يا ريت مشاكة كل ملاك جين 2

[sabregas2010]

اكيد لو جبتها من التوكيل او المعرض لازم هيكون معاها الضمان بتاعها
ولو طلع فيها عيب كلامك يبقى مع التوكيل مش المعرض لان المعرض بيبيع بس واصلا هو جايب العربية من التوكيل
ومش شرط يكون المعرض اغلى فى السعر ممكن يكون اغلى او نفس السعر او ارخص
ودى حاجة ترجع لصاحب المعرض

[EmadMohiy]

السلام عليكم:
دى أول مشاركة ليا فى المنتدى الرائع ده، و انا لسه مشترك فيه عشان الحمد لله ربنا وفقنى و أخيرا حجزت جين تو فى التوكيل و لما أخلص الإجراءات هابقى أستلمها - إن شاء الله.
أفضل خصم وصلتله هو 1500 جنيه فى المصرية بس انا ما حجزتهاش عندهم عشان اللون اللى عايزه (الأحمر) مش موجود دلوقتى فرحت حجزت فى التوكيل بخصم 1000 جنيه
ربنا يستر بقى و تطلع كويسه و مافيهاش المشاكل العجيبة اللى عمال أسمعها عنها :-)

[sabregas2010]

شرفت المنتدى يا استاذ عماد بس ممكن تعرفنا ايه هى المشاكل اللى بتسمع عنها

[shaddadfalcon1]

هو الخصم ده بيعمله من نفسه ولا انا لازم افاصل واعمل شوية الحركات دي؟

[sabregas2010]

بصراحة مش عارف بس ده مايمنعش انك تعمل شويه حركات بسيطة ولذيذة فى سبيل تخفيض السعر ههههه
وربنا يوفقك

[EmadMohiy]

شرفت المنتدى يا استاذ عماد بس ممكن تعرفنا ايه هى المشاكل اللى بتسمع عنها

شكرا على زوقك، المنتدى منور بالناس اللى المحترمة اللى فيه،
أما المشاكل اللى بسمع عنها على سبيل المثال رأى أحد الأشخاص و اللى هو كاتبه فى موقع شهير جدا للسيارات المستعملة و الجديدة (و مش عايز أذكر إسم الموقع إحترام لموقع نايل موتوزر)
و ده كان فى صفحة جين 2 منوال و كاتب الآتى :
عن تجربة

السيارة ممتازة فى
1- بتجرى كويس أوى
2- ثابتة جدا جدا
3- قوية و فيها اوبشن مش موجود فى أى عربية تانية بنفس السعر
العيوب:::::::
1- التوكيل سيئ جدا جدا جدا
2-تم تغير الأشياء التالبة فى خلال سنة مع ظان السيارة موديل 2011
ثرموستات الحرارة بعد أسبوعيين من شرائها
علبة الدركسيون
التكييف تم شحنه بعد 3 شهور
السنتر تم تصليحة بعد شهريين
كلوك أسبرنج تم تغيره بعد ستة أشهر من شراء السيارة
بلية الشداد بعد تسعة أشهر
طبعا بخلاف تيل الفرامل بعد 15000ك هههههههه
ااكنبة بتزياء من أول يوم

لأ بس العربية جامدة بس عمو عز العرب يهتم بيها شوية لأن بجد العربية كويسة و تستاهل الأهتمام
و أخيرا تم بيع السيارة نظرا لأنى تعبيت من كتر ما بروح التوكيل اصلحها

إيه مدى صحة الكلام ده، الله أعلم.

[shaddadfalcon1]

ايه ياجماعه المشاكل دي كلها
دي بقت كارته كده مش عربيه

متخلوناش ياجدعان ده انا عايز احط كل اللي حيلتي فيها

[tamerosman]

[QUOTE=EmadMohiy;3874094117]شكرا على زوقك، المنتدى منور بالناس اللى المحترمة اللى فيه،
أما المشاكل اللى بسمع عنها على سبيل المثال رأى أحد الأشخاص و اللى هو كاتبه فى موقع شهير جدا للسيارات المستعملة و الجديدة (و مش عايز أذكر إسم الموقع إحترام لموقع نايل موتوزر)
و ده كان فى صفحة جين 2 منوال و كاتب الآتى :
عن تجربة

السيارة ممتازة فى
1- بتجرى كويس أوى
2- ثابتة جدا جدا
3- قوية و فيها اوبشن مش موجود فى أى عربية تانية بنفس السعر
العيوب:::::::
1- التوكيل سيئ جدا جدا جدا
2-تم تغير الأشياء التالبة فى خلال سنة مع ظان السيارة موديل 2011
ثرموستات الحرارة بعد أسبوعيين من شرائها
علبة الدركسيون
التكييف تم شحنه بعد 3 شهور
السنتر تم تصليحة بعد شهريين
كلوك أسبرنج تم تغيره بعد ستة أشهر من شراء السيارة
بلية الشداد بعد تسعة أشهر
طبعا بخلاف تيل الفرامل بعد 15000ك هههههههه
ااكنبة بتزياء من أول يوم

لأ بس العربية جامدة بس عمو عز العرب يهتم بيها شوية لأن بجد العربية كويسة و تستاهل الأهتمام
و أخيرا تم بيع السيارة نظرا لأنى تعبيت من كتر ما بروح التوكيل اصلحها

إيه مدى صحة الكلام ده، الله أعلم.


دى كلها مشاكل معروفة و منتشرة بس الصعب انها تتجمع و تظهر كلها فى عربية واحدة

لاتوجد اى عربية فى السوق فى الفئة السعرية بتاعة الجين 2 و بنفس الثبات و الاتزان

انا عندى الثبات و الاحساس بمتعة سواقة العربية اهم نقطة و ده الى خلانى اشترى جين 2 و انا عارف ان فيها مشاكل ممكن تظهر زى الى مكتوبة فوق كل حاجة بتمنها الفكرة انك بتشترى عربية بسعر اقل من الكورى و اداء عربية المانى بس مش هتلاقى الاعتمادية بتاعة اليابانى

يعنى فى 3 نقط

سعر : الجين تكسب
اداء : تتفوق
اعتمادية : العربية لا تخلو من المشاكل الى اغلبها بسيط زى السنتر الى بيعلق والكنبة الى بتزيق و دى حاجات علاجها سهل و بسيط ولكن فى مشاكل تانية زى موضوع الثرموستات و بلية الشداد الى تعتبر مؤثرة

[Raul_7]

شكرا على زوقك، المنتدى منور بالناس اللى المحترمة اللى فيه،
أما المشاكل اللى بسمع عنها على سبيل المثال رأى أحد الأشخاص و اللى هو كاتبه فى موقع شهير جدا للسيارات المستعملة و الجديدة (و مش عايز أذكر إسم الموقع إحترام لموقع نايل موتوزر)
و ده كان فى صفحة جين 2 منوال و كاتب الآتى :
عن تجربة

السيارة ممتازة فى
1- بتجرى كويس أوى
2- ثابتة جدا جدا
3- قوية و فيها اوبشن مش موجود فى أى عربية تانية بنفس السعر
العيوب:::::::
1- التوكيل سيئ جدا جدا جدا -- لأ هو سيء بس.
2-تم تغير الأشياء التالبة فى خلال سنة مع ظان السيارة موديل 2011
ثرموستات الحرارة بعد أسبوعيين من شرائها -- بتحصل ساعات بس مش قاعدة, أنا غيرته أول أسبوع ومغيرتوش تاني.
علبة الدركسيون -- ليها تعديل بيتعمل.
التكييف تم شحنه بعد 3 شهور -- التكييف زي الفل الحمد لله من ساعة ما جبت العربية.
السنتر تم تصليحة بعد شهريين -- ساعات بيعلق فعلا وبيتحل بسهولة برده.
كلوك أسبرنج تم تغيره بعد ستة أشهر من شراء السيارة -- أنا غيرته برده بدون داعي اعتقادا مني إنه كان بايظ, لكن الطبيعي إنه مابيبوظش, غير إن بروتون كانت عاملة recall للموديلات القديمة لتغير الكلوك سبرينج احتياطي.
بلية الشداد بعد تسعة أشهر -- غيرتها مرة فعلا بس ده لأني كنت غسلت الموتور وده سبب إنها تبوظ.
طبعا بخلاف تيل الفرامل بعد 15000ك هههههههه -- ده يتوقف على الاستعمال, أنا لسة هاغيره أول مرة بعد 37 ألف.
ااكنبة بتزياء من أول يوم -- حلها بسيط قوي في التوكيل.

لأ بس العربية جامدة بس عمو عز العرب يهتم بيها شوية لأن بجد العربية كويسة و تستاهل الأهتمام
و أخيرا تم بيع السيارة نظرا لأنى تعبيت من كتر ما بروح التوكيل اصلحها

إيه مدى صحة الكلام ده، الله أعلم.

أنا رديت على النقط اللي فوق بمنتهى الصراحة, اللي شايف إن العربية كده كارثة بانصحوا من دلوقتي ميجبش بروتون خالص.

أنا في رأيي العربية زي الفل, يعيبها فقط التقفيل والخامات.

[shaddadfalcon1]

يعني الحاجات دي بسيطه وبتتحل في التوكيل ولا ايه النظام؟

دي اكتر حاجات دلوقتي خنقاني في المستعمل انا عايز اجيب جديد عشان ميبقاش فيها غير غيار الزيت ومفضلش كل شويه اروح علي التوكيل عشان احل مشكله

امال جديد ازاي يعني

[Raul_7]

يعني الحاجات دي بسيطه وبتتحل في التوكيل ولا ايه النظام؟

دي اكتر حاجات دلوقتي خنقاني في المستعمل انا عايز اجيب جديد عشان ميبقاش فيها غير غيار الزيت ومفضلش كل شويه اروح علي التوكيل عشان احل مشكله

امال جديد ازاي يعني

مممم, مش عارف أقول لحضرتك ايه بصراحة.

ممكن تجيب جين و مايقبلكش أي مشكلة, وممكن تجيب واحدة يقابلك فيها كذا عيب...وارد.

أنا بالنسبالي عربيتي رحت بيها التوكيل 3 مرات قبل صيانة ال 1000 بس بسبب موضوع الترموستات وإن الإشارات كانت فصلت. بس رغم كده أنا مستمتع بالعربية جدا وشايف إنها مفيهاش عيوب جامدة تمنع حد إنه يشتريها.

وانا دايما أقول إن الجين 2 مش عربية أي حد, لازم تبقى شاريها عن اقتناع من جواك, يا إما من أول عيب بسيط هتقول أنا ايه اللي خلاني أجيب العربية ديه ما كنت جبت كوري و ريحت دماغي.

نصيحتي ليك اعمل test drive في التوكيل, ده هيفرق جامد فإختيارك.

[shaddadfalcon1]

مممم, مش عارف أقول لحضرتك ايه بصراحة.

ممكن تجيب جين و مايقبلكش أي مشكلة, وممكن تجيب واحدة يقابلك فيها كذا عيب...وارد.

أنا بالنسبالي عربيتي رحت بيها التوكيل 3 مرات قبل صيانة ال 1000 بس بسبب موضوع الترموستات وإن الإشارات كانت فصلت. بس رغم كده أنا مستمتع بالعربية جدا وشايف إنها مفيهاش عيوب جامدة تمنع حد إنه يشتريها.

وانا دايما أقول إن الجين 2 مش عربية أي حد, لازم تبقى شاريها عن اقتناع من جواك, يا إما من أول عيب بسيط هتقول أنا ايه اللي خلاني أجيب العربية ديه ما كنت جبت كوري و ريحت دماغي.

نصيحتي ليك اعمل test drive في التوكيل, ده هيفرق جامد فإختيارك.

انا زميلتي في الشغل معاها العربيه من السنه اللي فاتت وتقريبا عامله حوالي 26 الف وبتقولي مفيش مشاكل خالص والمفروض اني هجربها بكره او اي يوم خلال الأسبوع

انا مقتنع بشكلها وبالكلام الحلو اللي عليها بس برده مقلق من حكاية التقفيل دي

اهم حاجه المشاكل دي لما بتحصل بتوقف العربيه ولا ممكن تمشي عادي بس تتعمل في اي وقت في التوكيل؟

[Raul_7]

انا زميلتي في الشغل معاها العربيه من السنه اللي فاتت وتقريبا عامله حوالي 26 الف وبتقولي مفيش مشاكل خالص والمفروض اني هجربها بكره او اي يوم خلال الأسبوع

انا مقتنع بشكلها وبالكلام الحلو اللي عليها بس برده مقلق من حكاية التقفيل دي

اهم حاجه المشاكل دي لما بتحصل بتوقف العربيه ولا ممكن تمشي عادي بس تتعمل في اي وقت في التوكيل؟

لا يا فندم مفيش عطل بيوقف العربية, وإن شاء الله ميبقاش فيه اعطال خالص.

يعني مثلا بلية الشداد ديه بتخلي الموتور يصفر صفارة خفيفة على بداية كل نقلة, مش مؤثر عالأداء بس صوت رخم لو حضرتك من النوع اللي بيركز في الأصوات زيي.

لو حضرتك حابب تقابلني اديك فكرة عن الأصوات اللي ممكن تسمعها من العربية ما عنديش مانع, ويا عالم ممكن تلاقي الواقع عكس ماكنت متخيل تماما. :)

[tutankhamoun]

تجربتي مع عربيتين جين 2

مفيش مشاكل قابلتني في العربيتين - و العربيتين كانوا ممتازين (ده اللي أقدر أقوله بأختصار ) لأن الأخوة ما شاء الله أضافوا الكثير.
الجين 2 عربية مزاج ...... اللي بيشتريها يكون غاويها .

[shaddadfalcon1]

لو صوت بسيط مش قصه
مانا راكب اللانوس وبتبقي فرح واتعلمت اكبر دماغي واطنش عشان نفسيتي متتعبش