اسود الاوتوماتك اجمع

[mido_soliman]

ازيكوا يا اسود بروتون يارب تكونو بخير النهاردة عايزين ناخد راى بعض فى الموضوع دة
عربيتك اوتو ايا كانت جينا او برسونا او ساجا !!!! تمام ؟؟
لو ماشى فى العادى والعربية مدية الرابع بس (مخستعة ) هما بيقولوها كدة مش عارف معناها بس يعنى العربية على ار بى ام قليل وجايبة الرابع وانت عايز تقومها شوية يا عايزها تجمع اسرع او عايز تعدى عربية على يمينك او شمالك ايا كان يعنى
السوال باة ؟؟؟ تدى كيك داون ولا تجيب تالت ؟؟؟؟؟؟؟؟؟؟
وتكرار ايا منهما مضر اكتر مع العلم انك فى الحالتين سواء كيك او جيبت تالت حتنقل رابع على 4.5 ار بى ام بالكتير
عايزين تفاعل كل اسد معاة اوتو لو سمحتوا
انا عن نفسى (على الرغم انى معنديش دليل علمى ) بحب اجيب تالت عن انى اعمل كيك مش عارف لية ومش عارف دة صح ولا غلط
يالا عايزين مشاركات من كل الناس اللى حتقرا الموضوع لان المنتدى نايم ومينفعش كدة بصراحة
تحياتى للجميع

[sayed911]

موضوع ممتاز للنقاش فعلا يا اخي والله بجد ... تحياتي لك فعلا ... على النةضةغ المتميز ..

اما بالنسبة لي فأعتقد انه انا ممكن اقرب حل لذهني كبسة بنزين زيادة وها اخلي العربية تسقط نقلة فقط وبمجرد ما اتأكد انو الترس ركب ها ازودها زيادة لحد ما الأر بي ام يعلى وارفع رجلي ...

- حل آخر ممكن يتبادر الى ذهني ولكن مش عارف الحقيقة مجربتوش .. دلوقتي مش لو انا ماشي على ارض مستوية وشلت رجلي من على البنزين ومن غير فرامل العربية سرعتها ها تقل وها تلاقي العربية بتسقط غيارات لوحدها .. طيب ما الفكرة هنا لزيزة جدا وانا على المطلع ها اشيل رجلي تماما من على الدواسة والعربية ها تأقلم نفسها مع السرعة وتركب الترس المناسب وارجع اكبس تاني بكدى ها اكون تلافيت نقطة الكيك داون عشان مخليهاش تسقط وتكبس ... ( بس الحل التاني ده نظريا فقط مجربتوش لأنو لسة جي في بالي حالا الحقيقة .. ))

[Raul_7]

أنا مانيوال, بس لما بسوق اوتو باكيك داون بالطريقة التقليدية اللي هي دوسة بنزين قوية شوية.

وإلى الامام يابو حميد. :)

[spiderloking]

بص يا سيدي انا معايا ساجا اوتوماتيك بالنسبه للكيك داون بحب اعملوا و انا علي سرعه مش اقل من 50 او 60 ساعتها بتحس بيه انما لو سرعه قليله مش بحس بيه اوي و فعلا ساعات بينقزني كتير جدا و العربيه بتجمع بسرعه انما بقي بسقط نقله امتي لما اكون علي سرعه قليله و عاوز اجمع بسرعه و ديه بعملها لما بكون بشد مع حد يعني مثلا ماشي علي 40 او اقل ساعتها بسقط من ال d الي ال 3 او ال 2 علي حسب سرعتي طبعا و ساعتها بتجمع اسرع من الكيك داون

طريقة استخدام الكيك داون الصحيحه و انا مجربها و بتجيب نتيجه هايله و بتحس فعلا ساعتها بتجميع عالي انت مثلا بتكون ماشي علي 50 او 60 مثلا عاوز تطلع من حاجه بسرعه بتدوس اخر الدواسه مره واحده لحد ما الار بي ام يرفع معاك 4 و نص مثلا و بعدين شيل رجلك شويه و بعدين دوس تاني الاخر مش تفضل دايس علي طول يعني اكبس و شيل اكبس و شيل و هتحس بفرق فعلا كل الاوتماتيك كدا لو فضلت دايس مش هتجمع معاك اسرع من انك تدوس و تشيل و تدوس تاني جربوا و قولولي ايه رأيكم

[A. Ibrahim]

اه جينا للكلام الجد

الجين و البرسونه خصوصا من العربيات الذكيه ................................ ازاي

دواست البنزين بتفهمك و العربيه بتعرف انت عاوز ايه و تعمله, بالنسبه لموضوعك السرعه عامل مهم يعني

لو السرعه من 60 70 الي 140 و انت علي d يبقي عندك دوسه تعلي الRPM 1 ا او 2 و دوسه بزياده شويه كيك دون و العربيه تطير

و كمان فيه النقله 3 و ديه بتحرق من 110 الي 170 "بلاش موضوع ال170 علي 3 "


اما الكلام لو فوق ال160 يبقي لازم تسايس الدواسه يعني ترفع شويه صغيرين و تدوس بهداوه تاني و هاكذا و انت و شطرتك

[eslamkasem]

انا معيا واجا ولما بحتاج بعمل كيك داون وبتجمع معيا حلو بس ديما بعملها فوق السرعات من 60لحد 80 قبل كدا مش هتفرق خالص في الطلعه وبردو مره جربت ال d 3 هو فعلا بيجمع اسرع بس بصراحه خفت علي الفتيس انو يحلصه حاجه قولت خلني علي الكيك لو احتجتها

[mido_soliman]

انا معيا واجا ولما بحتاج بعمل كيك داون وبتجمع معيا حلو بس ديما بعملها فوق السرعات من 60لحد 80 قبل كدا مش هتفرق خالص في الطلعه وبردو مره جربت ال d 3 هو فعلا بيجمع اسرع بس بصراحه خفت علي الفتيس انو يحلصه حاجه قولت خلني علي الكيك لو احتجتها

اهو انا عكسك خالص بحس ان ال 3 احسن للفتيس من الكيك وخصوصا لما بتبقى على سرعة قليلة والعربية جايبة رابع
عموما عايزين مناقشات اكتر الكيك احسن ولا 3 احسن

[sayed911]

طيب معلش عشان بس بقى معاكوا في الموود يا جماعة لأني تهت شوية لأنو انا سمعت مفاهيم كتير عن الكيك داون .. فياريت تعريف دقيق من اي زميل فيه وصف للكيك داون وآلية عملوا واعتقد احنا عارفين الـ 3 ازاي بيشتغل ساهتها ها نقدر نفرف مين افضل ومن اسوء ...

[Nistelrooy]

صدق او لا تصدق لم استخدم الا الـ d وماجتش جنب الاول ولا التاني ولا التالت طول الفترة دي ..
وبستخدم الكيك داون عاداً لما اكون عايز اطلع من حد

[mido_soliman]

صدق او لا تصدق لم استخدم الا الـ d وماجتش جنب الاول ولا التاني ولا التالت طول الفترة دي ..
وبستخدم الكيك داون عاداً لما اكون عايز اطلع من حد

انا كنت زيك لحد امبارح يا سامح
وكنت راجع من الشغل وماشى فى اكتوبر قلت اجرب
مش عايز اقولك احساس خرافى انك تبقى ماشى 60-70 على الرابع وتجيب تالت
بصراحة انا نزلت الموضوع علشان اشوف الناس جربوا ولا لاء خصوصا انى شايفة اريح من الكيك اللى بيبقى مفاجىء للفتيس ومفيهوش كمان اى ديلاى زى ما بيبقى فى الكيك ديلاى بسيط خصوصا لو عملتة على سرعة قليلة

[Nistelrooy]

انا كنت زيك لحد امبارح يا سامح
وكنت راجع من الشغل وماشى فى اكتوبر قلت اجرب
مش عايز اقولك احساس خرافى انك تبقى ماشى 60-70 على الرابع وتجيب تالت
بصراحة انا نزلت الموضوع علشان اشوف الناس جربوا ولا لاء خصوصا انى شايفة اريح من الكيك اللى بيبقى مفاجىء للفتيس ومفيهوش كمان اى ديلاى زى ما بيبقى فى الكيك ديلاى بسيط خصوصا لو عملتة على سرعة قليلة

يعني انا لو ماشي من سرعة كام لكام .. اقدر ارجع واجيب التالت .. وامتي ارجع للـ D تاني ومافيش خطر ع الفتيس ؟

اصلك شوقتني اني اجربها

[sayed911]

طيب معلش وسؤال اضافي بقى معلش والتجارب هيا اللي ها تحكم هل الإنتقال من وضع الـ d لوضع الـ n والعربية متحركة ليه تأثير على عمر الفتيس ؟؟؟؟ لأنه فيه سببين انا متأكد انهم بيحصلوا وبشدة ... الفرامل بتبقى اتقل سنة بسيطة مع العربية على وضع الـ n يعني وانا ماشي بفرمل على الـ n اتقل من اني ابقى ماشي وافرمل على الـ d ... يبقى معنى كده لو انا ماشي الـ الـ d وجبت الثالث ها اسقط نقلة مش ها تبقى هية هية قكرة الكيك داون الا انني انا بس اللي ها اتحكم في معاد النقلة وده المعتاد في عربيات بروتون من حيث اني لو في كيك داون ورفعت رجلي بسرعة ها تنقلالعربية للترس الأكبر على طول !!!!!

- في تجربة انا عملتها في مرة يمكن تفيد ..
من وضع الثبات حطيت الـ l وكبست بنزين حتى وصلت للسرعة المناسبة للإنتقال للترس الأعلى ولكن مشلتش رجلي من على البنزين وحطيت 2 ورجلي على البنزين العربية منقلتش غير لما رفعت رجلي لثانية من على البنزين ويكأنها تحولت الى عربية مانيوال تماما كأنها كانت مستنية فصل التروس ( الدبرياج ) عشان تنتقل للترس الأكبر وده اللي خلاني استغرب انه في اللانسر وانا كابس بنزين ونقل الفتيس العربية ها تنقل على الترس اللي بعدوا من غير ما اطر اشيل رجلي .... دي يمكت تساعد في حتة الـ d & 3

[mohamedtahaab]

صدق او لا تصدق لم استخدم الا الـ d وماجتش جنب الاول ولا التاني ولا التالت طول الفترة دي ..
وبستخدم الكيك داون عاداً لما اكون عايز اطلع من حد

الحمد لله لقيت واحد مثلي, انا بألى اربعة سنوات بسوق اوتوماتيك ولم استخدم الاd ,انا كنت فاكر ان ال 1,2,3بتستخدم فى الصعود فى الاماكن المرتفعة والاراض الملساء ( هما الى الولى ) , ومن فضلوكم وبراحة على ممكن حد يشرح يعنى ايه كيك دون ,ومتى يمكن استخدام ال 1,2,3 شاكر جدااااااااااااااااااااااااااا

[Ralliart]

كان في موضوع زمان في المنتدى وفيه مناقشه عن الافضل ووصلت بعد بحث كتير ان الكيك داون احسن من d3 وان الـ1-2-3 معمولين للنقل صعوداً مش نزولاً ولو لاحظت في اللانسر مثلاً(معرفش نظام البروتون) لما بتيجي تسقط لازم تدوس على الزرار بتاع الفتيس مينفعش تزق الفتيس لتحت انما لو متحرك صعوداً هتزق الفتيس من غير زرار هيطلع على طول ودا دليل ان النقله دي غلط
دا غير ان المانيوال مكتوب فيه موضوع استخدام الكيك داون لتسقيط النقلات والتسارع المفاجئ ومجابوش سيرة اني اسقط الفتيس لتحت!
وطبعاً الكيك داون آمن لان الكنترول يونت بياخد الامر ويشوف الحل الافضل للعربيه ويعمله (وده مكتوب في المنيوال وعمره ما هيضر العربيه) انما لما تجبره على النزول ممكن تضر الفتيس طبعاً

*المانيوال اللي بتكلم عليه بتاع اللانسر بفتيس INVECS ii اللي هو بيتحط في بروتون

[Ralliart]

طيب معلش وسؤال اضافي بقى معلش والتجارب هيا اللي ها تحكم هل الإنتقال من وضع الـ d لوضع الـ n والعربية متحركة ليه تأثير على عمر الفتيس ؟؟؟؟

ايوه ليه تأثير على عمر الفتيس ومكتوب في المانيوال انك تحاول تقلل بقدر الامكان من المسافه اللي بتحرك فيها العربيه على الـn حتى لما تيجي تقطرها غلط تشدها اكتر من 3كيلو
وفي ناس كتير فنيين اوتوماتيك اكدولي المعلومه دي
متستخدمش الـn غير لو هتقف في اشاره مثلاً او هتركن وتسيب العربيه دايره او هتركن صف تاني