أخر الأخبار : Gen.2 FaceLift

[crazylambada]

بص يا جستز احنا عاوزين حركة صايعة كده
و تكتب بواحد و اتنين و تلاتة
في موضوع لواحدة مميزات الجين 2 الجديدة بالعربي

[emadosman63]

اريد الحجز وارسلت الأن رسالة الى الأستاذ سامح بها التفاصيل

[Eng.Sameh]

اريد الحجز وارسلت الأن رسالة الى الأستاذ سامح بها التفاصيل

يا بشا الرساله وصلت بس مش فاهم منها غير رقم تليفونك لأن الحروف العربي معكوسه ، بس عموما طم ضمك للفريق الذهبي ،

حبيبي كريزي : ان شاء الله هعمل الموضوع المفصل للجين 2 الهاي لاين النهارده

[emadosman63]

انا مش عارف العيب فى الرسالة سببه ايه ولكن انا عايز احجز هاى لاين مانيوال أسود ميتالك وياريت تبعتلى رقم موبايلك

[mazagnge]

بعد صباح الخير.
مساء الخير

[mohameduoser]

هو حد شافها و لا صور بس

[Powert]

هو حد شافها و لا صور بس

كله صور بس في ناس جربتها لانها نزلت في تايلاند من فترة

[M_HaFeZ]

في الاوتوماتيك بس ، وعلى فكره اللي هينزل اوتو كروز ، وده يفرق في انه بيهدي العربيه اتوماتيك لو فيه عربيه قدامك وانت مهدتش ... شغل على ميه بيضه

يعنى لو الواحد غاوى يضرب فى خلق الله او يخبط فى عربيات الناس
او شغال قاتل مأجور مش هتاكل معاه العربيه دى
وادى اول عيب

[crazylambada]

هو الاداء الرياضي و البنزيني و الاعتمادي و الجودتي للجين 2 الاوتوماتيك ايه

[M_HaFeZ]

حسب كلام الاخوه هنا انها اقل فى الاداء الرياضى بفارق ملحوظ اوى
وكمان حسب الروايات الاستهلاك عالى فى البنزين برضه بصوره ملحوظه .. كده كده لازم الاداء يكون اقل من المانيوال حتى لو مرسيدس والبنزين برضه اكتر

[Eng.Sameh]

حسب كلام الاخوه هنا انها اقل فى الاداء الرياضى بفارق ملحوظ اوى
وكمان حسب الروايات الاستهلاك عالى فى البنزين برضه بصوره ملحوظه .. كده كده لازم الاداء يكون اقل من المانيوال حتى لو مرسيدس والبنزين برضه اكتر

بالنسبة للبنزين في الجين2 السي بي اس هوه : 6.4 للمانيوال و 6.8 للاوتوماتيك

بالنسبه للاداء : المشكله اللي كانت موجوده في ادلء الاوتوماتيك دي كانت في الحاليه مش الجديدة وسببها الفجوه اللي بتحصل في السحب بين 2000 و 3000 RPM ، والمشكلة دي انتهت تماما في الجديدة والتقييمات اللي اتعملت للجديدة بتشيد بنعومة السحب في الاوتوماتيك ، بس هوه طبيعي ان السحب في الاوتوماتيك بيبقى اقل من المانيوال وده عشان انت بتحرق عاى الغيار اكتر في المانيوال رغم انك ممكن بردو تحرق على الغيار في الاوتوماتيك بس محتاجه رجل حساسه على البنزين وده من خلال الكيك دون ، اضف الى ذلك ان 125 حصان هيغرقوق سحب في الاوتوماتيك ، غير ان الاوتوماتيك بس هيه اللي فيها مثبت سرعة

[M_HaFeZ]

بالنسبة للبنزين في الجين2 السي بي اس هوه : 6.4 للمانيوال و 6.8 للاوتوماتيك

بالنسبه للاداء : المشكله اللي كانت موجوده في ادلء الاوتوماتيك دي كانت في الحاليه مش الجديدة وسببها الفجوه اللي بتحصل في السحب بين 2000 و 3000 RPM ، والمشكلة دي انتهت تماما في الجديدة والتقييمات اللي اتعملت للجديدة بتشيد بنعومة السحب في الاوتوماتيك ، بس هوه طبيعي ان السحب في الاوتوماتيك بيبقى اقل من المانيوال وده عشان انت بتحرق عاى الغيار اكتر في المانيوال رغم انك ممكن بردو تحرق على الغيار في الاوتوماتيك بس محتاجه رجل حساسه على البنزين وده من خلال الكيك دون ، اضف الى ذلك ان 125 حصان هيغرقوق سحب في الاوتوماتيك ، غير ان الاوتوماتيك بس هيه اللي فيها مثبت سرعة

حبيب قلبى الكلام بتاع الاستهلاك من البرشور او الموقع شئ والواقع والطبيعه شئ تانى
يعنى الكلام ده كله فى ظروف مثاليه جدا
السرعه 90 طريق سريعه النقل على ار بى ام مرتاح .. مفيش حرق غيارات
الطرق قياسيه
اكلام من الناس اللى معاهم العربيه ومنهم الاخ العزيز توت والاخ العزيز احمد صيام فيه وقائع عن قياده جوه البلد وعلى السريع

[Eng.Sameh]

آخر الانباء

النهارده كان عندي انترفيو في شركة عالمية ضخمة جدا اسمها Orange لسه لسه فاتحة Innovation Center لها في القرية الذكية ( حاجه وهم ادعولي ربنا يكرمني بيها ، رغم اني هيصعب عليه اسيب شركتي الحاليه )

المهم بعد ما خلصت ، كلمت استاذ حبيب وقلت اعدي عليه نتكلم براحتنا واعرف عمل ايه ، وفعلا كلمته والراجل رحب وقالي اتفضل ، وفعلا روحتله وقابلني بترحاب وتشرب ايه يل باشمهندس قلتله قهوه زيادة ( عشان اركزله ) ، المهم لقيته متحمس جدا للموضوع ومجهز ايميل محترم ووراهوني ، وهوه قايلهم بنفس المواصفات اللي على الموقع وقايلهم شوية كلام زي الفل ، واكدت عليه اننا عاوزين سعر كويس يكون مخفض كمان عن الطبيعي اللي هتنزل بيه بعد كده عشان احنا عدد مع بعضنا ، وان ده هيزود العدد ، وقالي ان شاء الله هجبلكم احسن سعر وهحاول انه ميزدش عن 100000 حتى على الاقل بالنسبه لمجموعتكم ،

الظريف ان وانا قاعد معاه واحد اتصل بيه بيسال عن الجين2 الجديدة هاي لاين ، وقعد كلمه شويه وبعد كده قالو نسق مع المهندس سامح هوه بيجمع المجموعة وهوه قائد الموضوع وخد رقم موبايلي وادهوله وفعلا كلمني وهيحجز معانا ،

واخيرا هوه بعتلهم الايميل وقالي غالبا هيردو عليه الحد او الاثنين ، وهيتصل بيه اول ما يجيلو الرد وهيبعتلي الايميل اللي وصله

واتمنى ان الاخبار دي تكون فرحتكم زي ما انا مبسوط ، واني اكون على الطريق الصواب لنجاح المهمة وقيادة الفريق الذهبي الى بر الجين2 الهاي لاين .

[Eng.Sameh]

حبيب قلبى الكلام بتاع الاستهلاك من البرشور او الموقع شئ والواقع والطبيعه شئ تانى
يعنى الكلام ده كله فى ظروف مثاليه جدا
السرعه 90 طريق سريعه النقل على ار بى ام مرتاح .. مفيش حرق غيارات
الطرق قياسيه
اكلام من الناس اللى معاهم العربيه ومنهم الاخ العزيز توت والاخ العزيز احمد صيام فيه وقائع عن قياده جوه البلد وعلى السريع

اولا انا عارف ان ده في الظروف اللي انت قولتها ، بس في الاوتوماتيك النقل بيكون تلقائي على ار بي ام مرتاح وعلى فكره ده بيحافظ على الموتور ( عشان كده موتور الاوتوماتيك بيعيش اكتر من المانيوال )

ثانيا يا باشا انا بتكلم عن Gen2 faceLift Highline ، ودي مختلفة تماما عن الموجوده في حجات كتير هجدا زي الجودة والصالون وخماته والموتور والكماليات وكمان استهلاك البنزين اتحسن فيها جامد بسبب الكام سويتش ومحدش اصلا في مصر لسه ركبها ( ان شاء الله الفريق الذهبي هيكونو اول ناس تركبها في مصر )

[crazylambada]

يا جامد يا جستز
على فكرة انا لو مكانك اطلب منه انك تاخد الاتوماتيك بسعر المانيوال
عمولة ليك
يعني على يوم الحد او الاتنين
حنعرف سعرها كام باذن الله
يا مسهل يارب