أخر الأخبار : Gen.2 FaceLift

[crazylambada]

متشكر بجد ليكوم كلكوم
انتم مش عارفين شيلتوا عن صدري هم قد ايه
و ربنا يحفظنا ويحفظكم جميعا
و متشكر مرة تانية بجد

[AhmedGen2]

النهارده كان عندي انترفيو في شركة عالمية ضخمة جدا اسمها Orange لسه لسه فاتحة Innovation Center لها في القرية الذكية ( حاجه وهم ادعولي ربنا يكرمني بيها ، رغم اني هيصعب عليه اسيب شركتي الحاليه )

أنا قريبى بيشتغل فى قسم النيتوركس الفرع اللى جنب سيتى ستارز شركة محترمة آخر حاجة ، عقبالى ، أنت شركتك الحالية ايه ؟.

crazylampada الرقية الشرعية وأذكار الصباح والمساء لمشارى حلوين أوى ، أهم حاجة يكون عندك ثقة بربنا وثقة بنفسك ودايما ً تقول الحمد لله كتير ، وربنا معاك :) وميهمكش من أى حاجة حتى لو فى حد حسيت إنه بيحسدك ولا ياكل معاك لأن حسده دة مهما كان مش هيتم إلا بإذن ربنا ، لو ربنا أراد يبقى الحمد لله لو ما أرادش يبقى الحمد لله برضه.

[Eng.Sameh]

تمام ياباشا :)

يا باشا تشرفنا ، وسعداء بمعرفتك

[Eng.Sameh]

أنا قريبى بيشتغل فى قسم النيتوركس الفرع اللى جنب سيتى ستارز شركة محترمة آخر حاجة ، عقبالى ، أنت شركتك الحالية ايه ؟.

شركتي الحاليه Ajyal Information Systems شركة كبيرة بردو وليها فروع في كذا دولة عربية ، بس مش بحجم Orange ، خاصة ان Orange Inovation Center ده ، اعلى حاجه في في مجموعة Orange لأنه مركز ابحاث وتطوير علمي في مجال هندسة البرمجيات وتطبيقات شبكات المحمول ، وليه 18 مركز على مستوى العالم ، وفرع مصر ده المفروض هيدعم الشرق الوسط وافريقيا ، حاجه خيال كده،

هوه انت قريبك بيشتغل في Orange Bussiness Support

[AhmedGen2]

غالبا ً آه هو Support لأنه لما كان بيحكيلى عن طبيعة شغله قالى إنه بيكلم العملاء ويحل مشاكلهم اللى هى ايه بالظبط مش عارف الحقيقة هو أصلا مهندس اتصالات.

صحيح يا سامح أنت ابتديت ال Career بتاعك ازاى بعد ماتخرجت؟ أنا حاسبات ومعلومات سنة تانية وإن شاء الله هتخصص CS فى تالتة.

[Eng.Sameh]

غالبا ً آه هو Support لأنه لما كان بيحكيلى عن طبيعة شغله قالى إنه بيكلم العملاء ويحل مشاكلهم اللى هى ايه بالظبط مش عارف الحقيقة هو أصلا مهندس اتصالات.

صحيح يا سامح أنت ابتديت ال Career بتاعك ازاى بعد ماتخرجت؟ أنا حاسبات ومعلومات سنة تانية وإن شاء الله هتخصص CS فى تالتة.

لو هوه في Orange اللي جنب سيتي ستارز ، فده Orange Bussiness Support وده حاجه مختلفة عن Orange Innovation Centers اللي بيسموها Orange Labs ودي زي ما قلتلك اعلى حاجه في مجموعة اورانج ابحاث وتطوير على مستوى عالمي عالي جدا وموبيل سوفتوير غير كده بتسافر رحلات قصيرة في الدول التانية اللي فيها فروع ليها عشان تعمل دبلويمنت في فيها على بيئات مختلفة ، حاجه من الاخر جامدة جدا ، بالظبط زي Microsoft Innovation Center اللي في القرية الذكية بردو من الناحية العلمية والمزايا اللي بتاخدها مع فرق السفر والكلام ده ، وطالما انت في حاسبات يبقى هتفهم معنى الكلام ده ،

بالنسبالي ، انا اول ما اتخرجت دخلت في منحة الوزارة اللي كانت بتنفذها IBM وخلصتها وكنت التاني على الدفعة واشتغلت محاضر في IBM حوالي سنه ، وبعدها روحت شركة تانية واشتغلت في ال Developing بس كان التركيز اكتر على ال Web Based ، وبعدها روحت الشركة اللي انا فيها دلوقتي ، وادعيلنا تكون النقلة الجاية Orange Innovation Center ودي ان شاء الله لو ربنا كرم وجات مش هسيبها ان شاء الله خالص.

[AhmedGen2]

ربنا معاك ويوفقك وييسرلك طريقك :)

[Eng.Sameh]

على فكره لو حد لسه جاي متاخر ، هيلاقي اخر اخبار سفقة السيارات في الصفحة الساابقة

[Ahmed REDA]

العدد بقي كام دلوقتي يا justs؟
و في تخيلك لو حناخد خصم حيبقي تقريبا قد اية عن سعرها لو نزلت مصر عادي؟

[Ahmed-Moustafa]

بمناسبة الكلام عن الشغل أنا كمان حاسبات و شغال oracle Database administrator
و قبل كدا كنت شغال oracle Developer و اشتغلت شويه e-Business Customization و حاليا شغال في شركة اسمها إيجابى ودى من الشركات الكبيرة فى ال Oracle services و دى بعد ما قضيت سنتين فى ESRI

كدا إن شاء الله العربيات و أصحبها هيكونو تكنولوجيا

[Eng.Sameh]

العدد دلوقتي 13 ، وبالنسبه لقيمة الخصم مش عارف ممكن تمون ازاي ، بس اللي انا عرفتو انه هيدينا سعر خاص

[Eng.Sameh]

شوفو الحته المستورده دي ، هتعرفو ان سفقتنا دي ان شاء الله ملهاش حل ، وهتلاقو اللي بيتكلم بيقول ان الالنترا 2000 سيسي طبعا الكاملة ارخص عندهم من الجين 2 سي بي اس ، وعلى فكره الرسالة دي من ماليزيا ، بس هيه تقلق شويه بالنسبه لموضوع السعر ده ربنا يستر ومتزيدش عن كلام استاذ حبيب ، ولما يجي ردهم من ماليزيا ميضيعش املنا

this new cps. Are the equivalent Japanese i-Vtec and VVTL-i in Hondas and Toyotas before tax similiarly-priced or cheaper than the Proton Gen.2 cps? I just checked on the pricing of the Hyundai Elantra 2.0 in the States and it seems that this machine is cheaper than the new Gen.2 cps.

Yes I agree we have quite a lot to do in catching-up, not only technologically-wise but in cost-efficiency aspects as well.

[Eng.Sameh]

ايه يا جدعان هوه الفريق راح فين ، انتو اتحسدتو ولا ايه ، ولا مقرأتوش اخبار النهارده واللقاء البروتوني مع استاذ حبيب ، ولا بعتولي الايميلات وريحتو دماغكم ومستنيين مني ميسد كول

[AhmedGen2]

الناس نايمة يا سامح اتقل
لسه كمان الموضوع هات وخد يعنى السعر لسه متحددش وشركة بروتون موصلهاش خبر الطلبية ...

بالنسبة للعربية فطبعا هى ممتازة لكن يؤخذ عليها سعرها ، انا قريت شوية ريفيوز بتبالغ فى السعر خاصة إن التويوتا والهوندا بيتباعوا أرخص منها هناك معرفش بالظبط موديلات ايه ، لكن الجودة والامان والشكل فى الهايلاين لا كلام عليه واتحسن كتير عن الجين 2 الحالية ويكفى طبعا الكماليات الكتيرة .

لكن نرجع نقول لو سعرها لا يتعدى ال 100ألف للأوتوماتيك و 94 ألف للمانيوال تبقى صفقة جيدة وطبعا لو اتعمل لينا خصم يبقى فل ولوز آخر حاجة .

[Xirox1313]

ايه يا جدعان هوه الفريق راح فين ، انتو اتحسدتو ولا ايه ، ولا مقرأتوش اخبار النهارده واللقاء البروتوني مع استاذ حبيب ، ولا بعتولي الايميلات وريحتو دماغكم ومستنيين مني ميسد كول

يا باشا الله ينور عليك وأكيد كلنا فرحانين ومتشوقين ومستنيين الخبر اليقين إن شاء الله. وأنا عن نفسي عايش في الأحلام وبفكر في السعر وميعاد الحجز والتسليم ... وبرضه حاسس إنك نسيتني في السؤال عن موضوع إسكندرية في القعدة مع أ/حبيب بس أنا عزرك لإنك كنت مركز في التفاوض معاه.
وياترى مجتش سيرة توفر قطع الغيار للموديل الجديد إذا ربنا سهل (سواء في مراكز القاهرة أو بقية المحافظات)
على كل إن شاء الله نسمع منك الأخبار الحلوة قريب وشكراً