عرض مغرى! - إشترى عربية ساجا و إدفع ثمن عربيتين!

[tamermagdi]

عليكم السلام ورحمة الله وبركاته ,,,
اولا اهلا بيك ومرحبا في منتدي بروتون,,,
ثانيا ردا على كلام حضرتك ,,, بالنسبة للألوان فعلا هية حاجة تضايق ولاحظ انى بقول تضايق وليست لها اي اهمية على الاطلاق بالنسبة للعربية ,,,
ثالثا موضوع التوكيل والترويج فكل الناس بتقول ان عز العرب توكيل سيئ ,,, ودا رأي كل اللى ميمتلكوش العربية وكلام بيتقال عشان مبيعملش اعلانات وكمان قطع غيار اسعارها مبالغ فيها وسعر اعادة البيع مش قد كدا ,,, وحضرتك أتأكد بنفسك زى ما انا في اول الأمر أتأكدت ,,, روح اسأل أي حد بيقول انه توكيل سيئ ليه , هيقولك اصل هوة مغلي قطع الغيار و مموت العربية في السوء وهتلاقي حالة او اتنين بس اللي يقلولك واجهنا مشاكل في التوكيل من ناحية الصيانة ودي حاجة طبيعية في كل التوكيلات ,, ولو ضغط عليه أكتر مش هيلاقي اي عيوب يقولها ,, وفي ناس بتفتي ,,,,,,,

رابعا موضوع قطع الغيار ,, دا علشان العربية لسة نازلة ولم تنتشر بعد زي اللوجان تمام ويمكن اللوجان كانت اغلي ,, ومع الوقت هتلاقيها رخصت وانتشرت برة التوكيل وقارن حضرتك بالاسبيرانزا واللوجان وشوف التوكيل كان حارق الأسعار ازاى اول ما نزلوا وهما بردوا بيتصنفوا تحت بند العربيات الأقتصادية ,,,

ومن الاخر كدا انا مقتنع تماما ان العربية مش ناقصها غير حاجة واحدة الانتشار ودا عن طريق الاعلان عنها ,,,,,
معلش طولت عليك بس كان عندي رأي بالنسبة لعنوان الموضوع يا ريييييييييييت يكون عادي وليس مثير لأني افتكرت ان فيه كارثة فعلا ودا احساس اى حد هيشوف العنوان بتاع الموضوع ,,
تقبل مرورى وشكرا .

شكراً يا homos99 على ردك الوافى
بخصوص اللون عندك حق هو موضوع مش أساسى بس برضه اللى مستغربة ليه مش منزل كل ألوانها؟! هيخسر أيه!

بخصوص جودة التوكيل أنا اللى يهمنى فى التوكيل مش إن راجل مبتسم ببدله يقابلنى و يجيبلى شاى وقهوة اللى يهمنى إن العربية تتظبط صح و الاقى فى الأخر فاتورة منطقية مفيهاش إستهبال. هل ده موجود فى عز العرب؟! أنا مقدرش أقول أه او لأ لأنى مجربتش بس إنتم تقدروا تقولولى بحياد تام.

بخصوص قطع الغيار ربنا ييسرها و ترخص بس الناس اللى بحب بروتون ملهاش ذنب تدفع الأسعار دى لحد مالأسعار ترخص. والله أنا دلوقتى ببيع عربية فى السوق وبقدمها للناس على إنها إقتصادية يبقى أ - ب تسويق هو إنى أنزل قطع غيارها بسعر مناسب من أول يوم. خصوصاً فى بلد زى مصر. إنت لو فى أى بلد مش هتحتاج كل يوم تغير مساعد و الا كل يوم حد هيريحلك على إكصدام والا باب. لاحظ إننا فى مصر وقطع الغيار أهم من العربية نفسها. لاحط إن السوق فيه عربيتين إسمهم فيرنا ولانوس اتعب من بعض وبيتباعوا لحد النهاردة لا لشىء إلا لرخص قطع الغيار.

العنوان معلش جه ثقيل شوية بس عشان انا دماغى مشغوله اليومين دول بموضوع العربية ومتغاظ من أسعار قطع الغيار شويتين

[tamermagdi]

اخيرا وهو السؤال الملخص للموضوع

ايه اللى يخلينى اسيب السبرانزا والبى واى دى واللوجان والفيرنا واشترى ساجا ؟؟؟

ايه اللى يشجع؟؟؟

ايه المميزات حتى الان ؟؟


ده حتى استهلاك البنزين طلع عالى عند ناس كتير (اللى هو المفروض اكبر ميزه فيها)

بص عشان أجيبلك من الأخر. العربية ماليانه مميزات و كل المميزات دى موجوده فى باقى العربيات المنافسه. الفارق الوحيد اللى يخليك تاخد ساجا او متاخودش هما حاجتين ثقتك فى ماركة بروتون أو مش بتثق فيها وتانى حاجه هى التوكيل و قطع العيار
الخمد لله الساجا بتكسب فى قصة الثقه فى بروتون
لكن قطع غيار وتوكيل ده هو محل النقاش


موضوع البنزين محل خلاف بين الناس. انا سمعت أرقام كتير أوى حد قال إنه عمل 11 لتر فى 100 كيلو. وده معناه إنه راكب عربية 2000 cc مش 1300 اكيد عنده مشكله ولازم تتصلح فى التوكيل. "شوفت بقى التوكيل مهم إزاى"
وفيه ناس عندها المتوسك فى حدود 6 و 7 لتر فى الـ 100 كيلو و ده كلام منظقى ومرضى بشكل عام. وربنا يستر لأن البنزين هيغلى قريب وشكلهم كده مش ناويين يرحمونا خالص!!!!

[homos99]

اخيرا وهو السؤال الملخص للموضوع

ايه اللى يخلينى اسيب السبرانزا والبى واى دى واللوجان والفيرنا واشترى ساجا ؟؟؟

ايه اللى يشجع؟؟؟

ايه المميزات حتى الان ؟؟


ده حتى استهلاك البنزين طلع عالى عند ناس كتير (اللى هو المفروض اكبر ميزه فيها)

موضوع استهلاك البنزين دا انا معاك فيه بس الساجا تتميز عن الباقي في حجات تانية ,,, اولا من وجهة نظري وعن تجربة افضل من اللوجان في الثبات على السرعات العالية والموتور افضل وأحدث وممكن يتضاف عليه تعديلات ,, غير الشكل والكماليات وفرق السعر اللى هوة 5000 جنيه ,, اما الفيرنا فصالونها الضيق جدا والتأفيل والفرامل والثبات زي الزفت ,,, والبي واي دي دي صيني ومش أي حد يجازف ويشتري صيني لمجرد انه كماليات وسعر,,والله انا ابي معاه السبيرانزا ال 620 موديل 2007 وكل يومين نغير حاجة لمجرد انها صيني وكان الاول التوكيل بيحرقنا في اسعار قطع الغيار بس دلوقتى موجودة برة ورخصت كتير بس برده كل يومين نغير حاجة,,,والجودة مش قد كدا غير ان الموتور مش هيكون ابدا قابل للتحمل بعد 10 سنوات مثلا....

شكراً يا homos99 على ردك الوافى
بخصوص اللون عندك حق هو موضوع مش أساسى بس برضه اللى مستغربة ليه مش منزل كل ألوانها؟! هيخسر أيه!

بخصوص جودة التوكيل أنا اللى يهمنى فى التوكيل مش إن راجل مبتسم ببدله يقابلنى و يجيبلى شاى وقهوة اللى يهمنى إن العربية تتظبط صح و الاقى فى الأخر فاتورة منطقية مفيهاش إستهبال. هل ده موجود فى عز العرب؟! أنا مقدرش أقول أه او لأ لأنى مجربتش بس إنتم تقدروا تقولولى بحياد تام.

بخصوص قطع الغيار ربنا ييسرها و ترخص بس الناس اللى بحب بروتون ملهاش ذنب تدفع الأسعار دى لحد مالأسعار ترخص. والله أنا دلوقتى ببيع عربية فى السوق وبقدمها للناس على إنها إقتصادية يبقى أ - ب تسويق هو إنى أنزل قطع غيارها بسعر مناسب من أول يوم. خصوصاً فى بلد زى مصر. إنت لو فى أى بلد مش هتحتاج كل يوم تغير مساعد و الا كل يوم حد هيريحلك على إكصدام والا باب. لاحظ إننا فى مصر وقطع الغيار أهم من العربية نفسها. لاحط إن السوق فيه عربيتين إسمهم فيرنا ولانوس اتعب من بعض وبيتباعوا لحد النهاردة لا لشىء إلا لرخص قطع الغيار.

العنوان معلش جه ثقيل شوية بس عشان انا دماغى مشغوله اليومين دول بموضوع العربية ومتغاظ من أسعار قطع الغيار شويتين

اولا ولا يهمك من موضوع العنوان ,,, وربنا يسهلك الأختيار ان شاء الله ,, وعندك حق في القلق بتاع التوكيل وقطع الغيار ,,, بس الصراحة ان التوكيل اتحسن كتير أوي الفترة دي ,, وبالنسبة للمصنعية فهي فباقي التوكيلات ناااااار انا مبتعاملش مع عز العرب بس روحت مرة مع صديق عشان الصيانة وكان التعامل محترم وعادي ومكنش فيه مشاكل لكن اتعاملت مع توكيل كيا والفطيم ومنصور والمصنعية في كيا ناااااار وبرده ممكن تمشي وتلاقي نفس العيب والفطيم زى الفل بصراحة محترمين لأبعد الحدود ومفيش مشاكل أوي ومش هتكلم عن منصور لأن سعات بيكونوا كويسين أوي وسعات زى الزفت.وقطع الغيار كدا كدا بتنزل بعد سنة او سنة ونصف من نزول العربية وانتشارها وانا شايف انها لا تقل انتشارا عن الجن تو مثلا ,, ودلالة كلامي انها بالحجز ومش موجودة في التوكيل ,. وبالنسبة للأعلانات فأنا شوفت اعلان ليها وللجن تو في الجرنال الجمعة اللى فاتت ,, وكان الاعلان عن افتتاح اكبر معرض للسيارات لوجيه أباظة في التجمع عندنا ومنزل سعر الساجا هناك ووجيه اباظة مش هيعرض اى عربية والسلام,,,,,

بص عشان أجيبلك من الأخر. العربية ماليانه مميزات و كل المميزات دى موجوده فى باقى العربيات المنافسه. الفارق الوحيد اللى يخليك تاخد ساجا او متاخودش هما حاجتين ثقتك فى ماركة بروتون أو مش بتثق فيها وتانى حاجه هى التوكيل و قطع العيار
الخمد لله الساجا بتكسب فى قصة الثقه فى بروتون
لكن قطع غيار وتوكيل ده هو محل النقاش


موضوع البنزين محل خلاف بين الناس. انا سمعت أرقام كتير أوى حد قال إنه عمل 11 لتر فى 100 كيلو. وده معناه إنه راكب عربية 2000 cc مش 1300 اكيد عنده مشكله ولازم تتصلح فى التوكيل. "شوفت بقى التوكيل مهم إزاى"
وفيه ناس عندها المتوسك فى حدود 6 و 7 لتر فى الـ 100 كيلو و ده كلام منظقى ومرضى بشكل عام. وربنا يستر لأن البنزين هيغلى قريب وشكلهم كده مش ناويين يرحمونا خالص!!!!

بالنسبة لموضوع البنزين بعد البحث والسؤال من الماليزين شخصيا اتضح ان العربية استهلاكها من 8-10 لتر كل 100 كيلو ودا بعد التلين وصيانة ال 5000 كيلو وكمان بيقولوا ان (كمبيوتر العربية بيظبط الاستهلاك على حسب اللى بيسوق وحساسيته في الضغط على دواسة البنزين وبيكون أفضل من الرقم المكتوب فوق) وانا شايف ان الاستهلاك كبير على 1300 بس برده انا مش مقتنع ان العربية مكتوب في كتالوجها 7-8 لتر كل 100 كم أكيد في حاجة غلط....مع العلم ان دا مش مكتوب في الكتالوج عندهم..

من الاخر
على رأي الاستاذ محمد ممدوح MMamdouh
كل عربية 24 قيراط... و كل عربية فيها قراريط كويسة و قراريط مش قد كدة... و كل واحد بيختار ال24 قيراط اللى يعجبوة.

[mo7hamedemad]

ممكن من اللى شافو الاعلان يصورة او يبعت اللينك بتاعة عشان انا نفسى اشوف علان ليها

[tamermagdi]

ممكن من اللى شافو الاعلان يصورة او يبعت اللينك بتاعة عشان انا نفسى اشوف علان ليها

يا نهار أبيض للدرجة دى يا أستاذ محمد :)
لا فعلاُ نزل إعلان بس للأسف مش التوكيل اللى منزله. ده أباظه عامل معرض جديد فى القاهرة الجديدة. وعامل إعلان فيه عربيات كتير من ضمنها الساجا و الجين تو

[tamermagdi]

بخصوص البنزين زميلنا Allo كاتب موضوع حلو عن تجربته مع الساجا بعد 11 الف كيلو. وبصراحه هو ده الكلام. العربية تبدا تتقيم بعد الـ 10 ألاف وبينى وبينكم بعد 100 و 200 ألف كمان العربيات بتظهر على حقيقتها. يعنى بص على يابانى وكورى زيرو ممكن تشوفهم زى بعض ويمكن الكورى يشدك اكتر . بس بص بعد أول 100 ألف هتلاقى العربية الكورى متهدلة الأطراف و تبدوا عليها علامات الإعياء :) و اليابانى وحش. إنما بعد 200 الف فمش هتلاقى الكورى أصلاً :)

المهم زميلنا Allo قال فى موضوعه إن إستهلاك البنزين عنده معقول جداً
خشوا شوفوا الموضوع كله هيعجبكم

http://www.nilemotors.net/Nile/154659-11000.html

[tamermagdi]

ده موضوع عن أسعار قطع غيار رينو لوجان للى حابب يعمل مقارنة

http://www.nilemotors.net/Nile/156062-a.html

[mo7hamedemad]

يا نهار أبيض للدرجة دى يا أستاذ محمد :)
لا فعلاُ نزل إعلان بس للأسف مش التوكيل اللى منزله. ده أباظه عامل معرض جديد فى القاهرة الجديدة. وعامل إعلان فيه عربيات كتير من ضمنها الساجا و الجين تو

هوة الموضوع انى نفسى يبقى ليها اعلانات ودعايا لانها عربية محترمة جدا وانا واثق ان العربية دى لو واخدة ربع الدعايا الى وخداها شركات تانية بدون ذكر اسماء هتكسر الدنيا وهتبقى رقم واحد بدون منافس
والناس كلها هتعرفها لان كل الى عارفها هنا عارفها بالصدفة وانا منهم يعنى مثلا انا عرفتها بالصدفة وانا ببحث على النت لقيتها
فتخيل لو فية اعلانات بقة .......... تخيل وضع بروتون عموما

[tamermagdi]

هوة الموضوع انى نفسى يبقى ليها اعلانات ودعايا لانها عربية محترمة جدا وانا واثق ان العربية دى لو واخدة ربع الدعايا الى وخداها شركات تانية بدون ذكر اسماء هتكسر الدنيا وهتبقى رقم واحد بدون منافس
والناس كلها هتعرفها لان كل الى عارفها هنا عارفها بالصدفة وانا منهم يعنى مثلا انا عرفتها بالصدفة وانا ببحث على النت لقيتها
فتخيل لو فية اعلانات بقة .......... تخيل وضع بروتون عموما

والله عندك حق

[x512]

دي تقريبا اسعار قطع غيار البيرسونا....بس عموما هي البروتون قطع غيارها غاليه شويه....تقدر تقول ماشيين بسياسه تويوتا...يديك عربيه كويسه و متينه و فيها كماليات بسعر معقول و يقطم وسطك في قطع الغيار

[x512]

والله عندك حق

مع احترامي لرأي حضرتك ..بس العربيات الفشنك هي اللي بيتعملها اعلانات (خصوصا في التليفيزيون المصري) و علي سبيل المثال الكروز....نزلو عليها بحمله ضخمه و جايبين احمد عز ...و طلع فيها عيب في السوفت ويير و بتفصل مما يعرض حياه راكبيها للخطر....مثاال اخر... الاوبترا...عربيه عاديه جدا لا ثبات ولا صاج و لا كماليات و برضو عملينلها حامله ضخمه....العربيه النضيفه مش محتاجه اعلان...زي البي ام و المرسيدس كدا..مع ان ليهم اعلانات بس مش بتيجي عندنا

[zkralla]

مع خالص اعتذارى للمدافعين عن التوكيل ورغم أنى عارف أن كلامى هيتأخذ بحساسيه - من البعض - لأنى من ملاك اللوجان
بس والله العظيم أنى بحب العربيات بتاعه برتون كلها ومتيقن من أن برتون ديه بتعمل عربيات ملهاش حل من معظم الاوجه
المشكله أن عز العرب هو الى مش عاوز يكسب
يحسن خدمات ما بعد البيع ويعمل دعايه اكتر هيكسب اكتر وهيبع عربيات كتير
هو ربنا انعم عليه بنعمه (توكيل لعربيه محترمه ) لكن هو مش بيصون النعمه
أنا لو معايا توكيل زى توكيل جين 2 ده أنا كنت كسرت الدنيا فى مصر