استفسار بخصوص فرامل الجين2

[Raul_7]

علي فكرة يا معلم أنا محمود الي ركبت معايا في العربية الجين الزرقاء و جربنا الفرامل.

المهم طمنا الفرامل الجديدة عاملة ايه معاك ؟ بتصفر, بتمسك كويس و لا ايه ؟

تحياتي.

[fmaw99]

رحمتك يا رب

إزيك يا حوده
أولاً 1000 شكر ليك على تجربة العربية معانا
ثانياً بالنسبة للتيل طبعا ساعات كتير بيصفر. أما عن حكاية بيمسك ولا لأ. والله العظيم يا حوده أنا بقيت بخاف أدوس على الفرامل
من ناحية بتصفر ومزعجة ومناحية تانيه ماشي بالراحة علشان ما أضطرش الـ ABS بيه إنه يشتغل وعكر مزاجه ومزاجي من صوت الخشونة الفظيع بتاعه ومن ناحية علشان مايخلصش بسرعة (فكرتني بمسرحية ريا وسكينة وعبد العال بياكل البسكوت)
الظاهر إن دي إستراتيجية من الشركة المصنعة والتوكيل علشان يضطرونا نسوق بالراحة ونفرمل بشويش

[Nistelrooy]

هو مش المفروض نظام ال abs يكون لية زرار يشغلة - يعني اشغلة براحتة واقفلة وقت ما يعجبني !
ان لم تخوني الذاكرة مش ده النظام الي في الجولف ركبت مع واحد صاحبي وكان شغلة عن طريق زرار موجود جنب الفتيس ؟

[x512]

هي دي سياسه التوكيلات عموما...ميديكش كلام مفيد...يعني ايه دا ال abs بتاعنا ..و يعني ايه هي دي فرامل العربيه...و يعني ايه تيل بيخلص في 10 الاف كيلو..انا عن نفسي اعتقد انك كان المفروض تغير الطنابير بس زي ما حضرتك قولت بس هو عاوزك تغير التيل عشان يلبسك تمنو ..و تبيقي حجه بعد كدا كل 10 الااف يقولك غير التيل....شوف امير و جوزيف اللي في مدينه نصر بيقولو كويس...ان مكنش يبقي اعمل برا التوكيل و ريح دماغك طالما عديت ال 1000 و طز في الضمان ...دا كدا انت بتتقلب مش بتاخد ضمان

[mido_soliman]

هو مش المفروض نظام ال abs يكون لية زرار يشغلة - يعني اشغلة براحتة واقفلة وقت ما يعجبني !
ان لم تخوني الذاكرة مش ده النظام الي في الجولف ركبت مع واحد صاحبي وكان شغلة عن طريق زرار موجود جنب الفتيس ؟

لا يباشا التانى دة نظام اسمة asp مختلف تمام عن ال abs لان الاول نظام تعليق بيحافظ على مسار العربية فى الملفات انها متعومش ومتلفش والتانى نظام مانع الفرامل من الانغلاق اى انك لما تكبس فرامل مرة واحدة بيوزع قوة الفرامل على كل فردة بنسبة معينة وبالتالى تفضل العربية فى مكانها الطبيعى ومتعومش بردة بس الاول مش فرامل وانت بتجرى التانى فرامل مفاجاة اتمنى تكون المعلومة البسيطة وصلت يباشا تحياتى

[Nistelrooy]

شكرا جدا يا ميدوو ومبروك صيانة الالف :)

[be7ee]

انا كنا مخنوق من التوكيل بعد صيانة الالف
و خايف من ال 5000 دة غير اني قربت عليها

وبعد الموضوع دة بجد انا كرهت التوكيل لدرجة خيال
والمشكلة اني حابب العربية

دة تيل يتربي في عزو جين عزو

[mido_soliman]

شكرا جدا يا ميدوو ومبروك صيانة الالف :)

يباشا لا شكر على واجب والله يبارك فيك وعايزين نفرح بيك قريب