العربية بتسخن مع التكييف و جابت معايا 110 درجة !!!!!!!!

[hadota_masreya]

السلام عليكم و رحمة الله و بركاته
معلش يا اخوانى فى الله كان عندى مشكله كده محتاج اعرف ايه حلها او ايه سببها منكوا قبل مانعدى على التوكيل.
دلوقت العربية معايا بتسخن جدا فى الحر و مع التكييف و القرص شويه على الغيارات على ار بى ام 5 مش بزيد عن كده.
القصة باختصار انى كنت ماشى اول الاسبوع بالعربية و انا فاتح التكييف على اعلى درجة و قارص شويه على الغيار زي مابقولكوا على 5 ار
بى ام تقريبا ببدل الغيارات و بعدين مره واحده لقيت الحرارة على 110 تقريبا هديت شويه و اديت انتظار لكن ماوقفتش و قفلت التكييف راح
عداد الحرارة رجع لوضعه الطبيعى قبل ال90 بحاجة بسيطة!!
المهم رحت واقف و باصص على المياه فى القربة ماشوفتهاش زودت القربة اخدت حاجه بسيطة جدا ماتتعداش ربع كوباية يعنى.
رجعت على الشركة و قولت اشوف الدنيا فيها ايه على المنتدى لقيت موضوع مشابه بس و الناس مرجحة انه فى الكهرباء مشكله او فى
المروحة.
قولت بالليل و انا راجع اجرب برضه و اشوف المشكله هاتحصل تانى ولا لا و انا مروح و المره دى بقى مش كنت لواحدى كان معايا 4 فى
العربية و كنت ماشى مش بقرص على الغيار و التكييف تقريبا كان فى النص الحراره و و كنا بالليل خلاص و الحمد لله ماتكررتش - قولت يمكن
حاله عارضه و خلاص.
المهم عدت الايام و بعدين النهارده اتكرر الموضوع تانى و تفاصيله كالاتى:
راجع من الشغل بدرى شويه على الساعه 3 كده تقريبا و الحر كان زي الفل و قارص بنفس الطريقه على الغيار و مشغل التكييف على الاخر
و بعدين قبل البيت بشويه وقفت علشان انزل اجيب حاجه و بصيت على الحرارة و انا نازل و كانت طبيعية و بعد مابطلت العربية و جاي انزل
حسيت ان فى زنة فتحت الكبوت لقيت المروحتين شغالين و بعدين رحت افتح الكونتاكت لقيت امبير الحاره على 110 برضه.
فضلت مستنى جنبها حوالى 20 دقيقه لحد مارجعت لطبيعتها على الامبير و المراوح وقفت و فتحت قربة المياه لقيتها مليانه و قولت ابص على الزيت لقيت مستواه طبيعى و انا كنت مشيك عليها قبلها بيوم على البارد و كان برضه على المؤشر الطبيعى.
مش عارف ايه المشكله - سالت اشرف منصور جارى صاحب محل اولاد منصور اللى فى الجيزة قاللى لازم تتحط على الجهاز فى التوكيل.
طب يا جماعه حد عنده فكره ايه المشكله - او ممكن تكون المشكله فى ايه بالظبط
انا خايف يكون الموضوع كبير و حاسس ان المشكله ممكن تكون فى التكييف.
و حد عنده فكره الكشف على العربية عن طريق الجهاز بكام فى التوكيل و هل لازم احجزله ولا ممكن اروح على طول ؟
ياريت لو اي حد عنده فكره عن المشكله ياريت يرد عليا.
شكرا ليكم جميعا
سلام عليكم

[M.almaghraby]

انا عندي الامبير مش بيتحرك نص درجة اصلا مع التكييف

لازم تروح التوكيل و تشوف في ايه و ان شاء الله خير

[ramyar]

اخي العزيز
تقريبا كده انتا عندك مشكله في الثرموستات
وللعلم في 2 ثرموستات
واحد مسئول عن تشغيل وايقلف مروحه التبريد والتاني مئول عت فتح ممر المياه لنقل المياه البارده من الردياتير الي الموتور والعكس وده الي فيه المشكله لانه بيفتح متاخر

[das1328]

أنا عربيتي بتثبت حرارتها قبل 90 مش بتتحرك شرطة
لازم تشيك على عربيتك وتتطمن عليها وفعلا ممكن تكون حاجة بسيطة مش مشكلة كبيرة ولا حاجة
شيك عليها وإبقى طمنى

[hadota_masreya]

شكرا لكل الردود و ربنا يجازيكم خير و فى نتظار باقى الاع

[hadota_masreya]

شكرا ليكم جميعا على الردود و فى انتظار ردود باقى الاعضاء بخبرتهم للبت فى هذه المشكلة

شكرا جزيلا و ربنا يكرم و تبقى فعلا زي ماقال مهندس رامى بس - ربنا يستر

[Abo.Mayyam]

عالتوكيل فى أسرع وقت ممكن

ديه مشكلة ثرموستات وممكن بردو تكلم الزميل tamer_aj عندو نفس المشكلة ولسة مظبطها إمبارح فى التوكيل

[MohabSaeed]

اخي العزيز
تقريبا كده انتا عندك مشكله في الثرموستات
وللعلم في 2 ثرموستات
واحد مسئول عن تشغيل وايقلف مروحه التبريد والتاني مئول عت فتح ممر المياه لنقل المياه البارده من الردياتير الي الموتور والعكس وده الي فيه المشكله لانه بيفتح متاخر

كلام سليم ..

لازم تراجع التوكيل فى اسرع وقت ...لتحديد العيب * و تحجز معاد بالتلفون .

[tamer_aj]

نفس المشكلة اللي عندي تقربيا (بس أنا عايزك تأخد بالك من حاجة مهمة وهي هل المراوح بتفضل شغالة عندك بعد ماتبطل العربية ولا لآ ولو بتفضل شغالة بتقعد قد إيه شغالة), بص هي ببساطة مشكلة الثرموستات بتاعت الموتور, وهي المسؤلة عن تغيير مياة الموتور الساخنة بأخري باردة من الرداتير, فببساطة إحجز ميعاد في الصحراوي و إحكلهم علي المشكلة و نبه عليهم إن أنت عرفت إن المشكلة كانت عندي عشان ميدوروش كتير,
وبالمناسبة أنا المشكلة عندي تم علاجها علاج مؤقت بإزالة الثرموستات خالص لآنها لسة جاية من برة, وعلي أمل وصولها الاسبوع اللي جاي إن شاء الله وتركيبها.
ولو إحتجت أي حاجة إبعتلي علي الخاص أو كلمني.

[ramyar]

نفس المشكلة اللي عندي تقربيا (بس أنا عايزك تأخد بالك من حاجة مهمة وهي هل المراوح بتفضل شغالة عندك بعد ماتبطل العربية ولا لآ ولو بتفضل شغالة بتقعد قد إيه شغالة), بص هي ببساطة مشكلة الثرموستات بتاعت الموتور, وهي المسؤلة عن تغيير مياة الموتور الساخنة بأخري باردة من الرداتير, فببساطة إحجز ميعاد في الصحراوي و إحكلهم علي المشكلة و نبه عليهم إن أنت عرفت إن المشكلة كانت عندي عشان ميدوروش كتير,
وبالمناسبة أنا المشكلة عندي تم علاجها علاج مؤقت بإزالة الثرموستات خالص لآنها لسة جاية من برة, وعلي أمل وصولها الاسبوع اللي جاي إن شاء الله وتركيبها.
ولو إحتجت أي حاجة إبعتلي علي الخاص أو كلمني.

علي فكره موضوع رفع الثرموستات ده غلط جدا لان ده بيخلي حراره المياه الي جوه الردياتير والمياه الي جوه الموتور واحده والي بيادي بدوره الي انخفاض درجه حراره التشغيل عن 85 وده بياثر بي السلب علي الحول الحفاز

[x512]

ثرموستاااااات زي مالاخوه الكرام بيقولوك

[ahmed_h_g]

علي فكره موضوع رفع الثرموستات ده غلط جدا لان ده بيخلي حراره المياه الي جوه الردياتير والمياه الي جوه الموتور واحده والي بيادي بدوره الي انخفاض درجه حراره التشغيل عن 85 وده بياثر بي السلب علي الحول الحفاز

[tamer_aj]

علي فكره موضوع رفع الثرموستات ده غلط جدا لان ده بيخلي حراره المياه الي جوه الردياتير والمياه الي جوه الموتور واحده والي بيادي بدوره الي انخفاض درجه حراره التشغيل عن 85 وده بياثر بي السلب علي الحول الحفاز

شكرا علي النصيحة, بس علي فكرة ده مرفوع مؤقتا بس لحد أما الشحنة توصل من بره,
وكويس إننا في الصيف فكده كده الحرارة عالية

[ramyar]

شكرا علي النصيحة, بس علي فكرة ده مرفوع مؤقتا بس لحد أما الشحنة توصل من بره,
وكويس إننا في الصيف فكده كده الحرارة عالية

الله ينور عليك كده انا عرفت انك فاهم كل حاجه

[das1328]

أنا عايز أفهم حاجة يا شباب
أنا في مرة كنت جي من مشوار ومن عادتي لما أكون هطفي العربية من بعد مشوار طويل أسيبها دايرة دقيقتين أو ثلاثة سبتها دايرة الدقيقتين دول وطفيتها ولقيت المروحة لسة شغالة فضلت جمبها حوالي دقيقة ودورتها تاني وطفيتها ووقفت المروحة بعدها فهل ده عادي وطيبعي بيحصل مع كل البروتون ؟؟؟؟؟؟؟