بروتون ولا نيسان الجديدة ........ انا خلاص هتجنن

[tutankhamoun]

+11
بس الواجا كانت بتنزل لحد ال 2010 الشكل الجديد نفس كماليات البريميوم بس انا بفضل القديمة بصراحة عن اللي معايا


proton = lotus ride and handling
ودي نقطة خطيرة جداً في المقارنة

بس انا مش بتكلم عن الكماليات .
أنا بتكلم عن التابلوه و المواد المستخدمة داخليا .

تحياتي .

[eng.m7md.ali]

بس انا مش بتكلم عن الكماليات .
أنا بتكلم عن التابلوه و المواد المستخدمة داخليا .

تحياتي .

نفس التابلوه والخامات .. بس التقفيل احسن من الجديدة

كل سنة وحضرتك طيب :))

[Motarjim]

السلام عليكم إخواني الكرام

في ملحوظة بسيطة وودت أن ألفت الانتباه إليها مع اللغط والجدل المثار حول تغيير نظام دعم الوقود، والارتفاع المحتمل في أسعار البنزين، وما يترتب عليه من ترشيد الاستهلاك نظرًا لمحدودية الحصة الشهرية أو السنوية من الوقود المدعم المزمع طرحها، اعتقد والله أعلم أن نيسان صني الجديدة أكثر توفيرًا في استهلاك الوقود مقارنةً بجين تو أو برسونا نظرًا لأن سعتها اللترية 1500 سي سي.

أظن أن الفارق بين السيارتين في السعة اللترية مش كتير 100 سي سي، فهل الفارق في الاستهلاك من حيث التوفير لصالح الصني إلى حد كبير؟

علمًا بأنني قرأت مشاركات كثيرة لرجالة بروتون تفيد أن جين تو/برسونا موفرة في استهلاك البنزين كسيارة 1600 سي سي وذلك مع القيادة الهادئة المتنظمة.

وكل عام وحضراتكم جميعًا بخير.

[Al-Farooq]

كلام صحيح ، استهلاك مثالي جداً فى حالة القيادة هادئة منتظمة " خارج الزحمة"

[olver]

تعالي اوريك عربية صني 2008 ... عاملة 320 الـــــــف كيلو
زيرووووووووووووووووو ....... وشلة من صحابي واقفين عليها بالحجز :))))
الصني بتعمل 150 و200 الف والمكنة بحالتها ماشاء الله الا لو حد مهمل في صينتها ..... ديه حاجة الناس كلها عارفها ماشاء الله ........ مواتير نيسان بالذات من المواتير المعمرة بفضل الله

اما بقي ان الصني بلاستيك ........ ان مشوفتش الجدية ولا ايه ؟؟ ههههههههههههههههه
انا معرفش خامات الواجا ايه
بس واحد صاحبي اخوه معاه الواجا وهو كان معاه الصني 2002 ........ وبيموت في الصني برده
وكان بيعمل بيها كل يوم مش اقل من 500 كم .... في اليوم
العربية بيعمل بيها 40 الف في السنة وباعها وجاب بي ام e30 وعايز يجيب صني تاني ماشاء الله
بس بيشكر جدددددددا في ثبات الواجا ماشاء الله ... بيقارنها بالالماني :d

الفكرة في اعتمادية العربية وحاجاتها متوفرة ورخيصة او مش غالية بمعني اصح مقارنة بعمرها
يعني برده مينفعش تجيبلي تيل ب60 جنيه وطنابير ب400 جنيه
وتغير الحاجات المهموة في العربية بصيني والعربية يطلع ترابتينها وتقول العربية جرار :)))

وربنا يبارك لملاكها فيهم يارب :)) [/QUOTE]

انا مقصدش اعيب فى الصنى لعلم حضرتك يمكن اكون بنقل تجربه مش اكتر والله انما مش عايز اكون بضرب فى عربيه زى ما ناس كتير بتعمل فى المنتدى انها تعلى عربيه على حساب عربيه مقابل ان نفس نوع عربيتو يبيع و اظن المنتدى بتعنا بقا محطه لاى واحد مقبل على شراء عربيه
و انا متابع كويس لحضرتك فى قسم نيسان باماره التقرير التحفه بتاع ال X6 والله ضحكت ضحك مش طبيعي
و صاحب الموضوع انسى اى حاجه و الى تستريح فيها و تحس ان الدنيا هتكون سهله معاك و متوفره و مرتحلها خلص فيها و صدقنى اى عربيه و فيها الكويس و الوحش مفيش حاجه كامله او حاجه الناس اتفقت عليها و الا مكنش فيه عربيه هتبيع الا العربيه ده

[aimank]

شوف انت عايز ايه بالظبط
عايز عربية تتحرك بيها تقضى مشاويرك و خلاص ولا عايز عربية تستمتع بسواقتها ؟
عايز عربية جديدة تركبها سنة و لما تيجى تبيع تبيع بسرعة و بسعر كويس ولا مش فارقة معاك ممكن تبيع بعد 3 او 4 سنين بأى سعر؟

لازم تحدد بالظبط انت عايز ايه من العربية الى حتجيبها وايه الى يفرق معاك و الى ميفرقش ولازم ترتب اولوياتك لو عملت كده و جاوبت على الاسئلة الى فوق حتعرف انهى عربية الى مناسبة ليك

و على فكرة انا كان معايا برتون ويرا 2005 اتوماتيك 1500 عربية محترمة جدا بعد ما بعتها جبت فيرنا 1600 اتوماتيك بعتها بعد 3 شهور و جبت اوبترا بعتها بعد سنة و نص و جبت نيسان صنى 2010 سوبر صالون و لسه معايا لغاية دلوقتى
لو حتقارن بين السوير صالون القديمة زى الى معايا والبيرسونا او الجين 2 ممكن تحتار
انما لما تقارن بين الصنى الجديدة و البرتون مش شايف فيها حيرة خالص دا بالنسبة ليا

[drshehab]

برسونا طبعا ده كفايه فرق التقفيل بس التوكيل حيتعبك شويه

[hesham.sma]

وزى ماقالو.....انا قبل ماجيب البرسونا كنت محتار بينها وبين الصنى الجديدة
وبعدين ركبت الاتنين واستخرت وقررت البرسونا
وهى معايا بقالها شهر ونص وجوز اخت مراتى معاه الصنى الجديدة وركبتها
واحب اقوللك
لو ادونى 100 الف جنيه وادونى الصنى ببلاش كمان...عشان اسيب البرسونا
مستحييييييييييييييييييييييل

ورأيى ان الصنى احسن من البرسونا فى الوسع وبس
وكل الباقى البرسونا تكسب

[د.هشام]

بصراحة اللي محتار بين البيرسونا والصني الجديدة, انا أحترم طريقة تفكيره علشان المفاضلة بين العربيتين محير فعلا وكل عربية ليها نقاط قوة تمتاز بيها عن الاخرى, انا بقول كدة من منطلق اني عندي الواجا والصني, الموضوع مش مستاهل تعصب, ويا ريت اللي يحكم على عربية يكون ساقها, حتى ولو 5 دقائق بس.

[K3A]

الاثنين كويسين ... باختصار عليك بالاتي:
1- اعمل تست درايف للاثنين
2- استخارة و الله الموفق

تحياتي