العربية بتسخن مع التكييف و جابت معايا 110 درجة !!!!!!!!

[densfog]

علي فكره موضوع رفع الثرموستات ده غلط جدا لان ده بيخلي حراره المياه الي جوه الردياتير والمياه الي جوه الموتور واحده والي بيادي بدوره الي انخفاض درجه حراره التشغيل عن 85 وده بياثر بي السلب علي الحول الحفاز

معلش ياباشا ممكن تفاصيل اكتر .... علشان انا لما عملت حادثه قبل كده من قدام واحتاجت تغيير رادياتير تقريبا الراجل اللى وديتها تتصلح عنده ركب رادياتير تقليد وادانى الثرموستات فى ايدى وقالى ده كان عامل مشكله وغيرناه بالرغم من انى سوقت العربيه بعد الحادثه ومكانش فيها مياه كتيره فى الردياتير لمسافه 500 متر تقريبا والحراره حول معدلاتها الطبيعيه .... المهم ظهرت بعد كده مشكله ان عداد الحراره بيفصل كتيير وبيدى حراره تحت الخمسين بشويه .... روحت لكهربائى عادى قالى الثرموستات اللى معاك ده اتشال ومتحطش مكانه واحد تانى بس متقلقش ده وظيفته كذا بس مشكلته ممكن تظهر فى الشتاء القارص انك تحتاج تسخن العربيه شويه زياده ... والمفروض انه صلح موضوع عداد الحراره بس للأسف لسه زى ماهو بيعلق كتير اوى ....... ياريت لو عندك او اى حد من الساده الأعضاء اى معلومه عن كل البلاوى دى ميبخلش عليا .... وشكرا

[ramyar]

معلش ياباشا ممكن تفاصيل اكتر .... علشان انا لما عملت حادثه قبل كده من قدام واحتاجت تغيير رادياتير تقريبا الراجل اللى وديتها تتصلح عنده ركب رادياتير تقليد وادانى الثرموستات فى ايدى وقالى ده كان عامل مشكله وغيرناه بالرغم من انى سوقت العربيه بعد الحادثه ومكانش فيها مياه كتيره فى الردياتير لمسافه 500 متر تقريبا والحراره حول معدلاتها الطبيعيه .... المهم ظهرت بعد كده مشكله ان عداد الحراره بيفصل كتيير وبيدى حراره تحت الخمسين بشويه .... روحت لكهربائى عادى قالى الثرموستات اللى معاك ده اتشال ومتحطش مكانه واحد تانى بس متقلقش ده وظيفته كذا بس مشكلته ممكن تظهر فى الشتاء القارص انك تحتاج تسخن العربيه شويه زياده ... والمفروض انه صلح موضوع عداد الحراره بس للأسف لسه زى ماهو بيعلق كتير اوى ....... ياريت لو عندك او اى حد من الساده الأعضاء اى معلومه عن كل البلاوى دى ميبخلش عليا .... وشكرا

حضرتك الثرموستات ده ليه وظيفه مهمه جدا وهي انه بيخلي درجه حراراه الموتور في حدود 85 ودي انسب درجه حراراه للموتور وكمان الموتور لما يشتغل في ظروف التشغيل القياسيه من حيث الحراراه بيحافظ علي المحةل الحفاز لان المحول الحفاز بيشتغل بكفائه في درجات الحراراه العاليه عشان كده مكانه في اول الفرن او باسم تاني في اول طريق خرزج العادم وممكن حضرتك تدخل علي التوبك بيتاعي الي بعنوان حد يعرف ايه ده هتلاقي شرح مفصل عن الثرموستات

[densfog]

aشكرا على الأجابه .... وفى طريقى للموضوع باذن الله

[Raul_7]

أنا عايز أفهم حاجة يا شباب
أنا في مرة كنت جي من مشوار ومن عادتي لما أكون هطفي العربية من بعد مشوار طويل أسيبها دايرة دقيقتين أو ثلاثة سبتها دايرة الدقيقتين دول وطفيتها ولقيت المروحة لسة شغالة فضلت جمبها حوالي دقيقة ودورتها تاني وطفيتها ووقفت المروحة بعدها فهل ده عادي وطيبعي بيحصل مع كل البروتون ؟؟؟؟؟؟؟

على فكرة ده حصلي في الكام مرة اللي نزلت بيهم مشاوير في جو حر الصبح, والمروحة مرة فضلت قاعدة بتاع 6 دقايق بعد مقفلت الموتور, بس أنا كنت قفلته على طول بعد موقفت.

المهم مكتوب فالكتيب إن ساعات تحت ظروف حرارة معينة, المروحة بتفضل شغالة لبضعة دقائق بعد اغلاق الموتور.

الفكرة كام دقيقة مش محددين.

تحياتي.

[hadota_masreya]

بسم الله الرحمن الرحيم
السلام عليكم و رحمة الله و بركاته
أنا اسف جدا يا جماعه على التأخير فى ردى على الموضوع لانى فعلا انشغلت جدا فى العمل و العربية عطلتنى كتير عن شغلى لكن الحمد لله على كل حال.
عامة انا عايز أطمنكم بس ان الحمد لله الدنيا بقت تمام و معلش يمكن هاطول عليكم بس لازم احكيلكم اللى حصل معايا بالظبط.
أولا طبعا أحب أشكر كل الناس اللى ردت على الموضوع و اللى نصحونى لوجه الله تعالى.
ثانيا أنا كنت الصراحه حاطط فى دماغى انى مارحش لعم عز فى الموضوع ده لانى كنت حاسس انى هاتخم منه كالعادة لانى فى الغالب مافيش شكوى بسجلها عندهم و بتتحل - كله و الحمد لله بيتحل حل مؤقت و بعدين يرجع تانى مكانه زي شكوتى من بدال الفرامل انه بيقفش شوية لو جيت ادوس عليه بالغلط كده من الجنب و لازم اشيل رجلى و ادوس تانى من النص - مش عارف اوصفهالكوا ازاي - بس اوقات كده رجلى تدوس عليه من طرفه اليمين و كأنى بدفعه للاسفل مع سنة شمال - المهم وصفتهالهم قبل كده هناك و المهندس حس بيها و بعدين قعد يديها شوية زيت فى البدال و ماتحلتش برضه لقيتها رجعت تانى يوم . و مشكلة المالتى فانكشن اللى المفروض يغيروها و كل ماروحلهم يقولوا لسه ماجتش و مشكلة جلدة الباب اللى بتتخلع كل شوية و يثبتوها و تتخلع.
المهم قررت انى مارحش لعمو عز و احاول اتصرف مع نفسى - طب اتصرف ازاي مش اي ميكانيكى هاديله العربية اكيد و يقعد يعك فيها - المهم قعدت ادور على عنوان المركز بتاع فيصل (مش اعلان و الله) المهم لقيت نمرة مهندس طارق على المنتدى و ده راجل محترم جدا جدا جدا و كان شغال فى التوكيل و بعدين راح على توكيل مرسيدس دلوقت.
المهم كلمته فى التليفون الجمعة اللى قبل اللى فاتت و وصفتله المشكله و قولتله ان المروحه شغاله طبيعى و مش واقفه و المياه فى الريداتير و القربة منسوبها طبيعى و مش ناقصة و الحمد لله.
وصفلى المشكلة ان فى غالبا مشكلة فى الترموستات المسئول عن توصيل مياه التبريد للموتور و شرحلى على التليفون الترموستات ده لازمته ايه و بيشتغل ازاي و انه غالبا هو اللى مسبب المشكله انه قفل و مافتحش تانى.
و قالى انه بيرجح ان الترموستات ده يتشال خالص علشان مشاكله كتير فى موضوع انه بيقل و مابيفتحش كتير و قعد يوصفلى انه زي اللوز كده لما بتتعب البنى ادم بيشيلها.
المهم اتفقت معاه انى اروح المركز اللى فى فيصل يوم السبت و اقابل اسطى عماد (شغال فى التوكيل و معاهم بعد الظهر) و قالى الراجل ده نمرة واحد هناك و قالى انه هايكلمه و يقوله يعمل ايه بالظبط و ادانى نمرته.
المهم تانى يوم رحت على الميعاد الساعة (6) و سألت عليه قالولى لسه ماجاش قعدت ربع ساعه كده و بعدين اتصلت بيه قالى انه عنده حالة وفاه و مش هايقدر ييجى النهارده و قالى فى واحد اسمه الاسطى سعيد موجود قوله بس و هو هايعملك اللازم.
دخل للاخ سعيد و شرحتله المشكلة و قولتله نص المكالمة اللى حصلت بينى و بين م/ طارق و قولته شوفلى بقى موضوع الترموستات ده.
تقريبا الراجل ده اشتغلنى او مش فاهم كويس على الرغم انه برضه فى التوكيل تقريبا - المهم قالى يا باشا العربية مافيهاش غير ترموستات للمروحه مافيش اللى انت بتقول عليه ده خالص المهم اجيبه يمين شمال مافيش قالى بص انا هاتصرف و لقيته جاب خرطوم مياه و قعد يضرب على الريداتير من قدام شوية كده و بعدين قالى دور و استنينا لغاية المروحة ماشتغلت و قالى خلاص كده كله تمام - قولتله كده خلاص بمنتهى الاستغراب - قالى ايوه يا باشا كده خلاص قولتله طب غيرلى بقى بالمره فيلتر البنزين و غيره فعلا و دفعت فيه 70 جنيه و 10 مصنعية و اخدت بعضى و مشيت و انا مستعجب - المهم قولت اغير برضه زيت بالمره و غيرت شيل اللى فى اخر فيصل و اخدت بعضى و طلعت على الدائرى و قرصت و شغلت التكييف ووصلت البيت فى الجيزة و العربية الحمد لله ماسخنتش قولت يبقى الدنيا تمام و الحمد لله.
تانى يوم العربية كانت مع ابن خالتى فى مشوار لغاية الشروق كده على الساعه 1 الظهر و هب سخنت منه تانى و هو مشغل التكييف.
المهم كلمنى و قالى اتصلت بمهندس طارق كذا مره فى اليوم ده بس مش كان بيرد - تانى يوم اتصلت بيه رد عليا قلتله يا بشمهندس حصل كذا و كذا لما رحت المركز فى فيصل و امبارح حصل كذا مع ابن خالتى و قعدت طبعا اسبله و العنلع فى الاخ اللى اسمه سعيد ده.
المهم الراجل هدانى و قالى بص انت تجيلى فى الورشة بتاعة اخويا فى العباسية النهارده على الساعه 7 و نص و انا هاشوفهالك بنفسى.

رحت على الساعه 7 و الناس ابتدت تفك الدنيا و طبعا هما بيفكوا و انا اتخض لانى حسيت انهم هايقكوا الموتور علشان يوصلوا للترومستات ده اتاريه لازم يشيل العلبة بتاعة فلتر الهوا علشان يوصل للترموستات المهم وصلوله و فكوه (بعد عناء) لانه واضح انه كان متبيت بغباء فى الماسورة بتاعته. المهم فكوه و طبعا قبل مايعملوا كده فضوا المياه خالص بتاعة العربية و سابوها بتاع ساعه كده لحد ماتبرد و بعدين بدأوا شغل.

المهم فكوه زي ماقولتلكوا و بعدين رجعوا الدنيا تانى زي ماكانت و ربطوا كل حاجه و جبت جركن مياه خضراء جديد و ملوا الريداتير و القربة و طلعت انا و هو نجرب و خدنا العربية كده لفة لغاية السيدة عائشة من صلاح سالم و هو كان قارص على الموتور شوية و مشغلين التكييف و رجعنا و فى لافترة دى كنت بدردش معاه و قولتله طب لو لقدر الله حصلت تانى ممكن تبقى ايه المشكله - قالى بص هو فى الحالة دى هاتبقى من النوادر ان يكون وش السلندر منفث و فى الحالة دى الموضوع هايبقى كبير بس ان شاء الله ماتكونش فيها حاجه و تفاءل خير (الراجل بشوش جدا و الله و ترتاحله كده على طول اول ماتتكلم معاه).

المهم رجعنا على الورشة و حاسبت (50 جنيه) مصنعية و شكرته و سلمت عليه و روحت و أول ماوصلت البيت لقيت الحرارة عليت مرة واحدة على 110 برضه !!!!!!!!!!!!!!!!!!!!!!!!!!!!!!!!!!!!!!!!!!!!!!!

طبعا انا انزعجت جدا و قولت كده خلاص العربية شكلها عايزة وش سلندر او فى مشكلة عامة كبيره و شكل الموضوع هايكبر جدا.
كلمته و انا لسه فى العربية و قبل ماخرج منها و قولتله يا بشمهندس العربية سخنت تانى برضه بعد كل اللى عملناه المهم الراجل بصراحة هدانى و قالى ماتقلقش بس و اهدأ لانى فعلا كنت منفعل جدا و انا بكلمه و قالى قبل مانقدر انها حاجه كبيره قالى انت تروح على اقرب بنزينه بعد العربية ماتهدأ شوية و تقول للراجل بتاع البنزينة يضرب مياه بالمسدس بتاع المياه اللى بيغسلوا بيه العربية ده مش بخرطوم عادى على السربنتينه اللى قدام اللى بتشوفها من فتحة العربية اللى فى اول الكبوت - قالى خليه يضرب عليها مياه كويس.

رحت على البنزينة و رحت مدى الراجل 10 جنيه و قولتله سيبلى بقى انت المسدس ده علشان انا عايز اتعامل و قبل ماضرب المياه ضربت هواء عليها و طلعت تراب كتير جدا على الرغم من ان البواب بيغسل العربية كل يوم.

المهم مسكت مسدس المياه و قوة الدفع بتاعته رخمة جدا و ابتديت اضرب فى السربنتينة المفاجأة انى ابتديت الاقى زلط و طوب و قطع ورق و بلاوى زرقاء ناززله من السربنتينه و المياه نازله سوداء فحم.

المهم فضلت ضارب المسدس فيها لحد لما المياه ابتدت تنزل نظيفة و بعدين اخدت العربية و طلعت على الدائرى و اخدت مشوار لغاية التجمع كده على 140 - 170 و التكييف شغال على الاخر و رجعت على البيت و الحمد لله العربية ماسخنتش.
قولت برضه مش مقياس لان الساعه كانت حوالى 2 بعد نص الليل و الجو كان كويس
المهم تانى يوم الحمد لله برضه ماحصلش حاجه و مهندس طارق على العصر كده اتصل بيا و سألنى ايه الاخبار قولتله حصل كذا و كذا فى البنزينة و عملت المشوار كذا - المهم قالى طب تمام بس المهم تراقب الحراره فترة كده قولتله اكيد و قالى لو حصل جديد لاقدر الله كلمنى على طول و أكد علي و قفلت معاه و روحت - و لغاية اخر الاسبوع ماحصلش حاجه بس على ميعاد نزول 8 و نص صباحا و رجوع 6 المغرب مافيش مشاوير الظهر.
يوم الخميس بالليل قررت انى اساسفر اسكندرية و ارجع بيها السبت الظهر و فعلا سافرت و كان معايا والدتى و المدام و اختينى البنات و مسكت الطريق على الساعه 1 بعد نص الليل كده و كنت ماشى تقريبا 120 - 140 و مشغل التكييف و وصلت اسكندرية و الحمد لله ماسخنتش المهم اتحركت بيها فى اسكندرية بس بسيط الجمعه و السبت قررت انى انزل لوحدى بيها الظهر و فعلا 1 الظهر كنت ماسك الطريق و مشغل التكييف على الاخر و الجو كان فعلا حر جدا و طبعا كنت ماشى على 100 علشان الرادار و اوقات كنت بطلع للـ 120 و برجع تانى المهم الحمد لله العربية برضه ماستخنتش تانى و لسه متابع لغاية النهاردده و الحمد لله رب العالمين الدنيا ماشية تمام و الحمد لله ووضحت كده ان المشكلة فى الغالب كانت من السربنتينة.

انا عارف انى طولت عليكم جدا بس حاولت اوصفلكم التجربة بالتفصيل لعل و عسى حد يستفيد منها بأي شكل كان و شاكر جدا جدا مرة تانية على ردودكو و نصائحكم

سؤال بس معلش هل ممكن الترموستات ده يتركب تانى لان من الواضح كده ان المشكلة ماكانتش فيه و هل لو ركبته تانى ممكن يأثر على الحرارة فعلا و يسخنها تانى لانى ملاحظ انها دلوقت لما بتدور فى اول اليوم مؤشر الحرارة بيوصل للطبيعى بعد فتره اطول كتير من الاول - و هل ده هايأثر عليها فى الشتاء ؟

شكرا ليكم جميعا و أتمنى انى اكون وضحت المشكلة و الحل بطريقة بسيطة

السلام عليكم

[Ahmed.Ali]

بسم الله الرحمن الرحيم
السلام عليكم و رحمة الله و بركاته
أنا اسف جدا يا جماعه على التأخير فى ردى على الموضوع لانى فعلا انشغلت جدا فى العمل و العربية عطلتنى كتير عن شغلى لكن الحمد لله على كل حال.
عامة انا عايز أطمنكم بس ان الحمد لله الدنيا بقت تمام و معلش يمكن هاطول عليكم بس لازم احكيلكم اللى حصل معايا بالظبط.
أولا طبعا أحب أشكر كل الناس اللى ردت على الموضوع و اللى نصحونى لوجه الله تعالى.
ثانيا أنا كنت الصراحه حاطط فى دماغى انى مارحش لعم عز فى الموضوع ده لانى كنت حاسس انى هاتخم منه كالعادة لانى فى الغالب مافيش شكوى بسجلها عندهم و بتتحل - كله و الحمد لله بيتحل حل مؤقت و بعدين يرجع تانى مكانه زي شكوتى من بدال الفرامل انه بيقفش شوية لو جيت ادوس عليه بالغلط كده من الجنب و لازم اشيل رجلى و ادوس تانى من النص - مش عارف اوصفهالكوا ازاي - بس اوقات كده رجلى تدوس عليه من طرفه اليمين و كأنى بدفعه للاسفل مع سنة شمال - المهم وصفتهالهم قبل كده هناك و المهندس حس بيها و بعدين قعد يديها شوية زيت فى البدال و ماتحلتش برضه لقيتها رجعت تانى يوم . و مشكلة المالتى فانكشن اللى المفروض يغيروها و كل ماروحلهم يقولوا لسه ماجتش و مشكلة جلدة الباب اللى بتتخلع كل شوية و يثبتوها و تتخلع.
المهم قررت انى مارحش لعمو عز و احاول اتصرف مع نفسى - طب اتصرف ازاي مش اي ميكانيكى هاديله العربية اكيد و يقعد يعك فيها - المهم قعدت ادور على عنوان المركز بتاع فيصل (مش اعلان و الله) المهم لقيت نمرة مهندس طارق على المنتدى و ده راجل محترم جدا جدا جدا و كان شغال فى التوكيل و بعدين راح على توكيل مرسيدس دلوقت.
المهم كلمته فى التليفون الجمعة اللى قبل اللى فاتت و وصفتله المشكله و قولتله ان المروحه شغاله طبيعى و مش واقفه و المياه فى الريداتير و القربة منسوبها طبيعى و مش ناقصة و الحمد لله.
وصفلى المشكلة ان فى غالبا مشكلة فى الترموستات المسئول عن توصيل مياه التبريد للموتور و شرحلى على التليفون الترموستات ده لازمته ايه و بيشتغل ازاي و انه غالبا هو اللى مسبب المشكله انه قفل و مافتحش تانى.
و قالى انه بيرجح ان الترموستات ده يتشال خالص علشان مشاكله كتير فى موضوع انه بيقل و مابيفتحش كتير و قعد يوصفلى انه زي اللوز كده لما بتتعب البنى ادم بيشيلها.
المهم اتفقت معاه انى اروح المركز اللى فى فيصل يوم السبت و اقابل اسطى عماد (شغال فى التوكيل و معاهم بعد الظهر) و قالى الراجل ده نمرة واحد هناك و قالى انه هايكلمه و يقوله يعمل ايه بالظبط و ادانى نمرته.
المهم تانى يوم رحت على الميعاد الساعة (6) و سألت عليه قالولى لسه ماجاش قعدت ربع ساعه كده و بعدين اتصلت بيه قالى انه عنده حالة وفاه و مش هايقدر ييجى النهارده و قالى فى واحد اسمه الاسطى سعيد موجود قوله بس و هو هايعملك اللازم.
دخل للاخ سعيد و شرحتله المشكلة و قولتله نص المكالمة اللى حصلت بينى و بين م/ طارق و قولته شوفلى بقى موضوع الترموستات ده.
تقريبا الراجل ده اشتغلنى او مش فاهم كويس على الرغم انه برضه فى التوكيل تقريبا - المهم قالى يا باشا العربية مافيهاش غير ترموستات للمروحه مافيش اللى انت بتقول عليه ده خالص المهم اجيبه يمين شمال مافيش قالى بص انا هاتصرف و لقيته جاب خرطوم مياه و قعد يضرب على الريداتير من قدام شوية كده و بعدين قالى دور و استنينا لغاية المروحة ماشتغلت و قالى خلاص كده كله تمام - قولتله كده خلاص بمنتهى الاستغراب - قالى ايوه يا باشا كده خلاص قولتله طب غيرلى بقى بالمره فيلتر البنزين و غيره فعلا و دفعت فيه 70 جنيه و 10 مصنعية و اخدت بعضى و مشيت و انا مستعجب - المهم قولت اغير برضه زيت بالمره و غيرت شيل اللى فى اخر فيصل و اخدت بعضى و طلعت على الدائرى و قرصت و شغلت التكييف ووصلت البيت فى الجيزة و العربية الحمد لله ماسخنتش قولت يبقى الدنيا تمام و الحمد لله.
تانى يوم العربية كانت مع ابن خالتى فى مشوار لغاية الشروق كده على الساعه 1 الظهر و هب سخنت منه تانى و هو مشغل التكييف.
المهم كلمنى و قالى اتصلت بمهندس طارق كذا مره فى اليوم ده بس مش كان بيرد - تانى يوم اتصلت بيه رد عليا قلتله يا بشمهندس حصل كذا و كذا لما رحت المركز فى فيصل و امبارح حصل كذا مع ابن خالتى و قعدت طبعا اسبله و العنلع فى الاخ اللى اسمه سعيد ده.
المهم الراجل هدانى و قالى بص انت تجيلى فى الورشة بتاعة اخويا فى العباسية النهارده على الساعه 7 و نص و انا هاشوفهالك بنفسى.

رحت على الساعه 7 و الناس ابتدت تفك الدنيا و طبعا هما بيفكوا و انا اتخض لانى حسيت انهم هايقكوا الموتور علشان يوصلوا للترومستات ده اتاريه لازم يشيل العلبة بتاعة فلتر الهوا علشان يوصل للترموستات المهم وصلوله و فكوه (بعد عناء) لانه واضح انه كان متبيت بغباء فى الماسورة بتاعته. المهم فكوه و طبعا قبل مايعملوا كده فضوا المياه خالص بتاعة العربية و سابوها بتاع ساعه كده لحد ماتبرد و بعدين بدأوا شغل.

المهم فكوه زي ماقولتلكوا و بعدين رجعوا الدنيا تانى زي ماكانت و ربطوا كل حاجه و جبت جركن مياه خضراء جديد و ملوا الريداتير و القربة و طلعت انا و هو نجرب و خدنا العربية كده لفة لغاية السيدة عائشة من صلاح سالم و هو كان قارص على الموتور شوية و مشغلين التكييف و رجعنا و فى لافترة دى كنت بدردش معاه و قولتله طب لو لقدر الله حصلت تانى ممكن تبقى ايه المشكله - قالى بص هو فى الحالة دى هاتبقى من النوادر ان يكون وش السلندر منفث و فى الحالة دى الموضوع هايبقى كبير بس ان شاء الله ماتكونش فيها حاجه و تفاءل خير (الراجل بشوش جدا و الله و ترتاحله كده على طول اول ماتتكلم معاه).

المهم رجعنا على الورشة و حاسبت (50 جنيه) مصنعية و شكرته و سلمت عليه و روحت و أول ماوصلت البيت لقيت الحرارة عليت مرة واحدة على 110 برضه !!!!!!!!!!!!!!!!!!!!!!!!!!!!!!!!!!!!!!!!!!!!!!!

طبعا انا انزعجت جدا و قولت كده خلاص العربية شكلها عايزة وش سلندر او فى مشكلة عامة كبيره و شكل الموضوع هايكبر جدا.
كلمته و انا لسه فى العربية و قبل ماخرج منها و قولتله يا بشمهندس العربية سخنت تانى برضه بعد كل اللى عملناه المهم الراجل بصراحة هدانى و قالى ماتقلقش بس و اهدأ لانى فعلا كنت منفعل جدا و انا بكلمه و قالى قبل مانقدر انها حاجه كبيره قالى انت تروح على اقرب بنزينه بعد العربية ماتهدأ شوية و تقول للراجل بتاع البنزينة يضرب مياه بالمسدس بتاع المياه اللى بيغسلوا بيه العربية ده مش بخرطوم عادى على السربنتينه اللى قدام اللى بتشوفها من فتحة العربية اللى فى اول الكبوت - قالى خليه يضرب عليها مياه كويس.

رحت على البنزينة و رحت مدى الراجل 10 جنيه و قولتله سيبلى بقى انت المسدس ده علشان انا عايز اتعامل و قبل ماضرب المياه ضربت هواء عليها و طلعت تراب كتير جدا على الرغم من ان البواب بيغسل العربية كل يوم.

المهم مسكت مسدس المياه و قوة الدفع بتاعته رخمة جدا و ابتديت اضرب فى السربنتينة المفاجأة انى ابتديت الاقى زلط و طوب و قطع ورق و بلاوى زرقاء ناززله من السربنتينه و المياه نازله سوداء فحم.

المهم فضلت ضارب المسدس فيها لحد لما المياه ابتدت تنزل نظيفة و بعدين اخدت العربية و طلعت على الدائرى و اخدت مشوار لغاية التجمع كده على 140 - 170 و التكييف شغال على الاخر و رجعت على البيت و الحمد لله العربية ماسخنتش.
قولت برضه مش مقياس لان الساعه كانت حوالى 2 بعد نص الليل و الجو كان كويس
المهم تانى يوم الحمد لله برضه ماحصلش حاجه و مهندس طارق على العصر كده اتصل بيا و سألنى ايه الاخبار قولتله حصل كذا و كذا فى البنزينة و عملت المشوار كذا - المهم قالى طب تمام بس المهم تراقب الحراره فترة كده قولتله اكيد و قالى لو حصل جديد لاقدر الله كلمنى على طول و أكد علي و قفلت معاه و روحت - و لغاية اخر الاسبوع ماحصلش حاجه بس على ميعاد نزول 8 و نص صباحا و رجوع 6 المغرب مافيش مشاوير الظهر.
يوم الخميس بالليل قررت انى اساسفر اسكندرية و ارجع بيها السبت الظهر و فعلا سافرت و كان معايا والدتى و المدام و اختينى البنات و مسكت الطريق على الساعه 1 بعد نص الليل كده و كنت ماشى تقريبا 120 - 140 و مشغل التكييف و وصلت اسكندرية و الحمد لله ماسخنتش المهم اتحركت بيها فى اسكندرية بس بسيط الجمعه و السبت قررت انى انزل لوحدى بيها الظهر و فعلا 1 الظهر كنت ماسك الطريق و مشغل التكييف على الاخر و الجو كان فعلا حر جدا و طبعا كنت ماشى على 100 علشان الرادار و اوقات كنت بطلع للـ 120 و برجع تانى المهم الحمد لله العربية برضه ماستخنتش تانى و لسه متابع لغاية النهاردده و الحمد لله رب العالمين الدنيا ماشية تمام و الحمد لله ووضحت كده ان المشكلة فى الغالب كانت من السربنتينة.

انا عارف انى طولت عليكم جدا بس حاولت اوصفلكم التجربة بالتفصيل لعل و عسى حد يستفيد منها بأي شكل كان و شاكر جدا جدا مرة تانية على ردودكو و نصائحكم

سؤال بس معلش هل ممكن الترموستات ده يتركب تانى لان من الواضح كده ان المشكلة ماكانتش فيه و هل لو ركبته تانى ممكن يأثر على الحرارة فعلا و يسخنها تانى لانى ملاحظ انها دلوقت لما بتدور فى اول اليوم مؤشر الحرارة بيوصل للطبيعى بعد فتره اطول كتير من الاول - و هل ده هايأثر عليها فى الشتاء ؟

شكرا ليكم جميعا و أتمنى انى اكون وضحت المشكلة و الحل بطريقة بسيطة

السلام عليكم

اولا مبروك ان المشكله اتحلت بس نقطه صغيره مش كل فني فتاي تسمع كلامه حتي لو شغال في المانيا نفسها مش توكيل مرسيدس بص علي الموضوع دا و قولي ايه رايك

http://www.nilemotors.net/Nile/146262-a.html

[hadota_masreya]

شكرا يا احمد باشا بس هنا السؤال بيطرح نفسه - هل الترموستات ده ينفع يتركب تانى ؟ اسله اصلا اتخلع بالعافية
و مكانه فى مزنق قوى

[Ahmed.Ali]

شكرا يا احمد باشا بس هنا السؤال بيطرح نفسه - هل الترموستات ده ينفع يتركب تانى ؟ اسله اصلا اتخلع بالعافية
و مكانه فى مزنق قوى

اكيد لانه سعات بيبوظ فا بيتغير

[caysersosaih]

بص حضرتك طبعا من الأول خالص مافيش مشكلة في الثرموستات عشان حاجتين
المراوح بتشتغل وتفصل عادي وكمان العربية ما بتسخنش من غير تكييف

المشكلة كانت في السربنتينة مش نضيفة وكده ممكن لما تشغل تكييف في حرارة بتطلع منها حوالي 180 درجة وتخش علي الرادياتير وتسخن العربية
حضرتك لازم ترجع تركب الثرموستات تاني لأنة هيعمل مشاكل علي المدي الطويل