ما حدث تجاه حل مشكلتى مع الجين 2 و توكيل عز العرب

[FLYINGPEUGEOT]

الف مبروك ياباشا

وماتتخيلش حجم سعادتى لسببين

الاول :وهوحل مشكلتك والتوصل الى حل يرضيك

الثانى:وهو ما وصل اليه هذا التوكيل من رقى وفهم ووعى واحترام العميل
وجعل مصلحته ورضاه فى المقام الاول

سقفه كبيره للناس دى بجد
وامتى نشوف توكيلات مصر كلها كده ؟

[abo omar]

أحمد باشا
ده خبر كويس جدا كنت مضايق قوى علشانك
ألف مبروك
وأعتقد ان الناس دى أثبتت انها محترمة

[Mzeid]

مبروك يا أستاذ أحمد على الخبر السار دة ..
بس أحب أحكي حكاية بسيطة ..
أبن عمة والدي عايش في ألمانيا عنده AUDI A4 شاريها على الزيرو بنصف ثمنها ليه .. ؟
العربية دي كانت إتباعت قبل كدة بس اللي إشتراها إكتشف فيها عيب أول ما إشتراها و العيب دة لإيه .. لقى القربة فيها ثقب صغير قام مرجع العربية للمصنع و إستلم بدلها واحدة ثانية جديدة تماماَ و الأولى تم علاج العيب و باعوها بنصف ثمنها علشان الحكاية دي ..
:):)

[Hassan Khalil]

مبروك يا أستاذ أحمد على الخبر السار دة ..
بس أحب أحكي حكاية بسيطة ..
أبن عمة والدي عايش في ألمانيا عنده AUDI A4 شاريها على الزيرو بنصف ثمنها ليه .. ؟
العربية دي كانت إتباعت قبل كدة بس اللي إشتراها إكتشف فيها عيب أول ما إشتراها و العيب دة لإيه .. لقى القربة فيها ثقب صغير قام مرجع العربية للمصنع و إستلم بدلها واحدة ثانية جديدة تماماَ و الأولى تم علاج العيب و باعوها بنصف ثمنها علشان الحكاية دي ..
:):)

لا مؤاخذة يابو صيام حاخش علي موضوعك ..

بس كنت عايز اسأل كمارو يسأللي قريبه ... الهي ربنا يخليك .. و يوسع عليك ..معندهمش واحدة تانية فيها علبة دريكسيون و اللا كبالن و اللا حتي عايزة تغير فتيس ناخدها بربع التمن ؟؟؟؟

[Mzeid]

لا مؤاخذة يابو صيام حاخش علي موضوعك ..

بس كنت عايز اسأل كمارو يسأللي قريبه ... الهي ربنا يخليك .. و يوسع عليك ..معندهمش واحدة تانية فيها علبة دريكسيون و اللا كبالن و اللا حتي عايزة تغير فتيس ناخدها بربع التمن ؟؟؟؟

يا ريت و الله كنت جبتلي بتاع 10 و لا حاجة ....
:D:D:D:D:D

[Chicco]

الحمد لله إن الحكاية خلصت على حاجة ترضى حضرتك
بمقاييس السوق المصري الحل كويس و أنا رأيي من رأي الأخوة إن حضرتك تغير العربية ...بالتوفيق إن شاء الله

[MohabSaeed]

الحمد لله يا استاذ احمد انك وصلت لحل يرضيك مع التوكيل .

اختار الحل الى يرضيك من الاختيارين سواء الحل الاول او الحل التانى ........ وان كنت نوعا ما بأرجح الحل التانى " لاسباب نفسيه " علاشان اكيد حضرتك ا خدت انطباع وحش عنها .

وال حل الاول ممتاز برده اربع سنين ضمان .. وبدون مصنعيات او تكلفه الصيانات ... كلا الحلين ممتازين .

متهيالى عز العرب نجح فى الاختبار واثبت انه بيحترم عملائه .

يارب ديه تكون بدايه للاحسن والاحسن بالنسبه لعز العرب الى فعلا اتطورو كتير جدا عن زمان .

[M_HaFeZ]

الف الف مبروك يابوصيام والله العظيم فرحتلك جدا


كمارو باشا .. مفيش اودى كانت مقلوبه ولا حاجه

[Xirox1313]

مبروك مرة تانية يا أستاذ أحمد وإن شاء الله يباركلك في إختيارك.

[Ahmed_Ezz]

ألف مبرووووووووك وإن شاء الله ربنا يباركلك فيها

[todolist]

الحل الثانى مع إشتراط توافر ABS-EBD-2 Airbags وضمان كامل المدة

[ahmedsiyam]

السلام عليكم

الاخوة الافاضل مشكورين جميعا على شعوركم الطيب و انا بجد موش عارف اقول ايه بصراحة بس هو ده كان العشم فيكم جميعا

وعلى فكرة انا سالت الناس احتياطى على انه لو تم فجاه تغيير قيادات فى عز العرب اروح انا فين بمشكلتى دى
الرد بصراحة كان كافى و من الاثنين سواء الاستاذ / حببيب او المهندس / احمد
الموضوع معروف لدى الشركة الام و لدى التوكيل و موثق بمراسلات رسمية من الطرفين و عز العرب وكيل كبير بما فيه الكفاية على انه يقول كلمة و يلتزم بيها لانه موش بروتون بس و لا عربيتى بس دى مصداقية توكيل فى التزام تجاه العميل

[Migo123]

السلام عليكم

الاخوة الافاضل مشكورين جميعا على شعوركم الطيب و انا بجد موش عارف اقول ايه بصراحة بس هو ده كان العشم فيكم جميعا

وعلى فكرة انا سالت الناس احتياطى على انه لو تم فجاه تغيير قيادات فى عز العرب اروح انا فين بمشكلتى دى
الرد بصراحة كان كافى و من الاثنين سواء الاستاذ / حببيب او المهندس / احمد
الموضوع معروف لدى الشركة الام و لدى التوكيل و موثق بمراسلات رسمية من الطرفين و عز العرب وكيل كبير بما فيه الكفاية على انه يقول كلمة و يلتزم بيها لانه موش بروتون بس و لا عربيتى بس دى مصداقية توكيل فى التزام تجاه العميل

اولا مبروك يا احمد على حل المشكله وربنا يعوضك خير ان شاء الله عن الفتره اللي العصيبه اللي عشتها مع العربيه

اهم حاجه ان الاتفاق اللي وصلتله معاهم ده يكون موثق يعني اقل واجب اضافة السنه الرابعه وشروط الصيانه الجديدة على دفتر الضمان ...و لو بخط اليد مصحوبأ بختم الشركه.

على الاقل مش كل مره تروح تعمل صيانه تبقى مضطر انك تكلم مدير مركز الصيانه.

نظام لا متقلقش كلنا عارفينك وعيب ومتقولش كده ......... والحركات دي ماينفعش في اتفاق زي ده

وتقبل خالص مودتي واحترامي

[ahmedsiyam]

مشكور يا اخى الفاضل و الموضوع هايمشى كده بامر الله
تحياتى لك

[Eng.Sameh]

يا باشا ألف مبروك ، معلش هيه جات متخره ،

وبالنسبة للأختيارات اللي قدامك ، انا طبعا شايف انك تاخد عربية جديدة ، وتبقى دخلت عالم الفاسليفت :)