حركة غريبة عجيبة حصلتلى عايز اجابة لو سمحتوا

[mido_soliman]

السلام عليكم بالتفصيل الممل ححكى الحكاية علشان انا عايز اكتر من بروتونى يدينى الرد على الاستفسار دة او اللى حصل دة عموما
المهم النهاردة نزلت اعمل مشوار صغير جدا يعنى بتاع شارعين كدة والمفروض انى عامل حسابى احط بنزين بس مش المرة دى لان العداد على اول شرطة بعد الصفر والكمبيوتر كان كاتبلى انى اقدر امشى 174 كيلو لسة المهم روحت المول اللى كنت رايحة وركنت طلعت اعدت نص ساعة نزلت اخدت العربية وراجع على البيت المشوار بالظبط لا يتعدى ال 5 كيلو بضرب عينى بالصدفة على عداد البنزين لقيتة قبل الصفر بحاجة بسيطة وكانة اتهبد واللمبة لسة منورتش امممم خير اللهم اجعلة خير المهم مشيت شوية صغيرة جدا وهوووب اللمبة بتاعة البنزين نورت كل دة فى طريقى للبيت وفى خلال ال 5 كيلو اللى بتكلم فيهم جبت الكمبيوتر لقيتة كاتبلة 74 كيلو باقى روحت طالع على اقرب بنزينة عند الحصرى ملقتش 92 روحت طالع على واحدة قدام شوية بتاع 2 كيلوا كدة اسمها التعاون بردة ملقتش المهم بجيب الكمبيوتر لقيتة مدينى 50 كيلو المهم قلت انا مش حخاطر اروح اركنها واخد جركل لطيف وانزل الف على بنزينة براحتى وطلعت على البيت وانا داخل الشارع بتاع البيت بجيب الكمبيوتر لقيتة متصفر وعمال ينور ويطفى بالشكل دة (---) التلات شرط دول المفروض بيتكب فيهم الباقى كيلوات المهم زى ما قلتلكوا كدة انا روحت راكن تحت البيت وطيارة على الهلال والنجمة الدهبية جبت جركن 20 لتر وطلعت على البنزينة حطيت 10 لتر 92 ورجعت حطيتهم فى التانك بس طبعا هدرتلى بتاع 2 لتر فى الارض مثلا وبسمى الله وبفتح الكونتاكت لقيت العداد رفع لحد بعد اول شرطة بعد الصفر وكتبلى ان فيها يمشينى 170 كيلو دورت وروحت طالع على البنزينة فولت
الغريبة باة التفويلة اخدت 28 لتر بالتمام والكمال اول تكة مبزودش عن كدة وانا حاطط 10 قول حطيتهم كلهم مهدرتش مع انى هدرت ميقلش عن 2 لتر فعلا لانى مكنتش شايف ومش معايا قمع وعملت اللالى بازازة مية معدنية فاضية وقصيتها وشغلانة ما علينا
طيب يعنى العربية كان فيها ميقلش عن 10 لتر كمان لان التانك يفترض 50لتر
عايز تفسير قوى ومنطقى لانى مش فاهم جيجى عملت معايا كدة لية ؟؟؟ واية احتمالات ان التانك يكون مخروم مع انى نزلت تحت العربية من ناحية التانك وملقتش حاجة
تحياتى

[Raul_7]

بص يا أحمد أنا معرفش ايه سبب إنه نزل بسرعة كده مرة واحدة...بس اللي أقدر اقولهولك متمشيش ورا العداد اللي بيقولك قدامها كام كم ده عشان بيخرف.

يكفي إنه كان كاتبلي 70 كم وأنا على طريق العالمين بعد كده مفيش 10 كم قام قالب --- زي معمل عندك برده ومع ذلك العربية كملت المشوار بتاع 40 كم.

يا ترى إنت كنت عامل كام كم قبل ماتحط بنزين ؟

[mido_soliman]

مفيش يا حودة يمكن مكملتش 10 كيلو على بعض المشوار بشوية اللف على البنزينات بالعربية قبل ما اسيبها طب عداد البنزين نفسة انا قبل ما تحرك بالعربية باصص علية على اول شرطة بعد الصفر ومستريحة اية اللى يهبدها الهبدة دى انا حاسيت ان البنزين بيقع على الارض انت عارف التسلسل ازاى
العداد على اول شرطة بعد الصفر مرة واحدة قبل شرطة الصفر مرة واحدة على الصفر واللمبة بتاعة البنزين نورت مرة واحدة القراية بتاعة الكمبيوتر من 170 لحد 50 لحد صفر --- مرة واحدة وكل دة وانا تقريبا معملتش 10 كيلو على بعض مش عارف تهيسة عوامة البنزين يمكن ؟ ولا اية الله اعلم

[Raul_7]

قولي بس عملت كام كم في التفويلة ديه ؟

على فكرة أنا امبارح كنت في أكتوبر واللمبة نورت برده بس موقعتش على طول أنا كنت ماشي على قبل ال 0 حتة بسيطة, وبعد منورت مشيتلي بتاع 20 كم عبال مفولت من من Total عند مدخل زايد 3.

[mido_soliman]

مش فاهم يعنى اية عملت كام كيلو لو تقصد الكمبيوتر بعد ما فولت طلعلى 458 كيلو ولما روحت لقيتها 456 كيلو لو دة اللى تقصدة

[Raul_7]

لأ أنا قصدي قبل متحط بنزين بالجركن كنت عامل كام كم ؟

[mido_soliman]

اول ما دخلت البنزين بالجركن كان عاملة 150 كيلو والمشوار دة لحد البنزينة تقريبا كان 12 كيلو ماكس وعلى فكرة اول ما حطيت الجركن كان العداد قارى 137 ولما مشيت على طريق واسع طوالى اعدت تزيد النسبة لحد ما وصلت 150 جوة الينزينة

[eslam_wega]

وانا راجع من السخنة عملت 55 كليو و اللمبة منورة ودة طبيعى لان الاحتياطى 10 لتر

[amr.elsayed]

فى نفس الموضوع فى اللوجان ممكن يكون فيه وجه شبه لكمبيوتر الساجا
انا عندى مثلا لما لمبة البنزين تنور العداد بيدى الشرط اللى بتقول عليها دى (- - -)
ودة لان ما ينفعش تعتمد على العداد فى التوقيت دة لان العملية الحسابية للكمبيوتر بتكون عن طريق اخذ المتوسطات
بمعنى ان استهلاك البنزين بيتغير من فترة لاخرى حسب حالة الطريق وطريقة القيادة والسرعة والزحام
بمعنى اخر انك ممكن دلوقتى تكون ماشى بالعربية ويكون استهلاك البنزين 9 لتر لكل 100 كيلو على شاشة الكمبيوتر
لكن ممكن يكون استهلاك البنزين الفعلى اقل من 9 لتر او اكتر لانه بياخد متوسط الاستهلاك من خلال المعادلة (عدد اللترات المستهلكة / عدد الكيلوات المقطوعة منذ اخر تصفيرة للعداد * 100)
(50 لتر / 700 كيلو *100) يعطيك 7.1 لتر لكل 100 كيلو ... يا رب اكون قدرت اوصل وجه نظرى واعتقد انه كدة الموضوع
ماشى طبيعى عند حضرتك الا اذا الموضوع مختلف عن كمبيوتر اللوجان .. والف مبروك وربنا يباركلك فيها

[Nistelrooy]

بصراحة مش عارف .. بس انا اول ما يوصل لنص اول شرطة بحبذ اني اخش البنزينة ..

حاليا انا عندي 272 كيلو امشيهم والعداد عند النص تقريبا .. ومعدل الاستهلاك 7.8 ...

[Ahmed.Ali]

وانا راجع من السخنة عملت 55 كليو و اللمبة منورة ودة طبيعى لان الاحتياطى 10 لتر

+1111111111
بس انا عملت بتاع 70 كيلو و اللمبه منوره و خايف تقطع بيا في وسط الصحراء الجرداء

[Ahmed.Ali]

نصيحه بقي متعتمدش علي عداد البنزين اساسا
صفر عداد الرحلات مع كل تفويله و اعمل حسابك انك متعتديش 400 كيلو الا و انت ممون :)

[be7ee]

فية حجات بتائثر في استهلاك البنزين والي بيقولة الكمبيوتر دة بيبقا متوسط الاستهلاك

ومن الحجات الي بتاثر زي ضغطة الرجل علي دواسة البنزين انا مثلا ديما بكبس جامد فا بيزيد الاستهلاك عندي

الطريق زحمة ولا طريق سريع في الزحمة الاستهلاك بيزيد التكيف طبعا الهوا جي من وش العربية ولا من ورا لو الهوا جي من وش العربية الاستهلاك بيزيد الطريق الي انت ماشي علية ناعم ولا مكسر

وكل دة الكمبيوتر مبيعرفهوش

[م.محمد مختار]

بصوا يا شباب:
أول حاجة موضوع الـ(---) ده بيظهر عندما تكون المسافة المتبقية أقل من 50 كيلو (انظر كتيب المالك صفحة 49)
تاني حاجة غلط جداً جداً تسيب البنزين ينقص لهذه الدرجة لأننه قد يؤدي لتلف المحول الحافزي وده بحوالي 4000 جنيه -حسب علمي- (راجع نفس الصفحة السابقة)
3- لمبة البنزين بتنور لما يبقى 8 لتر في التانك (الكتيب ص 53)
4- حساب الكمبيوتر تقريبي طبعاً.... ومعتمد على متوسطات و معدلات ممكن تتغير علشان كدة الرقم ممكن يتغير
يعني مثلا هو بيحسب المسافة المتبقية ازاي؟؟ أكيد بناءاً على معلومتين: معدل استهلاك البنزين + كمية البنزين المتبقية في التانك..
المعدل بيتغير حسب اسلوب القيادة و طبيعة الطريق و عوامل أخرى وده ممكن يكون تغير اثناء هذه الرحلة وبالتالي الحسبة تغيرت..
أما البنزين الباقي في التانك فالقراءة قد تختلف حسب ميل الطريق... و أنا أتوقع ان الطريق من بيتك للمول صاعد أو نازل لذلك أثناء الذهاب كانت العوامة معطية قراءة أكثر من الحقيقي و بالتالي المعادلة اعطت نتيجة متفائلة للمسافة المتبقية... لكن أثناء العودة اتجاه الطريق انعكس و بالتالي عوامة البنزين أعطت قراءة أقل من الحقيقي و لذلك نتيجة المعادلة قلت بشكل ملحوظ!!!
ده مجرد توقع الله أعلم وألف سلامة ومحدش يسيب البنزين يقل عن الربع علشان وساخة التانك و البلاوي اللي في بنزين مصر العامرة


-

[hesham_soaida]

انا ليا ملحوظة على مؤشر البنزين بتاع الواجا, بس مش عارف نفس الموضوع موجود في الجين ولا لأ. المؤشر بيعلى بدرجة بسيطة بعد فترة من ادارة العربية, معرفش الموضوع دا له علاقة بحرارة العربية ولا لأ. اللي خلاني اخد بالي من الموضوع دا, اني لما برجع مثلا من شغلي الى بيتي ولاقي مثلا مؤشر البنزين فوق الصفر بشرطة, واجي ثاني يوم الصبح اشغل العربية الاقي مؤشر البنزين على الصفر وممكن كمان تكون اللمبة منورة.خلاصة الكلام دلوقتي بحاول احط بنزين أول ما المؤشر يقرب للصفر