سؤال لكل مالكي جين 2 !! مانيوال ولا اتوماتيك ؟؟ ايهما افضل ؟؟؟

[eslam_wega]

انا اول مرة ركبت عربية وحبيت ادرب نفسي علي السواقة
دخلت بيها حتت غريبة وطلعتني علي سوق الخميس اللي كان في المطرية
دخلت السوق الساعة 11 الظهر خرجت منه الساعة 5 المغرب
والمفاجأة كنت تايه وواحد ابن تــــــــيـــــــت قالي خش يمين في شمال وراح مطلعني علي شارع سوق الخميس بالعكس ابن ال ...... وطلعت في السوق وعينك ماتشوف الا النور
بقيت مطلع ايدي الشمال من الشباك بزق الناس علشان اعدي
الناس في السوق صوت الكلاكس بالنسبالها زي صوت البط والفراخ اللي بيتباع في السوق ولا يدل لهم علي اني عايز اعدي ولا حاجة
هههههههههههه
وكان في ميكروباصات ماشية بالعكس معايا وكل شوية يفتحو الباب وانا احوش الباب بتاعهم بايدي ليحك العربية او يكسرلي المراية
طبعا بعد ماخرجت من السوق اتشاهدت علي روحي وقولت تاني مرة ماأسمعش كلام اي حد بيفتي
ومرة تانية
كان عندي مشكله في عربيتي القديمةاللي هيا حاليا لسة معايا
انك لما بتغسل العربية الكلاكس بيبوظ لمده 3 او 4 ايام
علشان الكلاكس بتاعة متعلق جنب الكاوتش الايسر الامامي
المهم ماشي بالعربية في شارع ضيق في العتبة وطبعا بدون كلاكس وطبعا انتو عارفين المشي في مصر بدون كلاكس زي اللي بدراع واحد ومتشعلق في جبل وعايز يهرش في ........... احم احم المهم ده بس للتشبيه
2 نايمين علي موتوسيكل وواقفين علي جنب بس مش علي جنب اوي والشارع ضيق لازم يحضن شويه فانا بكل ادب يااستاذ
ياريس ياحج يابشمهندزززز طبعا ولا حياة لمن تنادي المهم رحت نازل من العربية ومخبط علي كتف الراجل اللي نايم ورا السواق وقولتله عايز اعدي ورجعت العربية بسرعة
وده راح متمطع ومتاوب وداعك في عينيه وباصصلي بعد لما رجعت العربية وبعدين راح مكمل نومه ومقالش للسواق حاجة
وانا قاعد في العربية هاتشل
لامني عارف ارجع ورا ولامني عارف اعدي
واحد ابن حلال في رأيي بس هو عيل مؤذي راح دلق عليهم ميه من البلكونة وجري راحو صحيوا مفزوعين واتحركو بالموتوسيكل علشان ينامو في حته تانية
وانا سبحان من صبرني ده كله والحرارة كانت يجي 40 والرطوبة عالية ومفيش تكييف في العربية
فامتقلقوش الشارع المصري في تحسن
وكله هايتصلح بأمر الله علي رأي فيلم النوم في العسل

هههههههههههههههههههههههههههههههههههههههههههههههههه هههههه
نايمين فى الشارع ينهار بنفسجى
اية الى بيحصل معك دة بس بجد صعبت عليا من موقف السوق دة بس عايز الحق دة احسن اختبار فى الدنيا واكيد طلعت من السوق محترف سواقة

[solghof]

بصراحة مشوار السوق بالعكس
ومشوار العتبة بدون كلاكس
علموني الصبر
والشتيمة
وجابولي الضغط
ههههههههههههههههههه

[أبومعاذ]

كان حصلي موقف مشابه لموقف حضرتك بتاع السوق......... الناس اللي بتبقى منفضة دي تيجي وراها وتزود بنزين هيخاف على عمره ويبعد

[eslam_wega]

كان حصلي موقف مشابه لموقف حضرتك بتاع السوق......... الناس اللي بتبقى منفضة دي تيجي وراها وتزود بنزين هيخاف على عمره ويبعد

وفى نفس الوقت هتبوظ الاسطونة والديسك

[م.محمد مختار]

فعلا النقلة من بيتلز لجين 2 نقلة كبييييييييييييييييرة جداااااا فعلا
زيها بالظبط النقلة من
127 الي جين 2 ------->
انتا فاهمني طبعا


[OVERLINE]وهو حد قال غير كده؟؟[/OVERLINE]




انا والدي عنده تويوتا كورولا 2008 هاي لاين 1600 MMT
Manual & Auto in the same time
مش بيخليني اسوقها خااالص
ماسوقتهاش 5 مرات علي بعض لمسافة اقل من 10 كم
كل علاقتي بالعربية اني بنزل اغطيها بالليل

[OVERLINE]طيب يا راجل وهو ده شوية؟؟ [/OVERLINE]

[م.محمد مختار]

يا جماعة انا معيا جين 2 مانويل قربت اكمل بيها سنة الحمدلله

كل سنة وهي طيبة و عقبال الجين2 الـ 2017



مين قال ان سواقتها متعبة فى الزحمة طبعا هى مش مريحة زى الاوتو بس فى نفس الوقت مش متعبة للدرجة دى
بسبب اولا الجين متورها عالى سنة بمعنى ان العربية بتطلع لوحدها بمجرد ما تسيب سنة بسيطة من الدبرياج غير ان الدبرياج نفسه عالى ومش تقيل والغيارات ناعمة (بس بعد فترة اول ما بتجيب العربية بتكون نشفة جدا ) غير ان غيارتها نفسها طويل جدا يعنى مش شرط تنقل كل شوية
بس طبعا لو زحمة والطريق واقف خالص لمدة ساعتين او تلاتة يبقا هات الاوتو من غير تفكير


لأ لو ساعتين ثلاثة كل يوم يبقى يزود شوية ويجيب هليكوبتر أو يشوف له بلد تانية أحسن

لكن لو طريقك يبقا فى حتة زحمة مثلا وبتعدى منها فى خلال نص ساعة هات المانويل لان المانويل بتاع الجين خصوصا قصة تانية


آآآآآه جيت على الجرح....
نفسي أجرب المانيوال بتاعها قبل ما أموت.....
لو ربنا وسعها علي... غالباً حشتري واحدة تانية مانيوال...

ويا رب يكون قبل سنة 2017 !!

[م.محمد مختار]

انا اول مرة ركبت عربية وحبيت ادرب نفسي علي السواقة
دخلت بيها حتت غريبة وطلعتني علي سوق الخميس اللي كان في المطرية
دخلت السوق الساعة 11 الظهر خرجت منه الساعة 5 المغرب
والمفاجأة كنت تايه وواحد ابن تــــــــيـــــــت قالي خش يمين في شمال وراح مطلعني علي شارع سوق الخميس بالعكس ابن ال ...... وطلعت في السوق وعينك ماتشوف الا النور
بقيت مطلع ايدي الشمال من الشباك بزق الناس علشان اعدي
الناس في السوق صوت الكلاكس بالنسبالها زي صوت البط والفراخ اللي بيتباع في السوق ولا يدل لهم علي اني عايز اعدي ولا حاجة
هههههههههههه
وكان في ميكروباصات ماشية بالعكس معايا وكل شوية يفتحو الباب وانا احوش الباب بتاعهم بايدي ليحك العربية او يكسرلي المراية
طبعا بعد ماخرجت من السوق اتشاهدت علي روحي وقولت تاني مرة ماأسمعش كلام اي حد بيفتي
ومرة تانية
كان عندي مشكله في عربيتي القديمةاللي هيا حاليا لسة معايا
انك لما بتغسل العربية الكلاكس بيبوظ لمده 3 او 4 ايام
علشان الكلاكس بتاعة متعلق جنب الكاوتش الايسر الامامي
المهم ماشي بالعربية في شارع ضيق في العتبة وطبعا بدون كلاكس وطبعا انتو عارفين المشي في مصر بدون كلاكس زي اللي بدراع واحد ومتشعلق في جبل وعايز يهرش في ........... احم احم المهم ده بس للتشبيه
2 نايمين علي موتوسيكل وواقفين علي جنب بس مش علي جنب اوي والشارع ضيق لازم يحضن شويه فانا بكل ادب يااستاذ
ياريس ياحج يابشمهندزززز طبعا ولا حياة لمن تنادي المهم رحت نازل من العربية ومخبط علي كتف الراجل اللي نايم ورا السواق وقولتله عايز اعدي ورجعت العربية بسرعة
وده راح متمطع ومتاوب وداعك في عينيه وباصصلي بعد لما رجعت العربية وبعدين راح مكمل نومه ومقالش للسواق حاجة
وانا قاعد في العربية هاتشل
لامني عارف ارجع ورا ولامني عارف اعدي
واحد ابن حلال في رأيي بس هو عيل مؤذي راح دلق عليهم ميه من البلكونة وجري راحو صحيوا مفزوعين واتحركو بالموتوسيكل علشان ينامو في حته تانية
وانا سبحان من صبرني ده كله والحرارة كانت يجي 40 والرطوبة عالية ومفيش تكييف في العربية
فامتقلقوش الشارع المصري في تحسن
وكله هايتصلح بأمر الله علي رأي فيلم النوم في العسل

[أبومعاذ]

وفى نفس الوقت هتبوظ الاسطونة والديسك :oc_sun1[1]:

هبقى أجيبلك انا اسطوانة وديسك من اي محل كمبيوتر

[eslam_wega]

هبقى أجيبلك انا اسطوانة وديسك من اي محل كمبيوتر

بالظبط وممكن تعمل تعديل تشليهم خالص وتحط بدلهم هرد ديسك 120 جيجا ويسلام بقا لو حتة ويندوز فيستا وتكون اصلية
هيحسن معك التسارع كتير وممكن ساعتها تطلع من لانسر مسقط ديسك 200 جيجا بس شرط ان تكون نسخة الفيستا بتاعتك اصلية

[Eng. Rafy Samy]

والسواقة او المواصلات في مصر للذهاب لعملك او كليتك تعتبر من الجهاد في سبيل الله
وبشر الصابرين
ومصر هي اول دول العالم اللي بتبيع العيش واللحمة علي الرصيف والجذم في الفاترينه الازاز خايفين عليه لا تتوسخ
انما العيش مش مهم

[elzamalek]

انا محتاااااااااااار جداااااااااااااااااااااااااااااااااااااااااااااا

[solghof]

معظم الناس هنا اقنعتني بإن الاتوماتك افضل وخصوصا في شوارع القاهرة المزدحمة والوقوف المتكرر في الاشارات

[Tayer]

بالظبط وممكن تعمل تعديل تشليهم خالص وتحط بدلهم هرد ديسك 120 جيجا ويسلام بقا لو حتة ويندوز فيستا وتكون اصلية
هيحسن معك التسارع كتير وممكن ساعتها تطلع من لانسر مسقط ديسك 200 جيجا بس شرط ان تكون نسخة الفيستا بتاعتك اصلية

ههههههههههههههههههههههه