بروتون ولا نيسان الجديدة ........ انا خلاص هتجنن

[roma_romio2000]

يا جماعة ارجوا المساعدة ............. انا محتار بجد بين البرسونا او الجين 2 و الصنى الجديدة
برجاء الاقادة بسرعة

[amrelsha3er]

اعمل فى سم المقارنات احسن ليك
كل عربيه من دول مالها وما عليها
برسونا وجين2 واحد اختلاف ظاهرى فقط
الصنى احسن فى سعر اعاده البيع وتوافر قطع الغيار والاعتماديه
بروتون احسن فى الثبات والقوه والتقفيل والشكل والثورى
دى مقارنه على السريع باختصار
تحياتى

[Al-Farooq]

انا عاوزك تعمل مقارنة بين نيسان صني 2012 و نيسان صني 2011 :D
==
انت فى قسم بروتون ، اغلب الناس اللى اشترت عربياتهم من ماركة بروتون كان عندهم خلفية عن العربيات التانية نقدر نسميها ماركات ال Stereotype ،
ونيسان صني من العربيات دي ، والحمدلله استخرنا و اخترنها وبايعنها واشترينا بروتون وطلعت ماشاء الله xD

[mido_soliman]

هوة انا شهادتى يمكن تكون مجروحة او اى حد معاة صنى او بروتون كدة
بس اقولك الفيصل
اعد فى العربيتين واللى تستريحلها اشتريها

[hossam_elwani]

صنى بدون جدال

[mido_soliman]

صنى بدون جدال

ههههههههههه
هوة دة فرض رأى ولا حقيقة مسلم بها ومعمولها نظريات زى 1+1=2
على فكرة انا نفسى نكون موضوعيين بس فى كلامنا مش علشان انا بحب او بكرة او معايا العربية دى يبقى زايى هوة الصح
انا محبتش اقول رايى فى الصنى الجديدة على الرغم انى ركبتها وانا معايا بروتون علشان شهادتى متبقاش مجروحة
بس اقسملك بالله يا اخى الكريم كل اللى معاة جين2 او برسونا (على اعتبار الفئة السعرية المتقاربة ) بلا جدال مش عايز اقولك ميرضوش يركبوا الصنى الجديدة دى لو ادتلهم فلوس
والله ما هو تقليل منها ولا اى شىء دى عربية جميلة
بس مالك الجين2 او البرسونا حيفهم انا اقصد اية
علشان كدة يمكن انت رايك مختلف زى راينا وبالتالى !!!!!!!!!!
شهادتنا مجروحة وغير موضوعية لان حيبقى داخل فيها نسبة عاطفة :)

تحياتى العطرة
بالمناسبة
ممكن مقارنة بسيطة اوى من حضرتك تعرفنا فيها سعر الصنى الجديدة وصناعتها فين وكمالياتها اية اللى تخليها تتفوق على بروتون بلا جـــــــــــــــــــدال

لازم يبقى فى حاجة وااااااااااااو وكانك بتقارن بين جين2 وبى ام او مرسيدس مثلا :)

[Al-Farooq]

شكراً استاذ ميدو على المداخلة الكريمة
ننتقل إلي سؤال آخر وأسمح لى اسألك
تتردد الاقاويل ان بلد الهند داخلة فى موضوع التكاتك اقصد العربية الجديدة اياها "غمزة ;)" ،
هل الكلام دة حقيقة استاذ ميدو وبما تفسر علل واكتب ما تعرفه عن ؟! :d

[Al-Farooq]

هو بس يعمل مقارنة بين صني 2011 و 2012 ، واللى تنجح فى المقارنة تبقي تتقارن بجين او برسونا !
المشكلة رجالة صني دلوقتي بتلاقيهم عاجبهم العربية البطة الجديدة دي ، يعني لا شكل ولا اداء ولا اى حاجة
الاكثر من كدة نسب وتناسب العربية فى الضياع ، وسعت من جوة وودعوا ابعادها للأبد

مش عارف ليه لما ببص لها من على الجنب بحس ان "طول الكاوتش الأمامي" = "طول كبوت العربية" بدون الاكصدام والفوانيس!!!

تتكلم فى الشكل يقولك اذواق ، تتكلم فى الاداء عزم واحصنة وثبات يقولك احنا مش داخلين بها سباق وحلوة ،
تتكلم عن الكاوتش الصيني يقولك مش للدرجة ، طيب هو عاجبهم مثلا شكل الطاسات ؟!! :d
وقال ايه فى الريفيو بتاعها اللي نزل هناك ليقتهم بيقولوا انها تورشن بيم مما يؤدي إلي إعطاء ثبات قوي للعربية ، ياراجل كبر مخك ههههه
انا عاوز اشوف اللى بيتكلم كدة واقول له عيني فى عينك كدة ههههههه :d

[RedBull_30]

صباح الخير

انا حابب اقول لصاحب الموضوع معلومة وهي ان انا عربيتي جين 2 معايا بقالها 4 سنين وكل ما تيجي في بالي فكرة التغيير لسيارة تانية بلاقي نفسي مبفكرش غير في حاجة فوق ال 150 الف جنيه مثلا زي الفانتازيا ..

فعلا الجين 2 بتسحر اللي يركبها .
خد بالك من حاجة وهي ان اغلبية ماركات السيارات بقت بتعرف تعمل محركات واللي مش بيعرف بيستعين بمحركات ميتسوبيشي او تويوتا زي الشركات الصيني .. لكن التناغم بين المحرك والعفشة وجسم السيارة ده اللي صعب .
الكلام ده مش هتلاقيه غير في البروتون او في السيارات اللي فوق ال 150 الف جنيه..
احترامي الكامل لكل من اشترى كيا سيراتو او هيونداي النترا .. اعتقد انه عرف الحقيقة المرة بعد اول ربع ساعه ركبها وده لو كان سوّاق .. بس اللي حصل حصل ..
برضو الصني سعرها حلو وشكلها من قدام بصراحة عاجبني ومن الشنطه وحشش اوووي و بصراحة انا مجربتهاش في القيادة بس حد يطلع هنا و يقولي انه ركبها و يقولي ان جهاز التعليق بتاعها على الاقل كويس بس يقولي هو كان سايق ايه قبلها عشان نعرف نقييم برضه .

[ahmedteam]

معلومه اضافيه بعيدا عن المقارانات الفنيه و المواتير و الشد و كده

اشترى العربيه اللى ترتحلها اكتر علشان لو جبت عربيه تانيه بعد كده كل لما تشوف العربيه اللى كان نفسك فيها هتتضايق و طبعا لا تنسى الاستخاره

ربنا يوفقك

[olver]

استاذ ميدو انا اقول شهاده محايده على الاخر عربيتن كانوا مع الوالد البروتون الواجا و بعد كده غلطنا و جبنا صنى 2008
البروتون الواجا و ده كانت بريميم 2006و الصنى ex 2008 بقا :
شكل الداخلى : البروتون تابلوه شيك بكاسيت محترم و ابانوس مع اكر نيكل اما الصنى لا تعليق بلاستيك السنين بقا و كاسيت مايعلم بيه الا ربنا
الشكل الخارجى : البروتون كانت ساعتها لسه ملهاش شهره و الله كانت الناس بتوقفنا تقولنا ايه العربيه ده و مع الجنوط و الستاير الى ورا و الله تحفه اما الصنى بردو لا تعليق تاسات و شكلها مقبول ده موديل 2008 اما 2012 انا بقا مش هتكلم عنها عشان لو اتكلمت المشرف اكيد هيوقفنى عن المشاركه
الاوبشنز : 2 ايرباج مريات ضم مفتاح بريموت تاره ملتى و abs غير الحاجات الاساسيه
الصنى الحمدلله كانت ب 4 ازاز كهربا و لما عملو فى 2009 abs عملو برشور و دعايه الحق ال abs و المفتاح معاه حاجه بلاستيك بردو اسمها ريموت
المساحه الداخليه: مفيش مقارنه فى صالح البروتون بدون منافس واكيد ملاك الصنى فهمنى انا بقول ايه
التعليق : البروتون كانت ناشفه شويه انما ثابته اوووووووى لحد 160
الصنى : ناشفه زى النقل و غيرتها كلها على ال 80000 ب 9000 جنيه و كانت نيله و الله وكانت ثابته لحد 150
الاعتماديه الوالد بايع البروتون عامله 123000 و لا الهوا و الحمدلله الى خادها لسه بيعيد علينا فى الاعياد و مبسوط بيها
الصنى عامله 100000 و لما بعنها اقسم بالله البيت كولو فرح لنها عربيه جرار موتور و فتيس و تكييف غير كده متخدش منها
السعر البروتون الواجا جيبنها زيرو ب 92000 و الصنى كانت زيها تقريبا يبقى انهى عربيه تبقى البريمو
انا بعد الى قولتو انا راكب فورد فوكاس مليش مصلحه فى البروتون و لاشغال فى عز العرب
و قسم بروتون احبو افهمكم حاجه المنتدى فيه تعصب السنين لو اتكلمت عن الهيونداى و لا النيسان الصنى تبقى بتغلط غلطه عمرك ليه عشان ده عربيات فضائيه

[tutankhamoun]

و قسم بروتون احبو افهمكم حاجه المنتدى فيه تعصب السنين لو اتكلمت عن الهيونداى و لا النيسان الصنى تبقى بتغلط غلطه عمرك ليه عشان ده عربيات فضائيه

[SonaSteel]

ههههههههههه
هوة دة فرض رأى ولا حقيقة مسلم بها ومعمولها نظريات زى 1+1=2
على فكرة انا نفسى نكون موضوعيين بس فى كلامنا مش علشان انا بحب او بكرة او معايا العربية دى يبقى زايى هوة الصح
انا محبتش اقول رايى فى الصنى الجديدة على الرغم انى ركبتها وانا معايا بروتون علشان شهادتى متبقاش مجروحة
بس اقسملك بالله يا اخى الكريم كل اللى معاة جين2 او برسونا (على اعتبار الفئة السعرية المتقاربة ) بلا جدال مش عايز اقولك ميرضوش يركبوا الصنى الجديدة دى لو ادتلهم فلوس
والله ما هو تقليل منها ولا اى شىء دى عربية جميلة
بس مالك الجين2 او البرسونا حيفهم انا اقصد اية
علشان كدة يمكن انت رايك مختلف زى راينا وبالتالى !!!!!!!!!!
شهادتنا مجروحة وغير موضوعية لان حيبقى داخل فيها نسبة عاطفة :)

تحياتى العطرة
بالمناسبة
ممكن مقارنة بسيطة اوى من حضرتك تعرفنا فيها سعر الصنى الجديدة وصناعتها فين وكمالياتها اية اللى تخليها تتفوق على بروتون بلا جـــــــــــــــــــدال

لازم يبقى فى حاجة وااااااااااااو وكانك بتقارن بين جين2 وبى ام او مرسيدس مثلا :)

ههههههههههههههههههههه انا معايا صني و لو قالولي هانديك الجديد ةببلاش مش هاخدها ههههههههههههههه
ديه اذواق طبعا اولا واخيرا ..... بس انت بتشوف متطلباتك وظروف العربية
مبدئيا كده البروتون مشوفتش حد اشتراها الا وهو عارفها وعارف قيمتها وهايعرف يسلك فيها ..... وبيحبها
وفعلا هايستحمل منها اي حاجة
الحمد لله رب العالمين ..... بس لو كنت اعرف ناس في بروتون وحد يظبطني فيها كنت جيبتها
بس انا نفسي سالت زمان في بروتون عن مشاكلها و عيوبها والكلام ده
ووالله الكلام ده حصل قالولي علي عيوب قفلتني منها وملاكها .... مش فاكر مين طبعا
بس لو رجعت وبصيتلها دلوقتي بعد ما فهمت الدنيا ماشية ازاي والمنتدي والتعاملات وصحابي ماهم جين تو .. لا الدنيا لذيذة الحمد لله

بس الحمد لله نصيب .......... الجين تو شكلها جميل طبعا وجراية وثابتة و شيك بس برده حط قدامك التوكيل و عدم توافر قطع الغيار في التوكيل نفسه
يعني لو عايو مساعد ولا حاجة في العربية بتتبت تيجي بالبارت نمبر .. صح ولا لأ ؟

في ناس صحابي قشطة مش فارقة معاهم يستنوا ..وفي ناس تاني مالهمش في الجو ده عايزين يخلصوا وانا منهم علشان كده ربنا كرمني بالصني الحمد لله ....... وتوكيل نيسان محدش يختلف عليه ماشاء الله

انا من رأي تقعد في العربيتين وتشوف مستريح لايه اكتر ....... بس بلاشك الجين تو اظبط من اول فئة في الصني
الفئة الجديدة الكلام مختلف حبة حلوين برده

ومتنساش الاستخارة وربنا ييسرلك الحير يارب :))

استاذ ميدو انا اقول شهاده محايده على الاخر عربيتن كانوا مع الوالد البروتون الواجا و بعد كده غلطنا و جبنا صنى 2008
البروتون الواجا و ده كانت بريميم 2006و الصنى ex 2008 بقا :
شكل الداخلى : البروتون تابلوه شيك بكاسيت محترم و ابانوس مع اكر نيكل اما الصنى لا تعليق بلاستيك السنين بقا و كاسيت مايعلم بيه الا ربنا
الشكل الخارجى : البروتون كانت ساعتها لسه ملهاش شهره و الله كانت الناس بتوقفنا تقولنا ايه العربيه ده و مع الجنوط و الستاير الى ورا و الله تحفه اما الصنى بردو لا تعليق تاسات و شكلها مقبول ده موديل 2008 اما 2012 انا بقا مش هتكلم عنها عشان لو اتكلمت المشرف اكيد هيوقفنى عن المشاركه
الاوبشنز : 2 ايرباج مريات ضم مفتاح بريموت تاره ملتى و abs غير الحاجات الاساسيه
الصنى الحمدلله كانت ب 4 ازاز كهربا و لما عملو فى 2009 abs عملو برشور و دعايه الحق ال abs و المفتاح معاه حاجه بلاستيك بردو اسمها ريموت
المساحه الداخليه: مفيش مقارنه فى صالح البروتون بدون منافس واكيد ملاك الصنى فهمنى انا بقول ايه
التعليق : البروتون كانت ناشفه شويه انما ثابته اوووووووى لحد 160
الصنى : ناشفه زى النقل و غيرتها كلها على ال 80000 ب 9000 جنيه و كانت نيله و الله وكانت ثابته لحد 150
الاعتماديه الوالد بايع البروتون عامله 123000 و لا الهوا و الحمدلله الى خادها لسه بيعيد علينا فى الاعياد و مبسوط بيها
الصنى عامله 100000 و لما بعنها اقسم بالله البيت كولو فرح لنها عربيه جرار موتور و فتيس و تكييف غير كده متخدش منها
السعر البروتون الواجا جيبنها زيرو ب 92000 و الصنى كانت زيها تقريبا يبقى انهى عربيه تبقى البريمو
انا بعد الى قولتو انا راكب فورد فوكاس مليش مصلحه فى البروتون و لاشغال فى عز العرب
و قسم بروتون احبو افهمكم حاجه المنتدى فيه تعصب السنين لو اتكلمت عن الهيونداى و لا النيسان الصنى تبقى بتغلط غلطه عمرك ليه عشان ده عربيات فضائيه

تعالي اوريك عربية صني 2008 ... عاملة 320 الـــــــف كيلو
زيرووووووووووووووووو ....... وشلة من صحابي واقفين عليها بالحجز :))))
الصني بتعمل 150 و200 الف والمكنة بحالتها ماشاء الله الا لو حد مهمل في صينتها ..... ديه حاجة الناس كلها عارفها ماشاء الله ........ مواتير نيسان بالذات من المواتير المعمرة بفضل الله

اما بقي ان الصني بلاستيك ........ ان مشوفتش الجدية ولا ايه ؟؟ ههههههههههههههههه
انا معرفش خامات الواجا ايه
بس واحد صاحبي اخوه معاه الواجا وهو كان معاه الصني 2002 ........ وبيموت في الصني برده
وكان بيعمل بيها كل يوم مش اقل من 500 كم .... في اليوم
العربية بيعمل بيها 40 الف في السنة وباعها وجاب بي ام e30 وعايز يجيب صني تاني ماشاء الله
بس بيشكر جدددددددا في ثبات الواجا ماشاء الله ... بيقارنها بالالماني :d

الفكرة في اعتمادية العربية وحاجاتها متوفرة ورخيصة او مش غالية بمعني اصح مقارنة بعمرها
يعني برده مينفعش تجيبلي تيل ب60 جنيه وطنابير ب400 جنيه
وتغير الحاجات المهموة في العربية بصيني والعربية يطلع ترابتينها وتقول العربية جرار :)))

وربنا يبارك لملاكها فيهم يارب :))

[tutankhamoun]

طبعا الصني عربية ممتازة لغاية 2011 )
الجديدة معقولة مش وحشة .... و لكن شكلها و تركيبتها على بعضها معقولين بس مش واو .

الواجا اللي موضع الحديث هي الواجا البريميوم اللي كانت بتنزل في 2006 و 2007 و دي غير اللي موجودة دلوقتي و ماعدتش بتنزل بريميوم من 2008 .

الخامات الداخلية مختلفة تماما عن الواجا من أول 2008 من حيث الفخامة و جودة التابلوه و هو فعلا أحسن من بتاع الجين 2 و أحسن من بتاع الصني .

كل ده الواجا البريميوم .

عموما العربيتين كويسين .
و لصاحب الموضوع ......... شوف أنت مرتاح لأيه و هاته و كبر دماغك .

موضوع قطع الغيار ده مبالغ فيه يا جماعة .... القطع متوفرة و في بعض الأحيان فيه قطع مش متوفرة فعلا بس مش ده الحال على طول .

ربنا يبارك لأصحاب الصني و يبارك لأصحاب البروتون و في النهاية كلهم عربيات بتودينا و تجيبنا من مشوارينا .

هو بس رد الأستاذ حسام علواني مستفز شوية من الناحية العلمية .

لأن أصلا كأمكانيات مفيش وجهة مقارنة بين البرسونا أو الجين 2 و الصني الجديدة .
يمكن الصني القديمة ماشي هي دي اللي ممكن تتقارن بهم .

أنا من رأيي أن الصني الجديدة تتقارن بالساجا قريبين من بعض في نظام العفشة و الحجم و الموتور .

[eng.m7md.ali]

طبعا الصني عربية ممتازة لغاية 2011 )
الجديدة معقولة مش وحشة .... و لكن شكلها و تركيبتها على بعضها معقولين بس مش واو .

الواجا اللي موضع الحديث هي الواجا البريميوم اللي كانت بتنزل في 2006 و 2007 و دي غير اللي موجودة دلوقتي و ماعدتش بتنزل بريميوم من 2008 .

الخامات الداخلية مختلفة تماما عن الواجا من أول 2008 من حيث الفخامة و جودة التابلوه و هو فعلا أحسن من بتاع الجين 2 و أحسن من بتاع الصني .

كل ده الواجا البريميوم .

عموما العربيتين كويسين .
و لصاحب الموضوع ......... شوف أنت مرتاح لأيه و هاته و كبر دماغك .

موضوع قطع الغيار ده مبالغ فيه يا جماعة .... القطع متوفرة و في بعض الأحيان فيه قطع مش متوفرة فعلا بس مش ده الحال على طول .

ربنا يبارك لأصحاب الصني و يبارك لأصحاب البروتون و في النهاية كلهم عربيات بتودينا و تجيبنا من مشوارينا .

هو بس رد الأستاذ حسام علواني مستفز شوية من الناحية العلمية .

لأن أصلا كأمكانيات مفيش وجهة مقارنة بين البرسونا أو الجين 2 و الصني الجديدة .
يمكن الصني القديمة ماشي هي دي اللي ممكن تتقارن بهم .

أنا من رأيي أن الصني الجديدة تتقارن بالساجا قريبين من بعض في نظام العفشة و الحجم و الموتور .

+11
بس الواجا كانت بتنزل لحد ال 2010 الشكل الجديد نفس كماليات البريميوم بس انا بفضل القديمة بصراحة عن اللي معايا


proton = lotus ride and handling
ودي نقطة خطيرة جداً في المقارنة