السلوك الsplit fire غيرتلى الموتور

[ahmed_h_g]

من فتره أشتريت سلوك split fire أمريكى أستعمال من على موتور مايفك استيراد الخارج لكن للأسف فيشة السلوك كانت مختلفه فأضطريت أبيعهم و أستنه لو جه طقم تانى
المهم أشتريت طقم تا نى برضه أستيراد علشان أضمن أنه أصلى والحمد لله طلع ينفع يركب عندى
والمفجأه بعد تغيير السلوك
الموتور أتغير ...........
السحب عاااااااااالى والتكييف مش بيأثر على السحب والأستجابه سريعه جدا" والموتور صوته مش مسموع فى السلانسيه والأستهلاك قل طبعا" علشان الحرق أتحسن وحاجات تانيه كتير
أنا مكنتش مقتنع بنوعية السلوك قد ما كنت مقتنع بنوعية البوجيهات
لكن دلوقتى العمليه أتعكست
يعنى السلوك أهم 100 مره من البوجيهات
ياريت تجربوهم وتبلغونى بالفرق

[Tarek Gen 2]

يعنى انت رائيك نغير بوجيهات NGK و سلوك Split fire و ده يأثر عندنا التأثيرات دى ؟؟؟

[ramyar]

انا عارف يا احمد وشفت الاسلاك وانا عندك في الجراش كمان في مخبر سري جربت معاه العربيه بي الاسلاك دي وايضا بي الاسلاك العاديه وقالي ان فرق السحب اتغيرررر جدا تحياتي للمبتكر احمد حلمي

[msafa]

غريبة
ناس كتيرة قالت ان تقريبا ملهاش تأثير

هتخليني انزل اجيبهم يا ابو حمبد

انت صحيح مجتش المقابلة ليه؟؟

[ahmed_h_g]

يعنى انت رائيك نغير بوجيهات ngk و سلوك split fire و ده يأثر عندنا التأثيرات دى ؟؟؟

طبعا"
مش لازم البوجيهات تبقى نفس النوع أو البلاتينيوم
ركب السلوك عالبوجيهات الأصليه وشوف الفرق

[ahmed_h_g]

انا عارف يا احمد وشفت الاسلاك وانا عندك في الجراش كمان في مخبر سري جربت معاه العربيه بي الاسلاك دي وايضا بي الاسلاك العاديه وقالي ان فرق السحب اتغيرررر جدا تحياتي للمبتكر احمد حلمي

أستاذ رامى باشا
منور والله
لازم أشوفك الأجازه القادمه عايز أشوفك ضرورى

غريبة
ناس كتيرة قالت ان تقريبا ملهاش تأثير

هتخليني انزل اجيبهم يا ابو حمبد

انت صحيح مجتش المقابلة ليه؟؟

أزيك يا أستاذ محمد
معلش أتشغلت شويه
أول ما هنزل القاهره هشوفك ان شاء الله

[eng.m7md.ali]

ياريت تفيدنا بالاسعار والسحب اتأثر بنسبة كام في المية (كنت بتجيب 100كم في كام ثانية ودلوقتي في كام)

[Tarek Gen 2]

طبعا"
مش لازم البوجيهات تبقى نفس النوع أو البلاتينيوم
ركب السلوك عالبوجيهات الأصليه وشوف الفرق

احمد بيه
انا اكتر حاجة تهمنى الطلعة انا مش بتاع جرى و شد و كدة انا بس الطلعة فى العربية تقيلة شوية تجميعها من الاول للتالت كدة تنح شوية ( انا اوتو)

انت رائيك انهى احسن سلوك على نفس البوجيهات ولا مع الان جى كيه؟

و اجبها منين و بكام و تكون جديدة مش استعمال؟

و هل تأثيرها مضمون و يفيد فى حالتى دى ؟
و الف الف شكر و ربنا يكرمك و يباركلك ان شاء الله

[ahmed_h_g]

ياريت تفيدنا بالاسعار والسحب اتأثر بنسبة كام في المية (كنت بتجيب 100كم في كام ثانية ودلوقتي في كام)

معلش موضوع بالثانيه ده أنا مبعترفش بيه لعدة أسباب
أنا اللى بعمله بشوف أقصى سرعة للموتور على كل غيار وأقصى سرعه يقدر يجبها الموتور من غير حرق زياده وبحمل العربيه 5 أفراد وبشغل التكييف وبشوف رد فعل الموتور وحاجات تانيه كتير أدق من موضوع الثانيه لأن مفيش فرق بين المواتير بالنسبالى قد ما فيه فرق بين عزم الموتور وقوة تحمله .

[Tarek Gen 2]

معلش موضوع بالثانيه ده أنا مبعترفش بيه لعدة أسباب
أنا اللى بعمله بشوف أقصى سرعة للموتور على كل غيار وأقصى سرعه يقدر يجبها الموتور من غير حرق زياده وبحمل العربيه 5 أفراد وبشغل التكييف وبشوف رد فعل الموتور وحاجات تانيه كتير أدق من موضوع الثانيه لأن مفيش فرق بين المواتير بالنسبالى قد ما فيه فرق بين عزم الموتور وقوة تحمله .

+1111111111
الثانية اهمتها فى السباق و بس بالنسبالى برضه و مع حضرتك

[ahmed_h_g]

احمد بيه
انا اكتر حاجة تهمنى الطلعة انا مش بتاع جرى و شد و كدة انا بس الطلعة فى العربية تقيلة شوية تجميعها من الاول للتالت كدة تنح شوية ( انا اوتو)

انت رائيك انهى احسن سلوك على نفس البوجيهات ولا مع الان جى كيه؟

و اجبها منين و بكام و تكون جديدة مش استعمال؟

و هل تأثيرها مضمون و يفيد فى حالتى دى ؟
و الف الف شكر و ربنا يكرمك و يباركلك ان شاء الله

موضوع الطلعه هيفرق معاك بنسبه كويسه مع تغيير فلتر الهواء بفلتر رياضى ومتنساش ان المواتير ال 1600 16 صباب دايما" الطلعه بتبقى تقيله بعد كده العزم بيزيد عكس المواتير ال 8 و ال12 صباب الطلعه خفيفه وسريعه لكن العزم بيقل مع كل غيار

[eng.m7md.ali]

معلش موضوع بالثانيه ده أنا مبعترفش بيه لعدة أسباب
أنا اللى بعمله بشوف أقصى سرعة للموتور على كل غيار وأقصى سرعه يقدر يجبها الموتور من غير حرق زياده وبحمل العربيه 5 أفراد وبشغل التكييف وبشوف رد فعل الموتور وحاجات تانيه كتير أدق من موضوع الثانيه لأن مفيش فرق بين المواتير بالنسبالى قد ما فيه فرق بين عزم الموتور وقوة تحمله .

1000 شكر على الرد يا جميل وبالنسبة للاسعار بقى؟؟

[ahmed_h_g]

الأسعار
الطقم جديد صينى 8مم ب325 جنيه ده أخر سعر سمعته من محل جو
والطقم جديد أمريكى 8مم ب 400 ج من توكيل k&n فى شارع دمشق
السلك مصنوع من أجود الخامات الجيدة التوصيل ومعزول بالحرير ومقاومة السلك تكاد أن تكون معدومه

[eng.m7md.ali]

الأسعار
الطقم جديد صينى 8مم ب325 جنيه ده أخر سعر سمعته من محل جو
والطقم جديد أمريكى 8مم ب 400 ج من توكيل k&n فى شارع دمشق
السلك مصنوع من أجود الخامات الجيدة التوصيل ومعزول بالحرير ومقاومة السلك تكاد أن تكون معدومه

يا ترى الامريكي ده امريكي امريكي والا امريكي صيني ؟؟؟ مهلش هتعبك معاية في الاسألة شوية

[ramyar]

احمد باشا انا اجيلك علي رموش عيوني ان شاء الله انا في الشغل وهنزل اجازه يوم السبت ان شاء الله بعد العصر هعدي علي سيادنكم في الجراش