دا توكيل ولا وكالة البلح ؟

[eslamkasem]

السلام عليكم ورحمة الله

اول امبارح كنت في توكيل الصحراوي عشان كذا عيب بشتكي منهم في العربية برتون واجا2009 عمله 7000كيلو

*عيب صوت طالع من العربية ناحية اليمين في العفشة غالبا هيطلع عيب علبة الدركسيون
*المالتي فنكشن بيعلق
*السنتر بيعلق
*مفتاح زجاج شمال بايظ
*اكرة باب يمين خلفي بايظه من يوم مخدتها
*فلتر البنزين محتاج تنظيف السحب في حاجه مش تمام

المهم بقي انا من المنصورة طبعا عشان اروح الصحراوي واول مره اروح خدت اجازة من الشغل طبعا وشديت الرحال من الساعه 7وصلت هناك 9ونص ودا كان معادي بالظبط سلمت العربية للستاذ محمد عبد الهادي وهوا تقريبا انضف واحد جوا التوكيل المهم عرفته الحاجات الي بشتكي منها وقالي استريح يا فندم وهتستلم العربية الساعه3 العصر

كان معيا ولدي واخويا الكبير قعدنا في الاستراحه مستنين المصير المجهول

بجد حسيت ان دا مش توكيل اساسا دا عبارة عن وكالة منغير بواب الي عاوز يدخل للورشة ويعرف حد بيدخل والي مش معاه وبيحاول يدخل جوا انسة داليا تهزقه وتقوله اطلع بره زي االعيل الصغير واحد حصل معاه كدا قدامي

المهم بقي العربية خلصت الساعه 2ونص وقالي محمد عبد الهادي تعاله جربها وطلعت اجربها مع واحد هناك والصوت بتاعة علبة الدركسيون زي مهو مفيش اي تغير

دخلت العربية واترفعت تاني وهنا جا دور الخبير الهندي يوووه اقصد الماليزي وقعد يدعبس ويفتي في العربية وكل المهندسين متجمعين علي العربية انا قولت خير العربية ولعت ولا ايه

المهم الساعه6 جا الاستاذ محمد عبد الهادي وقالي للاسف العيب متحلش وحضرتك هجيب العربية تاني وتسيبها عندنا لمدة يوم كامل احنا مش عارفين دا عيب ايه

طبعا انا دماغي غليت لاني خلاص بجد دماغي باظت من الصبح ومش نايم قعدت ازعق واعمل لقيت المهندس سيكو او سيد جاي بيقولي يا استاذ متزعقش وحضرتك ممكن تقارن عربيتك بعربية شاهين وشوف الفرق

بصراحه استفزني مسكته هزقته وشتمت التوكيل كله وقولت انتو ولا واحد فيكو فاهم حاجه

قالي حضرتك انا كنت ماسك ورشة فنية في المانيا ازاي تكلمني كدا قوتله فعلا وايه رجعك تمسك ورشة عز العرب بقي بدامك شاطر كدا لقيته سكت ومفتحش بقه

انسة داليا حولت تلطف الموضوع وشالت 100 جنية مصنعية تنظيف فلتر البنزين وقعدت تعتزر وتقول معلش يا فندم هتها يوم تاني وابقي سيبها وارجع تاني يوم خدها ومش هتلاقي مشاكل

ومحدش يقولي مظبطش مع ايمن ليه وخليته يجي معاك لاني مبحبش نظام ان حد يجي معيا وانا باخد حقي او يبقي متوصي عليا عشان ليا حق اخده ومنغير اي واسطه

انا فرحي يوم الخميس وكان كتب كتابي امبارح عشان كدا معرفتش اسيب العربية سعتها لكن هروح مره تانيه واسيبها ونشوف بقي ولو متحلتش مشكلتي يبقي هروح لحماية المستهلك

اسف اني طولت عليكو بس بجد دا مش توكيل دا ينفع يكون اي حاجه تانيه

[afr80]

اولا الف مبروك على كتب الكتاب و زفاف مبارك يوم الخميس انشاء الله، و ثانيا لاحول و لا قوة الا بالله، و ربنا يسهلك اشاء الله و العربية تتصلح و تبقى زي الفل، بس حاول تكلم ايمن هو انسان خدوم جدا وابن بلد، و ابعت شكوه للمهندس آمر هو انسان محترم جدا، و ده مش كوسة ولا وسطة ده مدير خدمة ما بعد البيع.

[eng.m7md.ali]

علي فكرة هو ده نفس العيب اللي عندي ونفس الراجل بتاع الشاهين ده برده
بص يا فندم حضرتك لو بجد عايز تقدم شكوى يبقى بينا سوى على حماية المستهلك

[momopersona]

انا قالى هاكتبلك الملاحظه عشان لو عايز ترفع قضيه علينا ولا حاجه

مايعرفش والله انى اقدر اوقعلهم توكيل بروتون بجد عن طريق النت فقط

والله كان معايا واحد فى التوكيل بيحلفلى ان سنة 2007 حصلتلو مشاكل عمل سايت عن عيوب بروتون وبعت لبروتون ماليزيا
فى 3 ايام التوكيل كلموه وبعتولو سواق ياخد العربيه عشان يظبطوهالو

وبعدها خد صيانات مجانيه كتعويض
وقالى لو موضوعك كبر معاهم عيش عالنت بس هاتقرفهم وهتاخد حقك غصب

مع كامل احترامى لانصار التوكيل وللعاملين به
لكن بجد التوكيل لازم يتظبط

[momopersona]

ومحدش يقولي مظبطش مع ايمن ليه وخليته يجي معاك لاني مبحبش نظام ان حد يجي معيا وانا باخد حقي او يبقي متوصي عليا عشان ليا حق اخده ومنغير اي واسطه

للاسف كله بيفكر فى مصلحته الشخصيه بس
وازاى ياخد حقه ويخلع ومش مهم باقى اللى قاعدين معاه فى نفس الاستراحه

[pedro732000]

طيب بقيت المشاكل التانية اتحلت ولاايه

[hesham_soaida]

خليك وراهم, كدا كدا هم مسئولين يصلحولك العربية, وغالبا المشاكل بتتصلح من ثاني زيارة للتوكيل. ركز إنت بس في الزواج دلوقتي, وألف مبروك

[ameerahmad]

مبروك الزواج

[eslamkasem]

بس حاول تكلم ايمن هو انسان خدوم جدا وابن بلد

يا سيدي الفاضل انا شوفت ايمن في التوكيل يوم الاحد بس بصراحه مرحتش كلمته لاني مبحبش ان حد يجي معيا ويبقي وسطتي انا مبطلبش اكتر من حقي الي ممكن اجيبه لنفسي منغير متعب ايمن او اي حد غيره معيا

انا سبق وكان في موضوع للشكوي هنا في المنتدي للمهندس امر وانا كتبت ان عندي عيب في علبة الدركسيون

عموما الف شكر لكل واحد رد عليا وعقبال عندكو جميعا ودعواتكم ليا بالتوفيق

[م.محمد مختار]

انا قالى هاكتبلك الملاحظه عشان لو عايز ترفع قضيه علينا ولا حاجه

مايعرفش والله انى اقدر اوقعلهم توكيل بروتون بجد عن طريق النت فقط

والله كان معايا واحد فى التوكيل بيحلفلى ان سنة 2007 حصلتلو مشاكل عمل سايت عن عيوب بروتون وبعت لبروتون ماليزيا
فى 3 ايام التوكيل كلموه وبعتولو سواق ياخد العربيه عشان يظبطوهالو

وبعدها خد صيانات مجانيه كتعويض
وقالى لو موضوعك كبر معاهم عيش عالنت بس هاتقرفهم وهتاخد حقك غصب

مع كامل احترامى لانصار التوكيل وللعاملين به
لكن بجد التوكيل لازم يتظبط

مع احترامي يا مومو ده مش اسلوب.. ده ابتزاز ولا يليق المفروض لو ليك حق تأخده بالذوق أو بالقانون لكن مش بالطريقة دي..
وانا لست من أنصار التوكيل أو غيره لكن الزعيق والشتيمة ليست الاسلوب الحضاري الامثل للتعامل مع المخطيء

[mrwho1982]

مع احترامي يا مومو ده مش اسلوب.. ده ابتزاز ولا يليق المفروض لو ليك حق تأخده بالذوق أو بالقانون لكن مش بالطريقة دي..
وانا لست من أنصار التوكيل أو غيره لكن الزعيق والشتيمة ليست الاسلوب الحضاري الامثل للتعامل مع المخطيء

مع احترامي ليك

بس الزمن ده ماينفعش فيه غير كده لازم تزعق علشان تاخد حقك

[emadhamdy]

[justify]

مع كامل احترامى لانصار التوكيل وللعاملين به
لكن بجد التوكيل لازم يتظبط[/QUOTE]
[justify]
سلام الله علي الجميع
تلميحاتك لا تليق بعضو محترم ولا يوجه ايضا لاعضاء محترمين
واهنئك علي ذكائك
بالاحترام ثم التجريح
انا رايتك يوم الاثنين في التوكيل وكنت دائم الضحك والابتسامه
ومش عارف بصراحه الابتسامه دي بردوا احد طرقك في الاستهزاق بالاخرين
زي بالظبط ما بتقول احترامي لانصار التوكيل
تقول احترم الاول وبعدين اغلط مش مهم بعد كده
ودي مش اول مره تلمح وتخطا دون ان تشعر او تشعر في كلا الاحوال الغلط موجود
مع انك في وقت فات عملت موضوع عنوانه تقريبا
ان في حد زعلان منك
فالسؤال الان هل انت دائم الغلط ثم الاعتذار بعدها
واذا كنت تتحدث مع اشخاص اعمارهم متفاوته منهم صغير السن ومنهم ايضا الكبير
وتلميحاتك ستصل الجميع
فهل هذا ايضا اسلوبك
يبقي السؤال الاخير هل سنقف مكتوفي الايدي امام اي حد تسول له نفسه ان يخطي في حق الاخرين
اخيرا وليس اخرا
كن فى الطريق عفيف الخطىء

شريف السمع

كريم النظر

وكن رجلا

ان اتو بعده

يقولون مر

وهذا الاثر

[eng.m7md.ali]

يا جماعة اكيد مومو ميقصدش كدة بس معلش ياريت الكل يحط نفسو مكانو وشوفو هتقولو ايه

[momopersona]

مع احترامي يا مومو ده مش اسلوب.. ده ابتزاز ولا يليق المفروض لو ليك حق تأخده بالذوق أو بالقانون لكن مش بالطريقة دي..
وانا لست من أنصار التوكيل أو غيره لكن الزعيق والشتيمة ليست الاسلوب الحضاري الامثل للتعامل مع المخطيء

ايه اللى ابتذاذ فى كده انى بقول ان لو حقى مجاش هاعرف اجيبه وانى نقلت تجربة احد الملاك ونصيحته ليا
وانا طبعا ماقولتش زعيق ولا غيره
والف شكر على النصيحه وانا اقصد من كلمة انصار التوكيل اى محبى التوكيل او مشجعيه ودول اكيد موجودين

[justify]

مع كامل احترامى لانصار التوكيل وللعاملين به
لكن بجد التوكيل لازم يتظبط

[justify]
سلام الله علي الجميع
تلميحاتك لا تليق بعضو محترم ولا يوجه ايضا لاعضاء محترمين
واهنئك علي ذكائك
بالاحترام ثم التجريح
انا رايتك يوم الاثنين في التوكيل وكنت دائم الضحك والابتسامه
ومش عارف بصراحه الابتسامه دي بردوا احد طرقك في الاستهزاق بالاخرين
زي بالظبط ما بتقول احترامي لانصار التوكيل
تقول احترم الاول وبعدين اغلط مش مهم بعد كده
ودي مش اول مره تلمح وتخطا دون ان تشعر او تشعر في كلا الاحوال الغلط موجود
مع انك في وقت فات عملت موضوع عنوانه تقريبا
ان في حد زعلان منك
فالسؤال الان هل انت دائم الغلط ثم الاعتذار بعدها
واذا كنت تتحدث مع اشخاص اعمارهم متفاوته منهم صغير السن ومنهم ايضا الكبير
وتلميحاتك ستصل الجميع
فهل هذا ايضا اسلوبك
يبقي السؤال الاخير هل سنقف مكتوفي الايدي امام اي حد تسول له نفسه ان يخطي في حق الاخرين
اخيرا وليس اخرا
كن فى الطريق عفيف الخطىء

شريف السمع

كريم النظر

وكن رجلا

ان اتو بعده

يقولون مر

وهذا الاثر
[/QUOTE]
تلميحات ايه يا استاذ عماد !!!!!!!!!!!!!!!!!!
انا قولت مع احترامى لانصار التوكيل والعاملين به التوكيل لازم يتظبط
وده رأيى وطبعا كامل احترامى لكل الناس لكن التوكيل كمنظومه مش كويس ولازم تتظبط فيه حاجات
يعنى اللى اقدر اقوله انى اتعاملت مع مهندس استقبال محترم جدا جدا جدا وحبيته جدا وحسيت انه عايز مصلحتى فعلا
ثم مع ورشه عقدتنى فى عيشتى من خلال اربع صيانات وبردو مع احترامى ليهم جدا

وبما ان حضرتك شوفتنى فى التوكيل اكيد شوفتنى كنت محترم معاهم ازاى رغم انى عارف ان مافيش فايده
لانى الحمد لله شخصيه مؤدبه جدا وباخد حقى بالذوق او بالقانون مش بالبلطجه زى ما فى ناس كتير بتعمل
ولو حضرتك كنت متابعنى شويه يبئى اكيد سمعت حكاية السايت والسواق بنفسك من صاحبها

وانا الصراحه مش قادر اقتنع انى غلطان فى نقل تجربه ممكن تفيد ناس فى الوصول لحقهم ولا لانى مش عاجبنى التوكيل خالص وباحترم الناس

[RedBull_30]

انا شايف يا جماعه ان فيه ناس حظها في الامور دي بيبقى حلو وفي ناس بيبقى حظها وحش وانا منهم وده شيء يزعل اكيد .. كتير مننا هنا اشتكو من عيوب تعبتهم في تصليحها داخل التوكيل وفي نفس الوقت مع ناس كتير تانية كانت الامور بسيطة وبتتحل بسلاسة مع الغير.. اللي اقصده ان العيب اللي يظهر ويتحل مع واحد يبقى يتحل مع 1000 لانه توكيل وصاحب الموضوع اللي اهدره له وقته عنده حق في انه مش حابب يروح ومعاه حد لانه حاجز وله حق في فترة الضمان ورايح ومسلم امره لله ثم للتوكيل اللي هو اكيد كان واثق فيه.. انا بحس هناك ان فيه محسوبيات وفيه تصنيف للناس .. زي ما قالك كده ان لو واحد دخل جوا الورشة ممكن يجبوه من جوا زي العيل الصغير .. انا عندي مفتاح درجات الانارة الامامية بيعلق وروحتلهم مرتين ويزبطوه ويعلق تاني لدرجة انه ممكن يفصل اضائة الطبلو كلها والامر ده مش من المفروض انه يكون صعب على التوكيل ... يعني اودي العربية لمين؟ في النهاية اقصد ان اي توكيل في مصر المفروض اغلبية الناس اللي بتتعامل معاه تبقى مجتمعه على حاجة واحدة ضده وهي مثلا اسعاره المرتفعه . . مش قطع غيار غير اصليه زي تيل الفرامل اللي مش عارف ازاي بيبيعه ومبهدل بيه طنابير العربيات اللي مركباه او وقتنا المهدر لان التوكيل المفروض يكون سريع او جودة صيانته مش وقت تروح تلاقي عربيتك بعد ما ربط العفشة مشدودة ومرة تانية تلاقيها مش قد كده على حسب بقى صحة العامل .. انا في رايي ده توكيل على ما تفرج..