العربية سخنت !!!!

[Raul_7]

السلام عليكم,


النهاردة و انا رايح الشغل و كنت مشغل التكيف, بعد ما وصلت لقيت الحرارة جابت 115 مثلاً

طبعاً ان ا تخضيت و قمت مبطل علي طول. و المروحة فضلت شغال فترة لحد مرجعتها اقل من 90 تاني.

انا مش فاهم ازاي كده؟؟ العربية عاملة 430 كيلو!!

[Raul_7]

احب ازود ان المروحة في الجو ده ساعات بتشتغل بال 6 و ال 7 دقايق.

[mido_soliman]

حودة انت عندك مشكلة في الثرموثتات او المروحة لازم تحجز صيانة دلوقتي قبل الالف كمان متسكتش اكتر من كدة ومتقلهمش انك شغلت التكييف علشان التلتكيك طمنا

[abdoumahros]

ازاي؟

السلام عليكم
شغلت التكييف والعربيه لسه مالينتش وعامله 430 كيلو بس؟ وفي جو زي النهارده؟
ليها حق العربيه تسخن طبعا.
وبخصوص فتره تشغيل المروحه فده بيتوقف علي درجه حراره الجو لانها بتفصل تقريبا عند درجه 80 وده بيعتمد علي درجه حراره الجو
وعموما مبروك وماتشغلش التكييف الا بعد التليين وتغيير الزيت

[Raul_7]

حودة انت عندك مشكلة في الثرموثتات او المروحة لازم تحجز صيانة دلوقتي قبل الالف كمان متسكتش اكتر من كدة ومتقلهمش انك شغلت التكييف علشان التلتكيك طمنا

احمد باشا عامل ايه..

و ايه يعني مشغل التكييف هقولهم عادي, ده مهندس الاستقبال نفسه المرة الي فاتت قال لي ممكن تشغل التكييف و تقعد في العربية لو عايز.

و بعدين من غير حجز, انا رايح الصبح ان شاء الله, و علي الله حد يتكلم او يقوللي مش حاجز.

[Raul_7]

السلام عليكم
شغلت التكييف والعربيه لسه مالينتش وعامله 430 كيلو بس؟ وفي جو زي النهارده؟
ليها حق العربيه تسخن طبعا.
وبخصوص فتره تشغيل المروحه فده بيتوقف علي درجه حراره الجو لانها بتفصل تقريبا عند درجه 80 وده بيعتمد علي درجه حراره الجو
وعموما مبروك وماتشغلش التكييف الا بعد التليين وتغيير الزيت

يا افندم مع احترامي ليك, لو الكلام ده صحيح كان اتكتب بشكل واضح في كتيب العربية ان ممنوع تشغيل التكييف في ال 1000 الأولي لانه بيؤدي لسخونة العربية.... بس الكلام ده طبعاً مش موجود لأنه مش صحيح.

و بعدين المفروض العربية لو مفيهاش مشكلة متسخنش مع جو زي ده, امال مواصفات خليجي ازاي!!

[x512]

التكيف اما يشتغل قبل التليين دا كدا حمل زياده عالموتور فلازم العربيه تسخن...و معتقدش ان الشركه ممكن تنبه علي حاجه زي دي مسبقا لان ممكن تكون نقطه مش ف صالحهم و تخسرهم زباين... دا رأي و انا محترم وجهات النظر الاخري

[Raul_7]

التكيف اما يشتغل قبل التليين دا كدا حمل زياده عالموتور فلازم العربيه تسخن...و معتقدش ان الشركه ممكن تنبه علي حاجه زي دي مسبقا لان ممكن تكون نقطه مش ف صالحهم و تخسرهم زباين... دا رأي و انا محترم وجهات النظر الاخري

طب انا هسألك سؤال..

هي العربيات في السعودية و الكويت و قطر بيتباعو زيرو و يقولولهم متشغلوش التكييف اول 1000 ؟

[Tarek Gen 2]

طب انا هسألك سؤال..

هي العربيات في السعودية و الكويت و قطر بيتباعو زيرو و يقولولهم متشغلوش التكييف اول 1000 ؟

من غير كلام كتير روح من غير حجز عادى و قول مشكلتك باحترام و من غير مشاكل و هتتحل برضه بدون مشاكل و ان اتكررت تانى على صوتك و اعمل اللى انت عايزه
و نت صح و التكييف حمل على الماتور اه بس مش لدرجة ان العربية تسخن كدة!!
انت صح يا باشا و على التوكيا

[BlackBerry]

الاخ محمود,

ان شاء الله بسيطه, روح التوكيل ومن غير حجز, وخليهم يشوفوا لك المشكله سواء المروحه او غيرها ويشيكوا على السوائل ومية الرادياتير, انا الحمدلله من اول يوم مشغل التكييف ومفيش مشاكل من الناحيه دي مطلقا, الحمدلله يعني.

وطمنا لما تروح وعرفنا.

تحياتي

[Raul_7]

شكرا لردودكو يا رجالة, ان شاء الله هروح بكرة و ربنا يستر.

[mo7hamedemad]

ان بكرة ان شاء الله انا كمان رايح التوكيل اتمنى اشوفك واتعرف عليك

[Nistelrooy]

خير ان شاء الله

هو المفروض الحرارة ماتعديش كاام
والطبيعي كام

[Raul_7]

ان بكرة ان شاء الله انا كمان رايح التوكيل اتمنى اشوفك واتعرف عليك

ان شاء الله نتقابل بكرة. انت معاك ساجا لونها ايه ؟

خير ان شاء الله

هو المفروض الحرارة ماتعديش كاام
والطبيعي كام

الطبيعي 85.

[mo7hamedemad]

ان شاء الله نتقابل بكرة. انت معاك ساجا لونها ايه ؟

اسود وحاطط على المرايا الى ف الوسط زهر لونة غريب كدة
انا هكون هناك ان شاء الله ع 9
وانت معاك لون اية