الشكر واجب لمركز عصام وصفا

[mememsaid]

السلام عليم
ازيوكوا يا اجدع بروتونيه
اتاخرت كتير في عمل الموضوع ده بس اعذروني عشان الظروف اللي كنا بنمر بيها وظروف الشغل الملغبطه
الوضوع ده انا عامله مخصوص عشان اشكر مركز الصيانه المعتمد (عصام وصفا) لانه بجد انا لاقيت اني لازم اقدملهم شكر باي وسيله فاملاقتش اي وسيله اشكرهم بيها الا من خلال المنتدي
انا روحت يوم الاربع اللي فات بدون حجز ولا اي حاجه عشان اعمل صيانه ال 5000 لساجتي طلبتهم بالتليفون وصفولي العنوان ووصلت عندهم علي الساعه واحده ونص تقريبا قابلني المعندس عصام (راجل في قمه الاحترام ويفهم في الزوق كويس جدا وبيعرف يقابل الناس ازاي) استلموا من العربيه وقلتلهم علي شويه حاجات في العربيه كنت بشتكي منها زي
- الفرامل اليد والرجل كانت ضعيف & ماكينه الزجاج خشنه شويه& العربيه فيها حدفه صغيره يمين وديه موجوده من صيانه ال1000& شويه اصوات في صالون العربيه ده بقي عير تغيير الزيت والفلتر وصايه العاديه للغربيه
والغريب ان المهندس عصام بعد ماقلتله علي الحاجات اللي عندي لاقيته بيقولي ها فيه حاجه تاني قلتله تقريبا لا
فاقلي افتكر
الاغرب في الموضوع انه بيتكلم بجد مش تهريج ولا هزار
الراجل عايز يعرف مشاكلك كلها عشان يحلهالك وبصدر رحب مع العلم انه لسه ماعرفش اني عضو في نايل موتورز
استلموا العربيه وطلعوها علي الكوريك وانا اعدت تحت ماطلعتش الاستراحه مع اني لو طلعت الاستراحه كنت هشوف بردو بيعملو ايه في العربيه
اعدت مع المهندس عصام ولما عرف اني عرفتهم من نايل موتورز اهتم قال والناس بقي بتقول علينا ايه هناك
قلتله بيقولو عليكوم كلام كويس ومردتش اقول اكتر من كدا عشان اشوف بنفسي لاقيت كل واحد كتب كلمه في المنتدي ده علي المركز ده في محلها وزياده المهم لاقيته يعرف ناس كتير من المنتدي بتعانا مهم عبد الرحمن وصلاح حكيم وايمن ومحستش بالوقت واحنا بنتكلم وكان كل شويه يسبني ويتمم بنفسه علي اللي بيحصل في العربيه ولما خلصوها ونزلزها طلع يجربها بنفسه
لا بجد اهتمام عالي وعندهم كيفيه استقبال العملاء فا لما تلاقي صاحب المركز نفسه بيتمم علي حاجتك ده بيريحك نفسيا اوي
بعد ما جرب العربيه عملو كونسولتو علي ماكينه الزجاج بتاعي لغايه لما اتظبتط واخيرا لاقيت المهند عصام بنفسه بيغسل الموتور بالفوم وغسلو العربيه بالكامل
المشكله الواحيده اللي قابلتها هناك عشان الواحد يقول الموضوع بحياديه انه مالاقاش جهاز ظبط زوايا هناك عشان الحدفه بتاعت العربيه غير كدا كل حاجه بيعملوها بضمير بجد واهتمام عالي وناس فاهمه وبتعرف ازاي تتعامل مع العملاء بتعتهم
الموضوع ده بقي كله خلص في اد ايه
ساعه وربع مش اكتر مش من الساعه 10 الصبح لغايه 4 العصر زي اول صيانه لي في ابو رواش مع العلم انهم كان عندهم استعداد يسمعو منك اي مشكله تانيه ويحلوهاك بس انا بصراحه اللي كنت عايز امشي قبل الحظر عشان كان هيبدا الساعه 3
انا طولت عليكوم بس بجد كان لازم انقل الصوره اللي في المركز والناس المحترمين دول عشان كلنا نستفيد
واخيرا شكرا لكل العمال في المركز وشكر خاص للمهندس عصام الخلوق

[sayed911]

يا سيدي الفاضل التوكيل فرع العجوزة نفسه ما فيش فيه جهاز لضبط الزوايا انا عارف انه مش موجود غير في فرع التوكيل الرئيسي ولو على دي فياريتها فهيا سهلة وهينة ولكن بصراحة انا كنت ناوي اعمل موضوع في غضون البضعة ايام المقبلة عن مركز عصام وصفا بجد المركز ده اضافة اكتر من ممتازة بجــــــــــــــــــــــــــــــــــــــــــــــــ ــد للتوكيل وهوة علامة فارقة جدا في التوكيل وصدقني انه ممكن يعتبر من النقاط التي تشجع البعص على شراء سيارات بروتون بصراحة هوة مركز اكتر من متميز والمهندس عصام راجل محترم جدا في تعاملاته والضمير وسرعة لعمل واتقانه هو اهم ما يميز هذا المركز بجد والله ...

[medo_tourkey]

هوة فعلا بجد مركز محترم جدااااااااااااااااااااااااااااا
وانا هناك عملت صيانة ال 5000 وان شاء الله هروحلهم قريب اعمل صيانة ال 10000

[ykdl]

ألف مبروووووووووك يا باشا
وعقبال صيانة المليوووووووووووون
انا لسه عامل برضه صيانة ال 5000 فى الغد عندنا فى المنصورة
ربنا يباركلك يا رب

[amrmahamad]

فين تليفوناتهم وعنوانيهم

[RedBull_30]

انا بصراحة روحت المركز ده وغيرت هناك سير الكاتينة وتيل فرامل امامي وكنت مبسوط انه مأخدش وقت طويل ده غير ان المصنعيات كانت بسيطة جدا بالمقارنة ببقاي المراكز .. بس الحلو مبيكملش لان لما روحت البيت اتفاجئت بانهم حاطين لوجو بتاع المركز على شنطة العربية بجد عمري ما شوفت لوجو بالحجم ده ده غير منظره السيء جدا ده غير ان محتاج اروح لبتاع دوكو عشان يشيله بدون ما يحصل ضرر في الدهان .. بجد موقف معجبنيش منهم

[Nistelrooy]

شكلة مركز محترم ويستحق التجربـة..

وشكرا علي نقل التجربة ..



-----------


وغريب حوار اللوجو ده .. الواحد يبقي ياخد حذرة ويقولهم بلاش تحطوا اي لوجوهات ع العربية ..

[mememsaid]

انا بصراحة روحت المركز ده وغيرت هناك سير الكاتينة وتيل فرامل امامي وكنت مبسوط انه مأخدش وقت طويل ده غير ان المصنعيات كانت بسيطة جدا بالمقارنة ببقاي المراكز .. بس الحلو مبيكملش لان لما روحت البيت اتفاجئت بانهم حاطين لوجو بتاع المركز على شنطة العربية بجد عمري ما شوفت لوجو بالحجم ده ده غير منظره السيء جدا ده غير ان محتاج اروح لبتاع دوكو عشان يشيله بدون ما يحصل ضرر في الدهان .. بجد موقف معجبنيش منهم

انا بردو حاطولي اللوجو بس قبل ما يحطو قالي احطلك اللوجو قلتله ماشي

[mememsaid]

فين تليفوناتهم وعنوانيهم

0100460111
0100460222
0100460333

[amrmahamad]

ميرسي لذوقك بسي هما عناوينهم فين

[RedBull_30]

النهاردة الصبح اتصل بيا استاذ عصام صابح مركز عصام وصفا وبيسئلني عن اللجو بتاع المركز اللي انا ابديت استيائي منه وبصراحة استغربت منه انه مهتم بحاجة زي دي.. انا بكرر يا جماعه اعجابي بالمركز كاستقبال وعنهم طولة بال واستعداد بانهم يسمعو المشكلة وكمان ببيسلموك عربيتك بسرعه وده المطلوب انه يكون في اي مركز صيانه معتمد ده غير اسعارهم اللي بصراحة اتفاجأت بيها.. بس انا مغلطش في المركز في شيء انا بس ابديت استيائي من اللوجو لانه كبير اوي ومش انيق وده رايي انا الشخصي ومليش اي علاقة براي اي حد غيري .. انا بدخل المنتدى هنا مش عشان اقول ان الجين 2 اقوى عربية في العالم وان مراكز الصيانة التابعة ليها هي اكفأ المراكز في مصر .. ده كده يبقى تضييع وقت وخلاص , لازم نعرف العيب فين ونصلحه ولازم يبقى عندنا استعداد للنقد وده بيبقى مفيد وبيجيب نتيجة سليمة ..

انا بعتذر للاستاذ عصام لو كان وصله كلامي على اساس انتقاد للمركز وباعماله الفنية بشكل عام وده محصلش مني وكل اللي وجهت نقدي ليه هو لوجو المركز وده رايي الخاص اللي من حقي اعلنه هنا في المنتدى

[waleedezzat921]

كنت عاوز استفسر على حاجه انا لما سألت عن صيانة ال 60000 لعربيتي الواجا 2009 مانيول قالولي في عصام و صفا ان التكلفه 2000 جنيه و امير و جوزيف قالى انها 1700 و التوكيل طبعا 2500 . سيبنا من التوكيل . كنت عاوز اعرف ليه الفرق بين عصام و صفا و امير و جوزيف . و هل الفرق دق في المصنعيات و لا امير و جوزيف في حاجات ما بيغيرهاش .

[pedro732000]

يا سيدي الفاضل التوكيل فرع العجوزة نفسه ما فيش فيه جهاز لضبط الزوايا انا عارف انه مش موجود غير في فرع التوكيل الرئيسي ولو على دي فياريتها فهيا سهلة وهينة ولكن بصراحة انا كنت ناوي اعمل موضوع في غضون البضعة ايام المقبلة عن مركز عصام وصفا بجد المركز ده اضافة اكتر من ممتازة بجــــــــــــــــــــــــــــــــــــــــــــــــ ــد للتوكيل وهوة علامة فارقة جدا في التوكيل وصدقني انه ممكن يعتبر من النقاط التي تشجع البعص على شراء سيارات بروتون بصراحة هوة مركز اكتر من متميز والمهندس عصام راجل محترم جدا في تعاملاته والضمير وسرعة لعمل واتقانه هو اهم ما يميز هذا المركز بجد والله ...

لا اجد كلام احسن من كدة فيه ما قل و دل
وجزئية انه سيصبح من نقاط القوة التى تشجع على شراء بروتون اظن انها فى طريقها لتكون حقيقة
ام عن تجربتى الشخصية
انا من السويس وكنت نويت انى اعمل صيانة 15000كم ولكن الفترة الانتقالية اخرتنى
المهم روحت بدون ميعاد كان فى استقبالى م/محمد شاب ظريف وتقنيا ممتاز "خريج هندسة عين شمس زى حالتى فعشان كدة انا سلمتله العربية وانا مطمن هههه" اخبرته على المشاكل التافهه من ضمنها احساس ان استهلاك البنزين عالى وكيفية قياسه [OVERLINE]وايضا كل ما احلم بيه انى اشيك عليه[/OVERLINE]
بعد كدة اخدة عُمر وطلعنا نلعب فى الشارع بالكورة ونجرى ورى بعض وكل شوية اروح ابص عليهم
فى الاول كان فنى بشيك على كل السوائل فى العربية لوحدة وطلع فلتر الهواء والبنزين نضفهم وغير الزيت والفلتر نفخ هواء على اجزاء الفرامل وبين المساعدين
زبعد كدة عينك ما تشوف الا النور
لفيف من الاساتذه الاجلاء"مسرحية سك على بناتك" قامو بالالتفاف حول برسونتى السوداء
وقاموا بتوصيل الكارتة على السكانرOBD وايضا فى نفس ذات الوقت على proton net work لمتابعة استهلاك البنزين
الحمد لله خلصنا العربية وطلع م/ محمد جرب العربية بنفسه وتمام
دفعت الحساب وطلبت حد يعملى زجاج السيارة الامامى راح موكل حد لغسيل السيارة وبعد كدة جيت اركب السيارة لقيت العربية مجيرة مطلسئة من الولد بس م/ محمد طلب منى النزول من العربية ففكرة فى مشكلة الحساب لقيته ها يعيد غسيل العربية بس المرة ده بنفسه "بس انا كنت مستعجل وتانى حاجة شكل الدنيا كانت هاتمطر
بالنسبة لموضوع استهلاك البنزين ماحاولتش انى احسب لسبيبين
البنزين دلوقتى اللى بحطة 90 وده مش هايدى مؤ شر صحيح للحساب
بصراحة انا مبسوط بالاهتمام وماحاولته انه يحل ويستكشف المشكلة بغض النظر هايفى ولا لا
اخير اشكر جميع الافراد والادارة فى مركز الصفا شكرا لكم فا انتم قدوة ويحتذى بكم فى عصر التغير

[mememsaid]

ميرسي لذوقك بسي هما عناوينهم فين

هو في شارع اسمه طه حسين ورا بتروجيت
علي العموم اوصل لبتروجيت او السندباد واتصل بيهم والراجل مش هيسيبك لغايه لما توصل عندهم

[mememsaid]

النهاردة الصبح اتصل بيا استاذ عصام صابح مركز عصام وصفا وبيسئلني عن اللجو بتاع المركز اللي انا ابديت استيائي منه وبصراحة استغربت منه انه مهتم بحاجة زي دي.. انا بكرر يا جماعه اعجابي بالمركز كاستقبال وعنهم طولة بال واستعداد بانهم يسمعو المشكلة وكمان ببيسلموك عربيتك بسرعه وده المطلوب انه يكون في اي مركز صيانه معتمد ده غير اسعارهم اللي بصراحة اتفاجأت بيها.. بس انا مغلطش في المركز في شيء انا بس ابديت استيائي من اللوجو لانه كبير اوي ومش انيق وده رايي انا الشخصي ومليش اي علاقة براي اي حد غيري .. انا بدخل المنتدى هنا مش عشان اقول ان الجين 2 اقوى عربية في العالم وان مراكز الصيانة التابعة ليها هي اكفأ المراكز في مصر .. ده كده يبقى تضييع وقت وخلاص , لازم نعرف العيب فين ونصلحه ولازم يبقى عندنا استعداد للنقد وده بيبقى مفيد وبيجيب نتيجة سليمة ..

انا بعتذر للاستاذ عصام لو كان وصله كلامي على اساس انتقاد للمركز وباعماله الفنية بشكل عام وده محصلش مني وكل اللي وجهت نقدي ليه هو لوجو المركز وده رايي الخاص اللي من حقي اعلنه هنا في المنتدى

انت معاك حق تماما
ليك الحق تقول الحاجات الكويسه والحاجات اللي انت شايفها من وجه نظرك انها مش ظريفه انا مثلا العنوان الاساسي للموضوع شكر للمركز والموضوع كله عن طريقه استقبالهم الرائعه والممتازه ده بالاضافه لامكانيتهم الفنيه اللي ماشفتهاش عند حد زيهم بس ده مامنعش اني اقول ان معندهم جهاز ضبط زوايا عشان الناس هنا في المنتدي تعرف المعلومه ديه فا لو كنت ماقلتش كدا ماكنتش هعرف ان الجهاز ده مش موجود غير في الفرع الرئيسي فالمعلومه دي عرفتها للناس وعرفت من وراها معلومه مفيده