الشكر واجب لمركز عصام وصفا

[mememsaid]

لا اجد كلام احسن من كدة فيه ما قل و دل
وجزئية انه سيصبح من نقاط القوة التى تشجع على شراء بروتون اظن انها فى طريقها لتكون حقيقة
ام عن تجربتى الشخصية
انا من السويس وكنت نويت انى اعمل صيانة 15000كم ولكن الفترة الانتقالية اخرتنى
المهم روحت بدون ميعاد كان فى استقبالى م/محمد شاب ظريف وتقنيا ممتاز "خريج هندسة عين شمس زى حالتى فعشان كدة انا سلمتله العربية وانا مطمن هههه" اخبرته على المشاكل التافهه من ضمنها احساس ان استهلاك البنزين عالى وكيفية قياسه [overline]وايضا كل ما احلم بيه انى اشيك عليه[/overline]
بعد كدة اخدة عُمر وطلعنا نلعب فى الشارع بالكورة ونجرى ورى بعض وكل شوية اروح ابص عليهم
فى الاول كان فنى بشيك على كل السوائل فى العربية لوحدة وطلع فلتر الهواء والبنزين نضفهم وغير الزيت والفلتر نفخ هواء على اجزاء الفرامل وبين المساعدين
زبعد كدة عينك ما تشوف الا النور
لفيف من الاساتذه الاجلاء"مسرحية سك على بناتك" قامو بالالتفاف حول برسونتى السوداء
وقاموا بتوصيل الكارتة على السكانرobd وايضا فى نفس ذات الوقت على proton net work لمتابعة استهلاك البنزين
الحمد لله خلصنا العربية وطلع م/ محمد جرب العربية بنفسه وتمام
دفعت الحساب وطلبت حد يعملى زجاج السيارة الامامى راح موكل حد لغسيل السيارة وبعد كدة جيت اركب السيارة لقيت العربية مجيرة مطلسئة من الولد بس م/ محمد طلب منى النزول من العربية ففكرة فى مشكلة الحساب لقيته ها يعيد غسيل العربية بس المرة ده بنفسه "بس انا كنت مستعجل وتانى حاجة شكل الدنيا كانت هاتمطر
بالنسبة لموضوع استهلاك البنزين ماحاولتش انى احسب لسبيبين
البنزين دلوقتى اللى بحطة 90 وده مش هايدى مؤ شر صحيح للحساب
بصراحة انا مبسوط بالاهتمام وماحاولته انه يحل ويستكشف المشكلة بغض النظر هايفى ولا لا
اخير اشكر جميع الافراد والادارة فى مركز الصفا شكرا لكم فا انتم قدوة ويحتذى بكم فى عصر التغير

المراكز اللي زي ديه هي اللي هتخلي بروتون تنتشر انتشار كبير عشان خدمه ما بعد البيع اهم بكتير من البيع نفسه

[amrmahamad]

هيه صيانة 15000 تتتكلف كام و20000 وازاي اروح بتروجيت لاني من المنوفية

[mememsaid]

ألف مبروووووووووك يا باشا
وعقبال صيانة المليوووووووووووون
انا لسه عامل برضه صيانة ال 5000 فى الغد عندنا فى المنصورة
ربنا يباركلك يا رب

الله يبارك فيك ياباشا ويباركلك في عربيتك ان شاء الله

[mememsaid]

النهاردة الصبح اتصل بيا استاذ عصام صابح مركز عصام وصفا وبيسئلني عن اللجو بتاع المركز اللي انا ابديت استيائي منه وبصراحة استغربت منه انه مهتم بحاجة زي دي.. انا بكرر يا جماعه اعجابي بالمركز كاستقبال وعنهم طولة بال واستعداد بانهم يسمعو المشكلة وكمان ببيسلموك عربيتك بسرعه وده المطلوب انه يكون في اي مركز صيانه معتمد ده غير اسعارهم اللي بصراحة اتفاجأت بيها.. بس انا مغلطش في المركز في شيء انا بس ابديت استيائي من اللوجو لانه كبير اوي ومش انيق وده رايي انا الشخصي ومليش اي علاقة براي اي حد غيري .. انا بدخل المنتدى هنا مش عشان اقول ان الجين 2 اقوى عربية في العالم وان مراكز الصيانة التابعة ليها هي اكفأ المراكز في مصر .. ده كده يبقى تضييع وقت وخلاص , لازم نعرف العيب فين ونصلحه ولازم يبقى عندنا استعداد للنقد وده بيبقى مفيد وبيجيب نتيجة سليمة ..

انا بعتذر للاستاذ عصام لو كان وصله كلامي على اساس انتقاد للمركز وباعماله الفنية بشكل عام وده محصلش مني وكل اللي وجهت نقدي ليه هو لوجو المركز وده رايي الخاص اللي من حقي اعلنه هنا في المنتدى

اخي الفاضل
من حقك تماما ان تقول ما تريد طالما لم تضر
فا انت كنت مدايق من موضوع الاستيكر وده حقق والمهندس عصام اتصل بيك وعالج الموضوع بمنتهي الحكمه والعقل وده اللي كنت متوقعه منه
فا ايه بقي اللي حصل
انت استفدت عشان موضوعك خلص
واحنا استفادنا عشان عرفنا ان مافيش شك في المركز المحترم ده
والمهندس عصام استفاد لما حللك مشكلتك
يبقي النتيجه كلنا استفادنا من النقد بتاعك

[mememsaid]

هيه صيانة 15000 تتتكلف كام و20000 وازاي اروح بتروجيت لاني من المنوفية

صيانه ال 15000 زيها زي ال10000 وال5000 هتفرق بس لو كنت بتحط زيت 5 او عشره
صيانه ال 20000 هي اللي غاليه عشان بتغير حاجات كتير وسعرها مش متاكد منه بس تقريبا بتعملها 800 او 900 او اكتر مش متاكد بالظبط
اما بقيي تروح ازاي من المنوفيه
مافيش اسهل من الدائري وانزل نزله مدينه السلام واسال علي بتروجيت ميت واحد هيدلك ولما بتوصل لبتروجيت المركز هيتولاك لغايه عندهم

[أبومعاذ]

ميرسي لذوقك بسي هما عناوينهم فين

Wikimapia - Let's describe the whole world!