حاجه تجنن

[ayman_83]

استاذ tutankhamoun
والله انا مش عارف اقول لحضرتك ايه بجد بجد انت انسان محترم جدا وخدوم جدا وربنا يجعل كل ده في ميزان حسناتك ان شاء الله
بالنسبه للبنزين انا طريقي بيكون زحمه ساعات وبقف كتير عشان المطبات
بالنسبه لمنظف الرشاشات اللي لقيته بتاع دوره الردايتير وجاري البحث عن بتاع البنزين
وكنت عايز اعرف هو المفروض اني اغير الفلتر بتاع العربيه ولا اسيبه كما هو اللي هو ورا الماتور
وانا فاضلي 1500 كيلو واعمل صيانه 40 الف ان شاء الله بس انا كده اعتبر في الضمان لسه صح العربيه هو شاريها شهر 5 /2008

[Adham]

استاذ
بالنسبه لمنظف الرشاشات اللي لقيته بتاع دوره الردايتير وجاري البحث عن بتاع البنزين
وكنت عايز اعرف هو المفروض اني اغير الفلتر بتاع العربيه ولا اسيبه كما هو اللي هو ورا الماتور
وانا فاضلي 1500 كيلو واعمل صيانه 40 الف ان شاء الله بس انا كده اعتبر في الضمان لسه صح العربيه هو شاريها شهر 5 /2008

يعني اية منظف رشاشات و بتاع ردياتير

منظف الرشاشات بيتحط في تنك البنزين مع التفويلة

و غلط انك تستعملة في عربية جديدة ما مشيتش الا 40 الف كيلومتر

دة بس للاستعمال في عربية مشيت كتير قوي و الترسيبات زادت على الرشاشات

و خللي بالك ان المنظفات دي ممكن تسبب تسليخ الصبابات و استعمالها يبقى فقط عند الاحتياج و للضرورة و مش بصفة متكررة

[ayman_83]

انا كده كده باذن الله لما هروح التوكيل هخليهم يكشوفو عليها كلها ولو فيها حاجه هما يبقو يظبطوها
بس انا طلعت من الضمان ولا لسه

[saryrabie]

أولا الاستهلاك بيبقى حسب الاستخدام
للقيادة بتوفيير :
انك تنقل الفتيس على كل غيار بحد اقصى على 3 ار بى ام نقلات عادية بدون ضغط جامد على دواسة البنزين يعنى تدى الغيار حقه والعربية تاخد سرعتها طبيعى بدون قرص خالص
كدة النتيجة هتكون معاك اقل حاجة 200 كيلو لكل 20 لتر

راجع طريقة الاستخدام لسيارتك مرة اخرى ولو لسا فى مشكلة
المشكلة دى حلها بسيط
كلمنى على الخاص و ان شاء الله هسعدك :
0125949965

اسامه باشا
جزاك الله كل خير على الاهتمام بالرد وعرض المساعده.
بس انا فعلا سواقتي هاديه يعني بغير على 3 ار بي ام علطول ومش بقرص بس كمان من اسبوعين تلاته حاسس ان صوت الماتور عالي وكمان الفتيس فيه خشونه هل دا كله له علاقه ببعضه ؟
عموما انا هروح اعمل صيانة ال35 الف وربنا يسهل ؟
خالص تحياتي

لو فية هباب اسود في الشكمان يبقى فية حاجة غلط في الموتور

حساس محتاج تنظيف او تغيير مثلا (حساس الشكمان غالباً يبقى يتغير او حساس الهواء "اير ماس" و دة بيتنضف او يتغير)

انما لو العربية مضبوطة و مفيش هباب اسود يبقى راجع خراطيم ووصلات البنزين حاتلاقي فية تسريب بنزين من التنك او الوصلات

انما مافيش عربية سيدان صغيرة 4 سلندر 1300او 1500 سي سي تعمل 120 كيلو في الصفيحه ولو كنت بتمشي حارق عالاولاني و مابتجيبش غيرة : ) هههههه

ماتقلقش بسيطة ان شاء الله
ادهم باشا
اولا: ربنا يكرمك يا زعيم على معلموماتك الجميله دي وربنا يجازيك خير عليها
ثانيا: فعلا الشكمان عليه هباب اسود وكمان صوت الماتور عالي من فتره مع خشونة الفتيس هل ده كله معناه ان فيه مشكله كبيره ف الماتور ؟ ولو المشكله في الحساسات دي فعلا اسعرها ايه ؟ وكمان مش المفروض انها تتغير داخل الضمان ؟
خالص تحياتي

السلام عليكم يا ردالة ....

أولا الأستاذ ساري ربيع صاحب الموضوع

أكيد عند حضرتك مشكلة ما ...... أتبع نصيحة الأستاذ أدهم علشان كدا الموضوع مش صح .
على الأقل لازم تروح التوكيل تكشف على الموتور بالكمبيوتر (ماسح أو كما يقولون عليه سكانر ) معلش أصل أنا بحب العربي شويتين . :b4_007:


الأستاذ أيمن 83 ........ العضو البروتوني الجديد :e_braces[1]:
لو فاكر الطريقة اللي قلت لحضرتك عليها في موضوعك الآخر بخصوص الاستهلاك .

هاكررها تاني للأفادة العامة (الطريقة دي نفعت معايا و تمام التمام )

أولا أستهلاكك معناه أنك في المعقول و كويس قوي
بس مفيش حد من اللي بيشتكي من أستهلاك البنزين بيقول ظروف الأستهلاك أيه
يعني بيحرق على الغيار ؟ سواقة في زحمة ؟ سواقة في طرق مفتوحة ؟ أوزان داخل السيارة ؟ ........ الخ .

مبدئيا .
الأستهلاك اللي مكتوب في الكتالوج بيكون في الظروف المثلى و القياسية .
علشان نحاول نوصل للاستهلاك ده أو نقرب منه و نوفر بنزين لازم نعمل الآتي :

نتأكد من حالة الموتور و العناية به و تغيير الزيوت في مواعيدها و تغيير زيوت الفتيس في مواعيدها و أيضا الحفاظ على تبريد المحرك عموما

ضغط الكاوتش ...... مهم جدا جدا جدا و له تأثير كبير قوي في الأستهلاك .
ضغط الكاوتش في الجين 2 المثالي ( هو 30 ) بعد تجربة .... 31 أحسن بس الكاوتش بيبقى ناشف و بيرزع لو ماشي في طرق منيلة بنيلة زي طرق مصر .

نيجي بقى لسلوك السائق
عدد لفات المحرك أحد العوامل الهامة جدا جدا جدا
أفضل عدد لفات هو 2500 من حيث الأستهلاك ....
ممكن الصفيحة تعمل معاك أقل واجب 300 كم لو كل اللي فوق مظبوط
و ممكن تعمل أكتر لو أنت سواقتك هادية قوي و مش بتزيد عن 90 كم - س .
الكلام اللي هنا ده مش موضوع أنشاء و لا تخيل من دماغي
ده من أرض الواقع و من التجربة الفعلية للعربية .(ذات الغيار اليدوي و ذات الغيار التلقائي ) المانوال و الأوتوماتيك ترجمة للي مكتوب :e_braces[1]:

لو سواقتك كلها جوه البلد و بتقف كتير و تتحرك تاني
لو عملت 30 لتر لكل 300 كم ............ ده ممتاز

لو على الطوالي و ألتزمت بالسرعة و الغيار ...... و حالة العربية و الموتور حلوة
أقل واجب هو 300 كم لكل 20 لتر

* صفيحة = 20 لتر

تووووت باشا
اولا: انت وحشني جدا
ثانيا: بحب كل مره اتناقش معاك اشكرك لانك اكتر واحد اقنعني وحببني في الجين 2 وانا سعيد فعلا بالعربيه وبشكرك جدا على كده .
ثالثا: انا فعلا لقيت هباب اسود على الشكمان وكمان صوت الماتور عالي وفيه خشونه في الفتيس وهروح اعمل صيانة ال 35 الف واقولهم ع الموضوع ده .
بس لو فيه حاجه فعلا ف الماتور مش المفروض انه يتصلح داخل الضمان؟
رابعا: انا ببقى سعيد جدا لما بشوف ارائك ومشاركاتك فياريت متحرمناش من نصايحك الجميله ومعلوماتك المنظمه واسلوبك الرائع الممتع .
خالص تحياتي يا زعيم

[ayman_83]

ان شاء الله خير وتكون بسيطه عندك باذن الله وتتحل
مش اعتقد ان الصيانه دي بتكون علي 40 الف كيلو يكون افضل

[saryrabie]

ان شاء الله خير وتكون بسيطه عندك باذن الله وتتحل
مش اعتقد ان الصيانه دي بتكون علي 40 الف كيلو يكون افضل

متشكر يا صاحبي
لا عادي ما انا برده هعمل صيانة ال 40 الف
بس انا قولت اخلص من الحاجات دي بسرعه ف صيانة ال35 الف قبل صيانة ال 40 لأنها بتبقى تقيله قوي وبتاخد وقت .
خالص تحياتي