استهلاك الساحا عالى فى اول 1000 كم

[mo7hamedemad]

يا جماعة انا عربيتى 1300 ومع ذلك بتسحب 10 لتر لكل 100 كيلو انا حسبتها اكتر من 3مرات ومش مصدق نفسى دة العربيات ال1600 بتسحب 6و 7
هوة انا عربيتى فيها حاجة غلط ولا كل الساجا كدة

انا ذاهب لصيانة ال1000 هل الموضوع دة اقولهم علية وهيتحل ولا اية

ماهوة مش معقول ابقى جيب عربية اقتصادية و 1300 وتسحب اكتر مين ال1600

دة يرضى مييييييييييييييين

ممكن من كل الساجاوية الى عدوا ال1000 وال5000 يبشرونى ويقولولى اعمل اية عشان انا خايف يبقى عيب فى عربيييييييتى

شكرا واسف للاطالة

[Osama.shihata]

حضرتك انتظر رد اصحاب الساجا

ولكن من خبرتى استهلاك البنزين بيتحسن بعد ال 5000 كيلو زى محصل معايا فى البرسونا

وحضرتك لسا فى ال 1000 الاولى لا تقلق هينزل الاستهلاك كثير جدا بعد التليين

وربنا يباركلك فيها ويحفظهالك

[yaseenmohamed]

متابع...
عربيتي أوتو بتعمل 9كم / لتر داخل البلد و 13.5 كم / لتر في السفر

[Eng.Geo]

لسة
متحكمش دلوقتي
بعد التليين هتبقي احسن
وبعد ال 5000 هتبقي طبيعية جدا

[powerofhelll]

الاستهلاك في المانيوال 8 لتر داخل البلد و المفروض بيقل بعد التلين علشان العربيه دي مش بتاعت مشي هادي لازم تحرق شويه علي الغيار طبعا بعد لما تخلص تلين

[bishoy02010]

كان فيه موضوع قريته هنا فى المنتدى عن نفس الموضوع ده ان عربية ساجا برده استهلاكها عالى جدا ولما راح التوكيل قالولوا اه هوه عالى بس مش عارفين من إيه فأعتقد انهم أكيد عرفوا المشكلة لأن الموضوع ده كان من فتره ويحلوا المشكلة إن شاء الله

[mo7hamedemad]

شكرا جدا ع رضوضكم بس ممكن من اصحاب الساجا يعرفونا استهلاك البنزين معاهم عامل اية هل هوة اقل من 8 لتر ولا فى حد اقل ولا اكتر

[mo7hamedemad]

شكرا جدا ع رضوضكم بس ممكن من اصحاب الساجا يعرفونا استهلاك البنزين معاهم عامل اية هل هوة اقل من 8 لتر ولا فى حد اقل ولا اكتر

[marsguy]

أنا معايا ساجا أوتوماتيك من شهر يناير اللي فات

إستهلاك البنزين فيها أكتر من إستهلاك عربيتي القديمه الهوندا سيفيك موديل 1993 اللي كانت 1600 سي سي.

بجد شئ محبط جداً

مع إني باطبق كل تعليمات القياده الموفره للبنزين

بس أنا صابر أهه عشان في ناس كتير قالو لي إن الإستهلاك بيتحسن بعد فتره والله المستعان

أنا عربيتي عامله 4800 كم.

يا ريت فعلاً يا جماعه نثير النقطه دية في التوكيل عشان لما يبقى في شكوى جماعيه الموضوع ممكن يأخذ أهميه ويتحل

[mo7hamedemad]

أنا معايا ساجا أوتوماتيك من شهر يناير اللي فات
ربنا يباركلك فيها

إستهلاك البنزين فيها أكتر من إستهلاك عربيتي القديمه الهوندا سيفيك موديل 1993 اللي كانت 1600 سي سي.

بجد شئ محبط جداً

ودة الى انا كنت بقولة ال1600 استهلاكها اقل مننا طب تيجى اززززززززززااااااااااى؟؟؟؟؟؟
مع إني باطبق كل تعليمات القياده الموفره للبنزين
طب اية هية القيادة الموفرة للبنزين؟؟؟

بس أنا صابر أهه عشان في ناس كتير قالو لي إن الإستهلاك بيتحسن بعد فتره والله المستعان

أنا عربيتي عامله 4800 كم.

احنا لازم نتحرك من دلوقتى لان كدة اكيد فى حاجة غلط ازاى 1300 واستهلاكها 10 لتر لكل 100 ك وال1600 استهلاكها 7لتر لكل 100 ك
يا ريت فعلاً يا جماعه نثير النقطه دية في التوكيل عشان لما يبقى في شكوى جماعيه الموضوع ممكن يأخذ أهميه ويتحل
لازم نتجمع ونشترك عشان انا اعرف ناس كتير معاهم الساجا وبيشتكوا من النقطة دى
فلازم نكلم التوكيل عليها باجماع عشان هما لما يشوفوا الموضوع ع الناس كلها هيعلجوة لكن طالما احنا منتظرين لما نشوف هنوصل لاية مش هينفع

لازم نتكلم فى النقطةدى ولازم نوصل لحل والاستهلاك دة يقل لازم كلنا نبقى ايد وحدةونتكلم كلنا ف النقطة دى

[ahmed_h_g]

الأستهلاك هيتحسن جااامد
أصبروا شويه ليه الأستعجال .

[powerofhelll]

الصبر مفتاح الفرج استنوا لما نعدي 5000 و نشوف ايه النظام بعد كده


سبحان الله وبحمده سبحان الله العظيم

[hanykd]

السلام عليكم ورحمة الله

على فكرة ياجماعة نصيحة أخوية إنكم ماتستنوش ال 5000 كم وبعدها تشتكو للتوكيل لأنى ماعتقدش إن المعدل دة حايتغير بعد كدة فى أخ هنا( marsguy) قال إنه عامل 4800 كم وبرضه مستنى الأداء يتحسن
العربية 1300 ولاإستهلاك كدة كتير جدا
المفروض تتقابلوا كلكم وتطلعوا على التوكيل فى أقرب فرصة عشان يبدأو يشوفوا حلول للموضوع دة
أمال إنتم ليه شارية عربيات سعنها اللترية قليلة مش عشان التوفير
إتحركو دلوقتى فى جماعية عشان الموضوع يبقى له حل

أخوكم فى الله هانى

[ahmedfathi]

انا لما كنت بعمل صيانه الالف من شهر كده اتكلمت فى النقطه دى مع المهندس محمد عبد الهادى

وكمان التكييف عندى وحش هو بارد ايوه بس مش درجه البروده اللى تحسسك انك مشغل تكييف على اربعه خالص

وقالى كل ده هيتضبط ( قصده استهلاك البنزين والتكييف) بعد ال 5000 كيلو ان شاء الله

انا عامل دلوقتى 2500
فانا مش عارف هيتضبط فعلا بعد ال 5000 ولا لا
انا بقول استنى لحد ال5000 عشان محدش يبقالوا حجه يتحجج بيها فى التوكيل الموقر بتاعنا

[marsguy]

طب اية هية القيادة الموفرة للبنزين؟؟؟

سوف اتناول 3 انواع من الاساليب

1- الاساليب الأولية
2- الاساليب المتقدمة , ودى اساليب للمحترفين فى القيادة وليس المبتدئين
3- اساليب جنونية وانا لا انصح بها ولكنى وضعتها فقط للعلم


الاساليب الأولية :

1- فى التأنى السلامة , ليس فى التأنى السلامة فقط ولكن توفير فى استهلاك البنزين ,فعندما تزيد السرعه عن 96 كم/س يزيد استهلاك النزين بمعدل كبير , فتقريبا كل زياده 10 كيلو عن هذا المعدل يزيد استهلاك البنزين بمعدل 10% ايضا .


2- لا تفرمل بشدة ولا تبدأ المشى بسرعة , فالتحرك السريع او الوقوف المفاجىء يستهلك بنزين بشراهه , فاحرص على ان تبدأ التحرك ببطىء وبسلاسه , واحرص ايضا ترك مسافه بينك وبين السيارات الاخرى لتجنب الوقوف المفاجىء, فالفرمله والتحرك العنيف يزيد من استهلاك الوقود بمعدل قد يصل ال 30% "فى الطرق سريعه" 5% "داخل المدينه"


3- لا تجعل العربيه دائرة عند الوقوف, اذا كنت ستتوقف اكثر من 7 ثوان فمن الافضل فصل العربيه , لان إدارة المحرك يأخذ من الوقود ما يعادل من الوقوف 7 ثوانى " فى العربيات الحديثه فقط ذات نظام الحقن الوقودى".


4- تجنب الرحلات القصيرة, بما أن موتور العربيه لا يعمل بكفاءة اذا كانت العربيه بارده ويستهلك بنزين اكثر فحاول التقليل من المشاوير القصيرة وممكن ان تتمشى "رياضه برده" او دمج عده مشاوير فى مشوار واحد والذهاب للمشوار الابعد فالأقرب.


5- قم بإزالة اى وزن زائد , لانه كل ما العربيه فيها وزن اكثر كل ما هاتبذل مجهود اكتر كل ما تستهلك بنزين اكثر , فحاول تشيل اى حاجة ليس لها فائدة وتكون بتوزن فى نفس الوقت


6- قلل من استخدام التكييف , فمن المعروف ان التكييف يزيد من استهلاك الوقود بنسبه من 10% الى 30% , ولكن فى حالات السفر ممكن تشغيله بدلا من فتح زجاج السيارة , لان فتح الزجاج يزيد من استهلاك البنزين فى حاله السير بسرعة .


7- لا تقف لتسخين السيارة , للسيارات الجديدة فقط لا تسخن السيارة اكثر من 30 ثانيه "يوجد بها تسخين اوتوماتيكى" ويفضل بالطبع الرجوع لمانيوال العربيه اولا.


8- حافظ على ضغط الإطارات , بالرجوع لمانيوال العربيه شوف ضغط الإطارات وضبطه ذى ما مكتوب بالضبط كل شهر بصورة دورية , ومن الممكن نفخ الإطارات نيتروجين فهو يحافظ على الضغط لمده اطول "تقريبا 6 شهور"


9- تجنب الطرق الغير ممهده , طبعا ده صعب عندنا بس حاول تمشى فى شوارع مسفلته ونظيفه.

10- حافظ على السيارة فى افضل حالة , عمل الصيانه الدورية للسيارة "تغيير فلتر الزيت , سلامة الموتور ,حساس الاكسجين ,ضبط زوايا..."


11- ضع البنزين ذو رقم الاوكتين الموصى به من الشركة الصانعه , فلا تضع بنزين أعلى من الموصى به فكثيرا من الناس لم يفرق معهم فى الإستهلاك او الفرق كان ضئيل مقارنه بفرق السعر .

12- قم بملىء البنزين من المحطات ذات السمعه الطيبه , او ممكن تجرب كذا بنزينه وتشوف احسن محطه ولا تقوم بالغش فى البنزين


13- قم بتثبيت سرعتك بقدر الإمكان Cruise Control, مع عدم زياده السرعه عن 96كيلو



اساليب متقدمة :

1- اتبع تقنيه "التزحلق مع التعشيق" ICE-ON coasting , فعندما تمشى بسرعه فوق الـ 30 والـ RPM فوق 1500 "الارقام تختلف من سيارة لأخرى" و تشيل رجلك من على البنزين والعربيه متعشقه "يعنى الفتيس مش متمور" ومش ضاغط دبرياج يعنى فيه Engine Braking , هنا العربية بتمشى من غير ولا نقطة بنزين خالص ...ايوا ولا نقطة بنزيين ... وده فى كثير من العربيات الجديدة ومنها طبعا الياريس ولكن ليس فى العربيات القديمة .


2- طريقة "التزحلق مع التموير" Nice-On Coasting وهى عبارة عن ترك السيارة تسير والفتيس فى وضع التموير وعدم الضغط على البنزين او الدبرياج فهنا استهلاك البنزين يكون قليل جدا جدا وهنا السيارة ستكون اكثر خفه وستقطع مسافه اكبر مقارنة بالاسلوب السابق


3- نظام اضغط واتزحلق Pulse & Glide وطريقته لما تكون ماشى فى طريق وهاتمشى على سرعه 80 مثلا فتروح ضاغط على البنزين الى ان تصل للسرعه المراده وطبعا الضغط يكون بهدوء "كده نظام الضغط" ثم ترك النزين خالص الى ان تصل لسرعه 60 "كده نظام تزحلق مع تعشيق" , فلو عملت كده يبقى نص الطريق انت مشيته من غير ولا نقطه بنزين يعنى هاتمشى الضعف وللعلم النظام ده هايوفر اكثر من تثبيت السرعه.

4- تثبيت الرجل على بدال البنزينDriving With Load , الطريقه دى مفيده عند صعود كوبرى فبدلا من الضغط زياده عند الصعود للحصول على نفس السرعه واستهلاك اكثر للبنزين قم بتبيت رجلك فقط على نفس المستوى ستلاحظ بالطبع ان السرعه ستقل ولكنها ستعود ثانيه بمجرد الصعود


5- إركن السيارة بحيث يكون وشها للخارجFace-Out Parking , عشان لما تطلع بالعربيه تطلع على طول "لتقوم بتسخين العربيه وانت ماشى" دون الحاجة للرجوع للخلف والضغط على الفرامل لان االسياره وهى بارده تستهلك بنزين اكثر .

6- لا تستخدم مضخم الصوت Amplifier , او اى اجهزة اضافيه غير الكاسيت لانها تستهلك كهرباء اكثر لان الجهاز بيحمل على موتور العربيه وبالتالى تستهلك بنزين اكتر


7- إركن فى مكان عال Potential Parking , لتقوم بالتحزلق عند بداية المشى بالسياره طبعا والعربيه شغاله.

8- اشتر سيارة موفرة فى البنزين , اذا كنت ستقوم بشراء سيارة قريبا فاحرص على السيارات الموفرة , فلا داعى للسيارات ذات القوة الكبيرة اذا كنت تريد سيارة عائلية ستنقلك انت واسرتك


9- استخدم جهاز مراقبة استهلاك الوقود , فسوف يفيدك لمعرفه افضل وقت سيارتك توفر فى الوقود ومن اشهر هذه الاجهزه هو ScanGauge

10- اخيرا فى كلام ان تغييرنوع الزيت لزيت تخليقى يقلل من استهلاك البنزين لانه اكثر لزوجه ويقلل من احتكاك اجزاء الموتور وايضا ماركة الزيت من شركة يفرق فى استهلاك البنزين من شركة آخرى "موبيل , شل ...." , كذلك تغيير نوع فلتر الهواء يؤثر على استهلاك البنزين



اساليبة خطيرة :

مبادىء خطيرة ومجنونة وغير آمنه تماما ولا انصح احد بتجربتها ولكنى وضعتها للعلم فقط وليكن الموضوع شامل لكل الطرق المعروفه

1- فصل العربيه وهيا ماشيه الى ان تقف وتسمى هذه الطريقة Forced Auto Stop
2- اتباع طريقه اضغط واتزحلق Pulse & Glide ولكن يتم فصل العربيه بدلا من ازاله القدم من على البنزين .. يعنى كل شوية وانت ماشى تفصل العربيه
2-زياده ضغط الكاوتش Overinflate tires بأقصى درجة يتحملها الكاوتش وهو الرقم المكتوب على الكاوتش نفسه وليس الموصى به فى مانيوال السيارة
3- ازالة الاطار الاحتياطى والعده والمرايات الجانبيه لتخفيف الوزن
4- السير خلف المقطورات لتقليل احتكاك الهواء بالسيارة
5- المشى بثبات على الخطوط البيضاء المدهونة على الاسفلت Ride the ridge عشان يقلل من احتكاك الكاوتش بالاسفلت وخصوصا فى الاجواء الممطره

المحتوى ده أنا مقتبسه من الرابط ده:كيف توفر بنزين سيارتك بطرق مبتكره