عرض مغرى! - إشترى عربية ساجا و إدفع ثمن عربيتين!

[tamermagdi]

السلام عليكم ورحمة الله وبركاته
أنا إتشرفت بالإنضمام لمنتدى نايل موتورز - بروتون و أنا فى رحلة البحث عن معلومات عن البروتون ساجا
أنا من أشد محبى البروتون و بالأساس من محبى ماليزيا يعنى لو ماليزيا عملة ثلاجه و قالت دى عربية هبقى شايفها أحسن عربية فى الدنيا.
بس للأسف أنا لاقيت 3 مشاكل فى العربية الساجا فحبيت أطرحهم عليكم و أستفيد من رآيكم بس ياريت تدونى رآى عملى بدون عواطف و أهواء. و ده اللى انا إن شاء الله منتظره منكم

ترتيب المشاكل من الأقل أهمية إلى الأهم...

المشكلة الأولى: الألوان اللى نازلة فى مصر ألوان فقيرة للغاية و مضيعه شكل العربية فى الوقت اللى العربيات المنافسه نازله بعشرين لون كلهم احسن من بعض


المشكلة الثانية: ضعف التوكيل و عدم قدرته على الترويج للعربية وده خلى إنتشار العربية فى الشارع قليل جداً بالمقارنة بعربيات تانيه متسواش حاجه بالمقارنة بالساجا. يعنى والا شوفنا إعلان تليفزيون والا حتى بيعمل إعلانات فى الجرائد أنا ماشوفتش غير إعلان يتيم فى اهرام الجمعه من كام شهر.
العربية إنتشارها ضغيف يا جماعه. عارف إن مبقلهاش كتير فى السوق بس برضه ضعيف أوى.
طبعاً كلنا عارفين إن إنتشار العربية ده بيترجم لسهولة صيانه و قطع غيار منتشره و سعر إعادة البيع

المشكله الثالثه: و دى انا بعتبرها المشكله الخقيقية أو الكارثة
مشكلة أسعار قطع الغيار. دى مش غالية و بس دى غالية بشكل مستفز كمان. يعنى ايه تيل فرامل بيتغير كتير جداً خصوصاً مع زحمة مصر يبقى ثمنه 500 جنيه. و إزاى فانوس خلفى مثلاً بيتكسر كل يوم الصبح لما حد يريح عليك كالعادة و هو بيركن يكون ثمنه 600 جنيه. و غيره وغيره و متنساش تضيف 10% ضريبة مبيعات و مصنعيات التوكيل.

هو انا شارى عربية إقتصادية رخيصه 1300 CC عشان أدفع ثمنها مرتين مره فى المعرض و الثانيه فى التوكيل؟!

هسيبكم مع قائمة الأسعار الحالية لبروتون ساجا اللى عملها أخونا Ayman_52
فى موضوعه المتعوب فيه
قائمــة أسعــار قطـع غيــار -Proton SAGA- الحاليــه

http://www.nilemotors.net/Nile/141573-proton-saga.html

و عاوز أرائكم يا جماعه بأمانه لأنى كده للأسف نفسى إتسدت تجاه الساجا للأسف

قائمة الأسعار كالتالى و قبل ما تقرأها خد حباية الضغط
شنطــه : 865 جنيــه

- حلية الشنطه : 81 جنيــه

- مقص امامى : 800 جنيــه

- باكيته سقف : 200 جنيــه

- اكصدام امامى : 510 جنيــه

- اكصدام خلفى : 640 جنيــه

- اللوجو الامامى : 67 جنيــه

- باكيته باب خلفى : 85 جنيــه

- باكيته باب امامى : 115 جنيــه

- ماكينه ازاز امامى : 580 جنيــه

- ماكينه ازاز عاده خلفى : 260 جنيــه

- فانـوس خلفـى شمـال , يميـن :591 جنيــه

- فانوس امـامى شمـال , يميـن : 750 جنيــه

- باب امامى شمـال , يميـن : 1912 جنيــه

- باب خلفـى شمـال , يميـن : 1590 جنيــه

-- رفرف امامى شمـال , يميـن : 445 جنيــه

- رفرف خلفـى شمـال , يميـن : 850 جنيــه

- أزاز باب خلفـى شمـال , يميـن : 280 جنيـه

- أزاز باب أمـامى شمـال , يميـن : 302 جنيـه

- تيل امامى (بوش المانى Line - A) : ـ 498 جنيــه

- تيل خلفـى (بوش المانى Line - A): ـ 322 جنيــه

- قنطره : 4248 جنيــه

شكراُ و منتظر آرائكم فى الموضوع

السلام عليكم ورحمة الله وبركاته

[alarabiya11]

طيب تعمل ايه لو عرفت اسعار الواجا قطع غيار الواجا بروتون

[tamermagdi]

طيب تعمل ايه لو عرفت اسعار الواجا قطع غيار الواجا بروتون

الواجا عربية كبيرة شوية. إنما الساجا دى عربية صغيرة المفروض إنها تكون إقتصادية مش مهلبية بالشكل ده. و الله انا نفسى حد يرد عليا ويقولى لأ إنت غلطان و الأسعار مش كده خالص.

شكراً يا فندم على المشاركة

[eslamkasem]

طيب وايه يعني الواجا عندي الفانوس الخلفي ب900جنية والاكصدام تقريبا 1200 جنيه يعني هيا دي ضريبة انك تشتري عربية مش منتشره

[powerofhelll]

السلام عليكم ورحمة الله وبركاته

وعليكم السلام ورحمة الله وبركاته

المشكلة الأولى: الألوان اللى نازلة فى مصر ألوان فقيرة للغاية و مضيعه شكل العربية فى الوقت اللى العربيات المنافسه نازله بعشرين لون كلهم احسن من بعض

الالوان الي نازله مصر في الدفعات الي فاتت كانت اسود كتير و ابيض و فضي و احمر و تقربيا دي اكتر الوان بتتباع في مصر
سمعت ان الدفعات الي جايه هيبقي فيها الازرق و ميتال جراي

المشكلة الثانية: ضعف التوكيل و عدم قدرته على الترويج للعربية وده خلى إنتشار العربية فى الشارع قليل جداً بالمقارنة بعربيات تانيه متسواش حاجه بالمقارنة بالساجا. يعنى والا شوفنا إعلان تليفزيون والا حتى بيعمل إعلانات فى الجرائد أنا ماشوفتش غير إعلان يتيم فى اهرام الجمعه من كام شهر.
العربية إنتشارها ضغيف يا جماعه. عارف إن مبقلهاش كتير فى السوق بس برضه ضعيف أوى.
طبعاً كلنا عارفين إن إنتشار العربية ده بيترجم لسهولة صيانه و قطع غيار منتشره و سعر إعادة البيع

ده مش مشكله في حد ذاتها هو فكر تسويقي من و جهة نظري ممتاز يعني يعمل اعلانات و يزود تمن العربيه 10 الاف مثلا ولا يسيب الانتشار ياخد وقته و ده تقربيا الي حصل مع الجين 2 و البرسونا
الانتشار مش ضعيف لسببين انت لو روحت تحجز العربيه متستني الدفعه الجديده او الي بعديها و تقريبا الدفعه حوالي 100 عربيه يعني تقربيا المبيعات حوالي 700 عربيه وده حلو جدا في الفتره دي و اعتقد ان الارقام دي هتتضاعف في وقت قريب

المشكله الثالثه: و دى انا بعتبرها المشكله الخقيقية أو الكارثة
مشكلة أسعار قطع الغيار. دى مش غالية و بس دى غالية بشكل مستفز كمان. يعنى ايه تيل فرامل بيتغير كتير جداً خصوصاً مع زحمة مصر يبقى ثمنه 500 جنيه. و إزاى فانوس خلفى مثلاً بيتكسر كل يوم الصبح لما حد يريح عليك كالعادة و هو بيركن يكون ثمنه 600 جنيه. و غيره وغيره و متنساش تضيف 10% ضريبة مبيعات و مصنعيات التوكيل.

هو انا شارى عربية إقتصادية رخيصه 1300 CC عشان أدفع ثمنها مرتين مره فى المعرض و الثانيه فى التوكيل؟!

مشكله مؤقته و هتتحل في القريب العاجل اول لما الفرنا نزله اسعار قطع الغيار كانت ايه و الافيو كل الاسعار دي كانت عاليه في البدايه و بتنزل مع الوقت بالرجوع ايضا للجين 2 هتلاقي ان اغلب مشكله قطع اغيار اتحلت مع ان ايام الجين 2 مكنش في محلات اساسا بتبيع قطع غيار بروتون دلوقتي في محلات متخصصه في العربيات البروتون فقط يعني خلال كام شهر هتلاقي عندهم قطع غيار للساجا و مع الاعتبار ان العربيه الساجا العربيه الشعبيه في ماليزيا هتلاقي قطع الغيار مترفره و هتلاقي الصيني و الكوري


الحمد لله العربيه معايا بقالها حوالي 6 شهور و مفيش مشاكل الحمد لله صلي صلاه استخاره و شوف الخير فين

[tamermagdi]

شكراً powerofhelll على الرد
أكيد هتزل قطع الغيار الصينى و الماليزى كمان بره التوكيل وهتبقى اسعارها معقولة زى كل العربيات. بس مالزال المفروض تكون الأرقام منظقية داخل التوكيل. لأن العربية جديدة و المفروض تتصلح جوه التوكيل و متخسرش الضمان.

هو صحيح إيه نظام الضمان؟ لو ركبت أى قطع غيار من بره فعلاً العربية بتخرج من الضمان؟

[powerofhelll]

شكراً powerofhelll على الرد
أكيد هتزل قطع الغيار الصينى و الماليزى كمان بره التوكيل وهتبقى اسعارها معقولة زى كل العربيات. بس مالزال المفروض تكون الأرقام منظقية داخل التوكيل. لأن العربية جديدة و المفروض تتصلح جوه التوكيل و متخسرش الضمان.

هو صحيح إيه نظام الضمان؟ لو ركبت أى قطع غيار من بره فعلاً العربية بتخرج من الضمان؟

علي حسب انت ركبت ايه
الزينون مش بيخرج حاجه من الضمان
مكن الرفع بيخرج المكن بتاع الزجاج فقط من الضمان

[midonet0000]

يعنىاشتريتولالسه؟؟؟؟؟؟؟؟؟؟؟

[midonet0000]

اهم نقطةان التوكيل يوفرقطع الغيار للسيارات اللى اتباعت وفيها مشاكل، مش مهم الدعاية خالص ولا سعر قطعة الغيار ده الطبيعى فى اى عربية جديدة مش بس البروتون يبالغ فى سعرقطعة الغيار الى ان تنتشر وتكتر مبيعاته والنقطة دى فى عز العرب ضعيفة جداً ، الاخ اللى بيقول 700 ده رقم هايل يعنى ازاى لو حسبت 100 عربية فى الشهر ده كويس ؟؟؟؟؟؟؟؟؟

[أبومعاذ]

طيب وايه يعني الواجا عندي الفانوس الخلفي ب900جنية والاكصدام تقريبا 1200 جنيه يعني هيا دي ضريبة انك تشتري عربية مش منتشره

أولا دي الأسعار في التوكيل وكل التوكيلات الاسعار فيها بتبقى نار ثانيا أي عربية جديدة قطع غيارها بتبقى غالية ودا طبيعي

[homos99]

عليكم السلام ورحمة الله وبركاته ,,,
اولا اهلا بيك ومرحبا في منتدي بروتون,,,
ثانيا ردا على كلام حضرتك ,,, بالنسبة للألوان فعلا هية حاجة تضايق ولاحظ انى بقول تضايق وليست لها اي اهمية على الاطلاق بالنسبة للعربية ,,,
ثالثا موضوع التوكيل والترويج فكل الناس بتقول ان عز العرب توكيل سيئ ,,, ودا رأي كل اللى ميمتلكوش العربية وكلام بيتقال عشان مبيعملش اعلانات وكمان قطع غيار اسعارها مبالغ فيها وسعر اعادة البيع مش قد كدا ,,, وحضرتك أتأكد بنفسك زى ما انا في اول الأمر أتأكدت ,,, روح اسأل أي حد بيقول انه توكيل سيئ ليه , هيقولك اصل هوة مغلي قطع الغيار و مموت العربية في السوء وهتلاقي حالة او اتنين بس اللي يقلولك واجهنا مشاكل في التوكيل من ناحية الصيانة ودي حاجة طبيعية في كل التوكيلات ,, ولو ضغط عليه أكتر مش هيلاقي اي عيوب يقولها ,, وفي ناس بتفتي ,,,,,,,

رابعا موضوع قطع الغيار ,, دا علشان العربية لسة نازلة ولم تنتشر بعد زي اللوجان تمام ويمكن اللوجان كانت اغلي ,, ومع الوقت هتلاقيها رخصت وانتشرت برة التوكيل وقارن حضرتك بالاسبيرانزا واللوجان وشوف التوكيل كان حارق الأسعار ازاى اول ما نزلوا وهما بردوا بيتصنفوا تحت بند العربيات الأقتصادية ,,,

ومن الاخر كدا انا مقتنع تماما ان العربية مش ناقصها غير حاجة واحدة الانتشار ودا عن طريق الاعلان عنها ,,,,,
معلش طولت عليك بس كان عندي رأي بالنسبة لعنوان الموضوع يا ريييييييييييت يكون عادي وليس مثير لأني افتكرت ان فيه كارثة فعلا ودا احساس اى حد هيشوف العنوان بتاع الموضوع ,,
تقبل مرورى وشكرا .

[momopersona]

اخيرا وهو السؤال الملخص للموضوع

ايه اللى يخلينى اسيب السبرانزا والبى واى دى واللوجان والفيرنا واشترى ساجا ؟؟؟

ايه اللى يشجع؟؟؟

ايه المميزات حتى الان ؟؟


ده حتى استهلاك البنزين طلع عالى عند ناس كتير (اللى هو المفروض اكبر ميزه فيها)

[tamermagdi]

علي حسب انت ركبت ايه
الزينون مش بيخرج حاجه من الضمان
مكن الرفع بيخرج المكن بتاع الزجاج فقط من الضمان

والله كده كلام منطفى وعادل

[tamermagdi]

اهم نقطةان التوكيل يوفرقطع الغيار للسيارات اللى اتباعت وفيها مشاكل، مش مهم الدعاية خالص ولا سعر قطعة الغيار ده الطبيعى فى اى عربية جديدة مش بس البروتون يبالغ فى سعرقطعة الغيار الى ان تنتشر وتكتر مبيعاته والنقطة دى فى عز العرب ضعيفة جداً ، الاخ اللى بيقول 700 ده رقم هايل يعنى ازاى لو حسبت 100 عربية فى الشهر ده كويس ؟؟؟؟؟؟؟؟؟

العربية برده المفروض تبيع أكتر من كده.
بس هى بلا نقاش أحسن من الفيرنا واللانوس. و من وجهة نظرى أحسن من الأفيو كمان فيما عدا إن شكل الأفيو أحسن.
و من وجهة نظرى برضه الساجا كعربية أحسن من اللوجان. و اللوجان دى إن كانت فرنساوى والا داتشيا رومانى مش هتفرق لأنى والا مقتنع بفرنسا و الا برومانيا. طالما إننا بنقارن بالنمر الماليزى!

إنما التوزيع ضعيف للغاية. إنت شوفت لوجان قبل ما تنزل كانت مصر كلها عارفه إن فيه عربية نازله وثمنها 56 ألف. و طلع الموضوع نصب و العربية اللى بـ 56 ألف دى فيها موتور و 4 عجلات وبس وهات إنت الباقى معاك و إنت جاى من البيت. بس عملولها دعاية وباعوها وخسسوا الناس إن دى هى العربية الـ 128 بتاعة هذا العصر.

[tamermagdi]

أولا دي الأسعار في التوكيل وكل التوكيلات الاسعار فيها بتبقى نار ثانيا أي عربية جديدة قطع غيارها بتبقى غالية ودا طبيعي

يارب تنتشر وترخص