حاجه تجنن

[saryrabie]

[overline] [/overline][overline][/overline][overline][/overline][overline]
يا جماعه استهلاك البنزين عندي في الجين 2 2008 مانيوال فظييييييع
120 كيلو ف الصفيحه 20 لتر
يا ترى المشكله فين واعمل ايه يا شباب ؟
خالص تحياتي
[/overline]

[Osama.shihata]

أولا الاستهلاك بيبقى حسب الاستخدام
للقيادة بتوفيير :
انك تنقل الفتيس على كل غيار بحد اقصى على 3 ار بى ام نقلات عادية بدون ضغط جامد على دواسة البنزين يعنى تدى الغيار حقه والعربية تاخد سرعتها طبيعى بدون قرص خالص
كدة النتيجة هتكون معاك اقل حاجة 200 كيلو لكل 20 لتر

راجع طريقة الاستخدام لسيارتك مرة اخرى ولو لسا فى مشكلة
المشكلة دى حلها بسيط
كلمنى على الخاص و ان شاء الله هسعدك :
0125949965

[Adham]

لو فية هباب اسود في الشكمان يبقى فية حاجة غلط في الموتور

حساس محتاج تنظيف او تغيير مثلا (حساس الشكمان غالباً يبقى يتغير او حساس الهواء "اير ماس" و دة بيتنضف او يتغير)

انما لو العربية مضبوطة و مفيش هباب اسود يبقى راجع خراطيم ووصلات البنزين حاتلاقي فية تسريب بنزين من التنك او الوصلات

انما مافيش عربية سيدان صغيرة 4 سلندر 1300او 1500 سي سي تعمل 120 كيلو في الصفيحه ولو كنت بتمشي حارق عالاولاني و مابتجيبش غيرة : ) هههههه

ماتقلقش بسيطة ان شاء الله

[ayman_83]

ياجماعه انا كمان 2008 بتاكل بنزين كتير ومش بحرق ومفيش هباب اسود ده يبقئ من ايه يعني مثلا 25 ليتر يعملو 215 كيلو ده كده كتير ومش عارف اعمل ايه وهل المفروض اغير فلتر الهو ولا بلاش ولا اعمل ايه برجاء النصايح بالتفصيل حتي تعم الفائده ولكم جزيل الشكر

[Adham]

[overline] [/overline]
120 كيلو ف الصفيحه 20 لتر
[ي
[/color][/font][/size][/overline]

ياجماعه انا كمان 2008 بتاكل بنزين كتير ومش بحرق ومفيش هباب اسود ده يبقئ من ايه يعني مثلا 25 ليتر يعملو 215 كيلو ده كده كتير ومش عارف اعمل ايه وهل المفروض اغير فلتر الهو ولا بلاش ولا اعمل ايه برجاء النصايح بالتفصيل حتي تعم الفائده ولكم جزيل الشكر

215 كيلو ب25 لتر دة ممتاز جدا و مايتقالش علية انة كتير ابدا دة حوالي 172 كيلو في الصفيحه جةو البلد دة كويس جدا و ماتنساش انك بتسخن العربية الصبح و دة يستهلك بنزين بدون ما تمشي كيلومترات و الوقوف في اشارات كذلك

يعني في الطوالي حاتلاقيها بتعمل 240-260 كيلو في الصفيحه

و دة كلام تاني خالص غير استهلاك 120 كيلو في الصفيحة الل في التعليق اللي فوق

[أبومعاذ]

هو الهباب الاسود على الشكمان معناه إن الموتور مش مظبوط؟

[Adham]

هو الهباب الاسود على الشكمان معناه إن الموتور مش مظبوط؟

ايوة


الهباب الاسود (السناج) في الشكمان او في العادم هو حريق بنزين ني (بنزين زياده في خليط الاشتعال الداخل لغرف الاحتراق) ومعناة ان الموتور مش مظبوط

[eslam_wega]

انا عندى هباب اسود بس بسبب اللحام الى عملته عشان اركب حلية للشكمان
وموجود كمان فى الحلية التانية الى مش فيها شكمان اساسا بالنسبة بقا للاستهلاك كتير موت اكيد عندك مشكلة حول تروح التوكيل
لان 120 كليو دة معنه انك معك عربية 3000 cc مثلا

[Adham]

فية فرق كبير بين هباب اسود في العادم و مترسب في الشكمان و بين حرق صاج ماسورة الشكمان بلمبة اللحام

اللحام لون اسود ثابت في صاج الشكمان و مابيطلعش لو مسحتة بايدك

السناج او الهباب الناتج من حريق بنزين ني تمسحه يطلع في ايدك و ريحتة شياط

[ayman_83]

الناهرده فولت
وعملت 32 لتر 285 كيلو فده كده كتير ولا ايه يارجاله انا مش بحرق

[mazen234]

طب يا جماعه انا بقي بفول كل 4 ايام 10 لتر عندي بيعملو 50 كيلو بالظبط و التفويله الكامله بتعمل 220 كيلو بالظبط برضه
وقولتلهم في التوكيل ودفعت 100 جنيه تنظيف فلتر البزين وبرضه نفس المشكله
والعربيه جين 2 موديل 2010

[mazen234]

ومعلش سوال هي الصفيحه يعني 20 لتر ولا يعني التفويله الكامله؟؟

[midosalah]

ومعلش سوال هي الصفيحه يعني 20 لتر ولا يعني التفويله الكامله؟؟

الصفيحة يعى عشرين لتر

[persona_lover]

بتحط بنزين كام انا قريت مرة على المنتدى ان البنزين 95 بيظبط الاستهلاك بتاع الجين 2 هو غالى صحيح بس ما باليد حيلة

[tutankhamoun]

السلام عليكم يا ردالة ....

أولا الأستاذ ساري ربيع صاحب الموضوع

أكيد عند حضرتك مشكلة ما ...... أتبع نصيحة الأستاذ أدهم علشان كدا الموضوع مش صح .
على الأقل لازم تروح التوكيل تكشف على الموتور بالكمبيوتر (ماسح أو كما يقولون عليه سكانر ) معلش أصل أنا بحب العربي شويتين .


الأستاذ أيمن 83 ........ العضو البروتوني الجديد
لو فاكر الطريقة اللي قلت لحضرتك عليها في موضوعك الآخر بخصوص الاستهلاك .

هاكررها تاني للأفادة العامة (الطريقة دي نفعت معايا و تمام التمام )

أولا أستهلاكك معناه أنك في المعقول و كويس قوي
بس مفيش حد من اللي بيشتكي من أستهلاك البنزين بيقول ظروف الأستهلاك أيه
يعني بيحرق على الغيار ؟ سواقة في زحمة ؟ سواقة في طرق مفتوحة ؟ أوزان داخل السيارة ؟ ........ الخ .

مبدئيا .
الأستهلاك اللي مكتوب في الكتالوج بيكون في الظروف المثلى و القياسية .
علشان نحاول نوصل للاستهلاك ده أو نقرب منه و نوفر بنزين لازم نعمل الآتي :

نتأكد من حالة الموتور و العناية به و تغيير الزيوت في مواعيدها و تغيير زيوت الفتيس في مواعيدها و أيضا الحفاظ على تبريد المحرك عموما

ضغط الكاوتش ...... مهم جدا جدا جدا و له تأثير كبير قوي في الأستهلاك .
ضغط الكاوتش في الجين 2 المثالي ( هو 30 ) بعد تجربة .... 31 أحسن بس الكاوتش بيبقى ناشف و بيرزع لو ماشي في طرق منيلة بنيلة زي طرق مصر .

نيجي بقى لسلوك السائق
عدد لفات المحرك أحد العوامل الهامة جدا جدا جدا
أفضل عدد لفات هو 2500 من حيث الأستهلاك ....
ممكن الصفيحة تعمل معاك أقل واجب 300 كم لو كل اللي فوق مظبوط
و ممكن تعمل أكتر لو أنت سواقتك هادية قوي و مش بتزيد عن 90 كم - س .
الكلام اللي هنا ده مش موضوع أنشاء و لا تخيل من دماغي
ده من أرض الواقع و من التجربة الفعلية للعربية .(ذات الغيار اليدوي و ذات الغيار التلقائي ) المانوال و الأوتوماتيك ترجمة للي مكتوب

لو سواقتك كلها جوه البلد و بتقف كتير و تتحرك تاني
لو عملت 30 لتر لكل 300 كم ............ ده ممتاز

لو على الطوالي و ألتزمت بالسرعة و الغيار ...... و حالة العربية و الموتور حلوة
أقل واجب هو 300 كم لكل 20 لتر

* صفيحة = 20 لتر