برسونا ولا جين 2؟

[Motarjim]

انا كنت فى حيرة زيك كده وتقريبا ليا نفس المتطلبات ما عدا الجزء بتاع السفر كتير
انا اخترت البيرسونا لانها اوسع من الداخل اكتر من الجين 2 بالاضافة لكل المميزات الاخرى اللى الاخوة ذكروها
(مرايات افضل - مثبت سرعة- انوار التابلوه و العدادات والشكل عموما) (اعتقد ان الفوانيس الجديدة احلى على بيرسونا من جين 2)

و سؤال صغير انت حجزت ولا لسة؟

تمام جزاك الله خيرًا أخي الفاضل...

أنا كنت أمبارح في التوكيل، ولكني لم أحجز بعد.

مسؤول المبيعات الأستاذ محسن قالي احجز لو ناوي؛ عشان احتمال سعرها يزيد تاني.

هاروح إن شاء الله بعد أسبوع أو عشرة أيام اعمل اختبار قيادة لما العربيات تيجي زي ما هو قالي، وأحجز بإذن الله، بعدما أكون استخرت واستشرت، والله الموفِّق والمستعان.

[rahieb_100]

بالتوفيق ان شاء الله
مش عارف ايه موضوع التأخير اللى هما فيه ده
وزيادة ايه تانى؟؟!
لو زادت اكتر من كده يبقى فى اختيارات تانية

[smsmsaad]

كل الكلام اللى بتقوله الرجالة الحلوة صح وبيصب فى صالح ال بيرسونا
بس انا اتفرجت على الاثنين وعلى الرغم انى عندى طفلين.اخترت ال جين وحجزتها
وانا شايف ان مسألة الوسع مفيهاش فرق كبير اوى
وطبعا اللى يح

[smsmsaad]

وطبعا اللى يحسملك الأمر ... الإستخارة

وربنا يكرمك فيها

[rahieb_100]

كل الكلام اللى بتقوله الرجالة الحلوة صح وبيصب فى صالح ال بيرسونا
بس انا اتفرجت على الاثنين وعلى الرغم انى عندى طفلين.اخترت ال جين وحجزتها
وانا شايف ان مسألة الوسع مفيهاش فرق كبير اوى
وطبعا اللى يح

طيب حجزت من امتى والمفروض تستلم امتى؟!

[abolo2]

طيب حجزت من امتى والمفروض تستلم امتى؟!

متابع معاك ومستني اعرف حجزت علي كام .
الحجز والسعر الأجمالي

[Motarjim]

أتوجه بالشكر إلى كل من شارك وأبدى رأيه وأدلى بدلوه في هذا الموضوع.
ولكن لي سؤال، وخصوصًا لملاك برسونا، هل يوجد بالبرسونا عمود اتزان Strut bar، كالموجود بجين تو الذي يصل بين البطاحتين فوق الموتور؟

[rahieb_100]

اللى انا شوفتها وجربتها فى عز العرب كان موجود

[Motarjim]

اللى انا شوفتها وجربتها فى عز العرب كان موجود

تمام يا ريس...للأسف يوم كنت هناك، لم تكن برسونا موجودة...واتفرجت على الجين تو فقط.

[D . a .\ AYMAN]

موجود ياباشا

[Motarjim]

موجود ياباشا

تمام يا ريس...

بس في حاجة لاحظتها في برسونا، وجين تو، إن الأبواب تقيلة في القفل؛ يعني لازم تتعافي قليلاً أو ترزع الباب برفق عشان يقفل. ثانيًا الأوكر الداخلية "بتعتِّل" أو "بتعض" عن فتح الأبواب، وخصوصًا الخلفية.

الراجل قالي: إنه الموضوع مرده إلى أن العربية لسه جديدة، ومع الوقت الأبواب هتطبّع، وتبقى سهلة الفتح والقفل.

فهل ده صحيح؟

[a7mad_mo7amad6]

الاكر االخلفيه عندي في البيرسوونا بردوا بتعلق وعصام وصفا قالولي لازم تغير مكنه الباب فصباح الهطل بتاعهم

عموما باختصار العربيه ده عربيه نضيفه من ناحيه الماتور والفتيس والشاصي وبدي وعربيه شغل وانا كنت متردد قبل مشتريها لكن فعلا بعد مجبتها حمدت ربنا انه وفقني في الاختيار

وانا كنت محتار نفس حيرتك بين الجين 2 والبيرسونا بس البيرسونا كسبت بالشنطه العملاقه

[D . a .\ AYMAN]

تمام يا ريس...

بس في حاجة لاحظتها في برسونا، وجين تو، إن الأبواب تقيلة في القفل؛ يعني لازم تتعافي قليلاً أو ترزع الباب برفق عشان يقفل. ثانيًا الأوكر الداخلية "بتعتِّل" أو "بتعض" عن فتح الأبواب، وخصوصًا الخلفية.

الراجل قالي: إنه الموضوع مرده إلى أن العربية لسه جديدة، ومع الوقت الأبواب هتطبّع، وتبقى سهلة الفتح والقفل.

فهل ده صحيح؟

الحمد لله أنا ماعنديش مشاكل في الأبواب أو الأوكر ... يمكن الباب اللى ورا السواق بس شوية تقيل في القفل لما بيقفل من بره .. بس جوة نطاق المعتاد أعتقد

[Motarjim]

منذ فترة من الزمن، طالعت موضوع عبر القسم هنا على ما اتذكر، وكان أحد ملاك جين تو يشكو من صِغر المرايات الجانبية لها، ويسأل عن مدى إمكانية استبدالها بمرايات برسونا الجديدة ذات الإشارات الضوئية، والأوسع نطاقًا.

فالسؤال الآن موجّه للسادة ملاك جين تو، إيه أخبار الرؤية في المرايا الجانبية؟ هل مغطية الرؤية في الجانبين على نحو كويس، ولا محتاجة تكبر شوية؟

[Motarjim]

منذ فترة من الزمن، طالعت موضوع عبر القسم هنا على ما اتذكر، وكان أحد ملاك جين تو يشكو من صِغر المرايات الجانبية لها، ويسأل عن مدى إمكانية استبدالها بمرايات برسونا الجديدة ذات الإشارات الضوئية، والأوسع نطاقًا.

فالسؤال الآن موجّه للسادة ملاك جين تو، إيه أخبار الرؤية في المرايا الجانبية؟ هل مغطية الرؤية في الجانبين على نحو كويس، ولا محتاجة تكبر شوية؟

فين أخوانا ملاك جين تو؟ يا ريت أخوانا يفيدونا في الاستفسار السابق.