أخر الأخبار : Gen.2 FaceLift

[Eng.Sameh]

يمكن مش اجازة متصلة ، يعني تصادف مجموعة اجازات في نفس الاسبوع زي ما بيحصل عندنا كتير ، او يكون اسبوع متصل ، او يكونو لسه ما وصلوش لقرار نهائي في السعر ، او .........

المهم انه رفض تماما لما قلتله يعني الموضوع مش هينفع ، وقالي ان هيتفاوض معاهم لحد ما ينزلها ، وفعلا كلنا عاملين حسابنا على شهر 9 ، ومش فارقه يعني اسبوع او اكتر في الحجز ، احنا حتى لو حجزنا على اول سبعة ، بردو هتوصل اول تسعة ، لأن الشحن مش بياخد اكتر من شهرين

[hamlet76]

والله انا بوجه لك الشكر على مجهودك الكبير .. لكن لازم يكون فيه شفافية من ناحية التوكيل والشركة الام .. وكمان الشركة المحترمة لازم يكون لها سياسة في تصدير منتجاتها وتسويقها مش تخضع لضغط...

[Eng.Sameh]

يا باشا ربنا يكرمك ، وبالنسبه للشركه ، اعتقد ان سوق الاستهلاك ممكن يخلي اي شركة تعدل سيايتها، يعني مثلا هما شايفين ان الهاي لاين ممكن متنجحش في مصر عشان السعر ، ولما يلاقو فيه طلب عليها وكمان الوكيل بيدعم الطلب ده ، عادي لما يغيرو سياستهم

[hamlet76]

انا عمري ما سمعت عن بي ام دبليو او مرسيدس أو فولكس فاجن او حتى شركة سيات عملت الموضوع ده لكن عالعموم جهدك والله مشكور للغاية .. وان شاء الله يكون فيه اتفاق قريب ..
انا عن نفسي بدور فعليا على سيارة الايام دي وكنت متابع لمشاركتكم بخصوص الهاين لاين او حتى الميد لاين المهم تنزل مصر وخلاص .. لكن دلوقتي انا مش عارف راسي من رجلي في الموضوع ده !!

[emadosman63]

انا شايف اننا نصبر شوية لأن عملية تسعير السيارة حاجة مش سهلة وتتدخل فيها عوامل كثيرة وأعتقد بوجود امل فى شراء السيارة الهاى لاين لأن لو الشركة واخدة قرار برفض توريد السيارة لأبلغونا به على الفور وعلى رأى المثل من تأنى نال ماتمنى

[hamlet76]

عموما .. كلنا نأمل في التوصل لاتفاق وخصوصا لأني باعتقد ان ماليزيا نمر أسيوي قادم بقوة على السوق العالمي ..
وعلى فكرة وبمناسبة اني باشتغل صحفي .. شركة بروتون بتوصف بأنها "الابن البار" لشركة ميتسوبيشي اليابانية للسيارات

[mazagnge]

أنا رأي نخطف

أحمــــــــد صــــــــــيام

[Eng.Sameh]

كلنا متفقين على خطف احمد صيام

بس ما قولتليش رأيك في آخر كلام حصل ؟؟؟؟؟؟؟

[mazagnge]

رآي كالاتي :

1 - هننتظر ... الاسبوع دة زى ما مستر حبيب قال .
2 - بناء على الرد :
أ : شكر و بداية خطوات ايجابية فى الموضوع اذا جت موافقة .
ب : مناقشة البديل الثاني اللي طرحتة الشركة "هاي لاين بموتور الميديوم " مع مراجعة فى السعر ، و طلب تعويض لفشل الصفقة الأولي . فى حالة ما أذا جاء الرفض .

3 - أنا من أنصار العرض الماليزي لكن رآي نشوف أخر العرض بتاعنا اية ... يعني مفاوضة لاخر لحظة ثم الانتقال للبديل الأخر ... كأستراتيجة للحصول علي أفضل مكسب ممكن .:)

............ الخوف لا تكون ماليزيا شمت خبر و مراقبة الموقع دلوقت .... يا عم احنا نهددهم ان ما بعتوش الصفقة ها نبعت لهم أحمــــد صيام ، و طبعاً أنت عارف ابو صــيام بيعزهم قد اية .... يعنى يا يجيب لنا العربيات ، يا يجيب لنا خبرهـــــــم

[tutankhamoun]

معلش الموافقة شيء والاستلام شيء تاني .. لكن مع كل الاحترام للاستاذ حبيب، انا باشتغل في وكالة أنباء وعمري ما سمعت عن أي دولة في العالم حتى لو كانت مصر أو زيمبابوي تعطي اجازة كل هذه الفترة

انجلترا في فترة الكريسماس ............. بتتشل ............ البلد كلها بتبقى واخدة أجازات لمدد 3 أيام متصلة و بعدين لو جاء سبت و أحد لازم يتعوضوا من شغلك و بعدين أجازات تانية و تلاقي البلد في شلل تام لمدة لا تقل عن 15 يوم
حتى السوبر ماركت ......... تروح تلاقيه فاضي و لما تسأل يقولك أصل عربيات الشحن سواقينها واخدين اجازة و الناس بتهجم على المحلات زي ما يكون فيه مجاعة
يعني عادي لما ماليزيا تأخدلها كام يوم اجازة
جات عليهم

ة فعلا ممكن يكون مش واخدين أجازة كل الفترة دي
بس ممكن يكون الناس المهمة اللي هاتخد القرار مش موجودين مع بعض و علشان كدا مستنين لما الكل يرجع علشان المفاوضات

[tutankhamoun]

انا عمري ما سمعت عن بي ام دبليو او مرسيدس أو فولكس فاجن او حتى شركة سيات عملت الموضوع ده لكن عالعموم جهدك والله مشكور للغاية .. وان شاء الله يكون فيه اتفاق قريب ..
انا عن نفسي بدور فعليا على سيارة الايام دي وكنت متابع لمشاركتكم بخصوص الهاين لاين او حتى الميد لاين المهم تنزل مصر وخلاص .. لكن دلوقتي انا مش عارف راسي من رجلي في الموضوع ده !!

لا ..........لا ...........لا
كل الشركات عندها موديلات مش بتنزل في الدول الفقيرة علشان هما عارفين أنها مش هاتتباع
من أصغر لأكبر شركة
و كل شركة لها سياستها التسويقية اللي بتسوق على أساسها في كل ما يناسب كل سوق على حدى
عندم مثلا ......... فيه بونتو 1800 سي سي و مش بتنزل مصر علشان هما عارفين إن الناس في مصر مش بتحب العربيات الهاتش باك قوي فلما ينزلوا عربية صغيرة و بموتور كبير و سعرها يكون أغلى من السيدان و محدش يشتريها ......... يبقى كدا فيه خسارة
أمال لزمة قسم دراسات التسويق في الشركات دي أيه ؟؟؟
و تحياتي الحارة لك .......... ( و أوعى تزعل علشان علقت على كلام الجميل ) بس أحنا أخوات طبعا .... و حبيت أوضح نقط بس مش أكتر
و تحياتي الحارة مرة أخرى

[hamlet76]

صباح الخير يا سيد توت
ردك فيه الكثير من اللباقة ولكن لكن ان تعرف ان جميع العطلات في الخارج مخطط لها جيدا من قبل .. اما فيما يتعلق بطرز السيارات فإن جميع الشركات الكبرى واعتقد ان بروتون ستكون واحدة منها قريبا، لها سياسات مبنية على خبرات خاصة وأنها موجودة في السوق المصرية منذ فترة ليست قصيرة

[tutankhamoun]

صباح الخير يا سيد توت
ردك فيه الكثير من اللباقة ولكن لكن ان تعرف ان جميع العطلات في الخارج مخطط لها جيدا من قبل .. اما فيما يتعلق بطرز السيارات فإن جميع الشركات الكبرى واعتقد ان بروتون ستكون واحدة منها قريبا، لها سياسات مبنية على خبرات خاصة وأنها موجودة في السوق المصرية منذ فترة ليست قصيرة

بس في حاجة أسمها الطورائ يا باشا ...........
و الناس العادية بيجيلها طوارئ كتير .............. و طلبات العملاء المفاجئة ........ تُسمى طوارئ
و شكرا على الحوار البناء

تحياتي الحارة :)

[hamlet76]

الطوارئ دي عندنا بس من سنة 1981 !!!

[hamlet76]

وبعدين على فكرة .. ماليزيا نمر اسيوي حقيقي بتطبق نظام اقتصادي صارم وهاتكون لها شأن اكبر من الحالي