا لا؟

[m_suez_m]

انا بلاحظ ان سلك البوجيهات بيهبب من ناحية الموبينة كل مغير سلك يعمل كدة دة ممكن ياثر على شى واية السبب ؟

[m_suez_m]

مش مشكله مش هي سبب الرجه
المفروض كنت قبل ما تركب طقم الدبرياج الجديد كنت أتأكدت ان الفلام سليم على مخرطه مخصوصه للفلام
مش هيبان بالشكل زي ما بيعملوا الصنايعيه بيشوف شكله وعلى أساسه بيغير

هو فعلا الصنايعى شاف الفلام بإدية بس لاكن مفكهوش يعنى انت شايف يا استاذ احمد انى افك الفتيس واكشف على الفلام فى مخرطة
ولو طلع بايظ اجيب اية بديل يعنى مثلا بتاع الاكسيل اكيد ينفع ولا لا
هى المشكلة عندى ان العربية بترج جامد لما اجى اطلع بيها بعد مطب مثلا على الثانى وبتكون مخنوقة ومتسحبش مرة واحدة وبحمل على البنزين زيادة علشان مترجش المفروض كمية البنزين اللى بدوسها دى اول ماشيل رجلى من على الدبرياج العربية تفرك فى الارض مش ترج كدة والرجة دى بتيجى اول ماشيل رجلى من على الدبرياج بضطر انى احمل على الدبرياج شوية ومشيلش رجلى من علية مرة واحدة
ارجو الافادة

[amirz]

فعلا انا بحس ان عند الطنبورة رفة بسيطة وهى فعلا فىها شبه كبير من طنبورة الاكسيل
طيب حضرتك لما غيرتها حسيت بفرق فى العربية ولا لا؟

لأ انا غيرتها لأن الكاوتش بتاعها اتاكل وكانت بتعمل صوت جامد شبه صوت السير البايظ كده بس أقوى.
طب انت متأكد من نوعية طقم الدبرياج بتاعك

[ahmed_h_g]

هو فعلا الصنايعى شاف الفلام بإدية بس لاكن مفكهوش يعنى انت شايف يا استاذ احمد انى افك الفتيس واكشف على الفلام فى مخرطة
ولو طلع بايظ اجيب اية بديل يعنى مثلا بتاع الاكسيل اكيد ينفع ولا لا
هى المشكلة عندى ان العربية بترج جامد لما اجى اطلع بيها بعد مطب مثلا على الثانى وبتكون مخنوقة ومتسحبش مرة واحدة وبحمل على البنزين زيادة علشان مترجش المفروض كمية البنزين اللى بدوسها دى اول ماشيل رجلى من على الدبرياج العربية تفرك فى الارض مش ترج كدة والرجة دى بتيجى اول ماشيل رجلى من على الدبرياج بضطر انى احمل على الدبرياج شوية ومشيلش رجلى من علية مرة واحدة
ارجو الافادة

لو العيب ظاهر يبقى تفك الفلام وتوديه ورشة خراطه مخصوصه
هنسخلك رابط لموضوع موجود فيه صوره للفلام بعد عملية المسح عالمخرطه

[ahmed_h_g]

الموضوع

http://www.nilemotors.net/Nile/289976-a.html

[ahmed_h_g]

انا بلاحظ ان سلك البوجيهات بيهبب من ناحية الموبينة كل مغير سلك يعمل كدة دة ممكن ياثر على شى واية السبب ؟

سلك البوجيهات المضروب هو اللى يعمل كده اللى موجود حاليا" فى السوق
غيره بسلك أصلي أستيراد

[memo_p910]

حد يعرف ميكانيكي كويس قريب من المعادي اركب عنده سير الكاتينه للويرا

[ahmed_h_g]

حد يعرف ميكانيكي كويس قريب من المعادي اركب عنده سير الكاتينه للويرا

الأسطى مدحت
01009712688
كلمه أعرف العنوان شغال الأحد وبيقفل الجمعه

[Acc_HanyMusa]

ابقى قولنا يا ميمو تكلفة تركيب سير الكاتينه كام

[m_suez_m]

لو العيب ظاهر يبقى تفك الفلام وتوديه ورشة خراطه مخصوصه
هنسخلك رابط لموضوع موجود فيه صوره للفلام بعد عملية المسح عالمخرطه

الف شكر يا استاذ احمد ان شاء الله اروح افك الفتيس وابص على الفلام بس الاول اخلى الميكانيكى يبصلى على الكبالن الخارجية والسرة علشان انا لسة مغير الكبالن الداخلية
وعلى فكرة انا غيرت طنبورة الكرنك وزى ماانت قولت مافرقتش فى الرجرجة
الف شكر يابوحميد