اليوم الاول مع الGen2

[M.almaghraby]

اعتقد في انواع dvd ممكن تركب والله اعلم...

[Mustafa_Farouk]

اعتقد في انواع dvd ممكن تركب والله اعلم...

السلام عليكم

جزاك الله كل خير وشكراً جداً ليك على الرد.

بس دة حيكون مكان السيدي بلاير بالظبط ولا شاشة تتحت على التابلوه والكلام دة، طب يا جماعة حد جرب الموضوع دة قبل كدة أو شاف حد مغير ؟؟

[BlackBerry]

السلام عليكم

الله يبارك فيكم جميعا ان شاء الله , شكرا اخواني الكرام لروحكم الطيبه

قمت بتجربة سيديهات من نوع ايميشن وسامسونج واشتغلوا...اذا الشكر موصول للبروفيسور دوك مغربي بروفيسور ورئيس قسم وجاب الذيب من ذيله :) هههه والحمدلله طلع يشغل Mp3 ووفر علينا وجع دماغ مع التوكيل والمشوار.


انا حاليا بدور على جهاز GPS محترم, يوفر لي تشغيل الملفات الصوتيه + بلوتوث لاجراء واستلام مكالمات موبايلي + يوفر لي خدمه ملاحه و GPS وخرائط تغطي مصر بشكل جيد ويا سلام لو كانت 3D (طماع)

اتمنى من اي شخص عنده اي معلومه عن الموضوع دا ويفضل عن تجربه مش بيخبل بيها علينا (انا عندي خرائط نوكيا وبلاك بيري بس موضوع استخدام الموبايل للملاحه دا مش بحبه ومش عملي بصراحه ويشتت الانتباه ولو جت مكالمه في نص الطريق هاتضيع

انا شفت اجهزه في رايه تمنها 1800 و 2500 جنيه حسب حجم الشاشه ومقبوله نوعا ما ولها صيانه وتوكيلها رايه بس مفيش بلوتوث فيها ولا مشغل صوتيات , لقيت في شركه ماس في مصر خرائط تغطي 23 محافظه ولكن مش 3 D ولا بلوتوث برده ب 1500 مع ضمان سنه بس مش حبيت شكل الخرائط نهائيا!

ياريت لو حد يعرف اسم جهاز محترم متعدد الوظائف مناسب لطلبي يشاركنا بيه

تقبلوا فائق التحيه والاحترام,

[das1328]

السلام عليكم
في الأول إسمحلي أقولك ألف مبروك
وإسمحلي أداخلك في الحوار
أنا جبت جن2 2010 برضو من شهر ونص وبقلك إن شاء الله تستمتع بيها لأنها عربية جميلة جدا
بس أحب أوضحلك كام حاجة صغيرة كده ممكن تلاحظها
أولا العربية هتحس إنها بتستهلك بنزين شويتين بس القصة ده هتلاقيها إختفت عند 3500 ك إن شاء الله
ومتقلقش من ال 120 ك إلي كانت عملاها أول ما إشتريتها أنا عربيتي كانت عاملة 210 ك
حاجة تانية زي ما قال أحد إخواني في مداخلة سابقة متقرصش على العربية لحد ما تعدي 1000 ك وتعملها الصيانة وبعدها 1200 أو 1300 كده شد عليها حبتين عشان مكنتها تفتح معاك وساعتها هتبتدي تحس بالفرق الشاسع في الأداء
وبنا يباركلك وكل إخوانا يارب

[ahmad alshaaer]

عن تجارب احسن نوع في السي دي بعد تجارب البرينكو


تحياتي

[M.almaghraby]

بالنسبة لل GPS انا شفت اجهزة عالنت بامكانيات كويسة جدا سعرها حوالي 1100 بالبلوتوث و فيها audio , aux و خرائط و كل حاجة و في 900 جنيه من غير بلوتوث

[M.almaghraby]

عن تجارب احسن نوع في السي دي بعد تجارب البرينكو

كلام صحيح 100%

[BlackBerry]

السلام عليكم

الاخ الكريم das1328

الله يبارك فيك اخي الكريم والف مبروك عليك ايضا والله يبارك للجميع ويحفظنا جميعا من كل شر

بالنسبه للقرص, اكيد مفيش قرص حاليا مش اكتر عن 80-90 وعلى راحتها, بالنسبه للبنزين الاستهلاك بيكون زياده في الاول دي في اي عربيه بس التفويله الاولى لسه مش وصلت النص وهاشوف في العداد يمشيني كم كيلو , عموما البنزين مش مشكله ان شاء الله وشكرا لك على الافاده والمعلومات وبارك الله فيك.


بروفيسور مغربي وتويتي , خلاص هاجيب برينكو بشكل نهائي باستمرار ان شاء الله, بس بيني وبينكم موضوع السيديهات دا مش عملي عايزين حل ديناميك كدا وسريع في حالة عايزين نغير او وسائل تخزين اكبر الخ ومش كل شويه طلع سيدي ودخل سيدي, بص موضوع الفلاشه بقى قديم خلاص عشان كدا بفكر في GPS حلو يوفر لي الامكانيات دي , ياريت يا دوك مغربي تكتب لنكات الاجهزه اللي شفتها دي عشان اطلع عليها لو بتوفر خرائط لمصر


....* معلش سؤال على الماشي, انا عارف ان المفروض المكيف مش يشتغل لحد ال 1000 ودا اسلوبي بشكل دائم, بس في التوكيل قالو عادي وبيني وبينكم الجو نار اليومين دول, فا عادي اشغل التكييف ولا بلاش افضل!

شكرا جزيلا لكم جميعا

تحياتي

[M.almaghraby]

بص حضرتك التكييف الي حد ما بيمثل عبء كبير عالموتور....... فا استخدامه فترات كبيرة اكتر من نص ساعة مثلا متوصالة فالاف الاولي مش صح اوي... " طبعا انا كلامي علي الاستخدام الشاق جوا البلد و الزحمة والوقوف المتكرر "

لكن لو طريقك كله او معظمه سريع و مفيهوش زحمة اوي ممكن تشغله عادي " انا كنت بشغله عالسريع "

و لو لاقيت وقوف و زحمة اطفيه


بالنسبة للجي بي اس حدورلك عاللينك يا باشا

[M.almaghraby]

1) Super slim
2) Display: 4.3''TFT screen, anti-glistening, 480*272 pixels resolution
3) O/S: newest Microsoft Windows CE. Net 5.0 Core system platform
4) GPS: newest SiRF 3i chip, 20 channels, accurate and fast
5) CPU: Centrality Atlas-IV, dual-core, CPU ARM11 500MHz
6) Built-in bluetooth module, support bluetooth with wireless internet (SPP,DUN,GPRS,IE)
7) Support FM Transmitter
8) AV-in slot, support wireless rearview camera
9) Support external moving radar, automatic detect and report driving wave information(optional)
10) Built in 128MB Flash, 64MB DDR RAM
11) Battery: 890mAH Li rechargeable battery
12) Novel and pretty appearance design to lead the new fashion of auto navigation
13) 350nit brightness, fine clear display
14) Bigger maps display area, support full screen play of 16:9 wide screen
15) Highly precise wearable touch screen, support writing by hand, spelling, stroke and other many inputting formats
16) High fidelity stereo earphone output, built-in hi-fi 1.5 W speaker, controllable volume
17) Support SDHC/SD/MMC card slot, up to 4GB
18) USB device: full speed USB Client 2.0(12Mbps), mini USB port
19) Equipped the newest version navigation software and electronics maps
20) Built in classical games
21) Dimension(LxWxH): 123×82×15mm
22) Weight: 160g
23) >>>>....................all this with 900 l.



دا ب 900 جنيه اعتقد

[M.almaghraby]

و في دا كمان
Fotos von Everything For Sale $$$ | Facebook

[BlackBerry]

بعض الاجهزه اللي متردد ومحتار في شرائهم, والتردد حسب جوده وتغطية الخرائط لمصر وطريقة عرضها وبقية المميزات لان اللي فيه بلوتوث مفيش فيها ميديا بلاير وهكذا يعني الحلو مش يكمل بس الاهم عندي في الجي بي اس طبعا انه يكون دقيق :

1- :: ShowTech ::

ب 1600, ملاحظاتي انه مش يوفر دعم للملفات الصوتيه, والنوع دا مش عارف ظروفه ايه في مصر + مش متاكد من جودة الخرائط وتغطية مصر بشكل جيد هو السوفتوير اسمه Sygic Mobile 2009 Map هل حد جربه قبل كدا وراضي عن اداه في مصر؟


2- RAYA Shop :: Product Specifications

ب 2500 غالي شويه, وفيه بلوتوث فقط لا صوتيات ولا صور , ضمان رايه ومنه احجام وباسعار اقل

3- GPS Egypt SuperNav - Satellite Navigation solutions for Egypt

السوبر ناف دا ب 1500, فيه صوتيات بس مفيش بلوتوث ولا كاميرا ولا اي حاجه تانيه

حسب كلامهم الخرائط تغطي 23 محافظه في مصر ومن ضمن الاماكن :

GPS Egypt - Satellite Navigation solutions for Egypt

القاهرة , الاسكندرية , 6 اكتوبر , الشيخ زايد , حلوان , 15 مايو , القاهرة الجديدة , العبور , الشروق , بدر , العاشر من رمضان , السويس , الاسماعيلية , بورسعيد , شرم الشيخ , دهب , نويبع , طابا , الغردقة , الاقصر , اسوان , المنيا , الفيوم , قنا , اسيوط , مارينا



وهنا شوية فيديو للجهاز والسوفتوير:



GPS Egypt - Satellite Navigation solutions for Egypt


* الخرائط شكلها مش لذيذ للاسف مجرد خطوط وسهم انك ماشي! مش 3d مع انهم كاتبين ان فيه 3d بحيث انك تشوف الشارع والميادين واليوتيرنات وانت ماشي الخ





4- فيه جهاز تاني اسمه HyperTech معروض علي من شخص فيه كل حاجه مطلوب فيه 1000 5 بوصه, والمفروض اشوفه اليومين دول واجربه عشان اتاكد من جوده الخرائط, بس دا مفيش فيه حاليا غير القاهره فقط وكل ابديت ب 100$





5- اي شخص جرب الخرائط الجديده على الجارمن؟ هل اجيب جارمن افضل بالنسبه لدقة الخرائط؟ وهل جارمن خرائطها حاليا تدعم جزء كبير من مصر؟ لان سمعت انها للطرق الرئيسيه والسريعه فقط لكن داخل المدن مفيش





اتمنى رايكم وتجاربكم بالنسبه لافضل جهاز يوفر خرائط دقيقه لمصر وبلوتوث وصوتيات مش عايز اكتر من كدا ولو فيه للكاميرا يبقى تمام لو مفيش مش مهم السنسور بيعمل الواجب :)

تحياتي لكم

[BlackBerry]

شكرا لك عزيزي المغربي

اللي انت زودتني بيه اسمه هايبر تك ودا فعلا معروض علي بس اخر ابديت للخرائط كان 2009 واي ابديت اضافي 100 دولار بالاضافه ان دا صيني ودا فعلا معروض علي ب 1000 جنيه (999 للامانه هههه) انا حاليا بقارن بين الاجهزه اللي كتبتها بالاعلى لان الاجهزه من gps-egypt ورايه عليها ضمان سنه وابديت فري وخدمه فري الخ يهمني الافضل وراحة البال وما خاب من استشار

تحياتي لكم

[M.almaghraby]

كلامك صح يا باشا

بس اعتقد الاب ديت علي حسب السوفت وير الي محطوط عالجهاز ولا ايه..؟

[BlackBerry]

بالظبط يعني مش هاقدر انزل خرائط الا حسب توافرها للسوفتوير وللجهاز ده تحديدا هو الجهاز الصيني دا حلو وفيه الاوبشنز كلها لكن هم نزلوه اول ما سمحوا للجي بي اس في مصر وعملوا خريطه مبدئيه للقاهره ومن ساعتها ولا نزلوا ابديت فا خايف اتورط بصراحه الاهم عندي دقة الخرائط وتحديثها

بالنسبه لي شخصيا افضل حاجه مرتاح لها السوبر ناف من شركه GPS Egypt - Satellite Navigation solutions for Egypt

حضرتك شوف الخرائط وكلمتهم اليوم تليفون وواضح انها شركه كبيره وحولوني لكذا شخص وتناقشت معاه وحسب كلامه انه ممتاز بس شكل الخرائط بصراحه مش مريح مش عارف, انا هانزل اليومين دول اروح اشوفه في الشركه وهاشوف الجهاز الصيني ده مع الموزع بتاعه في المهندسين وهاقارن وربك ييسر ويكتب اللي فيه الخير ان شاء الله واي افادات من اي عضو لا يتردد بكتابتها ومشاركتها ونكون له من الشاكرين

تحياتي